Mạk 13
13
ẠJizos ạkaaph ịlo olereghi Otu Ịiḅereghi phọ
(Matiu 24.1-2; Luk 21.5-6)
1Kụ ạJizos rọḍua pạ Otu Ịiḅereghi phọ romite, bịn oniin ạmatuan ọdi ạmagh nyọdi ạḅeni mọ, “Ọtughemia, pọ eeghe ọdo asighiigh dị ọloghoḍiom ịma aruutu phọ ịphen!”
2Kụ ạJizos ạḅeni nyọdi mọ, “Nạ rạmiin ni ịdeghedeghe phọ aruutu phọ ịphen. Rꞌaḍiniin aḍighiigh ạnyu ạḍinon kọ́bile dị kőlhereghi.”
Ịiḅaghami rꞌịgbiphoghom
(Matiu 24.3-14; Luk 21.7-19)
3Kụ ạJizos ạrol li ude, sịphe Eegum Ọlivs, asoman Otu Ịiḅereghi phọ, kụ mem dị ọdi bịn odi, aPita rꞌaJems rꞌạJon rꞌẠndru uru ni opuru nyọdi mọ, 4“Ụḅeni iyoor. Pụr amem kụ ẹdi ịphen phọ kemite bọ? Eeghe kụ keḍighi eḍeenaan amem dị oomo phọ ịphen kemiteghu bọ?”
5Kụ ạJizos amiigh ọtughemi ạbidi mọ, “Igona loor anyina, ọbo oye kiikeleghi ghan bọ inyina. 6Ịbadi kotu ni kụ okophora ḍien phọ ạmi kụ ọḅem ghan mọ ạbuno kụ aKraist phọ kụ ookeleghi ḍita. 7Mem lọ nyina ẹnaghan oghur ạraagham lọ mẹebeeph rꞌọghaaph ạraagham lọ edi egher, kékiilaan. Ạraraar phọ ịphen kemiteghu ni, kụ eekuna phọ kẹ̋teeny. 8Eelhe kotuphiom ni eelhe ẹgham, ẹmha otuphiom ẹmha, kụ ade phọ kepiigha ni ịminighan arikpisi. Ịgbakuro kẹtol li. Ạraraar phọ ịphen phọ kụ emiighom ịminimiin.
9 #
Mat 10.17-20; Luk 12.11, 12 “Igona loor. Kirorori ni inyina osoorom erugh kꞌikumoor awe phọ, kụ ịgurogh inyina rubughotu. Ạbudaam eelhe rꞌaruwo ẹmha kịmagh ni inyina ọgba ạsiagba loor ẹmhu phọ ạmi, kụ nyina ẹḅeni bịdi ooḅi ọghaaph phọ. 10Tụtu rẹteeny eekuna phọ, kọpur ọkaaph ooḅi ọghaaph oleenye oomo areelhe. 11Kụ mem lọ isiphi inyina osoorom erugh, kékaphian ghan oomiigh ịlo nyina kẹgba, kụ mem ạsiagba ịlo eḍigh ologhi anyina bịn ịgba ni, esi dị nyina kụ rẹ́gba, Uwaloor Iigbia phọ kụ rịgbaanaan inyina. 12Kụ umor katorori ni umor ạlogh esi aḍuugh, ọde kạtuugh ni ịdipho aḍighi aani mọony ọdi, ạnmuny kọmoogh ni oḅom ẹmhu ọḅogh bụphe ọmar bọ bịdi ọlogh esi aḍuugh. 13#Mat 10.22Oomo awe kịlogh ni inyina ḍien loor ẹmhu phọ ạmi, kụ oye lọ ạkparam asi eekuna phọ kạmoogh ni pẹleeny.”
Ịlo ạḅaphanya amuphe
(Matiu 24.15-28; Luk 21.20-24)
14 #
Dạn 9.27; 11.31; 12.11 “Kụ mem dị nyina ẹmiin ḅạphanya amuphe dị odi sịphe ạdol phọ ítu bọ ḍịphe ọdi (ọlo rạbal ạmaar ạnaghan!), kụ bụlo odi Judia oghiil ogheel ẹpe ạraaḅaraph phọ! 15#Luk 17.31Kụ oye lọ odi ạnyu otu kúsoor ookoroghian ạraraar! 16Kụ oye lọ odi ozo kúḅula ologhi otu ọsighe oonmenemineen ọdi! 17Kụ ịminimiin kẹtolonaan ni nmạriir lọ odi rꞌịyal amem aloor, rꞌạbulo ọpham nmụny dị kőghin mạmaam riiḍio phọ ịpe. 18Ịiḅereghi ghan mọ kíḍighi mem ẹephoom, 19#Dạn 12.1; Ogon 7.14ịdi eḍighi bọ ịminimiin ariiḍio phọ ịpe kẹloghori ni epu ịdi memite ghan, emiigh kꞌẹḅel egbiom mọ Ẹnaan ẹlhem bọ aḅirini phọ, kụ ẹteeny nyịidipho. Kụ ịnon ịdi epu ịphen phọ kẹn kémite mun. 20Mọ Ọmoogh-we phọ kụ ómeera bọ osoph ariiḍio ịminimiin phọ okpere, ọbo rꞌoniin oye músugha. Kụ loor ẹmhu ạbuphe ọdi mạsaḅar bọ ọdi kasoph ni riiḍio phọ akpere.
21“Kụ mọ oye ịḅeni inyina mọ ipogh ẹphen, mọ aKraist phọ odi sịen mꞌẹpe, kémeeraam. 22Ariil ọkpe rꞌạbudi kokola ḍien aKraist komite ni oḍighi yogh reḍeenaan rꞌịiḍaany, lọ ẹghigh, ịlo ookeleghiom ạbuphe Ẹnaan mẹsaḅar bọ. 23Kụ igona loor. Mị mịphur ri inyina rụru ịlo oomo ịphen phọ.”
Erumom Ọony phọ Oye
(Matiu 24.29-31; Luk 21.25-28)
24 #
Azay 13.10; Joel 2.10, 31; 3.15; Ogon 6.12;
Azay 13.10; Izik 32.7 “Kụ riiḍio phọ ịpe, mem dị ịminimiin phọ meten, ootaany katen ni ufiri, ụnwanyu phọ kạ́mu mun. 25#Azay 34.4; Ogon 6.13; Joel 2.10Ạraanaan phọ kẹḍuaghu ni kꞌạke ẹkaraghu, kụ ịikpo ịpe edi bọ kꞌạke kepiigha ni. 26#Dạn 7.13; Ogon 1.7Kụ ọmiin dị Ọony phọ Oye ạḍua ẹpe okuaḍio phọ kụ ratu rꞌiboom ịikpo rꞌigbogh phọ ọdi. 27Kụ ọdi atom rụukpaany phọ ọdi ọghi inya ạsiagaany aḅirini phọ, emiigh sịen ade phọ esiemi kꞌạke, ookpomoghi ạbuphe Ẹnaan mẹsaḅar bọ.”
Ịsighe oreeny dị oghol mọ ạfig ẹtuughaam olegheri ịyaar
(Matiu 24.32-35; Luk 21.29-33)
28“Ịsighe oreeny dị oghol mọ ạfig ẹtuughaam olegheri ịyaar. Mem lọ oreeny ratigheel ọnam, nyina elegheri ni mọ osoor mạteeny. 29Ịduon phọ kẹn, mem dị nyina ẹmiin dị oomo phọ ịphen remiteghu, nyina kelegheri ni mọ Ọony phọ Oye masi sịen ẹda ạḍighaagh. 30Mị ạkar rịḅeni ghan inyina mọ oghiil phọ ọphon káten kụ oomo phọ ịphen phọ emiteghu. 31Ạke phọ rꞌade phọ kepe ni, ikpo ọnhu phọ ạmi képe aani.”
Oye ólhegheri ḍio phọ
(Matiu 24.36-44)
32 #
Mat 24.36
“Kụ ịlo aḍio phọ ạḍiphe rꞌamem mọ ạmuphe, ọnon oye ólhegheri emuton Ọde phọ bịn. Ạruukpaany phọ odi bọ kꞌạke, rꞌỌony phọ, úlegheri. 33Kébulama loor, igon ghan ịdi eḍighi bọ nyina ílegheri mem ịphen phọ. 34#Luk 12.36-38Ẹkigh ịdipho olephiri uwotu lọ ạwile we phọ ọdi kụ ạghi erelhe, kụ ạngo rẹbene phọ ọdi, uwo oḍighi rꞌoḍighi, kụ ạḅeni nyọpo rapogh bọ otu phọ mọ ạmaar akori. 35Igona ni loor, ịdi eḍighi bọ nyina ílegheri mem mọ uwotu phọ katigheel bọ, mꞌadulhe, mꞌogbo aḍughul, mꞌịḅel ạsikenegh, mꞌạḍiroor, 36ọbo arigheel ekperenom kạmiin ghan bọ dị nyina rẹnaani yogh. 37Ịphen mị rịḅeni bọ inyina, mị rạḅeni aani ni oomo awe phọ mọ ogona ni loor.”
Currently Selected:
Mạk 13: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Mạk 13
13
ẠJizos ạkaaph ịlo olereghi Otu Ịiḅereghi phọ
(Matiu 24.1-2; Luk 21.5-6)
1Kụ ạJizos rọḍua pạ Otu Ịiḅereghi phọ romite, bịn oniin ạmatuan ọdi ạmagh nyọdi ạḅeni mọ, “Ọtughemia, pọ eeghe ọdo asighiigh dị ọloghoḍiom ịma aruutu phọ ịphen!”
2Kụ ạJizos ạḅeni nyọdi mọ, “Nạ rạmiin ni ịdeghedeghe phọ aruutu phọ ịphen. Rꞌaḍiniin aḍighiigh ạnyu ạḍinon kọ́bile dị kőlhereghi.”
Ịiḅaghami rꞌịgbiphoghom
(Matiu 24.3-14; Luk 21.7-19)
3Kụ ạJizos ạrol li ude, sịphe Eegum Ọlivs, asoman Otu Ịiḅereghi phọ, kụ mem dị ọdi bịn odi, aPita rꞌaJems rꞌạJon rꞌẠndru uru ni opuru nyọdi mọ, 4“Ụḅeni iyoor. Pụr amem kụ ẹdi ịphen phọ kemite bọ? Eeghe kụ keḍighi eḍeenaan amem dị oomo phọ ịphen kemiteghu bọ?”
5Kụ ạJizos amiigh ọtughemi ạbidi mọ, “Igona loor anyina, ọbo oye kiikeleghi ghan bọ inyina. 6Ịbadi kotu ni kụ okophora ḍien phọ ạmi kụ ọḅem ghan mọ ạbuno kụ aKraist phọ kụ ookeleghi ḍita. 7Mem lọ nyina ẹnaghan oghur ạraagham lọ mẹebeeph rꞌọghaaph ạraagham lọ edi egher, kékiilaan. Ạraraar phọ ịphen kemiteghu ni, kụ eekuna phọ kẹ̋teeny. 8Eelhe kotuphiom ni eelhe ẹgham, ẹmha otuphiom ẹmha, kụ ade phọ kepiigha ni ịminighan arikpisi. Ịgbakuro kẹtol li. Ạraraar phọ ịphen phọ kụ emiighom ịminimiin.
9 #
Mat 10.17-20; Luk 12.11, 12 “Igona loor. Kirorori ni inyina osoorom erugh kꞌikumoor awe phọ, kụ ịgurogh inyina rubughotu. Ạbudaam eelhe rꞌaruwo ẹmha kịmagh ni inyina ọgba ạsiagba loor ẹmhu phọ ạmi, kụ nyina ẹḅeni bịdi ooḅi ọghaaph phọ. 10Tụtu rẹteeny eekuna phọ, kọpur ọkaaph ooḅi ọghaaph oleenye oomo areelhe. 11Kụ mem lọ isiphi inyina osoorom erugh, kékaphian ghan oomiigh ịlo nyina kẹgba, kụ mem ạsiagba ịlo eḍigh ologhi anyina bịn ịgba ni, esi dị nyina kụ rẹ́gba, Uwaloor Iigbia phọ kụ rịgbaanaan inyina. 12Kụ umor katorori ni umor ạlogh esi aḍuugh, ọde kạtuugh ni ịdipho aḍighi aani mọony ọdi, ạnmuny kọmoogh ni oḅom ẹmhu ọḅogh bụphe ọmar bọ bịdi ọlogh esi aḍuugh. 13#Mat 10.22Oomo awe kịlogh ni inyina ḍien loor ẹmhu phọ ạmi, kụ oye lọ ạkparam asi eekuna phọ kạmoogh ni pẹleeny.”
Ịlo ạḅaphanya amuphe
(Matiu 24.15-28; Luk 21.20-24)
14 #
Dạn 9.27; 11.31; 12.11 “Kụ mem dị nyina ẹmiin ḅạphanya amuphe dị odi sịphe ạdol phọ ítu bọ ḍịphe ọdi (ọlo rạbal ạmaar ạnaghan!), kụ bụlo odi Judia oghiil ogheel ẹpe ạraaḅaraph phọ! 15#Luk 17.31Kụ oye lọ odi ạnyu otu kúsoor ookoroghian ạraraar! 16Kụ oye lọ odi ozo kúḅula ologhi otu ọsighe oonmenemineen ọdi! 17Kụ ịminimiin kẹtolonaan ni nmạriir lọ odi rꞌịyal amem aloor, rꞌạbulo ọpham nmụny dị kőghin mạmaam riiḍio phọ ịpe. 18Ịiḅereghi ghan mọ kíḍighi mem ẹephoom, 19#Dạn 12.1; Ogon 7.14ịdi eḍighi bọ ịminimiin ariiḍio phọ ịpe kẹloghori ni epu ịdi memite ghan, emiigh kꞌẹḅel egbiom mọ Ẹnaan ẹlhem bọ aḅirini phọ, kụ ẹteeny nyịidipho. Kụ ịnon ịdi epu ịphen phọ kẹn kémite mun. 20Mọ Ọmoogh-we phọ kụ ómeera bọ osoph ariiḍio ịminimiin phọ okpere, ọbo rꞌoniin oye músugha. Kụ loor ẹmhu ạbuphe ọdi mạsaḅar bọ ọdi kasoph ni riiḍio phọ akpere.
21“Kụ mọ oye ịḅeni inyina mọ ipogh ẹphen, mọ aKraist phọ odi sịen mꞌẹpe, kémeeraam. 22Ariil ọkpe rꞌạbudi kokola ḍien aKraist komite ni oḍighi yogh reḍeenaan rꞌịiḍaany, lọ ẹghigh, ịlo ookeleghiom ạbuphe Ẹnaan mẹsaḅar bọ. 23Kụ igona loor. Mị mịphur ri inyina rụru ịlo oomo ịphen phọ.”
Erumom Ọony phọ Oye
(Matiu 24.29-31; Luk 21.25-28)
24 #
Azay 13.10; Joel 2.10, 31; 3.15; Ogon 6.12;
Azay 13.10; Izik 32.7 “Kụ riiḍio phọ ịpe, mem dị ịminimiin phọ meten, ootaany katen ni ufiri, ụnwanyu phọ kạ́mu mun. 25#Azay 34.4; Ogon 6.13; Joel 2.10Ạraanaan phọ kẹḍuaghu ni kꞌạke ẹkaraghu, kụ ịikpo ịpe edi bọ kꞌạke kepiigha ni. 26#Dạn 7.13; Ogon 1.7Kụ ọmiin dị Ọony phọ Oye ạḍua ẹpe okuaḍio phọ kụ ratu rꞌiboom ịikpo rꞌigbogh phọ ọdi. 27Kụ ọdi atom rụukpaany phọ ọdi ọghi inya ạsiagaany aḅirini phọ, emiigh sịen ade phọ esiemi kꞌạke, ookpomoghi ạbuphe Ẹnaan mẹsaḅar bọ.”
Ịsighe oreeny dị oghol mọ ạfig ẹtuughaam olegheri ịyaar
(Matiu 24.32-35; Luk 21.29-33)
28“Ịsighe oreeny dị oghol mọ ạfig ẹtuughaam olegheri ịyaar. Mem lọ oreeny ratigheel ọnam, nyina elegheri ni mọ osoor mạteeny. 29Ịduon phọ kẹn, mem dị nyina ẹmiin dị oomo phọ ịphen remiteghu, nyina kelegheri ni mọ Ọony phọ Oye masi sịen ẹda ạḍighaagh. 30Mị ạkar rịḅeni ghan inyina mọ oghiil phọ ọphon káten kụ oomo phọ ịphen phọ emiteghu. 31Ạke phọ rꞌade phọ kepe ni, ikpo ọnhu phọ ạmi képe aani.”
Oye ólhegheri ḍio phọ
(Matiu 24.36-44)
32 #
Mat 24.36
“Kụ ịlo aḍio phọ ạḍiphe rꞌamem mọ ạmuphe, ọnon oye ólhegheri emuton Ọde phọ bịn. Ạruukpaany phọ odi bọ kꞌạke, rꞌỌony phọ, úlegheri. 33Kébulama loor, igon ghan ịdi eḍighi bọ nyina ílegheri mem ịphen phọ. 34#Luk 12.36-38Ẹkigh ịdipho olephiri uwotu lọ ạwile we phọ ọdi kụ ạghi erelhe, kụ ạngo rẹbene phọ ọdi, uwo oḍighi rꞌoḍighi, kụ ạḅeni nyọpo rapogh bọ otu phọ mọ ạmaar akori. 35Igona ni loor, ịdi eḍighi bọ nyina ílegheri mem mọ uwotu phọ katigheel bọ, mꞌadulhe, mꞌogbo aḍughul, mꞌịḅel ạsikenegh, mꞌạḍiroor, 36ọbo arigheel ekperenom kạmiin ghan bọ dị nyina rẹnaani yogh. 37Ịphen mị rịḅeni bọ inyina, mị rạḅeni aani ni oomo awe phọ mọ ogona ni loor.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS