Mạk 14
14
Omitenom Jịzos ẹkaraph ezue
(Matiu 26.1-5; Luk 22.1-2; Jọn 11.45-53)
1 #
Ẹḍua 12.1-27
Ịyal aḍughul-otu kụ isugha ọbo mẹteeny ẹyaal ọphel otene phọ, nyẹpe roliom ghan bọ ạbred phọ ọpo yist rọ́logh ghan bọ, kụ ạbuo ạrumhu ariil ạrikia phọ rꞌạbutughemia iilogh phọ ụḅoph ni ọnhu oosophoghian ịlo osiph ạJizos esi ịbooghian oghiigh. 2Bịdi ụḅem mọ kíḍighi mem ẹyaal phọ ọbo awe phọ kotuphe ghan bọ.
Ạnir asugh elo Jịzos ẹpe Betani
(Matiu 26.6-13; Jọn 12.1-8)
3 #
Luk 7.37, 38 Kụ ạJizos ạrol Betani kꞌaSaimon, ọpo ẹzegh ọku ufe phọ eḍighi ghan bọ. Kụ mem dị ọdi rale eḍien, oniin ạnir aru ni rꞌeeko elo eeḅi eḍu, dị ẹman iboom ikpoki, kụ aḅom eeko phọ kụ asugh nyọdi elo phọ. 4Kụ buniin ạbudi ọrol aani bọ ụghagh ni iloghi, kụ oniin apuru nyoniin mọ, “Amuphe phọ ạmuen phọ aḍighom ḍighen? 5Nyẹen mubool bọ ni ikpoki dị mipel ịraar okuron ipoḍi asilva, ọsighe oḍighinom iiḅi rukulom,” kụ bịdi ọgumom ạnir phọ.
6Kụ ạJizos ạḅeni bịdi mọ, “Ịkporion ạnir phọ ọphon rạghaagh! Nyina ighol eeghe kụ rẹeḅaghami bọ nyọdi? Ọdi uḍighinaan ni ịmi ogey oḍighi. 7#Dut 15.11Nyina rꞌarukulom mọ edianaan ghan ni oomo amem, kụ mem lọ ologhi anyina aḍigh, nyina ketue ni eḍighi bịdi iiḅi, kụ mị rꞌanyina kẹ́tolan oomo amem. 8Ạnir phọ maḍighi ịpe ọdi arue bọ. Ọdi uḅom ịmi eeko phọ ookolobian okoriom amaḍi phọ ạmi. 9Mị ạkar rịḅeni ghan inyina mọ tọrobo esi sịen aḅirini phọ, dị rọkaaph ooḅi ọghaaph phọ, kọkaaphom ghan ni ịphen phọ ọotughianam ạnir phọ ọphon.”
AJudas ameeraam aal ạJizos
(Matiu 26.14-16; Luk 22.3-6)
10Ịphen phọ reten kụ aJudas Ịskariot, oniin sịphe aḍioph rꞌịyal ạbumatuan phọ, ạḍua ni ạghi esi ạbuo ạrumhu ariil ạrikia phọ ịlo aal ạJizos bịdi. 11Iloghi ạbidi ịḅaal li mem mọ bịdi ọnaghan bọ ịphen phọ, kụ omerenyan ọngo ọdi ikpoki, kụ ọdi aagonoghian ghan eepoogh aal ạJizos.
ẠJizos rꞌạbumatuan phọ ọdi olian ẹyaal ọphel otene phọ
(Matiu 26.17-25; Luk 22.7-14, 21-23; Jọn 13.21-30)
12Ẹḅel aḍio ẹyaal phọ roliom ghan bọ ạbred phọ ọpo yist rọ́logh ghan bọ, mem mọ rọpighironaan ghan bọ ẹkia ọphel otene phọ, ạbumatuan phọ ạJizos upuru ni nyọdi mọ, “Nạ rạwa mọ yoor oseleminaan nyịna ḍighen esi dị kọtol olhe eḍien ẹyaal phọ?”
13Kụ ọdi arom ịyal ạbuno mọ, “Ịki ẹpe ẹmha phọ. Nyina kẹmiin ni oye dị arool oko ạmuum, ịdaph nyọdi. 14Kụ esi lọ ọdi aḍigh, ipuru uwotu phọ mọ, ‘Ọtughemia phọ ạḅem mọ ọghen kụ osoph phọ ọno, ọpo ọno rꞌạbumatuan phọ ọno kọtol bọ kụ olhe eḍien ẹyaal ọphel otene phọ,’ 15kụ ọdi kiḍeenaan ni inyina oboom osoph-ạnyu, sịphe otu ẹedaneen phọ, dị moselemi ni. Ịsiphe kụ ẹdi nyina keekolobian bọ ịlo amalhe phọ ayira.”
16Kụ ạbumatuan phọ ạbuen onyeene ọghi ẹpe ẹmha phọ, kụ ọmiin ịdipho ạJizos ạḅeni bọ bịdi, kụ ookolobian ịlo ẹyaal phọ.
17Mekpereghian, kụ ạJizos ạpham ḍioph rꞌịyal ạbumatuan phọ arumom. 18#Ạsuo 41.9Kụ bịdi omiigh role eḍien phọ, kụ ạJizos ạḅem mọ, “Mị ạkar rịḅeni ghan inyina mọ oniin ọnyo anyina kaal li ịmi, ọdi rꞌạmi rolian ni.”
19Ịphen phọ iḍighi ni dị bịdi omeelom ọto, kụ oye atum oye apuru ghan nyọdi mọ, “Mịna ḍụghum?”
20Kụ ọdi mọ, “Oniin sịen aḍioph rꞌịyal phọ anyina ni. Ọphon rꞌạmi rotiom bọ ni eniin esi phọ. 21Ọony phọ Oye kamugh ni, ịdipho ọge bọ ịlo ọdi pạ Ạḍinya Iigbia phọ, kụ ịminimiin kẹtolonaan ni oye phọ ọpo kabool bọ nyọdi. Ịnighe ghụn dị ọbo oye phọ ọpo phọ mụ́mar.”
Eḍien adulhe Ọmoogh-we phọ
(Matiu 26.26-30; Luk 22.14-20; 1 Bụo ạKorint 11.23-25)
22Ịdipho bịdi rolhe bọ, kụ ọdi ạsighe ạbred, kụ rọngo ḍịseph Ẹnaan, kụ ạparion, kụ ạngo bịdi mọ, “Itiin. Ọphon kụ aḍizu phọ ạmi.”
23Kụ ạsighe ọphaal amiim kụ rọngo ḍịseph Ẹnaan, kụ ạngo bịdi, kụ oomo phọ ạbidi ootiyan. 24#Ẹḍua 24.8; Jer 31.31-34Kụ ọdi ạḅeni bịdi mọ, “Mụen kụ ịḅaal phọ ạmi ozuanaan bọ ḍita awe ịlo oghiran ịyo rꞌẸnaan. 25Mị ạkar rịḅeni ghan inyina mọ mị kạ́ḅile mun ạpughol miim mọ ạmuen, tụtu ẹteeny ḍio phọ ạḍiphe mị kạpughol bọ emoom ẹphugholom mọ, ẹpe ọmar phọ kꞌẸnaan.”
26Kụ bịdi rọmoor ḍụor kụ ọḍua ọghi ẹpe Eegum Ọlivs.
ẠJizos ạḅem mọ aPita kạparanaan ni nyịno
(Matiu 26.31-35; Luk 22.31-34; Jọn 13.36-38)
27 #
Zẹk 13.7
Kụ ạJizos ạḅeni bịdi mọ, “Oomo phọ anyina kẹkanyanu ni esi omeeraam mọ anyina, ịdi eḍighi bọ ọge ni pạ ạḍinya iigbia phọ mọ, ‘Mị Ẹnaan kakiigh opoghom iyool-ịga phọ, kụ ịga phọ ẹwalala.’ 28#Mat 28.16Mị roḅetenu esi aḍuugh phọ kụ mị aḍiemi ghan ẹpe Galili ikori inyina.”
29Kụ aPita mọ, “Eru dị oomo ạbueri phọ ọghanyanu, mị rꞌaloor kạ́kaaru aani.”
30Kụ ạJizos ạḅeni nyọdi mọ, “Mị ạkar rạḅeni nyịna mọ ḍughul phọ arodon, tụtu ạkenegh rạlaay ịyal amem, nạ mụpharanaan ịmi ịraar amem.”
31Kụ aPita ạḅile ạḅem ạkparami mọ, “Ghạlamo iḍighi ni dị mị rꞌạna komugh, mị nyịna kạ́pharanaan ni bịn emuneen,” kụ oomo phọ ạbidi ọtuugh ịduon phọ ọḅem aani.
ẠJizos ạtol esi dị oghol mọ aGetsemani ạaḅereghi Ẹnaan
(Matiu 26.36-46; Luk 22.39-46)
32Kụ bịdi ụghi ni osi esi dị oghol mọ aGetsemani, kụ ạJizos ạḅeni bụmatuan phọ ọdi mọ, “Ịtologhu sịen. Mị kạaḅereghi.” 33Kụ ọdi ạpham Pita rꞌaJems rꞌạJon ạghimom ghisigh, kụ akururu iboom, kụ ologhi ọdi ạwalawala. 34Kụ ọdi ạḅeni bịdi mọ, “Ọto dị mị ạmoogh upel li ịmi loor, mụdi kughiigh ni ịmi. Ịtol sịen egon ghan!”
35Kụ ọdi arelhe ạghi ghisigh ẹphurukpu, kụ aḅololo kụ ạaḅereghi mọ, ịghigh ni, ọbo mịkpe ni dị ịminimiin amem mọ ạmuen phọ mitenom nyịno. 36Ọdi mọ, “Ạba, Ọde ạmi, oomo ạraraar edughanaan ni nyịna. Ụaar ịmi ẹgo ịminimiin phọ ẹphen, kụ ọlo káḍighi ịpe ịḅeeraan bọ ịmi, ḍighi ghụn ni ịpe ẹḅeeraan bọ nyịna.”
37Kụ ọdi aḅula kụ ạmiin dị bịdi rọnaani yogh, kụ apuru Pita mọ, “Saimon, nạ rạnaani? Nạ órue ọkparam ogon rꞌọony amem? 38Igon ni ẹeḅereghi ghan, mọ nyina kémeel eḍighanaan ọdegh ophogh. Edi ni iloghi anyina, kụ asiloor phọ kụ idugh.”
39Kụ ọdi ạḅile kẹn ạghi kụ ạaḅereghi iniin phọ. 40Kụ ạḅile aḅula kụ ạmiin dị bịdi rọnaani yogh, loor esi dị ạralha maḅogh riḍien ạbidi, kụ bịdi úlegheri ịlo ọḅeni ọdi.
41Kụ ọdi ạḅile aru mem dị emuneniom ịraar, kụ ạḅeni bịdi mọ, “Nyina edi ḍịen nịiniin rẹnaani yogh kephooghian? Mẹkasian. Amem mọ mẹteeny. Maala Mọony phọ Oye bụkaraph awe. 42Iḅerenu ọghi ghisigh! Ipogh aani, ọpo uaal bọ ịmi mạkpulan.”
Ịdi osiph Jịzos
(Matiu 26.47-56; Luk 22.47-53; Jọn 18.3-12)
43Kụ ọdi odi rạkaaph ghan ịduon phọ, bịn aJudas oniin sịphe aḍioph rꞌịyal phọ amite rꞌaḍita awe, dị ọnyaaghian rolhool ẹgham rꞌạraḅam, dị ạbuo ạrumhu ariil ạrikia phọ rꞌạbutughemia iilogh phọ rꞌikumoor awe phọ kụ ọlogh. 44Ọpo kabool bọ nyọdi rꞌạbidi mọḅophoghi ni ọnhu ọdo ịdi ọdi kaḍighi bọ, mọ, “Ọpo mị kạkpun bọ okpo phọ kụ oye phọ. Imeleghuom nyọdi esiph ẹḍuanam!”
45Kụ aJudas ạphurom owol kụ ạghi ạteeny nyọdi, kụ ạmagh mọ, “Ọtughemia,” kụ ạkpun okpo phọ. 46Kụ bịdi omeleghuom nyọdi osiph. 47Kụ oniin ọdi ạrol aani sịphe phọ aruph elhool ẹgham ọdi asophom aḅeri ẹbene uwo ẹmhu oyil ạrikia phọ. 48Kụ ạJizos apuru bịdi mọ, “Nyina ẹsighenom mọ mị ọḅa ḍụghum, kụ ẹpham bọ rolhool ẹgham rꞌạraḅam kụ erumom bọ osiph ạmi? 49#Luk 19.47; 21.37Aḍio etum ḍio mị rꞌanyina kụ ịrolan ghan ni sịphe Otu Ịiḅereghi phọ kụ mị ạtughemi ghan kụ nyina ịmi ísiph. Kụ ịphen phọ memite omuneniom ịpe ọge bọ sịphe Ạḍinya Iigbia phọ.”
50Kụ oomo ạbumatuan phọ ọwile nyọdi osumughu.
51Kụ oniin onyugheel ọony dị ạgbagha ọmur bịn, ạdaph aani ni nyọdi, kụ bịdi omeleghuom kẹn. 52Kụ ọdi ạnyagharanaan ọmur phọ ạwilenaan bịdi kụ asuma rꞌẹdaḅa.
Ọmeremi Jịzos ghisigh ookpomoghan ikpolom awe phọ
(Matiu 26.57-68; Luk 22.54-55, 63-71; Jọn 18.13-14, 19-24)
53Kụ bịdi ụpham ni Jịzos osiom kꞌuwo ẹmhu oyil ạrikia phọ, kụ oomo phọ ạbuo ạrumhu ariil ạrikia phọ rꞌikumoor awe phọ rꞌạbutughemia iilogh phọ ookpomoghan. 54Kụ aPita ạdaph aani ni bịdi, ạrol kꞌẹgboogh ọman asi aani ogiga uwo ẹmhu oyil ạrikia phọ kụ ạrol aani ni, sịphe abukoriom ogiga phọ ọrol bọ, ạanma ghan nịan. 55Kụ ạbuo ạrumhu ariil ạrikia phọ rꞌoomo ikpolom awe phọ ọwaragha ghan sịagba osiphom ạJizos ọlogh esi aḍuugh, kụ ụ́miin. 56Ịbadi ụgbaaghi ghan ni ọkpe ọḅam ẹmhu ọdi, kụ ạsiagba phọ ạbidi ị́ḅophan.
57Kụ buniin uḅetenu ni kụ ọgba ọkpe phọ ọphon ọḅam ẹmhu ọdi mọ, 58#Jọn 2.19“Yoor ụnaghan ni ịdi ọdi ạḅem mọ, ‘Mị kalereghi ni Otu Ịiḅereghi phọ ọphon awe kụ ọlogh bọ, kụ esi ịraar aḍughul-otu mị kạmadan ni ọdi awe kụ ụ́logh.’” 59Kụ sịen phọ kẹn, bịn ạsiagba phọ ạbidi ị́ḅophan.
60Kụ uwo ẹmhu oyil ạrikia phọ aḅetenu sịphe ghisigh ạbidi, kụ apuru Jịzos mọ, “Esi ịphen phọ bịdi ọgba bọ rọḅamaghi ẹmhu ạna, nạ ọ́moogh aani ịyaar ọphagharanaan?”
61Kụ ọdi aḅoorian kpạy kpạy. Kụ uwo ẹmhu oyil ạrikia phọ apuru kẹn nyọdi mọ, “Nạ kụ aMesaya phọ ni, Ọony Ẹnaan phọ ẹpe ọseph bọ?”
62 #
Dạn 7.13
Kụ ạJizos ameera mọ, “Ii, mị ni, kụ nyina kẹmiin ni dị Ọony phọ Oye ạrol ḍịghaagh elhiom Ẹnaan Oomo Ịikpo phọ, kụ ạḍua ẹpe ọotu okuaḍio phọ ratu ẹphen ade phọ.”
63Kụ uwo ẹmhu oyil ạrikia phọ arunyian ibura ọdi loor ophin ologhi, kụ ạḅem mọ, “Yira ọḅile kẹn rọwa ghan bụo ạsiagba phọ oḍighinom eeghe? 64#Lịv 24.16Nyina rẹnaghan bọ ni ọopu phọ ọphon. Edi aani ika iloghi anyina?”
Kụ oomo phọ ạbidi ọḅoph iniin ịiruen, mọ erugh aḍuugh epum ni nyọdi.
65Kụ buniin omiigh omurughiom ọdi ịghor, kụ ọkagh riḍien ọdi ukpe, kụ ooḅorogh nyọdi, kụ ọḅeni ghan nyọdi mọ, “Mịin uḍien.” Kụ abukoriom ogiga phọ okuphogh nyọdi.
APita ạparanaan Jịzos
(Matiu 26.69-75; Luk 22.56-62; Jọn 18.15-18, 25-27)
66Kụ mem mọ ạmuen phọ, aPita ạrol aani ni sịphe ogiga phọ, kụ oniin ọnyani-otu uwo ẹmhu oyil ạrikia phọ aru, 67kụ ạmiin dị aPita rạanma ghan nịan, kụ aḅiila ghisigh ọdi kụ ạḅem mọ, “Nạ oniin ọdi ạdaph aani ghan bọ Jịzos, ọpo ạNazeret phọ.”
68Kụ ọdi ạpharanaan mọ, “Mị úlegheri, ḅịle mị ụ́naghan kẹn ẹmhu ịphen nạ rạkaaph bọ,” kụ ạḍua ạghi ḍịagaany otu phọ.
69Kụ ọnyani phọ ạḅile ạmiin nyọdi, kụ ạḅeni bụdi ọmeregha aani pạ phọ, mọ, “Ọphon oniin ọnyo ạbidi aani ni.” 70Kụ ọdi ạḅile kẹn ạpharanaan.
Kụ mọony ẹnum amem, kụ ạbuphe ọmeregha bọ ọḅeni Pita mọ, “Igey ni nạ oniin ọnyo ạbidi ni, esi dị nạ ọlo aGalili ni.”
71Kụ aPita ạloghoḍi ịnhu, kụ aghunya kụ ạḅem mọ, “Mị úlegheri oye phọ ọphon phọ nyina rekol ghan bọ.”
72Pọ kụ amem dị ạkenegh ạlaay amuneni ịyal amem, kụ aPita ạatughian ịpe ạJizos ạḅeni bọ nyọdi mọ, “Tụtu ạkenegh rạlaay ịyal amem nạ mụpharanaan ịmi ịraar amem.” Kụ ọdi agim emoghi kụ azu izin.
Currently Selected:
Mạk 14: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Mạk 14
14
Omitenom Jịzos ẹkaraph ezue
(Matiu 26.1-5; Luk 22.1-2; Jọn 11.45-53)
1 #
Ẹḍua 12.1-27
Ịyal aḍughul-otu kụ isugha ọbo mẹteeny ẹyaal ọphel otene phọ, nyẹpe roliom ghan bọ ạbred phọ ọpo yist rọ́logh ghan bọ, kụ ạbuo ạrumhu ariil ạrikia phọ rꞌạbutughemia iilogh phọ ụḅoph ni ọnhu oosophoghian ịlo osiph ạJizos esi ịbooghian oghiigh. 2Bịdi ụḅem mọ kíḍighi mem ẹyaal phọ ọbo awe phọ kotuphe ghan bọ.
Ạnir asugh elo Jịzos ẹpe Betani
(Matiu 26.6-13; Jọn 12.1-8)
3 #
Luk 7.37, 38 Kụ ạJizos ạrol Betani kꞌaSaimon, ọpo ẹzegh ọku ufe phọ eḍighi ghan bọ. Kụ mem dị ọdi rale eḍien, oniin ạnir aru ni rꞌeeko elo eeḅi eḍu, dị ẹman iboom ikpoki, kụ aḅom eeko phọ kụ asugh nyọdi elo phọ. 4Kụ buniin ạbudi ọrol aani bọ ụghagh ni iloghi, kụ oniin apuru nyoniin mọ, “Amuphe phọ ạmuen phọ aḍighom ḍighen? 5Nyẹen mubool bọ ni ikpoki dị mipel ịraar okuron ipoḍi asilva, ọsighe oḍighinom iiḅi rukulom,” kụ bịdi ọgumom ạnir phọ.
6Kụ ạJizos ạḅeni bịdi mọ, “Ịkporion ạnir phọ ọphon rạghaagh! Nyina ighol eeghe kụ rẹeḅaghami bọ nyọdi? Ọdi uḍighinaan ni ịmi ogey oḍighi. 7#Dut 15.11Nyina rꞌarukulom mọ edianaan ghan ni oomo amem, kụ mem lọ ologhi anyina aḍigh, nyina ketue ni eḍighi bịdi iiḅi, kụ mị rꞌanyina kẹ́tolan oomo amem. 8Ạnir phọ maḍighi ịpe ọdi arue bọ. Ọdi uḅom ịmi eeko phọ ookolobian okoriom amaḍi phọ ạmi. 9Mị ạkar rịḅeni ghan inyina mọ tọrobo esi sịen aḅirini phọ, dị rọkaaph ooḅi ọghaaph phọ, kọkaaphom ghan ni ịphen phọ ọotughianam ạnir phọ ọphon.”
AJudas ameeraam aal ạJizos
(Matiu 26.14-16; Luk 22.3-6)
10Ịphen phọ reten kụ aJudas Ịskariot, oniin sịphe aḍioph rꞌịyal ạbumatuan phọ, ạḍua ni ạghi esi ạbuo ạrumhu ariil ạrikia phọ ịlo aal ạJizos bịdi. 11Iloghi ạbidi ịḅaal li mem mọ bịdi ọnaghan bọ ịphen phọ, kụ omerenyan ọngo ọdi ikpoki, kụ ọdi aagonoghian ghan eepoogh aal ạJizos.
ẠJizos rꞌạbumatuan phọ ọdi olian ẹyaal ọphel otene phọ
(Matiu 26.17-25; Luk 22.7-14, 21-23; Jọn 13.21-30)
12Ẹḅel aḍio ẹyaal phọ roliom ghan bọ ạbred phọ ọpo yist rọ́logh ghan bọ, mem mọ rọpighironaan ghan bọ ẹkia ọphel otene phọ, ạbumatuan phọ ạJizos upuru ni nyọdi mọ, “Nạ rạwa mọ yoor oseleminaan nyịna ḍighen esi dị kọtol olhe eḍien ẹyaal phọ?”
13Kụ ọdi arom ịyal ạbuno mọ, “Ịki ẹpe ẹmha phọ. Nyina kẹmiin ni oye dị arool oko ạmuum, ịdaph nyọdi. 14Kụ esi lọ ọdi aḍigh, ipuru uwotu phọ mọ, ‘Ọtughemia phọ ạḅem mọ ọghen kụ osoph phọ ọno, ọpo ọno rꞌạbumatuan phọ ọno kọtol bọ kụ olhe eḍien ẹyaal ọphel otene phọ,’ 15kụ ọdi kiḍeenaan ni inyina oboom osoph-ạnyu, sịphe otu ẹedaneen phọ, dị moselemi ni. Ịsiphe kụ ẹdi nyina keekolobian bọ ịlo amalhe phọ ayira.”
16Kụ ạbumatuan phọ ạbuen onyeene ọghi ẹpe ẹmha phọ, kụ ọmiin ịdipho ạJizos ạḅeni bọ bịdi, kụ ookolobian ịlo ẹyaal phọ.
17Mekpereghian, kụ ạJizos ạpham ḍioph rꞌịyal ạbumatuan phọ arumom. 18#Ạsuo 41.9Kụ bịdi omiigh role eḍien phọ, kụ ạJizos ạḅem mọ, “Mị ạkar rịḅeni ghan inyina mọ oniin ọnyo anyina kaal li ịmi, ọdi rꞌạmi rolian ni.”
19Ịphen phọ iḍighi ni dị bịdi omeelom ọto, kụ oye atum oye apuru ghan nyọdi mọ, “Mịna ḍụghum?”
20Kụ ọdi mọ, “Oniin sịen aḍioph rꞌịyal phọ anyina ni. Ọphon rꞌạmi rotiom bọ ni eniin esi phọ. 21Ọony phọ Oye kamugh ni, ịdipho ọge bọ ịlo ọdi pạ Ạḍinya Iigbia phọ, kụ ịminimiin kẹtolonaan ni oye phọ ọpo kabool bọ nyọdi. Ịnighe ghụn dị ọbo oye phọ ọpo phọ mụ́mar.”
Eḍien adulhe Ọmoogh-we phọ
(Matiu 26.26-30; Luk 22.14-20; 1 Bụo ạKorint 11.23-25)
22Ịdipho bịdi rolhe bọ, kụ ọdi ạsighe ạbred, kụ rọngo ḍịseph Ẹnaan, kụ ạparion, kụ ạngo bịdi mọ, “Itiin. Ọphon kụ aḍizu phọ ạmi.”
23Kụ ạsighe ọphaal amiim kụ rọngo ḍịseph Ẹnaan, kụ ạngo bịdi, kụ oomo phọ ạbidi ootiyan. 24#Ẹḍua 24.8; Jer 31.31-34Kụ ọdi ạḅeni bịdi mọ, “Mụen kụ ịḅaal phọ ạmi ozuanaan bọ ḍita awe ịlo oghiran ịyo rꞌẸnaan. 25Mị ạkar rịḅeni ghan inyina mọ mị kạ́ḅile mun ạpughol miim mọ ạmuen, tụtu ẹteeny ḍio phọ ạḍiphe mị kạpughol bọ emoom ẹphugholom mọ, ẹpe ọmar phọ kꞌẸnaan.”
26Kụ bịdi rọmoor ḍụor kụ ọḍua ọghi ẹpe Eegum Ọlivs.
ẠJizos ạḅem mọ aPita kạparanaan ni nyịno
(Matiu 26.31-35; Luk 22.31-34; Jọn 13.36-38)
27 #
Zẹk 13.7
Kụ ạJizos ạḅeni bịdi mọ, “Oomo phọ anyina kẹkanyanu ni esi omeeraam mọ anyina, ịdi eḍighi bọ ọge ni pạ ạḍinya iigbia phọ mọ, ‘Mị Ẹnaan kakiigh opoghom iyool-ịga phọ, kụ ịga phọ ẹwalala.’ 28#Mat 28.16Mị roḅetenu esi aḍuugh phọ kụ mị aḍiemi ghan ẹpe Galili ikori inyina.”
29Kụ aPita mọ, “Eru dị oomo ạbueri phọ ọghanyanu, mị rꞌaloor kạ́kaaru aani.”
30Kụ ạJizos ạḅeni nyọdi mọ, “Mị ạkar rạḅeni nyịna mọ ḍughul phọ arodon, tụtu ạkenegh rạlaay ịyal amem, nạ mụpharanaan ịmi ịraar amem.”
31Kụ aPita ạḅile ạḅem ạkparami mọ, “Ghạlamo iḍighi ni dị mị rꞌạna komugh, mị nyịna kạ́pharanaan ni bịn emuneen,” kụ oomo phọ ạbidi ọtuugh ịduon phọ ọḅem aani.
ẠJizos ạtol esi dị oghol mọ aGetsemani ạaḅereghi Ẹnaan
(Matiu 26.36-46; Luk 22.39-46)
32Kụ bịdi ụghi ni osi esi dị oghol mọ aGetsemani, kụ ạJizos ạḅeni bụmatuan phọ ọdi mọ, “Ịtologhu sịen. Mị kạaḅereghi.” 33Kụ ọdi ạpham Pita rꞌaJems rꞌạJon ạghimom ghisigh, kụ akururu iboom, kụ ologhi ọdi ạwalawala. 34Kụ ọdi ạḅeni bịdi mọ, “Ọto dị mị ạmoogh upel li ịmi loor, mụdi kughiigh ni ịmi. Ịtol sịen egon ghan!”
35Kụ ọdi arelhe ạghi ghisigh ẹphurukpu, kụ aḅololo kụ ạaḅereghi mọ, ịghigh ni, ọbo mịkpe ni dị ịminimiin amem mọ ạmuen phọ mitenom nyịno. 36Ọdi mọ, “Ạba, Ọde ạmi, oomo ạraraar edughanaan ni nyịna. Ụaar ịmi ẹgo ịminimiin phọ ẹphen, kụ ọlo káḍighi ịpe ịḅeeraan bọ ịmi, ḍighi ghụn ni ịpe ẹḅeeraan bọ nyịna.”
37Kụ ọdi aḅula kụ ạmiin dị bịdi rọnaani yogh, kụ apuru Pita mọ, “Saimon, nạ rạnaani? Nạ órue ọkparam ogon rꞌọony amem? 38Igon ni ẹeḅereghi ghan, mọ nyina kémeel eḍighanaan ọdegh ophogh. Edi ni iloghi anyina, kụ asiloor phọ kụ idugh.”
39Kụ ọdi ạḅile kẹn ạghi kụ ạaḅereghi iniin phọ. 40Kụ ạḅile aḅula kụ ạmiin dị bịdi rọnaani yogh, loor esi dị ạralha maḅogh riḍien ạbidi, kụ bịdi úlegheri ịlo ọḅeni ọdi.
41Kụ ọdi ạḅile aru mem dị emuneniom ịraar, kụ ạḅeni bịdi mọ, “Nyina edi ḍịen nịiniin rẹnaani yogh kephooghian? Mẹkasian. Amem mọ mẹteeny. Maala Mọony phọ Oye bụkaraph awe. 42Iḅerenu ọghi ghisigh! Ipogh aani, ọpo uaal bọ ịmi mạkpulan.”
Ịdi osiph Jịzos
(Matiu 26.47-56; Luk 22.47-53; Jọn 18.3-12)
43Kụ ọdi odi rạkaaph ghan ịduon phọ, bịn aJudas oniin sịphe aḍioph rꞌịyal phọ amite rꞌaḍita awe, dị ọnyaaghian rolhool ẹgham rꞌạraḅam, dị ạbuo ạrumhu ariil ạrikia phọ rꞌạbutughemia iilogh phọ rꞌikumoor awe phọ kụ ọlogh. 44Ọpo kabool bọ nyọdi rꞌạbidi mọḅophoghi ni ọnhu ọdo ịdi ọdi kaḍighi bọ, mọ, “Ọpo mị kạkpun bọ okpo phọ kụ oye phọ. Imeleghuom nyọdi esiph ẹḍuanam!”
45Kụ aJudas ạphurom owol kụ ạghi ạteeny nyọdi, kụ ạmagh mọ, “Ọtughemia,” kụ ạkpun okpo phọ. 46Kụ bịdi omeleghuom nyọdi osiph. 47Kụ oniin ọdi ạrol aani sịphe phọ aruph elhool ẹgham ọdi asophom aḅeri ẹbene uwo ẹmhu oyil ạrikia phọ. 48Kụ ạJizos apuru bịdi mọ, “Nyina ẹsighenom mọ mị ọḅa ḍụghum, kụ ẹpham bọ rolhool ẹgham rꞌạraḅam kụ erumom bọ osiph ạmi? 49#Luk 19.47; 21.37Aḍio etum ḍio mị rꞌanyina kụ ịrolan ghan ni sịphe Otu Ịiḅereghi phọ kụ mị ạtughemi ghan kụ nyina ịmi ísiph. Kụ ịphen phọ memite omuneniom ịpe ọge bọ sịphe Ạḍinya Iigbia phọ.”
50Kụ oomo ạbumatuan phọ ọwile nyọdi osumughu.
51Kụ oniin onyugheel ọony dị ạgbagha ọmur bịn, ạdaph aani ni nyọdi, kụ bịdi omeleghuom kẹn. 52Kụ ọdi ạnyagharanaan ọmur phọ ạwilenaan bịdi kụ asuma rꞌẹdaḅa.
Ọmeremi Jịzos ghisigh ookpomoghan ikpolom awe phọ
(Matiu 26.57-68; Luk 22.54-55, 63-71; Jọn 18.13-14, 19-24)
53Kụ bịdi ụpham ni Jịzos osiom kꞌuwo ẹmhu oyil ạrikia phọ, kụ oomo phọ ạbuo ạrumhu ariil ạrikia phọ rꞌikumoor awe phọ rꞌạbutughemia iilogh phọ ookpomoghan. 54Kụ aPita ạdaph aani ni bịdi, ạrol kꞌẹgboogh ọman asi aani ogiga uwo ẹmhu oyil ạrikia phọ kụ ạrol aani ni, sịphe abukoriom ogiga phọ ọrol bọ, ạanma ghan nịan. 55Kụ ạbuo ạrumhu ariil ạrikia phọ rꞌoomo ikpolom awe phọ ọwaragha ghan sịagba osiphom ạJizos ọlogh esi aḍuugh, kụ ụ́miin. 56Ịbadi ụgbaaghi ghan ni ọkpe ọḅam ẹmhu ọdi, kụ ạsiagba phọ ạbidi ị́ḅophan.
57Kụ buniin uḅetenu ni kụ ọgba ọkpe phọ ọphon ọḅam ẹmhu ọdi mọ, 58#Jọn 2.19“Yoor ụnaghan ni ịdi ọdi ạḅem mọ, ‘Mị kalereghi ni Otu Ịiḅereghi phọ ọphon awe kụ ọlogh bọ, kụ esi ịraar aḍughul-otu mị kạmadan ni ọdi awe kụ ụ́logh.’” 59Kụ sịen phọ kẹn, bịn ạsiagba phọ ạbidi ị́ḅophan.
60Kụ uwo ẹmhu oyil ạrikia phọ aḅetenu sịphe ghisigh ạbidi, kụ apuru Jịzos mọ, “Esi ịphen phọ bịdi ọgba bọ rọḅamaghi ẹmhu ạna, nạ ọ́moogh aani ịyaar ọphagharanaan?”
61Kụ ọdi aḅoorian kpạy kpạy. Kụ uwo ẹmhu oyil ạrikia phọ apuru kẹn nyọdi mọ, “Nạ kụ aMesaya phọ ni, Ọony Ẹnaan phọ ẹpe ọseph bọ?”
62 #
Dạn 7.13
Kụ ạJizos ameera mọ, “Ii, mị ni, kụ nyina kẹmiin ni dị Ọony phọ Oye ạrol ḍịghaagh elhiom Ẹnaan Oomo Ịikpo phọ, kụ ạḍua ẹpe ọotu okuaḍio phọ ratu ẹphen ade phọ.”
63Kụ uwo ẹmhu oyil ạrikia phọ arunyian ibura ọdi loor ophin ologhi, kụ ạḅem mọ, “Yira ọḅile kẹn rọwa ghan bụo ạsiagba phọ oḍighinom eeghe? 64#Lịv 24.16Nyina rẹnaghan bọ ni ọopu phọ ọphon. Edi aani ika iloghi anyina?”
Kụ oomo phọ ạbidi ọḅoph iniin ịiruen, mọ erugh aḍuugh epum ni nyọdi.
65Kụ buniin omiigh omurughiom ọdi ịghor, kụ ọkagh riḍien ọdi ukpe, kụ ooḅorogh nyọdi, kụ ọḅeni ghan nyọdi mọ, “Mịin uḍien.” Kụ abukoriom ogiga phọ okuphogh nyọdi.
APita ạparanaan Jịzos
(Matiu 26.69-75; Luk 22.56-62; Jọn 18.15-18, 25-27)
66Kụ mem mọ ạmuen phọ, aPita ạrol aani ni sịphe ogiga phọ, kụ oniin ọnyani-otu uwo ẹmhu oyil ạrikia phọ aru, 67kụ ạmiin dị aPita rạanma ghan nịan, kụ aḅiila ghisigh ọdi kụ ạḅem mọ, “Nạ oniin ọdi ạdaph aani ghan bọ Jịzos, ọpo ạNazeret phọ.”
68Kụ ọdi ạpharanaan mọ, “Mị úlegheri, ḅịle mị ụ́naghan kẹn ẹmhu ịphen nạ rạkaaph bọ,” kụ ạḍua ạghi ḍịagaany otu phọ.
69Kụ ọnyani phọ ạḅile ạmiin nyọdi, kụ ạḅeni bụdi ọmeregha aani pạ phọ, mọ, “Ọphon oniin ọnyo ạbidi aani ni.” 70Kụ ọdi ạḅile kẹn ạpharanaan.
Kụ mọony ẹnum amem, kụ ạbuphe ọmeregha bọ ọḅeni Pita mọ, “Igey ni nạ oniin ọnyo ạbidi ni, esi dị nạ ọlo aGalili ni.”
71Kụ aPita ạloghoḍi ịnhu, kụ aghunya kụ ạḅem mọ, “Mị úlegheri oye phọ ọphon phọ nyina rekol ghan bọ.”
72Pọ kụ amem dị ạkenegh ạlaay amuneni ịyal amem, kụ aPita ạatughian ịpe ạJizos ạḅeni bọ nyọdi mọ, “Tụtu ạkenegh rạlaay ịyal amem nạ mụpharanaan ịmi ịraar amem.” Kụ ọdi agim emoghi kụ azu izin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS