Shave 17
17
Yɛmə nya mbe Masa ba'a mbe Mɛriba
(ƁLA 20.2-13)
1Kala nya gezete Mahwətə, ntəŋə ka Israyɛl te ɓerama ta Sin, temə teke temə teke ne, hwa'a hɛ mbe Refidim nya menete ghedəkwəa nci hɛ mbe. Ama yɛmə kesa shɛ kekemave hɛ mbe we. 2Tagha gɛ, ntake hɛ kaŋgezle kənəa Moyize, ma ke hɛ: «Ndeke n'yɛ yɛmə kesa!» Ma ke Moyize zhɛnete nda ke hɛ: «Wa raberə ŋgezle yɛ kənəa 'ya wa? Yitea wa ɗe yɛ kadzeghe Mahwətə wa?» 3Tagha ne, shewə mbeli va ndere, ntake hɛ kandəghwə ndəghwə kənəa Moyize, ma ke hɛ: «Yitea wa fəakave n'yɛ na mbe Ɛzhipte wa? Gha ɗe kampə ŋwalea n'yɛ ba'a wəshi keseɗa ta n'yɛ teke va ndere na?» 4Ntake Moyize katsa nda lewela ke Mahwətə, ma ke: «Wa wəsə nya hi 'ya kamene kezha mbeli nyi wa? Temə vireɗi ne, hɛ katebeza ɗa le pelɛ!» 5Ma ke Mahwətə shɛ: «Dzate te kema ta nci, ntave kweci mbeli hwa mbelia jama ta ka Israyɛl. Kelete geta nya mpave hələa Nil nya na le yitea dzeve. 6'Ya ne, kateslete 'ya tagha kwa kema ta ŋa, te gela ta ghweme ta Horɛb. Katempa gela shɛ na yitea shave yɛmə mbe kasa mbeli.» Pa Moyize menete tsagha, kwa ntsə ta mbelia jama.
7Pa mbeli hekate nda slə ke ŋkwa shɛ kaMasa ba'a kaMɛriba, geze ta ŋkɛ “Dzeghe” ba'a “Ŋgezle”. Kwa nza ŋkɛ ne, te ŋkwa shɛ se ka Israyɛl kaŋgezle kənəa Moyize ba'a kadzeghe Mahwətə, ma ke hɛ sha se kageze: «Hwa gheɓəmə Mahwətə na, na kaɗema ŋkɛ hwa gheɓəmə na?»
Ka Amalɛk kaha nda mpa ke ka Israyɛl
8Hwa'a ka Amalɛk kampa le ka Israyɛl mbe Refidim. 9Ma ke Moyize sha Zhozəwɛ: «Tsehave zhili nyi kenza kampate mpa, kwa sebe ta ŋkɛ, kwiɗi yitea mpa le ka Amalɛk. Ma hendɛ ne, kateslete 'ya pelɛ ghəa wəmbə le geta ta Shala mbe dzeve.» 10Cape Zhozəwɛ kalə kampa le ka Amalɛk, kala nya gezave nda Moyize, vəa ŋkwa nya dzeme ghəa wəmbə yɛ Moyize, Aron le Həwr. 11Ma vəa ŋkwa nya nza dzeve ta Moyize yitea ghweme ne, berete ma nza ka Israyɛl, ama vəa ŋkwa nya betakawa dzeve ŋkɛ ne, berete ma nza ka Amalɛk. 12Ma kwa leɓenji dzeve ta Moyize ne, pa yɛ Aron le Həwr kelete pelɛ ba'a veyite yitea Moyize. Pa Moyize ntishɛnyɛ te. Pa yɛ Aron le Həwr nzanji laka yayata bela ta ŋkɛ kezha kese nda dzeve ta ŋkɛ. Tsagha nzanyɛ Moyize le dzeve yitea ghweme pa va pəkwə ta veci. 13Pa Zhozəwɛ mpəmte ka Amalɛk le kafayɛ.
14Ma ke Mahwətə sha Moyize: «Rafete wəshi nyi pɛtɛ yitea ɗema mbeli kazaghəyite. Gezete nda ke Zhozəwɛ kateza sebe 'ya te ka Amalɛk. Ma tsagha ne, wəndə shɛ te hɛɗi katezhɛne kazəzə hɛ we.» 15Pa Moyize pate reghwetɛ nya hekate nda slə ŋkɛ “KaMahwətə ya kahərə ŋkwa ta ɗa”, 16ma ke: «Ma kwa nza ŋkɛ nahe ka Amalɛk kese kacɛɗɛ pasla ta Mahwətə ne, nda mpa yatempa Mahwətə le hɛ kaghala ghala.»
Currently Selected:
Shave 17: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
Shave 17
17
Yɛmə nya mbe Masa ba'a mbe Mɛriba
(ƁLA 20.2-13)
1Kala nya gezete Mahwətə, ntəŋə ka Israyɛl te ɓerama ta Sin, temə teke temə teke ne, hwa'a hɛ mbe Refidim nya menete ghedəkwəa nci hɛ mbe. Ama yɛmə kesa shɛ kekemave hɛ mbe we. 2Tagha gɛ, ntake hɛ kaŋgezle kənəa Moyize, ma ke hɛ: «Ndeke n'yɛ yɛmə kesa!» Ma ke Moyize zhɛnete nda ke hɛ: «Wa raberə ŋgezle yɛ kənəa 'ya wa? Yitea wa ɗe yɛ kadzeghe Mahwətə wa?» 3Tagha ne, shewə mbeli va ndere, ntake hɛ kandəghwə ndəghwə kənəa Moyize, ma ke hɛ: «Yitea wa fəakave n'yɛ na mbe Ɛzhipte wa? Gha ɗe kampə ŋwalea n'yɛ ba'a wəshi keseɗa ta n'yɛ teke va ndere na?» 4Ntake Moyize katsa nda lewela ke Mahwətə, ma ke: «Wa wəsə nya hi 'ya kamene kezha mbeli nyi wa? Temə vireɗi ne, hɛ katebeza ɗa le pelɛ!» 5Ma ke Mahwətə shɛ: «Dzate te kema ta nci, ntave kweci mbeli hwa mbelia jama ta ka Israyɛl. Kelete geta nya mpave hələa Nil nya na le yitea dzeve. 6'Ya ne, kateslete 'ya tagha kwa kema ta ŋa, te gela ta ghweme ta Horɛb. Katempa gela shɛ na yitea shave yɛmə mbe kasa mbeli.» Pa Moyize menete tsagha, kwa ntsə ta mbelia jama.
7Pa mbeli hekate nda slə ke ŋkwa shɛ kaMasa ba'a kaMɛriba, geze ta ŋkɛ “Dzeghe” ba'a “Ŋgezle”. Kwa nza ŋkɛ ne, te ŋkwa shɛ se ka Israyɛl kaŋgezle kənəa Moyize ba'a kadzeghe Mahwətə, ma ke hɛ sha se kageze: «Hwa gheɓəmə Mahwətə na, na kaɗema ŋkɛ hwa gheɓəmə na?»
Ka Amalɛk kaha nda mpa ke ka Israyɛl
8Hwa'a ka Amalɛk kampa le ka Israyɛl mbe Refidim. 9Ma ke Moyize sha Zhozəwɛ: «Tsehave zhili nyi kenza kampate mpa, kwa sebe ta ŋkɛ, kwiɗi yitea mpa le ka Amalɛk. Ma hendɛ ne, kateslete 'ya pelɛ ghəa wəmbə le geta ta Shala mbe dzeve.» 10Cape Zhozəwɛ kalə kampa le ka Amalɛk, kala nya gezave nda Moyize, vəa ŋkwa nya dzeme ghəa wəmbə yɛ Moyize, Aron le Həwr. 11Ma vəa ŋkwa nya nza dzeve ta Moyize yitea ghweme ne, berete ma nza ka Israyɛl, ama vəa ŋkwa nya betakawa dzeve ŋkɛ ne, berete ma nza ka Amalɛk. 12Ma kwa leɓenji dzeve ta Moyize ne, pa yɛ Aron le Həwr kelete pelɛ ba'a veyite yitea Moyize. Pa Moyize ntishɛnyɛ te. Pa yɛ Aron le Həwr nzanji laka yayata bela ta ŋkɛ kezha kese nda dzeve ta ŋkɛ. Tsagha nzanyɛ Moyize le dzeve yitea ghweme pa va pəkwə ta veci. 13Pa Zhozəwɛ mpəmte ka Amalɛk le kafayɛ.
14Ma ke Mahwətə sha Moyize: «Rafete wəshi nyi pɛtɛ yitea ɗema mbeli kazaghəyite. Gezete nda ke Zhozəwɛ kateza sebe 'ya te ka Amalɛk. Ma tsagha ne, wəndə shɛ te hɛɗi katezhɛne kazəzə hɛ we.» 15Pa Moyize pate reghwetɛ nya hekate nda slə ŋkɛ “KaMahwətə ya kahərə ŋkwa ta ɗa”, 16ma ke: «Ma kwa nza ŋkɛ nahe ka Amalɛk kese kacɛɗɛ pasla ta Mahwətə ne, nda mpa yatempa Mahwətə le hɛ kaghala ghala.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.