Shave 18
18
Yɛ Moyize le mekwea ŋkɛ Zhɛtro
1Pa Zhɛtro, nde dzeghe mɛlɛya ka Madiyan nya kamekwea Moyize fate wəshi nyi menete nda Shala Mahwətə ke Moyize ba'a ke ka Israyɛl, mbelia ŋkɛ. Pa fate tsema tsema fəakave hɛ Mahwətə mbe Ɛzhipte. 2Ki ghɛa Zhɛtro Sɛfora, wəzha ta ŋkɛ nya kamale ta Moyize. Nahe Moyize kebegheghe nda ke yitenyɛ, 3le ŋwale tezhilia nta nyi bake. Gɛrshom hekate nda slə Moyize ke nya katezhɛ, geze ta ŋkɛ, “Nde se se teke”, kwa nza ŋkɛ ma ke sha ŋa ŋkɛ: “Nde se se 'ya te hɛɗia kweci mbeli”. 4Ma nya kazera ne, Ɛliyɛzɛr hekate nda slə ŋkɛ, geze ta ŋkɛ, “Shala ya kande kemane ɗa”, kwa nza ŋkɛ ma ke sha ŋa ŋkɛ: Nahe Shala ta yiteyɛ ɗa kekemanakɛ ɗa, nahe ŋkɛ kembelemte ɗa va kafayɛa Farawon.
5Cape Zhɛtro le ŋwale ba'a male ta Moyize kalə shɛ te ɓerama nya nza ŋkɛ takwa yitea ghweme ta Shala. 6Ma ke Zhɛtro ghweneghe nda mɛ ke Moyize: «'Ya Zhɛtro, mekwea ŋa nde se sha gha le male ta ŋa ba'a ŋwale tezhilia nta bake.» 7Pa Moyize se shɛ, gwəɗəŋə ŋkɛ kwa kema ta ŋkɛ ba'a pa həməwəve ŋkɛ. Ma kwa sebe ta nya njiŋwemte ghə hɛ ne, cape hɛ kadzembe cɛ lekwesa ta Moyize. 8Pa Moyize ɓelate nda ke mekwea ŋkɛ tsema tsema menete nda Mahwətə ke Farawon ba'a ke ka Ɛzhipte tewəmbəreke ka Israyɛl. Pa gezete nda yaka nyi sahwe hɛ kwa hweŋkwa ba'a tsema tsema mbelete hɛ Mahwətə. 9Ntake Zhɛtro kazlama te pɛtɛa wəshi nyi menete nda Mahwətə ke ka Israyɛl kwa mbelemte hɛ ŋkɛ shave mbe dzeve ta ka Ɛzhipte. 10Tagha gɛ, ma ke: «Tsahe ɓəmə Mahwətə nya kembelemte ŋayɛ shave mbe dzeve ta Farawon ba'a ŋa ka Ɛzhipte! 11Nahe 'ya keɗepe tsetsenya Mahwətə ya kwele ma ke kweci shala. Nahe ŋkɛ kencɛte vəa ŋkwa nya sa nda yaka ka Ɛzhipte ke ka Israyɛl.»
12Kwa sebe ta ŋkɛ ne, pa Zhɛtro nya kamekwea Moyize dzeghekɛ nda melɛ kwa tere tere ba'a melɛ kejikə geva ke Shala. Hwa'a yɛ Aron le mbelia jama ta ka Israyɛl kezha zeme wəsə kezeme kwa kema ta Shala, zlaɓe le mekwea Moyize.
Moyize kanta ka meha ghwə
13Ma te hendɛ ta ŋkwa ne, ntishɛ Moyize kezha meha ghwə te ghena nyi kwelɛ mbeli. Meghereŋe mbeli kwa kema ta ŋkɛ se masheke pa va tɛhwɛɗi. 14Ma kwa nakɛ wəshi nyi mene ŋkɛ kezha mbeli mekwea ŋkɛ ne, ma ke shɛ: «Wa wəsə nya mene nda nya na ke mbeli kala nya wa? Wa raberə mene slene nya na kwetɛŋe ŋa ba'a nza mbeli meghereŋe kwa kema ta ŋa, se masheke pa va tɛhwɛɗi wa?» 15Ma ke Moyize zhɛnete nda ke mekwea ŋkɛ: «Mbeli nyi se 'ya kezha fa zəzə ta Shala. 16Ma kenza ghena kwelɛ hɛ ne, kase hɛ sha 'ya: kasla fete 'ya te ghena nya kwelɛ hɛ ba'a kancɛ nda wəshi mahalegə ba'a ghena nyi gezete Shala 'ya ke hɛ.»
17Ma ke mekwea ŋkɛ shɛ: «Kehi kamene na kala nya we! 18Katedene ŋa na, tsagha mbeli nyi kese nyi sha gha. Keɗaŋeɗa slene nya va gha, kamenete na kwetɛŋe ŋa we! 19Tsetsenya ne, fa ghena ta ɗa! 'Ya katencɛ ŋa ntsehwele, pa Shala nza le gha: Nza kawəndə nya te kema ta mbeli kwa kema ta Shala, gha nde geze nda ghena nyi kwelɛ mbeli ke Shala. 20Gha ɓiyitsa nde ncɛ wəshi mahalegə ba'a ghena nyi gezete Shala ke mbeli, nde ncɛ nda hweŋkwa ganyɛ ba'a slene ganyɛ ke hɛ. 21Ma kwa sebe ta ŋkɛ ne, tsehave mbeli ganji nyi kehawe va Shala, nyi keɗe kaganda, nyi keɗema mbəɗəkwə hwa mbeli shɛ na beteyi hɛ kambeli nyi te ghəa wəvəsəa mbeli slibə, mbeli gwəmsə, mbeli mcɛfemsə ba'a mbeli meŋe. 22Mbelia shɛhɛ ka tesla fete te ghena nyi kwelɛ mbeli keveci keveci. Ghena nyi jama jama yatekele ŋa hɛ kase, ama ghenci le ghəa nci ka tesla fete te ghena nyi ɓɛhwɛ ɓɛhwɛ. Ma tsagha ne, kefe kefe tenza slene ta ŋa, va nya nehehwe na le hɛ. 23Ma kemenete na kala nya ba'a kenza nde tsagha gezete ŋa Shala ne, katedene ŋa na we. Laka ŋa nci bela ne, ketseɓa tseɓa telə mbeli nyi sha ghɛ.» 24Pa Moyize menete slene le ghena nyi gezete nda mekwea ŋkɛ. 25Pa tsehave mbeli ganji hwa ka Israyɛl ba'a beteyi hɛ te ghəa wəvəsəa mbeli slibə, mbeli gwəmsə, mbeli mcɛfemsə ba'a mbeli meŋe. 26Ghenci ka meha ghwə te mbeli keveci keveci. Ama ghena nyi dzawe dzawe ne, ke Moyize kele nda hɛ. Ghenci le ghəa nci ka sla fete te ghena nyi ɓɛhwɛ ɓɛhwɛ.
27Pa Moyize beghakɛ mekwea ŋkɛ nya kezhɛneghe geva kalə sha hɛɗia ŋkɛ.
Currently Selected:
Shave 18: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
Shave 18
18
Yɛ Moyize le mekwea ŋkɛ Zhɛtro
1Pa Zhɛtro, nde dzeghe mɛlɛya ka Madiyan nya kamekwea Moyize fate wəshi nyi menete nda Shala Mahwətə ke Moyize ba'a ke ka Israyɛl, mbelia ŋkɛ. Pa fate tsema tsema fəakave hɛ Mahwətə mbe Ɛzhipte. 2Ki ghɛa Zhɛtro Sɛfora, wəzha ta ŋkɛ nya kamale ta Moyize. Nahe Moyize kebegheghe nda ke yitenyɛ, 3le ŋwale tezhilia nta nyi bake. Gɛrshom hekate nda slə Moyize ke nya katezhɛ, geze ta ŋkɛ, “Nde se se teke”, kwa nza ŋkɛ ma ke sha ŋa ŋkɛ: “Nde se se 'ya te hɛɗia kweci mbeli”. 4Ma nya kazera ne, Ɛliyɛzɛr hekate nda slə ŋkɛ, geze ta ŋkɛ, “Shala ya kande kemane ɗa”, kwa nza ŋkɛ ma ke sha ŋa ŋkɛ: Nahe Shala ta yiteyɛ ɗa kekemanakɛ ɗa, nahe ŋkɛ kembelemte ɗa va kafayɛa Farawon.
5Cape Zhɛtro le ŋwale ba'a male ta Moyize kalə shɛ te ɓerama nya nza ŋkɛ takwa yitea ghweme ta Shala. 6Ma ke Zhɛtro ghweneghe nda mɛ ke Moyize: «'Ya Zhɛtro, mekwea ŋa nde se sha gha le male ta ŋa ba'a ŋwale tezhilia nta bake.» 7Pa Moyize se shɛ, gwəɗəŋə ŋkɛ kwa kema ta ŋkɛ ba'a pa həməwəve ŋkɛ. Ma kwa sebe ta nya njiŋwemte ghə hɛ ne, cape hɛ kadzembe cɛ lekwesa ta Moyize. 8Pa Moyize ɓelate nda ke mekwea ŋkɛ tsema tsema menete nda Mahwətə ke Farawon ba'a ke ka Ɛzhipte tewəmbəreke ka Israyɛl. Pa gezete nda yaka nyi sahwe hɛ kwa hweŋkwa ba'a tsema tsema mbelete hɛ Mahwətə. 9Ntake Zhɛtro kazlama te pɛtɛa wəshi nyi menete nda Mahwətə ke ka Israyɛl kwa mbelemte hɛ ŋkɛ shave mbe dzeve ta ka Ɛzhipte. 10Tagha gɛ, ma ke: «Tsahe ɓəmə Mahwətə nya kembelemte ŋayɛ shave mbe dzeve ta Farawon ba'a ŋa ka Ɛzhipte! 11Nahe 'ya keɗepe tsetsenya Mahwətə ya kwele ma ke kweci shala. Nahe ŋkɛ kencɛte vəa ŋkwa nya sa nda yaka ka Ɛzhipte ke ka Israyɛl.»
12Kwa sebe ta ŋkɛ ne, pa Zhɛtro nya kamekwea Moyize dzeghekɛ nda melɛ kwa tere tere ba'a melɛ kejikə geva ke Shala. Hwa'a yɛ Aron le mbelia jama ta ka Israyɛl kezha zeme wəsə kezeme kwa kema ta Shala, zlaɓe le mekwea Moyize.
Moyize kanta ka meha ghwə
13Ma te hendɛ ta ŋkwa ne, ntishɛ Moyize kezha meha ghwə te ghena nyi kwelɛ mbeli. Meghereŋe mbeli kwa kema ta ŋkɛ se masheke pa va tɛhwɛɗi. 14Ma kwa nakɛ wəshi nyi mene ŋkɛ kezha mbeli mekwea ŋkɛ ne, ma ke shɛ: «Wa wəsə nya mene nda nya na ke mbeli kala nya wa? Wa raberə mene slene nya na kwetɛŋe ŋa ba'a nza mbeli meghereŋe kwa kema ta ŋa, se masheke pa va tɛhwɛɗi wa?» 15Ma ke Moyize zhɛnete nda ke mekwea ŋkɛ: «Mbeli nyi se 'ya kezha fa zəzə ta Shala. 16Ma kenza ghena kwelɛ hɛ ne, kase hɛ sha 'ya: kasla fete 'ya te ghena nya kwelɛ hɛ ba'a kancɛ nda wəshi mahalegə ba'a ghena nyi gezete Shala 'ya ke hɛ.»
17Ma ke mekwea ŋkɛ shɛ: «Kehi kamene na kala nya we! 18Katedene ŋa na, tsagha mbeli nyi kese nyi sha gha. Keɗaŋeɗa slene nya va gha, kamenete na kwetɛŋe ŋa we! 19Tsetsenya ne, fa ghena ta ɗa! 'Ya katencɛ ŋa ntsehwele, pa Shala nza le gha: Nza kawəndə nya te kema ta mbeli kwa kema ta Shala, gha nde geze nda ghena nyi kwelɛ mbeli ke Shala. 20Gha ɓiyitsa nde ncɛ wəshi mahalegə ba'a ghena nyi gezete Shala ke mbeli, nde ncɛ nda hweŋkwa ganyɛ ba'a slene ganyɛ ke hɛ. 21Ma kwa sebe ta ŋkɛ ne, tsehave mbeli ganji nyi kehawe va Shala, nyi keɗe kaganda, nyi keɗema mbəɗəkwə hwa mbeli shɛ na beteyi hɛ kambeli nyi te ghəa wəvəsəa mbeli slibə, mbeli gwəmsə, mbeli mcɛfemsə ba'a mbeli meŋe. 22Mbelia shɛhɛ ka tesla fete te ghena nyi kwelɛ mbeli keveci keveci. Ghena nyi jama jama yatekele ŋa hɛ kase, ama ghenci le ghəa nci ka tesla fete te ghena nyi ɓɛhwɛ ɓɛhwɛ. Ma tsagha ne, kefe kefe tenza slene ta ŋa, va nya nehehwe na le hɛ. 23Ma kemenete na kala nya ba'a kenza nde tsagha gezete ŋa Shala ne, katedene ŋa na we. Laka ŋa nci bela ne, ketseɓa tseɓa telə mbeli nyi sha ghɛ.» 24Pa Moyize menete slene le ghena nyi gezete nda mekwea ŋkɛ. 25Pa tsehave mbeli ganji hwa ka Israyɛl ba'a beteyi hɛ te ghəa wəvəsəa mbeli slibə, mbeli gwəmsə, mbeli mcɛfemsə ba'a mbeli meŋe. 26Ghenci ka meha ghwə te mbeli keveci keveci. Ama ghena nyi dzawe dzawe ne, ke Moyize kele nda hɛ. Ghenci le ghəa nci ka sla fete te ghena nyi ɓɛhwɛ ɓɛhwɛ.
27Pa Moyize beghakɛ mekwea ŋkɛ nya kezhɛneghe geva kalə sha hɛɗia ŋkɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.