Shave 5
5
Yɛ Moyize le Aron ki ghɛa Farawon
1Ma kwa sebe ta wəshi nyighɛ, cape yɛ Moyize le Aron lə kasləyi Farawon, ma ke hɛ shɛ: «Wa nya ghena nya geze Shala Mahwətə ta ka Israyɛl nya: ‹Pelakɛ mbelia ɗa kalə kamene ɗa gəsəkə te ɓerama.›» 2Ma ke Farawon zhɛnete: «Wa sləa nyagha Mahwətə nya hi nya 'ya kafa nda ghena laka pele ka Israyɛl kaslə wa? Keɗepe Mahwətə 'ya we, kapele ŋayɛ 'ya kaslə we!» 3Ma ke yɛ Moyize le Aron shɛ: «Nahe Shala ta ka Ɛbrə, Shala Mahwətə ta n'yɛ kencɛte n'yɛ geva. Pelave n'yɛ hweŋkwa tsagha kadzeghwa kahɛ mahekene te ɓerama kezha dzeghe nda melɛ. Keɗema ŋkɛ tsagha ne, katempə n'yɛ ŋkɛ le ba keɗema le mpa.» 4Ma ke meghea ka Ɛzhipte sha hɛ: «Yɛ Moyize le Aron, wa raberə tsəkwə ka Israyɛl yɛ kasərə slene ta nci wa? Zhɛne mə geva kalə yitea slene ta ŋayɛ. 5Tsetsenya ne, kwele kwele mbeli nyi ɗema nyi zləvə te hɛ, gheyɛ ɗe kadzakwe slene ta nci hɛ na?»
Farawon kambake nda slene ke ka Israyɛl
6Ma te vecia shɛnyɛ ne, ma ke Farawon gezave nda ke ka Ɛzhipte nyi te ghəa slene ba'a ke ka Israyɛl nyi kenewe slene: 7«Ma ghalanza ne, gheyɛ ka ŋase nda vegheme ke ka Israyɛl kezha mpa brəki, mba yɛ kezhɛne kaŋase nda ke hɛ. Ma tsetsenya ne, ghenci le ghəa nci ka telə kaŋase. 8Ama geze nda mə ke hɛ kampa brəki kala nya ghalanza. Ntamtema yɛ ma. Ka meɗəa kɛfi hɛ! Vatse 'yɛwe hɛ kalə kadzeghe nda melɛ ke Shala ta nci. 9Ma kenza slene kwele kwele va hɛ kamene ne, katenza və va hɛ kazəzə ghena tseŋwə nyighɛ we.»
10Cape mbeli nyi te ghəa slene le ka Israyɛl nyi kenewe slene nyighɛ shave ki ghɛa meghe, ma ke hɛ sha ka Israyɛl: «Wa nya ghena nya tarete Farawon nya: Mba mbeli kaŋase ŋayɛ vegheme we. 11Kwiɗi mə le ghəa ŋayɛ kazele te ŋkwa nya nza yɛ kakemave. Ama kala nya ghalanza mpa brəki yɛ.»
12Tagha gɛ, kwetɛ kwetɛŋe ka Israyɛl pesleyi geva dzeyi mbe Ɛzhipte kaŋase vegheme kala nya kehi. 13Kwa sebe ta nci mbeli nyi te ghəa slene kaŋgezle, ma ke hɛ sha geze: «Kiɗimte mə slene ta ŋayɛ! Nda yɛ kampate brəki tserame, kala nya te və nya se mbeli kaŋase ŋayɛ vegheme!» 14Pa le ka Israyɛl nyi kenewe slene ɗa hɛ, ma ke hɛ sha hɛ: «Va wa ɗema yɛ ketseramete brəki mbe nyi hɛ kala nya ghalanza wa?»
15Hwa'a ka Israyɛl nyi kenewe slene kanehwene nda nehwene ke Farawon, ma ke hɛ shɛ: «Wa raberə mene nda Farawon ke ka mavashia ŋkɛ kala nya wa? 16Mba mbeli kaŋase n'yɛ vegheme we, ama nda geze yageze n'yɛ mbeli kampa brəki. Ɓiyitsa ne, ɗa yaɗa n'yɛ mbeli. Nahe mbelia ŋa kebezemte ghena.» 17Ma ke Farawon zhɛnete: «Ka meɗəa kɛfi yɛ, kaganda nza yɛ kaka meɗəa kɛfi. Vatse nda geze yɛ kalə kadzeghe nda melɛ ke Mahwətə. 18Ma tsetsenya gɛ ne, kwiɗi mə yitea slene ta ŋayɛ. Kazhɛne mbeli kaŋase ŋayɛ vegheme we, ama kala nya ghalanza tempa brəki yɛ.»
19Newe ke ka Israyɛl nyi kenewe slene ne, mbe nza nya dzawe hɛ, va nya geze nda mbeli ke hɛ kampa brəki kala nya ghalanza! 20Shavema ta nci ki ghɛa Farawon, hwa'a hɛ kahe kahe sha yɛ Moyize le Aron nyi keneghe hɛ. 21Ma ke hɛ sha hɛ: «Neweve wəsə nya menete nya yɛ Mahwətə shɛ ŋkɛ mehate ghwə te! Tewəmbəreke gheyɛ ɗema ntsə ta n'yɛ yɛ Farawon le mbeli nyi yite. Kafayɛ yandeke nda yɛ ke hɛ kezha mpə n'yɛ!» 22Tagha, pa Moyize zhɛrete kema laka Mahwətə, ma ke shɛ: «Mahwətə yawe, wa raberə menete nda wəsə kwa ndiremi na ke mbeli nyi wa? Yitea wa ghweneke ɗa na kase teke wa? 23Ghala kwa se 'ya sha Farawon kezha geze nda ghena ta ŋa ne, yaka yasa nda ŋkɛ ke ka Israyɛl. Gha ne, wəsə shɛ kemenete na kezha mbele mbelia ŋa we!»
Currently Selected:
Shave 5: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
Shave 5
5
Yɛ Moyize le Aron ki ghɛa Farawon
1Ma kwa sebe ta wəshi nyighɛ, cape yɛ Moyize le Aron lə kasləyi Farawon, ma ke hɛ shɛ: «Wa nya ghena nya geze Shala Mahwətə ta ka Israyɛl nya: ‹Pelakɛ mbelia ɗa kalə kamene ɗa gəsəkə te ɓerama.›» 2Ma ke Farawon zhɛnete: «Wa sləa nyagha Mahwətə nya hi nya 'ya kafa nda ghena laka pele ka Israyɛl kaslə wa? Keɗepe Mahwətə 'ya we, kapele ŋayɛ 'ya kaslə we!» 3Ma ke yɛ Moyize le Aron shɛ: «Nahe Shala ta ka Ɛbrə, Shala Mahwətə ta n'yɛ kencɛte n'yɛ geva. Pelave n'yɛ hweŋkwa tsagha kadzeghwa kahɛ mahekene te ɓerama kezha dzeghe nda melɛ. Keɗema ŋkɛ tsagha ne, katempə n'yɛ ŋkɛ le ba keɗema le mpa.» 4Ma ke meghea ka Ɛzhipte sha hɛ: «Yɛ Moyize le Aron, wa raberə tsəkwə ka Israyɛl yɛ kasərə slene ta nci wa? Zhɛne mə geva kalə yitea slene ta ŋayɛ. 5Tsetsenya ne, kwele kwele mbeli nyi ɗema nyi zləvə te hɛ, gheyɛ ɗe kadzakwe slene ta nci hɛ na?»
Farawon kambake nda slene ke ka Israyɛl
6Ma te vecia shɛnyɛ ne, ma ke Farawon gezave nda ke ka Ɛzhipte nyi te ghəa slene ba'a ke ka Israyɛl nyi kenewe slene: 7«Ma ghalanza ne, gheyɛ ka ŋase nda vegheme ke ka Israyɛl kezha mpa brəki, mba yɛ kezhɛne kaŋase nda ke hɛ. Ma tsetsenya ne, ghenci le ghəa nci ka telə kaŋase. 8Ama geze nda mə ke hɛ kampa brəki kala nya ghalanza. Ntamtema yɛ ma. Ka meɗəa kɛfi hɛ! Vatse 'yɛwe hɛ kalə kadzeghe nda melɛ ke Shala ta nci. 9Ma kenza slene kwele kwele va hɛ kamene ne, katenza və va hɛ kazəzə ghena tseŋwə nyighɛ we.»
10Cape mbeli nyi te ghəa slene le ka Israyɛl nyi kenewe slene nyighɛ shave ki ghɛa meghe, ma ke hɛ sha ka Israyɛl: «Wa nya ghena nya tarete Farawon nya: Mba mbeli kaŋase ŋayɛ vegheme we. 11Kwiɗi mə le ghəa ŋayɛ kazele te ŋkwa nya nza yɛ kakemave. Ama kala nya ghalanza mpa brəki yɛ.»
12Tagha gɛ, kwetɛ kwetɛŋe ka Israyɛl pesleyi geva dzeyi mbe Ɛzhipte kaŋase vegheme kala nya kehi. 13Kwa sebe ta nci mbeli nyi te ghəa slene kaŋgezle, ma ke hɛ sha geze: «Kiɗimte mə slene ta ŋayɛ! Nda yɛ kampate brəki tserame, kala nya te və nya se mbeli kaŋase ŋayɛ vegheme!» 14Pa le ka Israyɛl nyi kenewe slene ɗa hɛ, ma ke hɛ sha hɛ: «Va wa ɗema yɛ ketseramete brəki mbe nyi hɛ kala nya ghalanza wa?»
15Hwa'a ka Israyɛl nyi kenewe slene kanehwene nda nehwene ke Farawon, ma ke hɛ shɛ: «Wa raberə mene nda Farawon ke ka mavashia ŋkɛ kala nya wa? 16Mba mbeli kaŋase n'yɛ vegheme we, ama nda geze yageze n'yɛ mbeli kampa brəki. Ɓiyitsa ne, ɗa yaɗa n'yɛ mbeli. Nahe mbelia ŋa kebezemte ghena.» 17Ma ke Farawon zhɛnete: «Ka meɗəa kɛfi yɛ, kaganda nza yɛ kaka meɗəa kɛfi. Vatse nda geze yɛ kalə kadzeghe nda melɛ ke Mahwətə. 18Ma tsetsenya gɛ ne, kwiɗi mə yitea slene ta ŋayɛ. Kazhɛne mbeli kaŋase ŋayɛ vegheme we, ama kala nya ghalanza tempa brəki yɛ.»
19Newe ke ka Israyɛl nyi kenewe slene ne, mbe nza nya dzawe hɛ, va nya geze nda mbeli ke hɛ kampa brəki kala nya ghalanza! 20Shavema ta nci ki ghɛa Farawon, hwa'a hɛ kahe kahe sha yɛ Moyize le Aron nyi keneghe hɛ. 21Ma ke hɛ sha hɛ: «Neweve wəsə nya menete nya yɛ Mahwətə shɛ ŋkɛ mehate ghwə te! Tewəmbəreke gheyɛ ɗema ntsə ta n'yɛ yɛ Farawon le mbeli nyi yite. Kafayɛ yandeke nda yɛ ke hɛ kezha mpə n'yɛ!» 22Tagha, pa Moyize zhɛrete kema laka Mahwətə, ma ke shɛ: «Mahwətə yawe, wa raberə menete nda wəsə kwa ndiremi na ke mbeli nyi wa? Yitea wa ghweneke ɗa na kase teke wa? 23Ghala kwa se 'ya sha Farawon kezha geze nda ghena ta ŋa ne, yaka yasa nda ŋkɛ ke ka Israyɛl. Gha ne, wəsə shɛ kemenete na kezha mbele mbelia ŋa we!»
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.