Shave 6
6
1Ma ke Mahwətə zhɛnete nda ke Moyize: «Tsetsenya ne, katenewe wəsə nya temene nda 'ya ke Farawon na! Laka berete ta ɗa ne, katesərə ka Israyɛl ŋkɛ kaslə. Laka berete ta ɗa ne, kateŋka hɛ ŋkɛ shave mbe hɛɗia ŋkɛ!»
Shala kameɗe nda mbele ka Israyɛl ke Moyize
2Ma ke Shala sha Moyize zhɛkwa: «'Ya ya kaMahwətə. 3Nahe 'ya kencɛte nda ghəa ɗa vəashi ke Abraham, ke Izak ba'a ke Zhakob kaShala nde berete, ama keɗepete hɛ ‹Mahwətə› kwete sləa ɗa we. 4Nahe 'ya kemenete jikə geva le hɛ, nahe 'ya kemeɗeyi nda hɛɗia Kanan, nya se hɛ kaka se se te ke hɛ. 5Tsetsenya ne, nahe 'ya kefate gafe ta ka Israyɛl va ɗaŋeɗa ta slene mava nya veyi ka Ɛzhipte kwa ghəa nci, nahe 'ya kezəzəte jikə geva ta ɗa le hɛ. 6Vatse gɛ, ma pa sha ka Israyɛl: 'Ya ya kaMahwətə. Katefə ŋayɛ 'ya shave mbe slene yaka ba'a katembele ŋayɛ 'ya shave mbe slene mava nya ndeke ŋayɛ ka Ɛzhipte. Te zlaɓa ta berete ta ɗa ba'a kwelea ɗa ne, katembele ŋayɛ 'ya. 7Kateve ŋayɛ 'ya kambelia ɗa ba'a katenza 'ya kaShala ta ŋayɛ. Kateɗepete yɛ 'ya ya kaMahwətə Shala ta ŋayɛ, nya kefə ŋayɛ shave mbe slene berete nyi ndeke ŋayɛ ka Ɛzhipte. 8Kwa sebe ta ŋkɛ ne, katebeghe ŋayɛ 'ya kadzete hɛɗi nya meɗeyi nda 'ya gheci gheci ke Abraham, ke Izak ba'a ke Zhakob, kateve ŋayɛ 'ya kaŋa ŋayɛ. 'Ya ya kaMahwətə.» 9Pa Moyize ɓelate nda ghena shɛhɛ ke ka Israyɛl, ama kese hɛ kafa va dzawea slene mava nya ketaze nda mehele ke hɛ we.
10Ma ke Mahwətə sha Moyize zhɛkwa: 11«Kwiɗi geze nda ke Farawon, meghea ka Ɛzhipte kezha pelakɛ ka Israyɛl ŋkɛ kaslə te hɛɗia ŋkɛ.» 12Ma ke Moyize zhɛnete nda: «Pa le ka Israyɛl ɗema kese kafa ghena ta ɗa! Tsema tenza Farawon kafate ghena ta ɗa, 'ya nya kaɓeɓə wa?» 13Tagha gɛ, pa Mahwətə gezave nda ke yɛ Moyize le Aron kalə zlaɓe sha ka Israyɛl ba'a sha Farawon kezha fə ka Israyɛl shave mbe Ɛzhipte.
Sləa ka shihɛnyɛa yɛ Moyize le Aron
14Wa nyi sləa mbelia jama nyi te ghəa ka shihɛnyɛa ka Israyɛl nyi:
Ŋwalea Rəbɛn, tsəməa wəzege ta Zhakob: Hanok, Paləw, Hɛsron ba'a Karmi. Nyi ya kaka shihɛnyɛa Rəbɛn.
15Ŋwalea Simɛyon: Yeməwɛl, Yamin, Ohad, Yakin, Sohar ba'a Shawəl nya kawəzege ta wəzha ta ka Kanan. Nyi ya kaka shihɛnyɛa Simɛyon.
16Wa nyi sləa hwelefefia Lɛvi nyi, keyita keyita: Ŋwale mahekene yake Lɛvi: yɛ Gɛrshon, Kɛhat le Merari. Va gwəmsə ba'a mahekenemsə mberefaŋeghəmbe menete ŋkɛ teghweme. 17Ŋwalea Gɛrshon: yɛ Libni le Shimɛyi nyi kaka shihɛnyɛa yita ta nci. 18Ŋwalea Kɛhat: yɛ Amram, Isar, Hɛbron le Əwziyɛl. Va gwəmsə ba'a mahekenemsə mahekeneghəmbe menete Kɛhat teghweme. 19Ŋwalea Merari: yɛ Mali le Məwshi. Nyi ya kaka shihɛnyɛa Lɛvi keyita keyita.
20Pa Amram wəmeve wəzha ta meghekɛa yitenyɛ Yokɛbɛd, nya keyake nda ŋwale bake: yɛ Aron le Moyize. Va gwəmsə ba'a mahekenemsə mberefaŋeghəmbe menete Amram teghweme.
21Ŋwalea Isar: yɛ Korɛ, Nɛfɛg le Zikri. 22Ŋwalea Əwziyɛl: Mishayɛl, Ɛlisafan le Sitri.
23Pa Aron wəmeve Ɛlishɛba nya kawəzha ta Aminadab ba'a kawəzha ta meghekɛa Nashon. Pa yake nda ŋwale wəfaɗe: yɛ Nadab, Abihəw, Ɛlazar le Itamar.
24Ŋwalea Korɛ: yɛ Asir, Ɛlkana le Abiyasaf. Nyi ka shihɛnyɛa ka yita ta Korɛ.
25Pa Ɛlazar, wəzege ta Aron wəmeve kwete hwa ŋwalea kwɛa Pəwtiyɛl, nya keyake nda wəzege kwetɛŋe, Pinhas.
Nyi ya kambeli nyi te ghəa peləa Lɛvi keyita keyita.
26Ke yɛ Aron le Moyize gezave nda Mahwətə kezha fə ka Israyɛl shave mbe Ɛzhipte, kewəvəsə kewəvəsə. 27Yɛ Moyize le Aron ka se kageze nda ghena ke Farawon, meghea ka Ɛzhipte, kezha pelakɛ ka Israyɛl ŋkɛ kaslə te hɛɗia ŋkɛ.
Shala kazhɛne kameɗe nda mɛ ke Moyize
28Ma te veci nya gezete nda ghena Mahwətə ke Moyize mbe Ɛzhipte ne, 29ma ke shɛ: «'Ya ya kaMahwətə! Kwiɗi kaɓela nda ghena ta ɗa pɛtɛ ke Farawon, meghea ka Ɛzhipte.» 30Ama ma ke Moyize zhɛnete nda: «'Ya ne, ɓeɓə 'ya. Tsema nza Farawon katefate ghena ta ɗa wa?»
Currently Selected:
Shave 6: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
Shave 6
6
1Ma ke Mahwətə zhɛnete nda ke Moyize: «Tsetsenya ne, katenewe wəsə nya temene nda 'ya ke Farawon na! Laka berete ta ɗa ne, katesərə ka Israyɛl ŋkɛ kaslə. Laka berete ta ɗa ne, kateŋka hɛ ŋkɛ shave mbe hɛɗia ŋkɛ!»
Shala kameɗe nda mbele ka Israyɛl ke Moyize
2Ma ke Shala sha Moyize zhɛkwa: «'Ya ya kaMahwətə. 3Nahe 'ya kencɛte nda ghəa ɗa vəashi ke Abraham, ke Izak ba'a ke Zhakob kaShala nde berete, ama keɗepete hɛ ‹Mahwətə› kwete sləa ɗa we. 4Nahe 'ya kemenete jikə geva le hɛ, nahe 'ya kemeɗeyi nda hɛɗia Kanan, nya se hɛ kaka se se te ke hɛ. 5Tsetsenya ne, nahe 'ya kefate gafe ta ka Israyɛl va ɗaŋeɗa ta slene mava nya veyi ka Ɛzhipte kwa ghəa nci, nahe 'ya kezəzəte jikə geva ta ɗa le hɛ. 6Vatse gɛ, ma pa sha ka Israyɛl: 'Ya ya kaMahwətə. Katefə ŋayɛ 'ya shave mbe slene yaka ba'a katembele ŋayɛ 'ya shave mbe slene mava nya ndeke ŋayɛ ka Ɛzhipte. Te zlaɓa ta berete ta ɗa ba'a kwelea ɗa ne, katembele ŋayɛ 'ya. 7Kateve ŋayɛ 'ya kambelia ɗa ba'a katenza 'ya kaShala ta ŋayɛ. Kateɗepete yɛ 'ya ya kaMahwətə Shala ta ŋayɛ, nya kefə ŋayɛ shave mbe slene berete nyi ndeke ŋayɛ ka Ɛzhipte. 8Kwa sebe ta ŋkɛ ne, katebeghe ŋayɛ 'ya kadzete hɛɗi nya meɗeyi nda 'ya gheci gheci ke Abraham, ke Izak ba'a ke Zhakob, kateve ŋayɛ 'ya kaŋa ŋayɛ. 'Ya ya kaMahwətə.» 9Pa Moyize ɓelate nda ghena shɛhɛ ke ka Israyɛl, ama kese hɛ kafa va dzawea slene mava nya ketaze nda mehele ke hɛ we.
10Ma ke Mahwətə sha Moyize zhɛkwa: 11«Kwiɗi geze nda ke Farawon, meghea ka Ɛzhipte kezha pelakɛ ka Israyɛl ŋkɛ kaslə te hɛɗia ŋkɛ.» 12Ma ke Moyize zhɛnete nda: «Pa le ka Israyɛl ɗema kese kafa ghena ta ɗa! Tsema tenza Farawon kafate ghena ta ɗa, 'ya nya kaɓeɓə wa?» 13Tagha gɛ, pa Mahwətə gezave nda ke yɛ Moyize le Aron kalə zlaɓe sha ka Israyɛl ba'a sha Farawon kezha fə ka Israyɛl shave mbe Ɛzhipte.
Sləa ka shihɛnyɛa yɛ Moyize le Aron
14Wa nyi sləa mbelia jama nyi te ghəa ka shihɛnyɛa ka Israyɛl nyi:
Ŋwalea Rəbɛn, tsəməa wəzege ta Zhakob: Hanok, Paləw, Hɛsron ba'a Karmi. Nyi ya kaka shihɛnyɛa Rəbɛn.
15Ŋwalea Simɛyon: Yeməwɛl, Yamin, Ohad, Yakin, Sohar ba'a Shawəl nya kawəzege ta wəzha ta ka Kanan. Nyi ya kaka shihɛnyɛa Simɛyon.
16Wa nyi sləa hwelefefia Lɛvi nyi, keyita keyita: Ŋwale mahekene yake Lɛvi: yɛ Gɛrshon, Kɛhat le Merari. Va gwəmsə ba'a mahekenemsə mberefaŋeghəmbe menete ŋkɛ teghweme. 17Ŋwalea Gɛrshon: yɛ Libni le Shimɛyi nyi kaka shihɛnyɛa yita ta nci. 18Ŋwalea Kɛhat: yɛ Amram, Isar, Hɛbron le Əwziyɛl. Va gwəmsə ba'a mahekenemsə mahekeneghəmbe menete Kɛhat teghweme. 19Ŋwalea Merari: yɛ Mali le Məwshi. Nyi ya kaka shihɛnyɛa Lɛvi keyita keyita.
20Pa Amram wəmeve wəzha ta meghekɛa yitenyɛ Yokɛbɛd, nya keyake nda ŋwale bake: yɛ Aron le Moyize. Va gwəmsə ba'a mahekenemsə mberefaŋeghəmbe menete Amram teghweme.
21Ŋwalea Isar: yɛ Korɛ, Nɛfɛg le Zikri. 22Ŋwalea Əwziyɛl: Mishayɛl, Ɛlisafan le Sitri.
23Pa Aron wəmeve Ɛlishɛba nya kawəzha ta Aminadab ba'a kawəzha ta meghekɛa Nashon. Pa yake nda ŋwale wəfaɗe: yɛ Nadab, Abihəw, Ɛlazar le Itamar.
24Ŋwalea Korɛ: yɛ Asir, Ɛlkana le Abiyasaf. Nyi ka shihɛnyɛa ka yita ta Korɛ.
25Pa Ɛlazar, wəzege ta Aron wəmeve kwete hwa ŋwalea kwɛa Pəwtiyɛl, nya keyake nda wəzege kwetɛŋe, Pinhas.
Nyi ya kambeli nyi te ghəa peləa Lɛvi keyita keyita.
26Ke yɛ Aron le Moyize gezave nda Mahwətə kezha fə ka Israyɛl shave mbe Ɛzhipte, kewəvəsə kewəvəsə. 27Yɛ Moyize le Aron ka se kageze nda ghena ke Farawon, meghea ka Ɛzhipte, kezha pelakɛ ka Israyɛl ŋkɛ kaslə te hɛɗia ŋkɛ.
Shala kazhɛne kameɗe nda mɛ ke Moyize
28Ma te veci nya gezete nda ghena Mahwətə ke Moyize mbe Ɛzhipte ne, 29ma ke shɛ: «'Ya ya kaMahwətə! Kwiɗi kaɓela nda ghena ta ɗa pɛtɛ ke Farawon, meghea ka Ɛzhipte.» 30Ama ma ke Moyize zhɛnete nda: «'Ya ne, ɓeɓə 'ya. Tsema nza Farawon katefate ghena ta ɗa wa?»
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.