Gha ta Wəshi 18
18
Shala kageze kateya wəzege teza Sara
1Pa Mahwətə ncɛte nda geva ke Abraham terasle yitea cɛana nyi mbe Mamrɛ, vəa ŋkwa nya ŋkɛ mentishɛ mɛa cɛ lekwesa mbe ghwə ta veci. 2Ma kwa pelakɛ ntsə ŋkɛ wereɗɛŋe ne, dəkwə ŋkɛ te kweci mbeli mahekene terasle yite. Nakɛma ta ŋkɛ ke hɛ ne, tereŋe ŋkɛ te hwɛ kalə sha hɛ, pa ŋkɛ ŋame ghə mbe hɛɗi mbe kema ta nci. 3Ma ke sha kwete wəndəa nci: «Nde sleke ɗa, kampi ŋa dzeve 'ya, ma nda kazlaɓa na le 'ya ne, zlakema ghɛa nde mene slene ta ŋa na ma. 4Gəke ŋayɛ yɛmə mbeli ɓɛhwɛ shɛ yɛ pɛkɛ seɗa ta ŋayɛ, zhɛnakɛ mə mpi teke yitea wəfe nya. 5'Ya kateɗa ŋayɛ wəsə kezeme yitea kemave berete yɛ nda teslə yɛ, kezha gheŋkɛ seyi ŋayɛ yɛ vare nde mene slene ta ŋayɛ.» Ma ke hɛ zhɛnete: «Mene kala nya gezete na.» 6Tereŋe Abraham te hwɛ kadzembe cɛ lekwesa, ma ke sha Sara: «Yana dzegheve hə mahekene te kwalekwə shɛ na menete gatewe kahe kahe.» 7Kwa sebe ta ŋkɛ, tereŋe ŋkɛ te hwɛ laka wəshi keseɗa ta ŋkɛ, pa ŋkɛ keseve leve nya hɛnɛhɛ ba'a ndeke nda ke nde mene slene ta ŋkɛ nya kelə kata kahe kahe.
8Pa ŋkɛ keleke ŋ'wa kwa msle msle ba'a nya keɗema kemsle, sli kwa ta ta ba'a beteyi hɛ mbe kema ta nci. Pa ŋkɛ ghereŋenyɛ tagha yitea wəfe vare hɛ nda zehwe hɛ hɛ. 9Ma ke hɛ sha Abraham: «Tema Sara, male ta ŋa wa?» Ma ke zhɛnete: «Mbe cɛ nde.» 10Ma ke kwete wəndəa ka mentiɓəa slia shɛhɛ zhɛkwa: «Ma nda tese 'ya heshi tsetse ŋkwa ne, wəzege teza ya va male ta ŋa Sara.» Nda fa yafa Sara mɛa cɛ lekwesa kwetere wəmbəa Abraham. 11Meha mehɛɗi yɛ Abraham le Sara, nahe va ta nci kejivenji. Mba wəshi kazhɛ nda ke Sara we. 12Ntake Sara kaŋ'wəshi mbe ghəa nta, ma ke: «Kameha 'ya kala nya ne, mba 'ya kamawe za zhɛkwa na? Tsagha za ɗa, təwə təwə ghəa ŋkɛ!» 13Ma ke Mahwətə sha Abraham: «Va wa ŋ'wəshi Sara wa? Yitea wa geze nde: ‹Kaganda nza 'ya kayake wəzege kehale hale 'ya na›, ke wa? 14Kwete wəsə shɛ kapeslema Mahwətə yite na? Heshi tsetse ŋkwa kala nya və nda tese 'ya ne, wəzege teza ya va Sara.» 15Ntake Sara kazhɛne ghə, ma ke va ghazlənə: «Kese 'ya kaŋ'wəshi we.» Ma ke hɛ shɛ: «Nahe na kese kaŋ'wəshi.»
Səkwə ghə ta Abraham kezha Sodome
16Pa mbelia shɛhɛ satenji kaslə, mteghere hɛ betate ntsə te Sodome. Ntəŋə Abraham slə le hɛ kezha beghe hɛ. 17Ma ke Mahwətə: «Kaɗe 'ya kawəfərə wəsə nya temene 'ya va Abraham we. 18Katenza Abraham kashia hwelefe nya wəba ba'a nya berete. Se laka gheŋkɛ tewəpi geva pɛtɛa hwelefefi nyi te hɛɗi. 19Nahe 'ya kentave ŋkɛ yitea geze nda ŋkɛ ke ŋwalea ŋkɛ ba'a ke hwelefe ta ŋkɛ kazele hweŋkwa ta Mahwətə le kaganda ba'a nza tiɗiɗi. Ma tsagha, katemene nda wəsə nya meɗeyi nda Mahwətə ŋkɛ ke Abraham.» 20Ma ke Mahwətə sha Abraham: «Zlahe nehwene mbeli va yɛ Sodome le Gomore, kwele kwele jaɗafa ta nci. 21Dzawa 'ya kanewe kenza nde nahe hɛ kemenete kala nya fate 'ya kageze geva. Ma tsagha, kateɗepete kaganda 'ya.»
22Ntəŋə mbeli nyighɛ kadzawa Sodome, mba Mahwətə tagha le Abraham. 23Pa Abraham hendave nda geva, ma ke shɛ: «Kaganda teza wəndə nya tiɗiɗi na jikə le nde jaɗafa na? 24Nda kwete mbeli nyi tiɗiɗi ya shɛ mcɛfemsə mbe Sodome. Kateza melemea shɛ na, kaɗema kakele jaɗafa ta mbeli nyi mbe seyi te wənə te zlaɓa ta mbeli nyi tiɗiɗi mcɛfemsə na? 25Kehite geva ŋkɛ kamene na tsagha we! Kezha pesle wəndə nya tiɗiɗi le nde jaɗafa jikə ne, kehite geva kanza yaka nya te hɛ yipə yipə we. Kashɛ wəndə nya kemeha ghwə te hɛɗi lema ɗema meha ghwə nya tiɗiɗi we.» 26Ma ke Mahwətə shɛ: «Ma kenakɛ mbeli nyi tiɗiɗi 'ya mcɛfemsə mbe Sodome ne, katekelemte jaɗafa ta melemea shɛ 'ya te wənə tewəmbəreke hɛ.»
27Ma ke Abraham zhɛkwa: «Təhwə təhwə ŋa 'ya te ghena nya geze ŋa 'ya Mahwətə yawe, 'ya nya kakeləwə ba'a kapəsəɗə. 28Nda kwete mbe mbeli nyi mcɛfemsə ne, kadewə mbeli mcɛfe, te mbeli nyi mcɛfe nyi kedewə nyi ne, kateza melemea shɛ na pɛtɛ na?» Ma ke: «Kateza ŋkɛ 'ya kesləyi mbeli nyi tiɗiɗi 'ya wəfaɗemsə mcɛfeghəmbe mbe we.»
29Ma ke Abraham gezete zhɛkwa: «Nda kwete deke wəfaɗemsə hɛ wa?» Ma ke: «Ewə, kateza 'ya tewəmbəreke nyi wəfaɗemsə nyighɛ we.»
30Ma ke Abraham zhɛkwa: «Təhwə təhwə ŋa 'ya Mahwətə yawe, mba na kehwepe wənə kegezete ghena 'ya zhɛkwa. Nda kwete mahekenemsə hɛ wa?» Ma ke shɛ: «Kateza melemea shɛ 'ya tewəmbəreke nyi mahekene nyighɛ we.»
31Ma ke zhɛkwa: «Mahwətə yawe, təhwə təhwə kwa nza 'ya mba kageze ŋa ghena. Nda kwete bakemsə hɛ wa?» Ma ke: «Kateza melemea shɛ 'ya tewəmbəreke mbeli nyi bakemsə nyighɛ we.»
32Ma ke Abraham shɛ ɓiyitsa: «Mahwətə yawe, mba na kehwepe wənə kegezete ŋa ghena 'ya kakwa keɗaŋe: nda kwete meŋe mbeli nyi tiɗiɗi mbe gɛ!» Ma ke shɛ: «Kateza melemea shɛ 'ya tewəmbəreke mbeli nyi meŋe nyighɛ we.»
33Ma kwa keɗaŋemte geze nda ghena ŋkɛ ke Abraham, cape Mahwətə slənyɛ, tewətelɛwe Abraham zhɛneghe geva kalə sha ghɛa ŋkɛ.
Currently Selected:
Gha ta Wəshi 18: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
Gha ta Wəshi 18
18
Shala kageze kateya wəzege teza Sara
1Pa Mahwətə ncɛte nda geva ke Abraham terasle yitea cɛana nyi mbe Mamrɛ, vəa ŋkwa nya ŋkɛ mentishɛ mɛa cɛ lekwesa mbe ghwə ta veci. 2Ma kwa pelakɛ ntsə ŋkɛ wereɗɛŋe ne, dəkwə ŋkɛ te kweci mbeli mahekene terasle yite. Nakɛma ta ŋkɛ ke hɛ ne, tereŋe ŋkɛ te hwɛ kalə sha hɛ, pa ŋkɛ ŋame ghə mbe hɛɗi mbe kema ta nci. 3Ma ke sha kwete wəndəa nci: «Nde sleke ɗa, kampi ŋa dzeve 'ya, ma nda kazlaɓa na le 'ya ne, zlakema ghɛa nde mene slene ta ŋa na ma. 4Gəke ŋayɛ yɛmə mbeli ɓɛhwɛ shɛ yɛ pɛkɛ seɗa ta ŋayɛ, zhɛnakɛ mə mpi teke yitea wəfe nya. 5'Ya kateɗa ŋayɛ wəsə kezeme yitea kemave berete yɛ nda teslə yɛ, kezha gheŋkɛ seyi ŋayɛ yɛ vare nde mene slene ta ŋayɛ.» Ma ke hɛ zhɛnete: «Mene kala nya gezete na.» 6Tereŋe Abraham te hwɛ kadzembe cɛ lekwesa, ma ke sha Sara: «Yana dzegheve hə mahekene te kwalekwə shɛ na menete gatewe kahe kahe.» 7Kwa sebe ta ŋkɛ, tereŋe ŋkɛ te hwɛ laka wəshi keseɗa ta ŋkɛ, pa ŋkɛ keseve leve nya hɛnɛhɛ ba'a ndeke nda ke nde mene slene ta ŋkɛ nya kelə kata kahe kahe.
8Pa ŋkɛ keleke ŋ'wa kwa msle msle ba'a nya keɗema kemsle, sli kwa ta ta ba'a beteyi hɛ mbe kema ta nci. Pa ŋkɛ ghereŋenyɛ tagha yitea wəfe vare hɛ nda zehwe hɛ hɛ. 9Ma ke hɛ sha Abraham: «Tema Sara, male ta ŋa wa?» Ma ke zhɛnete: «Mbe cɛ nde.» 10Ma ke kwete wəndəa ka mentiɓəa slia shɛhɛ zhɛkwa: «Ma nda tese 'ya heshi tsetse ŋkwa ne, wəzege teza ya va male ta ŋa Sara.» Nda fa yafa Sara mɛa cɛ lekwesa kwetere wəmbəa Abraham. 11Meha mehɛɗi yɛ Abraham le Sara, nahe va ta nci kejivenji. Mba wəshi kazhɛ nda ke Sara we. 12Ntake Sara kaŋ'wəshi mbe ghəa nta, ma ke: «Kameha 'ya kala nya ne, mba 'ya kamawe za zhɛkwa na? Tsagha za ɗa, təwə təwə ghəa ŋkɛ!» 13Ma ke Mahwətə sha Abraham: «Va wa ŋ'wəshi Sara wa? Yitea wa geze nde: ‹Kaganda nza 'ya kayake wəzege kehale hale 'ya na›, ke wa? 14Kwete wəsə shɛ kapeslema Mahwətə yite na? Heshi tsetse ŋkwa kala nya və nda tese 'ya ne, wəzege teza ya va Sara.» 15Ntake Sara kazhɛne ghə, ma ke va ghazlənə: «Kese 'ya kaŋ'wəshi we.» Ma ke hɛ shɛ: «Nahe na kese kaŋ'wəshi.»
Səkwə ghə ta Abraham kezha Sodome
16Pa mbelia shɛhɛ satenji kaslə, mteghere hɛ betate ntsə te Sodome. Ntəŋə Abraham slə le hɛ kezha beghe hɛ. 17Ma ke Mahwətə: «Kaɗe 'ya kawəfərə wəsə nya temene 'ya va Abraham we. 18Katenza Abraham kashia hwelefe nya wəba ba'a nya berete. Se laka gheŋkɛ tewəpi geva pɛtɛa hwelefefi nyi te hɛɗi. 19Nahe 'ya kentave ŋkɛ yitea geze nda ŋkɛ ke ŋwalea ŋkɛ ba'a ke hwelefe ta ŋkɛ kazele hweŋkwa ta Mahwətə le kaganda ba'a nza tiɗiɗi. Ma tsagha, katemene nda wəsə nya meɗeyi nda Mahwətə ŋkɛ ke Abraham.» 20Ma ke Mahwətə sha Abraham: «Zlahe nehwene mbeli va yɛ Sodome le Gomore, kwele kwele jaɗafa ta nci. 21Dzawa 'ya kanewe kenza nde nahe hɛ kemenete kala nya fate 'ya kageze geva. Ma tsagha, kateɗepete kaganda 'ya.»
22Ntəŋə mbeli nyighɛ kadzawa Sodome, mba Mahwətə tagha le Abraham. 23Pa Abraham hendave nda geva, ma ke shɛ: «Kaganda teza wəndə nya tiɗiɗi na jikə le nde jaɗafa na? 24Nda kwete mbeli nyi tiɗiɗi ya shɛ mcɛfemsə mbe Sodome. Kateza melemea shɛ na, kaɗema kakele jaɗafa ta mbeli nyi mbe seyi te wənə te zlaɓa ta mbeli nyi tiɗiɗi mcɛfemsə na? 25Kehite geva ŋkɛ kamene na tsagha we! Kezha pesle wəndə nya tiɗiɗi le nde jaɗafa jikə ne, kehite geva kanza yaka nya te hɛ yipə yipə we. Kashɛ wəndə nya kemeha ghwə te hɛɗi lema ɗema meha ghwə nya tiɗiɗi we.» 26Ma ke Mahwətə shɛ: «Ma kenakɛ mbeli nyi tiɗiɗi 'ya mcɛfemsə mbe Sodome ne, katekelemte jaɗafa ta melemea shɛ 'ya te wənə tewəmbəreke hɛ.»
27Ma ke Abraham zhɛkwa: «Təhwə təhwə ŋa 'ya te ghena nya geze ŋa 'ya Mahwətə yawe, 'ya nya kakeləwə ba'a kapəsəɗə. 28Nda kwete mbe mbeli nyi mcɛfemsə ne, kadewə mbeli mcɛfe, te mbeli nyi mcɛfe nyi kedewə nyi ne, kateza melemea shɛ na pɛtɛ na?» Ma ke: «Kateza ŋkɛ 'ya kesləyi mbeli nyi tiɗiɗi 'ya wəfaɗemsə mcɛfeghəmbe mbe we.»
29Ma ke Abraham gezete zhɛkwa: «Nda kwete deke wəfaɗemsə hɛ wa?» Ma ke: «Ewə, kateza 'ya tewəmbəreke nyi wəfaɗemsə nyighɛ we.»
30Ma ke Abraham zhɛkwa: «Təhwə təhwə ŋa 'ya Mahwətə yawe, mba na kehwepe wənə kegezete ghena 'ya zhɛkwa. Nda kwete mahekenemsə hɛ wa?» Ma ke shɛ: «Kateza melemea shɛ 'ya tewəmbəreke nyi mahekene nyighɛ we.»
31Ma ke zhɛkwa: «Mahwətə yawe, təhwə təhwə kwa nza 'ya mba kageze ŋa ghena. Nda kwete bakemsə hɛ wa?» Ma ke: «Kateza melemea shɛ 'ya tewəmbəreke mbeli nyi bakemsə nyighɛ we.»
32Ma ke Abraham shɛ ɓiyitsa: «Mahwətə yawe, mba na kehwepe wənə kegezete ŋa ghena 'ya kakwa keɗaŋe: nda kwete meŋe mbeli nyi tiɗiɗi mbe gɛ!» Ma ke shɛ: «Kateza melemea shɛ 'ya tewəmbəreke mbeli nyi meŋe nyighɛ we.»
33Ma kwa keɗaŋemte geze nda ghena ŋkɛ ke Abraham, cape Mahwətə slənyɛ, tewətelɛwe Abraham zhɛneghe geva kalə sha ghɛa ŋkɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.