Gha ta Wəshi 19
19
Lot kambele va ŋzla ta Sodome
1Ma kwa ntsehe ka ghwene ta Shala nyi bake nyi kwa Sodome le tɛhwɛɗi ne, mentishɛ Lot mɛa degha kedzembe Sodome, pa ŋkɛ nakɛ hɛ, ntəŋə ŋkɛ kalə kabegeme le hɛ, ntiŋə ŋkɛ ŋame ghə mbe hɛɗi mbe kema ta nci. 2Ma ke sha hɛ: «Təhwə təhwə ŋayɛ 'ya ka sleke ɗa, heyi mə seɗa ki ghɛa nde mene slene ta ŋayɛ, pɛkɛ mə seɗa ta ŋayɛ shɛ yɛ hɛ ŋayɛ ki. Masheke masheke ne, ntəŋə yɛ yitea dzeghwa ta ŋayɛ.» Ma ke hɛ shɛ: «Ewə, pelɛke te ŋwela hɛ ghen'yɛ.» 3Pa ŋkɛ tərənəghe hɛ kadzeki ghɛa ŋkɛ, hwa'a hɛ ki. Pa ŋkɛ takɛ nda wəsə kezeme ke hɛ ba'a takɛ ɗafa kwalekwala, pa hɛ zehwe.
4Kenaka hɛ kaɓelahe nda dzaslete ghɛa shɛ mbeli nyi mbe Sodome we, se te ŋwale hwa'a te ka meha mehɛɗi, pɛtɛa mbeli kaɗema ghala kwa. 5Pa hɛ hekakɛ Lot, ma ke hɛ shɛ: «Tema mbeli nyi kese nyi sha gha ɓeshi viɗi nya wa? Heka n'yɛ hɛ kashave kezha ɓelahe n'yɛ le hɛ.»
6Cape Lot kashave mɛa degha, pa ŋkɛ ŋzlete gelembe kwetere wəmbəa ŋkɛ. 7Ma ke sha hɛ: «Təhwə təhwə mə ka kesaka ma, menema wəsə kwa ndiremi yɛ ma. 8Deghelɛshi nyi keɗepema za ya bake va 'ya. Kaba ŋayɛ mə fəakave ŋayɛ hɛ 'ya yitea mene yɛ le hɛ kala nya ɗe yɛ. Ama mba yɛ kemene nda kwete wəsə ke mbeli nyi, va nya nza hɛ kaka mentiɓəa ɗa, kwa ghwədərəa ɗa hɛ.» 9Ma ke hɛ shɛ: «Slə ŋa tagha! Nde nza na teke, ama va gha ɗe na kafa ghena ghen'yɛ na? Yawa, kwele ma ke ŋa mbeli nyi tesa ŋa yaka ghen'yɛ.» Pa hɛ tsəkwəmte Lot le berete ba'a hendeke geva kezha felaŋe gelembe. 10Ama pa ka ghwene ta Shala nyi bake nyighɛ hake dzeve ba'a keseghe Lot kadzeki, pa hɛ ŋzlete gelembe. 11Pa hɛ ghwələpəmte ntsə ta pɛtɛa mbeli nyi pelɛ kwa degha, se te ŋwale hwa'a te ka meha mehɛɗi. Shaŋe hɛ kasepa ŋkwa kedzeki ghɛ.
12Ma ke ka ghwene ta Shala nyi bake nyighɛ sha Lot: «Mba kweci mbelia ŋa teke mbe meleme nya, mekwea ŋa, ŋwale tezhilia ŋa ba'a ŋwalea kwɛ ŋa na? Ma pɛtɛa mbeli nyi va gha teke ne, fəmte hɛ shave mbe meleme nya. 13Kwa nza ŋkɛ katelə n'yɛ kaza ŋkɛ, va nya nza ŋkɛ kwele kwele dzeme wəshi nyi ndiremi ndiremi nyi mene mbeli nyi mbe sha Mahwətə. Gheŋkɛ nde ghwenakɛ n'yɛ kezha za sebe te.» 14Cape Lot kalə kageze nda ke ka mekwashi nyi ketewəme ŋwalea kwɛa ŋkɛ, ma ke sha hɛ: «Sate mə, shave mə mbe meleme nya, kwa nza ŋkɛ kateza ŋkɛ Mahwətə.» Ama zəzə ka mekwashia ŋkɛ ne, gea nci yanewe ŋkɛ.
15Ma takwa takwa ŋkwa kakiɗi ne, pa ka ghwene ta Shala gezete ke Lot kaslə kahe kahe, ma ke hɛ shɛ: «Sate! Kelete male ta ŋa ba'a ŋwalea kwɛ ŋa nyi bake nyi teke yagha yɛ kaza va beze ghena ta mbeli nyi mbe meleme nya.» 16Ma kwa nza ŋkɛ kadera ne, pa ka ghwene ta Shala nyighɛ keseve ŋkɛ te dzeve, tsagha male ta ŋkɛ ba'a ŋwalea kwɛa ŋkɛ nyi bake, va nya nza ŋkɛ kazhɛ heli Mahwətə yite, pa hɛ begheyi ŋkɛ zlake ke meleme. 17Ma kwa fəakave hɛ hɛ shave mbe meleme ne, ma ke hɛ sha Lot: «Hwɛ kezha mbele mpia ŋa na. Mba na kenewe ŋkwa kwetere wəmbə, mba na keghereŋe te hɛɗi nya. Hwɛ ŋa dzeme laka ghweme yagha na kamte.» 18Ma ke Lot sha hɛ: «Ewə nde sleke ɗa we, kampi ŋa dzeve 'ya. 19Nahe na kezlaɓa le 'ya, nahe na kezhɛakɛ heli yitea 'ya kwa mbelete mpi ɗa na. Ama 'ya ne, kahwɛte hwɛ 'ya kadzeme vare ghweme kaɗema ɗa shɛ katekekave ɗa we, mbəhə tenza 'ya. 20Wa ca kwete ca meleme ɓɛhwɛ, dekwede ŋkɛ, wərə 'ya kakekave le hwɛ. Pelakɛ ɗa kalə 'ya kawəfərə ɗa mbe, kwa nza ŋkɛ ɓɛhwɛ nde, yitea nza 'ya teghweme.» 21Ma ke nde ghwene ta Shala sha Lot: «Ayɛkwa! Tewəmbəreke gha ne, kakwaɗe meleme nya geze nya na 'ya we. 22Kwiɗi wəfərə ŋa mbe kahe kahe, kwa nza ŋkɛ kamene wəsə 'ya tewə na kekekave ŋkwa we.» Vatse hekate nda slə mbeli ke melemea shɛ kaSowar. 23Same yasame veci kwa ghɛ nda kekave Sowar Lot. 24Mbe vəa shɛ betakawa laɗe ta ghwə Mahwətə sawa pelɛ ghweme kala me ta va kadzeghəa yɛ Sodome le Gomore. 25Pa ŋkɛ zamte melemea shɛhɛ, pɛtɛa mbeli nyi mbe, pɛtɛa hɛɗia shɛ ba'a wəshi nyi kepese te hɛɗi. 26Pa male ta Lot newakɛ ŋkwa kwetere wəmbə, pa nde zhɛre nda kala ghwene ntərə. 27Cape Abraham masheke masheke kadzete ŋkwa nya se hɛ le Mahwətə. 28Mteghere ŋkɛ vate ntsə te yɛ Sodome le Gomore ba'a te hɛɗi nyi dzeyi yite pɛtɛ. Pa ŋkɛ nakɛ n'yia ghwə geɗeɗe kala n'yia ghwə nya yitea gamba.
29Ma kwa zamte meleme nyi te hɛɗi nya se Lot Shala ne, pa ŋkɛ zəzəte Abraham ba'a kelemte Lot shave mbe ndiremi.
Yɛ Lot le ŋwalea kwɛa ŋkɛ
30Kwele kwele zhɛ nda ghazlənə ke Lot kezha nza mbe Sowar, pa ŋkɛ shavenyɛ mbe melemea shɛ ba'a dzeme kanzanyɛ hwa ghweme. Zlaɓe ŋkɛ le ŋwalea kwɛa ŋkɛ nyi bake. Pa hɛ nzanji mbe kwete gezlɛŋə. 31Ma te kwete hɛ, ma wəzha nya kwele sha wəzha ta meghekɛ: «Kehale hale yiteyɛ ɓə, za shɛ te hɛɗi nya kezha wəme ɓə kala nya kemene geva te yayata ŋkwa we. 32Mbara ɓə! Sahwe nda tɛ ke yiteyɛ ɓə kezha ghwəyi ŋkɛ, nda ɓelahehwe ɓelahe gheɓə le kezha yake nda hwelefe.» 33Pa hɛ sahwe nda tɛ ke yiteyɛa nci ba'a ghwəyimte ŋkɛ heviɗia shɛ, pa wəzha nya kwele lə ba'a ɓelahehwe ɓelahe le. Keɗepe kwete hwe Lot nda ɓelahe nda nde vare ba'a nda sate nda nde we. 34Ma te hendɛ ta ŋkwa ne, ma ke wəzha nya kwele sha wəzha ta meghekɛ: «Wa nya nahe 'ya keɓelahehwe ɓelahe le yite ɓə heviɗi nya. Same nda ɓə tɛ ba'a ghwəyimte ɓə ŋkɛ zhɛkwa hetɛhwɛɗi nya, tagha gɛ, katelə na kaɓelahe le. Ma tsagha ne, kateya nda hwelefe gheɓə.» 35Pa hɛ same nda tɛ ke yiteyɛa nci ba'a ghwəyimte ŋkɛ zhɛkwa. Pa wəzha nya ɓɛhwɛ lə ba'a ɓelahwe ɓelahe le. Wəsə keɗepe ŋkɛ nda ɓelahe nda nde ba'a nda sate nda nde vare gheŋkɛ we.
36Pa ŋwalea kwɛa Lot nyi bake nyighɛ dzawa hwə. 37Pa nya kwele yake wəzege teza ba'a ndeke nda slə kaMowab. Gheŋkɛ ya kashia ka Mowab pa ɓeshi. 38Ma nya ɓɛhwɛ perə ne, nahe nde keyake wəzege teza. Pa nde ndeke nda slə kaBɛn-Ami. Gheŋkɛ ya kashia ka Amon pa ɓeshi.
Currently Selected:
Gha ta Wəshi 19: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
Gha ta Wəshi 19
19
Lot kambele va ŋzla ta Sodome
1Ma kwa ntsehe ka ghwene ta Shala nyi bake nyi kwa Sodome le tɛhwɛɗi ne, mentishɛ Lot mɛa degha kedzembe Sodome, pa ŋkɛ nakɛ hɛ, ntəŋə ŋkɛ kalə kabegeme le hɛ, ntiŋə ŋkɛ ŋame ghə mbe hɛɗi mbe kema ta nci. 2Ma ke sha hɛ: «Təhwə təhwə ŋayɛ 'ya ka sleke ɗa, heyi mə seɗa ki ghɛa nde mene slene ta ŋayɛ, pɛkɛ mə seɗa ta ŋayɛ shɛ yɛ hɛ ŋayɛ ki. Masheke masheke ne, ntəŋə yɛ yitea dzeghwa ta ŋayɛ.» Ma ke hɛ shɛ: «Ewə, pelɛke te ŋwela hɛ ghen'yɛ.» 3Pa ŋkɛ tərənəghe hɛ kadzeki ghɛa ŋkɛ, hwa'a hɛ ki. Pa ŋkɛ takɛ nda wəsə kezeme ke hɛ ba'a takɛ ɗafa kwalekwala, pa hɛ zehwe.
4Kenaka hɛ kaɓelahe nda dzaslete ghɛa shɛ mbeli nyi mbe Sodome we, se te ŋwale hwa'a te ka meha mehɛɗi, pɛtɛa mbeli kaɗema ghala kwa. 5Pa hɛ hekakɛ Lot, ma ke hɛ shɛ: «Tema mbeli nyi kese nyi sha gha ɓeshi viɗi nya wa? Heka n'yɛ hɛ kashave kezha ɓelahe n'yɛ le hɛ.»
6Cape Lot kashave mɛa degha, pa ŋkɛ ŋzlete gelembe kwetere wəmbəa ŋkɛ. 7Ma ke sha hɛ: «Təhwə təhwə mə ka kesaka ma, menema wəsə kwa ndiremi yɛ ma. 8Deghelɛshi nyi keɗepema za ya bake va 'ya. Kaba ŋayɛ mə fəakave ŋayɛ hɛ 'ya yitea mene yɛ le hɛ kala nya ɗe yɛ. Ama mba yɛ kemene nda kwete wəsə ke mbeli nyi, va nya nza hɛ kaka mentiɓəa ɗa, kwa ghwədərəa ɗa hɛ.» 9Ma ke hɛ shɛ: «Slə ŋa tagha! Nde nza na teke, ama va gha ɗe na kafa ghena ghen'yɛ na? Yawa, kwele ma ke ŋa mbeli nyi tesa ŋa yaka ghen'yɛ.» Pa hɛ tsəkwəmte Lot le berete ba'a hendeke geva kezha felaŋe gelembe. 10Ama pa ka ghwene ta Shala nyi bake nyighɛ hake dzeve ba'a keseghe Lot kadzeki, pa hɛ ŋzlete gelembe. 11Pa hɛ ghwələpəmte ntsə ta pɛtɛa mbeli nyi pelɛ kwa degha, se te ŋwale hwa'a te ka meha mehɛɗi. Shaŋe hɛ kasepa ŋkwa kedzeki ghɛ.
12Ma ke ka ghwene ta Shala nyi bake nyighɛ sha Lot: «Mba kweci mbelia ŋa teke mbe meleme nya, mekwea ŋa, ŋwale tezhilia ŋa ba'a ŋwalea kwɛ ŋa na? Ma pɛtɛa mbeli nyi va gha teke ne, fəmte hɛ shave mbe meleme nya. 13Kwa nza ŋkɛ katelə n'yɛ kaza ŋkɛ, va nya nza ŋkɛ kwele kwele dzeme wəshi nyi ndiremi ndiremi nyi mene mbeli nyi mbe sha Mahwətə. Gheŋkɛ nde ghwenakɛ n'yɛ kezha za sebe te.» 14Cape Lot kalə kageze nda ke ka mekwashi nyi ketewəme ŋwalea kwɛa ŋkɛ, ma ke sha hɛ: «Sate mə, shave mə mbe meleme nya, kwa nza ŋkɛ kateza ŋkɛ Mahwətə.» Ama zəzə ka mekwashia ŋkɛ ne, gea nci yanewe ŋkɛ.
15Ma takwa takwa ŋkwa kakiɗi ne, pa ka ghwene ta Shala gezete ke Lot kaslə kahe kahe, ma ke hɛ shɛ: «Sate! Kelete male ta ŋa ba'a ŋwalea kwɛ ŋa nyi bake nyi teke yagha yɛ kaza va beze ghena ta mbeli nyi mbe meleme nya.» 16Ma kwa nza ŋkɛ kadera ne, pa ka ghwene ta Shala nyighɛ keseve ŋkɛ te dzeve, tsagha male ta ŋkɛ ba'a ŋwalea kwɛa ŋkɛ nyi bake, va nya nza ŋkɛ kazhɛ heli Mahwətə yite, pa hɛ begheyi ŋkɛ zlake ke meleme. 17Ma kwa fəakave hɛ hɛ shave mbe meleme ne, ma ke hɛ sha Lot: «Hwɛ kezha mbele mpia ŋa na. Mba na kenewe ŋkwa kwetere wəmbə, mba na keghereŋe te hɛɗi nya. Hwɛ ŋa dzeme laka ghweme yagha na kamte.» 18Ma ke Lot sha hɛ: «Ewə nde sleke ɗa we, kampi ŋa dzeve 'ya. 19Nahe na kezlaɓa le 'ya, nahe na kezhɛakɛ heli yitea 'ya kwa mbelete mpi ɗa na. Ama 'ya ne, kahwɛte hwɛ 'ya kadzeme vare ghweme kaɗema ɗa shɛ katekekave ɗa we, mbəhə tenza 'ya. 20Wa ca kwete ca meleme ɓɛhwɛ, dekwede ŋkɛ, wərə 'ya kakekave le hwɛ. Pelakɛ ɗa kalə 'ya kawəfərə ɗa mbe, kwa nza ŋkɛ ɓɛhwɛ nde, yitea nza 'ya teghweme.» 21Ma ke nde ghwene ta Shala sha Lot: «Ayɛkwa! Tewəmbəreke gha ne, kakwaɗe meleme nya geze nya na 'ya we. 22Kwiɗi wəfərə ŋa mbe kahe kahe, kwa nza ŋkɛ kamene wəsə 'ya tewə na kekekave ŋkwa we.» Vatse hekate nda slə mbeli ke melemea shɛ kaSowar. 23Same yasame veci kwa ghɛ nda kekave Sowar Lot. 24Mbe vəa shɛ betakawa laɗe ta ghwə Mahwətə sawa pelɛ ghweme kala me ta va kadzeghəa yɛ Sodome le Gomore. 25Pa ŋkɛ zamte melemea shɛhɛ, pɛtɛa mbeli nyi mbe, pɛtɛa hɛɗia shɛ ba'a wəshi nyi kepese te hɛɗi. 26Pa male ta Lot newakɛ ŋkwa kwetere wəmbə, pa nde zhɛre nda kala ghwene ntərə. 27Cape Abraham masheke masheke kadzete ŋkwa nya se hɛ le Mahwətə. 28Mteghere ŋkɛ vate ntsə te yɛ Sodome le Gomore ba'a te hɛɗi nyi dzeyi yite pɛtɛ. Pa ŋkɛ nakɛ n'yia ghwə geɗeɗe kala n'yia ghwə nya yitea gamba.
29Ma kwa zamte meleme nyi te hɛɗi nya se Lot Shala ne, pa ŋkɛ zəzəte Abraham ba'a kelemte Lot shave mbe ndiremi.
Yɛ Lot le ŋwalea kwɛa ŋkɛ
30Kwele kwele zhɛ nda ghazlənə ke Lot kezha nza mbe Sowar, pa ŋkɛ shavenyɛ mbe melemea shɛ ba'a dzeme kanzanyɛ hwa ghweme. Zlaɓe ŋkɛ le ŋwalea kwɛa ŋkɛ nyi bake. Pa hɛ nzanji mbe kwete gezlɛŋə. 31Ma te kwete hɛ, ma wəzha nya kwele sha wəzha ta meghekɛ: «Kehale hale yiteyɛ ɓə, za shɛ te hɛɗi nya kezha wəme ɓə kala nya kemene geva te yayata ŋkwa we. 32Mbara ɓə! Sahwe nda tɛ ke yiteyɛ ɓə kezha ghwəyi ŋkɛ, nda ɓelahehwe ɓelahe gheɓə le kezha yake nda hwelefe.» 33Pa hɛ sahwe nda tɛ ke yiteyɛa nci ba'a ghwəyimte ŋkɛ heviɗia shɛ, pa wəzha nya kwele lə ba'a ɓelahehwe ɓelahe le. Keɗepe kwete hwe Lot nda ɓelahe nda nde vare ba'a nda sate nda nde we. 34Ma te hendɛ ta ŋkwa ne, ma ke wəzha nya kwele sha wəzha ta meghekɛ: «Wa nya nahe 'ya keɓelahehwe ɓelahe le yite ɓə heviɗi nya. Same nda ɓə tɛ ba'a ghwəyimte ɓə ŋkɛ zhɛkwa hetɛhwɛɗi nya, tagha gɛ, katelə na kaɓelahe le. Ma tsagha ne, kateya nda hwelefe gheɓə.» 35Pa hɛ same nda tɛ ke yiteyɛa nci ba'a ghwəyimte ŋkɛ zhɛkwa. Pa wəzha nya ɓɛhwɛ lə ba'a ɓelahwe ɓelahe le. Wəsə keɗepe ŋkɛ nda ɓelahe nda nde ba'a nda sate nda nde vare gheŋkɛ we.
36Pa ŋwalea kwɛa Lot nyi bake nyighɛ dzawa hwə. 37Pa nya kwele yake wəzege teza ba'a ndeke nda slə kaMowab. Gheŋkɛ ya kashia ka Mowab pa ɓeshi. 38Ma nya ɓɛhwɛ perə ne, nahe nde keyake wəzege teza. Pa nde ndeke nda slə kaBɛn-Ami. Gheŋkɛ ya kashia ka Amon pa ɓeshi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.