LAMKTU 10
10
Peter la Konelius
1Sisaria gawnu ah Konelius ming nak ciah chang tumat om ci. Ani cu Itali ming nak ciah Roman gaakap shekshen ung kaptain ah kya ci. 2Ani la akyong ungka gui ami van cu Khanpughi yum ne kyih aa ci gui ah kya ci. Ani cu Jew chang gui am akda pe taak gui ne, angtäi sei Khanpughi ah taigü ne om ci. 3Kho k’awi ät nayi thum akhin ung Khanpughi ah khankho chang cu kyum law ne, “Konelius” cine khü sei hmu ng’yak ci.
4Ani cu cäicat ne khankho chang cu teng netah, “Bawi awi, a i nei” cine ng’shik ci.
Khankho chang naw, “Na taigü la m’gein nak na bi lawh gui cu Khanpughi naw m’hni ne ning yum ci nei. 5Atukbäi chang tüi ne Joppa gawnu ah Simon Peter ming nak ciah chang cu thäm sak gui ä. 6Ani cu mehvun pyang ciah Simon ah im ung om tuk ci, cun ah im cu tuinu kem ah om ci” cine pyen nak ci. 7Khankho chang hteit ba khäh tah Konelius naw ak changshäm hnih la yum nak om ciah ang ngaih u ah gaakap tumat khü gui netah, 8a mawng avan m’thein gui ne, Joppa pigaw ah tüi gui ci.
9Ngami cu hteit gäk gäk u ne, a ngawi ung Joppa gawnu pei ah gawk law ci gui. Cun yah cu kho hnüüp lung yah ah kya sei Peter cu taigü khai ah im kiungah hang kai ci. 10Ani cu ei cawi lawk ci, a ei auk vai ami pyan sang ung ani cu mik hmuk ci. 11Cun ah amik hmuh nak ung khankho cu ng’hmawng khätah akit phli ung yu khüt va gawk ciah, yih dung nu ah mäih cu khomdek khan ah kiah law sei hmuk ci. 12Acun ung kuhyawng khisa, phyuciik khamkho, phiukha avan küm ci. 13“Peter; tho law ne, ngawn ne ei gui ä” ciah k’aw cu ng’yak ci.
14Peter naw, “Bawipa! Cun ah kä kya khai nei, a i yah ung phi kei naw sheka ne kä theingthap cicu kä ka ei man ci nei” ci nepyein ci.
15Cun kawn ah k’aw ng’shan law ba mä ne, “Khanpughi naw theingthap ciah a pyein cu nang naw kä theingthap ciah kä na pyein vai” cine pyein ba ci. 16Acun laihlaih ah thum vei a kyak awn ah, yihdung nu ah mäih ah kya lawk ci cu, khankho ah ng’lim ne maih ba ci.
17Peter naw cun ah amik hmuh ah mawng cu ak tung ah ngaih-tüh ne om ci. Cun yah ung Konelius ah tüih law ah chang gui cu, Simon ah im k’tä ne shui u ne, m’kawt law pei ah gawk law ne ak düi ci gui. 18Cun ah chang gui naw, “Simon Peter ming nak ciah nami khin om tu naw?” cine ak shi gui ci gui.
19Peter naw amik hmuh ah mawng a ngaih-tüh khit sang ung, Mumcha Theing naw, “Chang thum naw ning shui lawk ci gui nei, 20Tho law ne yu kyum ä, ngami cu kei naw ka tüih law gui ah kyasei kä shokshü ne ngami awn a täng ah na hteh tu vai nei” cine pyen nak ci. 21Cun ah kyasei Peter cu lut law netah, “Nangmi naw nami shui ah chang cu kei nei, a i a mawng om sei nami lawk ci ang?” cine ng’shi gui ci.
22Cun ah chang gui naw, “Keimi cu kaptain Konelius naw ana tüih law gui nei, Ani cu chang k’ni, Khanpughi yum ci, Jew chang gui naw ami kyih aa ah chang ah kyak ci nei. Khankho chang naw ani ah ma ah nang ning khü ne, na thu a ngaih vai ah pyein ci nei” cine pyein ci gui. 23Peter naw cun ah chang gui cu kyong ah khü gui netah, cu mü ih tu sak gui ci.
A ngawi ung Peter cu khü lawk ci gui ah yung ah theit tu sei, Joppa gawnu ah kaa yum ciah chang gui cun phi hteit tuk ci gui. 24A ngawi ung Peter cu Sisaria gawnu ah gawk law sei, a na ng’bum ci gui ah Konelius la a phäi nau a teih püi gui naw a na do ci gui. 25Peter a luh law vai am Konelius naw a na do ne a kho pei ah m’khuuk dong ne ngok ci. 26Cun ung phi Peter naw, “Tho law ba, kei phi chang ah ka kyak ci nei” cine Konelius cu thawh ba sak ci. 27Cun kawn ah Konelius awn a täng ah ng’htau ne im kyong ah va lut netah, chang akda ana bum u sei hmuk ci. 28Cun ah chang gui am Peter naw, “Jew chang tumat cu chang pakhui hei ung kä ah khawtsheng tu vai, kä ah ng’et sheng tu vai, ciah yum nak cu nami hmat pyi ci. Cun ung phi, a u shekak ci, a u kä theingthap ci, cine käm khoichaa vai ah Khanpughi naw nam hnuh pyi ci nei. 29Cun ah kyasei, kei cu na khü ci sei kä shokshü ne ka lawk ci, kei nah na khü ah mawng cu pyein law shüm ä” cine pyen nak ci.
30Konelius naw, “hnüüp thum lüng lawk ciah kho hnüüp ät, kho k’awi nayi thum ung kei cu im kyong ah taigü ne ka om ci. Cun yah ung pyü ne ng’shü sei suisak ciah chang tumat cu ka ma ah ng’düi law ne, 31“Konelius! Na taigü cu Khanpughi naw ng’ya ne, na peit taak cun phi do pyi ci nei. 32Cun ah kyasei Joppa pigaw ah chang tüi ne, Simon Peter ming nak ciah chang cu na khaw vai. Ani cu tuinu kam pei ah mehvun pyang ciah Simon ah im ah om tuk khai nei” cine pyein ci. 33Cun ah kya sei kei naw chang akyang ah ka tüih law nei. Nang na law ah phäh ah ang thei ah ka yei kyai ci nei. Bawipa ah mawng cu nang ah thu awn kami ng’yak khai ah keimi cu Khanpughi ah ma ah kami gawk law pyi ci nei” cine pyein ci.
Peter ah Thu Pyein
34Cun kawn ah Peter naw, “Khanpughi naw akcang ah chang ah müi hmai ak yaw ak däm kä teng ci, cicu ka hmat pyi ci nei. 35Ani kyih aa ne ang yaak hlü ah om ciah chang phung cu, Khanpughi naw pakhui käm khoi chak ci. 36Israel chang gui am, chang van ah Bawi, Jesuh Khrit ung dimdeeih nak thu k’ni a peit cu nami hmat pyi ci nei. 37Johan naw tuihnim nak ah mawnglam a pyein kawn ah Kalile ung tün ne, Israel kho avan ung dangshai ci gui la, 38Nazaret chang Bawipa Jesuh ah khan ah Khanpughi naw Mumcha Theing la hlüng tai nak a peit ah mawng cu nami hmat pyi ci. Ani cu Khanpughi naw a täng ah om püi sei, hteit shüi shüi ne, khoshe ah ei auk gui ah chang gui m’gein gui ne gaigawng sak gui ci. 39Jerusalem gawnu la Israel kho ung Bawipa naw abi lawh nak gui nüng ung keimi cu saksi ah kami kyak ci. Bawipa cu chang gui naw kutlam tung ung khen ne ngawm ci gui. 40Cun ung phi Khanpughi naw ak hnüüp thum hnüüp thawh ba sak ne, dang ba sak ci. 41Chang nüng naw Bawipa cu kä hmuk ci, Khanpughi naw saksi ah ana ghü gui ah keimi naw vah kami hmuk ci. Keimi cu Bawipa sih nak ungka a thawh ba kawn ah a täng ah kami ei auk ci. 42Bawipa naw chang gui am thu k’ni kami thein vai la Bawipa cu ak si, ak ghing van m’khoichak khai ah Khanpughi naw am düih ah mawng, kami pyein vai ah khän ne nam cäi gui ci. 43Bawipa yum ci gui ah chang phung cu a hlüngtai nak ming awn ami katnak m’geinsei gui khai, cine prophet gui naw pyein man ci gui” cine pyein ci.
Pakhui Hei gui Naw Mumcha Theing Ami gah ah Mawng
44Cun ah Peter naw thu a pyein sang ung thu ngai ciah chang van ah khan ah Mumcha Theing cu kyum lawk ci. 45Chang pakhui hei gui cun naw phi Khanpughi ah Mumcha Theing cu gah tu u khä tah, Joppa ah kaa Peter awn a täng ah lawk ci gui ah Jew chang gui cu ang htei ah cäicat ci gui. 46A i ah kyasei ci ung ngami naw kä hmat ah ng’thu awn Khanpughi ami hlüng tai ah hmawk ah kya ci. 47Cun kawn ah Peter naw, “Shin ah chang gui cu mikmi ah mäih ah Mumcha Theing gah ci gui ah kya ci, cun ah kyasei tui ami hnim vai cu a u naw maa nah gui hning khai ang?” cine pyein ci. 48Cun kawn ah Peter naw ngah mi cu Bawipa Jesuh Khrit ah ming ung tui ami hnim vai ah khän gui ci. Ngami naw Peter cu a om tu shäng cang vai ah chokai ci gui.
Currently Selected:
LAMKTU 10: CBC
Highlight
Share
Copy
Want to have your highlights saved across all your devices? Sign up or sign in
Cho Bible Common Language © Bible Society of Myanmar, 2016.
LAMKTU 10
10
Peter la Konelius
1Sisaria gawnu ah Konelius ming nak ciah chang tumat om ci. Ani cu Itali ming nak ciah Roman gaakap shekshen ung kaptain ah kya ci. 2Ani la akyong ungka gui ami van cu Khanpughi yum ne kyih aa ci gui ah kya ci. Ani cu Jew chang gui am akda pe taak gui ne, angtäi sei Khanpughi ah taigü ne om ci. 3Kho k’awi ät nayi thum akhin ung Khanpughi ah khankho chang cu kyum law ne, “Konelius” cine khü sei hmu ng’yak ci.
4Ani cu cäicat ne khankho chang cu teng netah, “Bawi awi, a i nei” cine ng’shik ci.
Khankho chang naw, “Na taigü la m’gein nak na bi lawh gui cu Khanpughi naw m’hni ne ning yum ci nei. 5Atukbäi chang tüi ne Joppa gawnu ah Simon Peter ming nak ciah chang cu thäm sak gui ä. 6Ani cu mehvun pyang ciah Simon ah im ung om tuk ci, cun ah im cu tuinu kem ah om ci” cine pyen nak ci. 7Khankho chang hteit ba khäh tah Konelius naw ak changshäm hnih la yum nak om ciah ang ngaih u ah gaakap tumat khü gui netah, 8a mawng avan m’thein gui ne, Joppa pigaw ah tüi gui ci.
9Ngami cu hteit gäk gäk u ne, a ngawi ung Joppa gawnu pei ah gawk law ci gui. Cun yah cu kho hnüüp lung yah ah kya sei Peter cu taigü khai ah im kiungah hang kai ci. 10Ani cu ei cawi lawk ci, a ei auk vai ami pyan sang ung ani cu mik hmuk ci. 11Cun ah amik hmuh nak ung khankho cu ng’hmawng khätah akit phli ung yu khüt va gawk ciah, yih dung nu ah mäih cu khomdek khan ah kiah law sei hmuk ci. 12Acun ung kuhyawng khisa, phyuciik khamkho, phiukha avan küm ci. 13“Peter; tho law ne, ngawn ne ei gui ä” ciah k’aw cu ng’yak ci.
14Peter naw, “Bawipa! Cun ah kä kya khai nei, a i yah ung phi kei naw sheka ne kä theingthap cicu kä ka ei man ci nei” ci nepyein ci.
15Cun kawn ah k’aw ng’shan law ba mä ne, “Khanpughi naw theingthap ciah a pyein cu nang naw kä theingthap ciah kä na pyein vai” cine pyein ba ci. 16Acun laihlaih ah thum vei a kyak awn ah, yihdung nu ah mäih ah kya lawk ci cu, khankho ah ng’lim ne maih ba ci.
17Peter naw cun ah amik hmuh ah mawng cu ak tung ah ngaih-tüh ne om ci. Cun yah ung Konelius ah tüih law ah chang gui cu, Simon ah im k’tä ne shui u ne, m’kawt law pei ah gawk law ne ak düi ci gui. 18Cun ah chang gui naw, “Simon Peter ming nak ciah nami khin om tu naw?” cine ak shi gui ci gui.
19Peter naw amik hmuh ah mawng a ngaih-tüh khit sang ung, Mumcha Theing naw, “Chang thum naw ning shui lawk ci gui nei, 20Tho law ne yu kyum ä, ngami cu kei naw ka tüih law gui ah kyasei kä shokshü ne ngami awn a täng ah na hteh tu vai nei” cine pyen nak ci. 21Cun ah kyasei Peter cu lut law netah, “Nangmi naw nami shui ah chang cu kei nei, a i a mawng om sei nami lawk ci ang?” cine ng’shi gui ci.
22Cun ah chang gui naw, “Keimi cu kaptain Konelius naw ana tüih law gui nei, Ani cu chang k’ni, Khanpughi yum ci, Jew chang gui naw ami kyih aa ah chang ah kyak ci nei. Khankho chang naw ani ah ma ah nang ning khü ne, na thu a ngaih vai ah pyein ci nei” cine pyein ci gui. 23Peter naw cun ah chang gui cu kyong ah khü gui netah, cu mü ih tu sak gui ci.
A ngawi ung Peter cu khü lawk ci gui ah yung ah theit tu sei, Joppa gawnu ah kaa yum ciah chang gui cun phi hteit tuk ci gui. 24A ngawi ung Peter cu Sisaria gawnu ah gawk law sei, a na ng’bum ci gui ah Konelius la a phäi nau a teih püi gui naw a na do ci gui. 25Peter a luh law vai am Konelius naw a na do ne a kho pei ah m’khuuk dong ne ngok ci. 26Cun ung phi Peter naw, “Tho law ba, kei phi chang ah ka kyak ci nei” cine Konelius cu thawh ba sak ci. 27Cun kawn ah Konelius awn a täng ah ng’htau ne im kyong ah va lut netah, chang akda ana bum u sei hmuk ci. 28Cun ah chang gui am Peter naw, “Jew chang tumat cu chang pakhui hei ung kä ah khawtsheng tu vai, kä ah ng’et sheng tu vai, ciah yum nak cu nami hmat pyi ci. Cun ung phi, a u shekak ci, a u kä theingthap ci, cine käm khoichaa vai ah Khanpughi naw nam hnuh pyi ci nei. 29Cun ah kyasei, kei cu na khü ci sei kä shokshü ne ka lawk ci, kei nah na khü ah mawng cu pyein law shüm ä” cine pyen nak ci.
30Konelius naw, “hnüüp thum lüng lawk ciah kho hnüüp ät, kho k’awi nayi thum ung kei cu im kyong ah taigü ne ka om ci. Cun yah ung pyü ne ng’shü sei suisak ciah chang tumat cu ka ma ah ng’düi law ne, 31“Konelius! Na taigü cu Khanpughi naw ng’ya ne, na peit taak cun phi do pyi ci nei. 32Cun ah kyasei Joppa pigaw ah chang tüi ne, Simon Peter ming nak ciah chang cu na khaw vai. Ani cu tuinu kam pei ah mehvun pyang ciah Simon ah im ah om tuk khai nei” cine pyein ci. 33Cun ah kya sei kei naw chang akyang ah ka tüih law nei. Nang na law ah phäh ah ang thei ah ka yei kyai ci nei. Bawipa ah mawng cu nang ah thu awn kami ng’yak khai ah keimi cu Khanpughi ah ma ah kami gawk law pyi ci nei” cine pyein ci.
Peter ah Thu Pyein
34Cun kawn ah Peter naw, “Khanpughi naw akcang ah chang ah müi hmai ak yaw ak däm kä teng ci, cicu ka hmat pyi ci nei. 35Ani kyih aa ne ang yaak hlü ah om ciah chang phung cu, Khanpughi naw pakhui käm khoi chak ci. 36Israel chang gui am, chang van ah Bawi, Jesuh Khrit ung dimdeeih nak thu k’ni a peit cu nami hmat pyi ci nei. 37Johan naw tuihnim nak ah mawnglam a pyein kawn ah Kalile ung tün ne, Israel kho avan ung dangshai ci gui la, 38Nazaret chang Bawipa Jesuh ah khan ah Khanpughi naw Mumcha Theing la hlüng tai nak a peit ah mawng cu nami hmat pyi ci. Ani cu Khanpughi naw a täng ah om püi sei, hteit shüi shüi ne, khoshe ah ei auk gui ah chang gui m’gein gui ne gaigawng sak gui ci. 39Jerusalem gawnu la Israel kho ung Bawipa naw abi lawh nak gui nüng ung keimi cu saksi ah kami kyak ci. Bawipa cu chang gui naw kutlam tung ung khen ne ngawm ci gui. 40Cun ung phi Khanpughi naw ak hnüüp thum hnüüp thawh ba sak ne, dang ba sak ci. 41Chang nüng naw Bawipa cu kä hmuk ci, Khanpughi naw saksi ah ana ghü gui ah keimi naw vah kami hmuk ci. Keimi cu Bawipa sih nak ungka a thawh ba kawn ah a täng ah kami ei auk ci. 42Bawipa naw chang gui am thu k’ni kami thein vai la Bawipa cu ak si, ak ghing van m’khoichak khai ah Khanpughi naw am düih ah mawng, kami pyein vai ah khän ne nam cäi gui ci. 43Bawipa yum ci gui ah chang phung cu a hlüngtai nak ming awn ami katnak m’geinsei gui khai, cine prophet gui naw pyein man ci gui” cine pyein ci.
Pakhui Hei gui Naw Mumcha Theing Ami gah ah Mawng
44Cun ah Peter naw thu a pyein sang ung thu ngai ciah chang van ah khan ah Mumcha Theing cu kyum lawk ci. 45Chang pakhui hei gui cun naw phi Khanpughi ah Mumcha Theing cu gah tu u khä tah, Joppa ah kaa Peter awn a täng ah lawk ci gui ah Jew chang gui cu ang htei ah cäicat ci gui. 46A i ah kyasei ci ung ngami naw kä hmat ah ng’thu awn Khanpughi ami hlüng tai ah hmawk ah kya ci. 47Cun kawn ah Peter naw, “Shin ah chang gui cu mikmi ah mäih ah Mumcha Theing gah ci gui ah kya ci, cun ah kyasei tui ami hnim vai cu a u naw maa nah gui hning khai ang?” cine pyein ci. 48Cun kawn ah Peter naw ngah mi cu Bawipa Jesuh Khrit ah ming ung tui ami hnim vai ah khän gui ci. Ngami naw Peter cu a om tu shäng cang vai ah chokai ci gui.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cho Bible Common Language © Bible Society of Myanmar, 2016.