LAMKTU 9
9
Soul ah Ng’thawng Nak
(Lt 22:6-16; 26:12-18)
1Cun ah akhin ung Soul naw Bawipa ah hnu läk ci gui cu, ngawn pha gui vai ah pawng püi ci. Ani cu taigü tung ah hteit natah, 2Bawipa ah hnu läk ciah hnumi, pami avan a hmuh ung phah neh Jerusalem ah alaw püi nak hning vai ah ap nak ah ca cu, Damaskas ah pum im gui ah ami guk vai ah vah pyein ci.
3Soul cu Damaskas gawnu pei ah agawk law yah ung khankhaw ah ka akdei cu ang ghit ah ng’dang law neh khang neh shü lawk ci. 4Ani cu khomdek ung kyu neh ng’yän netah, “Soul, Soul? a i ah kiah sei kei nah na k’dudeiu nak ang?” Ciah k’ä cu ng’yak ci.
5Soul naw, “Bawipa Nang cu a u ang?” cine ng’shik ci.
6Acun ah k’aw naw, “Kei cu nang naw nak dudeiu nak ah Jesuh nei, cun ung phi tuk bäi ng’düi law ba neh, pigawnu kyawng ah hteit ä, cun kawn ah na bi vai cu na hmat lawk khai nei” ci neh kyak nak ci.
7Soul awn ng’gui lawk ciah chang gui cu, cun ah k’aw ng’yah tupang u neh phi, a i phi kä hmu tuk ci gui kiah neh cäi neh ng’düi ci gui. 8Soul cu m’dek ung ka, ng’düi law ba neh phi amik awn a i kä hmuh ba ci. Cun ah kyasei ang gui püi gui naw, ani cu a kut ung k’pang tuh neh Damaskas ah hteh püi ci gui.
9Ani cu ak hnüp thum güt ung a i kä hmu teng ba ci, cun yah pum ung a i phi kä ei auk ah om ci.
10Cun yah ung Damaskas ah Ananias ming nak ciah, Khritha tumat om ci. Ang muimang ung Bawipa naw, “Ananias awi” ci neh khü khätah,
“Shi ah ka om ci nei Bawipa” ci neh äi ci.
11 Bawipa naw, “Nang cu ng’düi law neh lam ng’düng ming nak ciah lam ung hteit netah, Judas ah im ung Tarsus pigaw ah ka, Soul ming nak ciah chang cu nah vah shui vai. Ani cu k’taigü netah, 12ang muimang ung, Ananias ming nak ciah chang law neh, ak khan ah akut taih khätah amik m’dei law ba ciah, hmuh pyi ci nei” ci neh pyen nak ci.
13Ananias naw, “Bawipa, Jerusalem ah na chang gui ah khan ah, cun ah chang naw ak she ah abi lawh gui cu, chang akda naw pyein u sei kang yah pyi ci nei. 14Ani cu k’taigü khem ah peit ah bi nak hning awn, nang ning khanihnah ciah chang gui cu, pha gui khai ah, Damaskas ah lawk ciah kiak ci nei” ci neh pyein ci.
15 Bawipa naw ani am, “Hteit ä, cun ah chang cu, changpakhui hei gui, ghangpughang gui lah Israel chang gui am, keiah ming cu m’thein gui khai ah ka ghü ah kyak ci nei. 16Kei ah hmawk ah a yaica nak gui vai ah mawng cu, ka mät naw, ani am kam dang khai nei” cine pyen nak ci.
17Cun ah kyasei Ananias cu Soul ah om nak tu ah im ah hteit netah, ak khan ah a kut taih ne, “Ka nau Soul awi, na mik am dei ba vai lah, Mumcha Theing awn na be vai ah hmawk ah, na law nak lam ah na ma ah ng’dang ciah Bawipa Jesuh naw kei cu ana tüih law nei” ci neh pyein ci. 18Acun vai am Soul cu ak phlep gui ng’kawk ciah mäih ah amik ung ka, kiah law sei amik cu ci ba ci. Ani cu tho law neh tui ng’hnim ci. 19Cun kawn ah tuiei eiawh seih ak thagui be law ba ci.
Damaskas ah Soul Naw Ng’thu Pyein Ci
Soul cu Damaskas ah yum ciah chang gui awn a täng ah ashäng om ci. 20Ani cu pum im ah hteit neh Bawipa Jesuh cu, Khanpughi i ah htapa ah akiak ah mawng ng’thu pyein ci.
21Ani ah ng’thu ng’yak ciah chang gui cu cäicat u nehtah, “Shin ah chang cu, Jerusalem ah Bawipa Jesuh ah k’taigü ciah chang gui phung ngawn phah gui ciah kä kya ne ang? Zum ciah chang gui phung phah ne, k’taigü pa gui ah om nak ah hteh püi khai ah sha lawk ciah kä kya ne ang?” cine kyak ci gui.
22Cun ung phi Soul naw, Bawipa Jesuh cu Messiah ah a kyak ah mawng cu m’khüt näng nak awn pyein khä tah, Damaskas ah om ciah Jew chang gui naw käm hlan tuba hlawt ci gui.
23Khaw hnüüp akda ashou law kawn ah, Jew chang gui cu ng’bum uneh, Soul cu ngawn vai ah ng’ge ci gui. 24Cun ung phi ngami ah ng’ge cu Soul naw hmat ci. Ngami cu Soul ngawn vai ah amü, ak hnüüp pigaw m’kawt päng ung ng’mah ci gui. 25Cun ung phi Soul cu ak chang gui naw, khawmü ah vawh ung m’khäp netah, ng’vawng k’pung ah hei chah ci gui.
Soul Jerusalem ah Gawk Ba Ci
26Soul cu Jerusalem ah hteit ba netah ang düihpüi gui ung ng’dawn tuk khai ah k’tha nak ci, Cun ung phi ngami naw, ani ang duihpüi ah a kyak law tu cu, akcang ah kä ngai u netah kyih ci gui. 27Cun kawn ah Barnabas naw, Soul cu ang düihpüi gui ah om nak ah khah law püi netah, Bawipa cu Soul naw lam cawih ah a hmuh law amawng, Bawipa naw Soul ang thu püi ah mawng la Damaskas ah Soul naw Bawipa Jesuh ming awn ng’thu a pyein ah mawng gui cu tän neh m’thein gui ci. 28Soul cu ang düihpüi gui awn a täng ah om tuh netah, Jerusalem avan ung hteit neh, Bawipa Jesuh ah ming ung näng nak awn ng’thu pyein ci. 29Ani cu Greek thu ah ng’thu ci gui ah Jew chang gui awn phi, ng’küüknet neh ng’thu pyein ci gui, Cun ung phi ngami naw ani cu ngawn vai ah ng’ge nak ci gui. 30Cun ah mawng cu ak chang gui naw ng’yah u netah, Soul cu Sisaria ah hteh püi u neh cun ung ka naw, Tarsus ah hteh sak ci gui.
31Cun ah kyasei cun yah ung, Judea, Kalile, la Samaria khrithabum gui cu ding gei nak om lawk ci. Khrithabum ghui cu Khanpughi kyih aa m’hlüngtai u ne, Mumcha Theing ah htagui be nak awn da law pi k’täi ci gui.
Lidda la Joppa ah Peter a gawk ah mawng
32Peter cu kho päng ung hteit shüi netah, hnüät ung Khanpughi ah chang gui ah om nak, Lidda pigaw ah gawk lawk ci. 33A cu ah shum ne khem ne, kho kum cheit ung yän ciah Aeneas ming nak ciah chang cu Peter naw hmu netah, 34“Aeneas, Jesuh Khrit naw ning gai sak ci nei, tho ne na ih phak look ä” cine kyak nak sei, Aeneas cu acun vai am tho lawk ci. 35Cun cu Lidda la Sharon pigaw ah om ciah chang gui naw hmu u netah, Bawipa cu ami van naw yum lawk ci gui.
36Joppa pigaw ung, Khanpughi yum ci, Tabitha ming nak ciah hnumi tumat om ci. (Karik thu awn ah ming cu Dorcas ah kya ne kigang ciah kyak ci.) Ani cu angtäi sei ak ni bi ne chang phi geinsei ci. 37Ani cu gaw ne sik sei m’si m’hla u na im akhan kyong ah m’shän ci gui. 38Lidda pigaw cu Joppa gawnu awn et ci kyasei, yum ciah chang gui naw Peter cu Lidda ah a om hmat u netah, “Keimi ah ak yang ah a law vai nei” ci ne m’cäi ne chang hnih tüi ci gui. 39Cun ah kyasei Peter cu, cun ah chang goi awn a täng ah gui law tuk ci. A gawk law vai am chang gui naw Peter cu im akhan kyong ah hteh püi ci gui. Hmeinu gui cu kyap ne Peter ana bui u ne, Dorkas naw a ghin yah ung a tah ah suinu suitha gui cu ana m’hnuh ci gui. 40Peter naw cun ah chang gui ami van k’caw ah tüi gui netah, khuuk dong ne taigü ci. Cun kawn ah gook lam ah ng’hlat netah, “Tabitha, hto vä,” cine pyein ci. Tabitha cu m’dei law ba ne, Peter cu hmu netah, hto ne ngok ci. 41Peter naw cun ah hnumi cu k’pang ne ng’düih sak netah, hmeinu gui mah mah ah yum ciah chang gui ami van cu khü gui ne, ghing ba ciah Dorkas cu ap gui ci. 42Cun ah mawng cu Joppa kho van ung thang sei, chang akda naw Khanpughi cu yum lawk ci gui. 43Peter cu cun ah Joppa pigaw ah mehvun pyang ciah Simon awn a täng ah ak sho om tuk ci.
Currently Selected:
LAMKTU 9: CBC
Highlight
Share
Copy
Want to have your highlights saved across all your devices? Sign up or sign in
Cho Bible Common Language © Bible Society of Myanmar, 2016.
LAMKTU 9
9
Soul ah Ng’thawng Nak
(Lt 22:6-16; 26:12-18)
1Cun ah akhin ung Soul naw Bawipa ah hnu läk ci gui cu, ngawn pha gui vai ah pawng püi ci. Ani cu taigü tung ah hteit natah, 2Bawipa ah hnu läk ciah hnumi, pami avan a hmuh ung phah neh Jerusalem ah alaw püi nak hning vai ah ap nak ah ca cu, Damaskas ah pum im gui ah ami guk vai ah vah pyein ci.
3Soul cu Damaskas gawnu pei ah agawk law yah ung khankhaw ah ka akdei cu ang ghit ah ng’dang law neh khang neh shü lawk ci. 4Ani cu khomdek ung kyu neh ng’yän netah, “Soul, Soul? a i ah kiah sei kei nah na k’dudeiu nak ang?” Ciah k’ä cu ng’yak ci.
5Soul naw, “Bawipa Nang cu a u ang?” cine ng’shik ci.
6Acun ah k’aw naw, “Kei cu nang naw nak dudeiu nak ah Jesuh nei, cun ung phi tuk bäi ng’düi law ba neh, pigawnu kyawng ah hteit ä, cun kawn ah na bi vai cu na hmat lawk khai nei” ci neh kyak nak ci.
7Soul awn ng’gui lawk ciah chang gui cu, cun ah k’aw ng’yah tupang u neh phi, a i phi kä hmu tuk ci gui kiah neh cäi neh ng’düi ci gui. 8Soul cu m’dek ung ka, ng’düi law ba neh phi amik awn a i kä hmuh ba ci. Cun ah kyasei ang gui püi gui naw, ani cu a kut ung k’pang tuh neh Damaskas ah hteh püi ci gui.
9Ani cu ak hnüp thum güt ung a i kä hmu teng ba ci, cun yah pum ung a i phi kä ei auk ah om ci.
10Cun yah ung Damaskas ah Ananias ming nak ciah, Khritha tumat om ci. Ang muimang ung Bawipa naw, “Ananias awi” ci neh khü khätah,
“Shi ah ka om ci nei Bawipa” ci neh äi ci.
11 Bawipa naw, “Nang cu ng’düi law neh lam ng’düng ming nak ciah lam ung hteit netah, Judas ah im ung Tarsus pigaw ah ka, Soul ming nak ciah chang cu nah vah shui vai. Ani cu k’taigü netah, 12ang muimang ung, Ananias ming nak ciah chang law neh, ak khan ah akut taih khätah amik m’dei law ba ciah, hmuh pyi ci nei” ci neh pyen nak ci.
13Ananias naw, “Bawipa, Jerusalem ah na chang gui ah khan ah, cun ah chang naw ak she ah abi lawh gui cu, chang akda naw pyein u sei kang yah pyi ci nei. 14Ani cu k’taigü khem ah peit ah bi nak hning awn, nang ning khanihnah ciah chang gui cu, pha gui khai ah, Damaskas ah lawk ciah kiak ci nei” ci neh pyein ci.
15 Bawipa naw ani am, “Hteit ä, cun ah chang cu, changpakhui hei gui, ghangpughang gui lah Israel chang gui am, keiah ming cu m’thein gui khai ah ka ghü ah kyak ci nei. 16Kei ah hmawk ah a yaica nak gui vai ah mawng cu, ka mät naw, ani am kam dang khai nei” cine pyen nak ci.
17Cun ah kyasei Ananias cu Soul ah om nak tu ah im ah hteit netah, ak khan ah a kut taih ne, “Ka nau Soul awi, na mik am dei ba vai lah, Mumcha Theing awn na be vai ah hmawk ah, na law nak lam ah na ma ah ng’dang ciah Bawipa Jesuh naw kei cu ana tüih law nei” ci neh pyein ci. 18Acun vai am Soul cu ak phlep gui ng’kawk ciah mäih ah amik ung ka, kiah law sei amik cu ci ba ci. Ani cu tho law neh tui ng’hnim ci. 19Cun kawn ah tuiei eiawh seih ak thagui be law ba ci.
Damaskas ah Soul Naw Ng’thu Pyein Ci
Soul cu Damaskas ah yum ciah chang gui awn a täng ah ashäng om ci. 20Ani cu pum im ah hteit neh Bawipa Jesuh cu, Khanpughi i ah htapa ah akiak ah mawng ng’thu pyein ci.
21Ani ah ng’thu ng’yak ciah chang gui cu cäicat u nehtah, “Shin ah chang cu, Jerusalem ah Bawipa Jesuh ah k’taigü ciah chang gui phung ngawn phah gui ciah kä kya ne ang? Zum ciah chang gui phung phah ne, k’taigü pa gui ah om nak ah hteh püi khai ah sha lawk ciah kä kya ne ang?” cine kyak ci gui.
22Cun ung phi Soul naw, Bawipa Jesuh cu Messiah ah a kyak ah mawng cu m’khüt näng nak awn pyein khä tah, Damaskas ah om ciah Jew chang gui naw käm hlan tuba hlawt ci gui.
23Khaw hnüüp akda ashou law kawn ah, Jew chang gui cu ng’bum uneh, Soul cu ngawn vai ah ng’ge ci gui. 24Cun ung phi ngami ah ng’ge cu Soul naw hmat ci. Ngami cu Soul ngawn vai ah amü, ak hnüüp pigaw m’kawt päng ung ng’mah ci gui. 25Cun ung phi Soul cu ak chang gui naw, khawmü ah vawh ung m’khäp netah, ng’vawng k’pung ah hei chah ci gui.
Soul Jerusalem ah Gawk Ba Ci
26Soul cu Jerusalem ah hteit ba netah ang düihpüi gui ung ng’dawn tuk khai ah k’tha nak ci, Cun ung phi ngami naw, ani ang duihpüi ah a kyak law tu cu, akcang ah kä ngai u netah kyih ci gui. 27Cun kawn ah Barnabas naw, Soul cu ang düihpüi gui ah om nak ah khah law püi netah, Bawipa cu Soul naw lam cawih ah a hmuh law amawng, Bawipa naw Soul ang thu püi ah mawng la Damaskas ah Soul naw Bawipa Jesuh ming awn ng’thu a pyein ah mawng gui cu tän neh m’thein gui ci. 28Soul cu ang düihpüi gui awn a täng ah om tuh netah, Jerusalem avan ung hteit neh, Bawipa Jesuh ah ming ung näng nak awn ng’thu pyein ci. 29Ani cu Greek thu ah ng’thu ci gui ah Jew chang gui awn phi, ng’küüknet neh ng’thu pyein ci gui, Cun ung phi ngami naw ani cu ngawn vai ah ng’ge nak ci gui. 30Cun ah mawng cu ak chang gui naw ng’yah u netah, Soul cu Sisaria ah hteh püi u neh cun ung ka naw, Tarsus ah hteh sak ci gui.
31Cun ah kyasei cun yah ung, Judea, Kalile, la Samaria khrithabum gui cu ding gei nak om lawk ci. Khrithabum ghui cu Khanpughi kyih aa m’hlüngtai u ne, Mumcha Theing ah htagui be nak awn da law pi k’täi ci gui.
Lidda la Joppa ah Peter a gawk ah mawng
32Peter cu kho päng ung hteit shüi netah, hnüät ung Khanpughi ah chang gui ah om nak, Lidda pigaw ah gawk lawk ci. 33A cu ah shum ne khem ne, kho kum cheit ung yän ciah Aeneas ming nak ciah chang cu Peter naw hmu netah, 34“Aeneas, Jesuh Khrit naw ning gai sak ci nei, tho ne na ih phak look ä” cine kyak nak sei, Aeneas cu acun vai am tho lawk ci. 35Cun cu Lidda la Sharon pigaw ah om ciah chang gui naw hmu u netah, Bawipa cu ami van naw yum lawk ci gui.
36Joppa pigaw ung, Khanpughi yum ci, Tabitha ming nak ciah hnumi tumat om ci. (Karik thu awn ah ming cu Dorcas ah kya ne kigang ciah kyak ci.) Ani cu angtäi sei ak ni bi ne chang phi geinsei ci. 37Ani cu gaw ne sik sei m’si m’hla u na im akhan kyong ah m’shän ci gui. 38Lidda pigaw cu Joppa gawnu awn et ci kyasei, yum ciah chang gui naw Peter cu Lidda ah a om hmat u netah, “Keimi ah ak yang ah a law vai nei” ci ne m’cäi ne chang hnih tüi ci gui. 39Cun ah kyasei Peter cu, cun ah chang goi awn a täng ah gui law tuk ci. A gawk law vai am chang gui naw Peter cu im akhan kyong ah hteh püi ci gui. Hmeinu gui cu kyap ne Peter ana bui u ne, Dorkas naw a ghin yah ung a tah ah suinu suitha gui cu ana m’hnuh ci gui. 40Peter naw cun ah chang gui ami van k’caw ah tüi gui netah, khuuk dong ne taigü ci. Cun kawn ah gook lam ah ng’hlat netah, “Tabitha, hto vä,” cine pyein ci. Tabitha cu m’dei law ba ne, Peter cu hmu netah, hto ne ngok ci. 41Peter naw cun ah hnumi cu k’pang ne ng’düih sak netah, hmeinu gui mah mah ah yum ciah chang gui ami van cu khü gui ne, ghing ba ciah Dorkas cu ap gui ci. 42Cun ah mawng cu Joppa kho van ung thang sei, chang akda naw Khanpughi cu yum lawk ci gui. 43Peter cu cun ah Joppa pigaw ah mehvun pyang ciah Simon awn a täng ah ak sho om tuk ci.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cho Bible Common Language © Bible Society of Myanmar, 2016.