LAMKTU 16
16
Timothi cu Paul la Silas awn Atäng ah Hteit Tu ci
1Paul cu Derbe la Listra pigaw gui ah gawk law ci. Listra pigaw ah Timothi ming nak ciah khritha tumat om ci. Ani cu Judah chang khritha ah kya ci, cun ung phi a pa cu Krik chang ah kya ci, 2Listra la Ikonium ung om ciah khritha gui naw Timothi cu m’hlüngtai ci gui. 3Paul naw Timithi cu amät awn a täng ah bi abi tu vai ng’ya hlü netah, vun aat nak pek ci. Cun ah a bi ah mawng cu cun ah kho ung om ciah Judah chang gui naw Timothi ah pa cu Krik chang ah kya ciah ami hmat pyi ah hmawk ah kya ci. 4Ngami cu apigaw päng ung ami hteh nak ah, Jerusalem ah om ci gui ah ang düihpüi gui la ang vai gui ah thukhän gui cu hmat phyak khai ah hei m’theithang vü gui ne, cun ah thukhän gui cu yum ciah chang gui naw ami läk vai ah m’thein gui ci gui. 5Cun ah kyasei khrithabum ah yum nak khüighaat law pi k’täi ne, yum tuk ciah chang phi da law pi k’täi ci.
Troas Gawnu ah Paul ah Mik Hmuh
6Ngami cu Phrikia la Kalatia kho cu phlän ne hteit ci gui, a i ah kyasei ci ung Asia kho ung thu ami pyein vai ah Mumcha Theing naw lam kä m’shüm gui ci. 7Ngami cu Misia khogi ung ami gawk law yah ung Bithinia kho ah hteh vai ah tha nak ci gui. 8Cun ung phi Bawipa Jesuh ah Mumcha Theing naw kä hteh sak gui sei, Misia kho cu phlän ne Troas gawnu ah gawk ci gui. 9Cu mü Paul naw ang mui mang ung, “Macedonia kho ah law ne na bawm gui vä” cine Mecedonia chang tumat naw ng’düi ne ng’yoi sei hmuk ci, 10Cun ah Paul naw amik hmuh vai am keimi cu Macedonia kho ah hteh vai ah kami pawng m’htein ci, a i yah kyasei ci ung, cun ah kho ah om ciah chang gui ah ma ah Thu Ni kami pyein vai ah Khanpughi naw na khü gui ci ciah kami yum nak awn ah kya ci.
Philipi ah Lidia ah Ng’thon nak
11Keimi cu Troas ungka Samothrsia tuigoi bü ne htinpaw awn hteit u ne, a ngawi ung Neapolis pigaw ah kami gawk ci. 12Cun ungka naw Philippi gawnu ah kami hteit ci. Philippi cu Macedonia kho ah mang gaw tumat ah kya ci. Roman chang gui ah gawnu ah phi kya ci. Cun ung keimi cu kho hnüüp akda kami om ci. 13Kyin hnüüp ung keimi cu pigaw k’pung ah lut law u ne, Judah chang gui ah taigü nak hmun om khai ah kami ngaih nak ah tui kam pei ah kami hteit ci. Acun ung hnumi gui ana ngo u sei, ngoh tu u ne kami m’thein tu gui ci. 14Cun ah chang gui ung Thiatira pigaw ung kaa, a phu küi suisak yoi ciah Lidia ming nak ciah hnumi tumat om ci. Ani cu Khanpughi yum ciah chang ah kya ci. Khanpughi naw Paul ah thu pyein a ngaih yaak nak tu kheng vai ah cun ah hnumi ah m’lung kyong pyan tham pek ci. 15Cun ah kyasei amät la akyong ungka gui ami van cu tui hnim ci gui. Cun kawn ah Lidia naw, “Kei naw Bawipa cu akcang ah ka yum ciah nami ngaih gep ah a kyak ung ka im ah law ne om law tu vä” cine k’shet ne na khü gui ci.
Paul la Silas, Philippi ung Thawng Ani Kium ah Mawng
16Kho hnüüp ät ung keimi cu taigü nak hmun ah kami hteh nak lam ah khoshe naw kai sei cecai ciah, ami changshäm hnumi hta tumat cu kami hmuk ci. Ani cu ak ce ng’cheng awn a bawi gui ah hmawk ah ngui akda gah ci. 17Cun ah hnumi hta naw Paul la keimi cu kami hnu ah na läk law gui netah, “Shin ah chang gui cu Hlüngtai pi bäih ciah Khanpughi ah chang gui nei! Ngami cu nangmi am hun nak ah mawng ning m’thein gui ciah kya ci gui nei” cine m’lau ci. 18Cun ah hnumi hta cu kho hnüüp akda ung acun cine ng’hawh laih laih khä tah, Paul cu am lung kä ni law sei, cun ah chang cu ng’hlah shi netah, “Jesuh Khrit ah ming awn kei naw ka ning k’täm ci, shin ah hnumi ungka lut law ne a hei ah na hteh vai” cine khoshe cu k’täm ci. Acun vai am khoshe cu lut law ne a hei ah hteit ci.
19Cun ah hnumi ah a bawi gui naw ngui ami gah nak vai ah m’kawt ang khai ah thüi u netah, Paul la Silas cu pha goi u ne, sumlei nak hmun ah sukyi ng’vai gui ah om nak ah hteh püi goi ci gui. 20Ngahni cu Roman bawi gui ah ma ah hteh püi goi u netah, “Shin ah chang goi cu Judah chang goi ah kya ci nei, Pigaw kyong ah thüngphyong khai ah bi bik ci goi nei. 21Ngahni naw mik mi ah thukhän nawn hnu ng’tuk gui cu m’theithang ci goi nei; Mikmi cu Roman changah mi kya ci, ngami a m’theithang ah thungyo gui cu kämi dou tu hning ci, kämi läk tu hning ci,” cine chah goi ci gui. 22Chang khli gui cun naw ng’lung nah ne Paul la Silas cu tuthat goi ci gui.
Ang vai gui naw, Paul la Silas cu ani suisak suut netah ami thah goi vai ah k’bäi ci gui. 23Paul la Silas cu tä aih khai ah that goi u netah thawng ung chum goi ci gui. 24Ang vai gui naw ngahni cu üp-oi khai ah ami chum goi vai ah pyein u khä tah, ngahni cu thawng hmüp khui ah m’tawk goi u ne, ani kho phi sing vüt ne ceep goi ci gui.
25Khomü cawih ah Paul la Silas cu taigü ni ne, Khanpughi m’hlüngtai ne ng’äi m’cu ni sei, a hei thawng kyum gui cun naw ngai tuk ci gui. 26Cun yah ung ang ghit ah shihpi thüng law khä tah thawng im nu cu ng’kyeet ne thüng ci. Cun vai am thawng m’kawt gui avan ng’hmawng ci, thawng kyum gui ami khih nak ah m’si gui gui phi avan ng’phian yawp ci. 27Thawng ngäng cu ng’shüm law ne thawng m’kawt gui avan ng’hmawng sei hmu netah, thawng kyum gui dawng yawp ci gui ah ngai neath, akhim yu phawng ne amät ng’ngawn ne sik khai ah pawng ci. 28Cun ung phi Paul naw, “Kä ng’cawh en ä, keimi kami van shin ung kami om ci nei” cine m’lau ne hawh ci.
29Thawng ngäng cu mei m’däi ne dawng ne lut law netah, ng’khlet ne Paul la Silas ah kho pei ah kaup ci. 30Cun kawn ah ngami cu k’pung ah luh law püi gui netah, “Bawi gui aw, Hun nak ka gah vai ah a i nei ka bi kaw?” cine ng’shi gui ci.
31Ngami naw, “Jesuh Bawipa cu na yum vai, cun ung na mät la na kyong ungka gui nami van naw hun nak nami gah khai” cine m’thein ci gui. 32Cun kawn ah amät la a im ung om ciah chang gui am Bawipa ah Thu Ni cu m’thein gui ci gui. 33A cun mü, acun ah khin ung thawng ngäng naw Paul la Silas cu khü goi ne, ani leim cu m’tui m’seih pe goi ci. Cun kawn ah a cun vai am amät la akyong ungka gui cu tui hnim ci gui. 34Ani naw Paul la Silas cu a im ah khü goi ne, khin nah ne tu m’bei goi ci. Amät la akyong ungka gui ami van cu Khanpughi ami yum tu ah phäh ah ang htei ah yeikyai ci gui.
35A ngawi ung kho ngawi Roman bawi gui naw gaakap ng’vai gui am, “Shin ah chang gui chah ba gui vä” cine khän gui ci gui.
36Cun ah kyasei thawng bawi naw, Paul am, “Bawi naw, nang la Silas cu ning chah ba gui vai ah k’bäi ci nei, cun ah kyasei dimdeeih nak awn hteit ba nä” cine m’thein ci.
37Cun ung phi Paul naw gaakap bawi ah ma ah, “Kei mi cu Roman kho chang ah kami kyak ci, a i hma nak la katnak phi käm koicha ah, ngami naw keini cu, chang khli ah ma ah, that netah thawng ung na chum goi ci gui. Tuk bäi a düm ah na chah ba gui hlü u ne ang? Kä kami lut law ba khainei, Roman bawi gui ami mät law ne na chah ba gui u sä” cine pyen nak ci.
38Gaakap bawi gui naw Roman bawi gui am, acun ah mawng cu m’thein ba u sei, Paul la Silas cu Roman kho chang ah ani kyak cu hmat law u netah ang htei ah kyikyawk ci gui. 39Cun ah kyasei ngah mi cu law u ne, Paul la Silas cu ng’ge püi ba goi u netah, thawng ungka k’plawk ba goi u ne, cun ah gawnu ungka naw ani hteh ba vai ah m’cäi goi ci gui. 40Paul la Silas cu thawng ungka lut law ba ni ne, Lidia ah im ah hteit ci goi. Cun kawn ah yum ciah phäi nau gui awn ng’hmuh u netah, thamah nak ah thu ani pyein kawn ah cun ah gawnu ungka naw hteit ba ci goi.
Currently Selected:
LAMKTU 16: CBC
Highlight
Share
Copy
Want to have your highlights saved across all your devices? Sign up or sign in
Cho Bible Common Language © Bible Society of Myanmar, 2016.
LAMKTU 16
16
Timothi cu Paul la Silas awn Atäng ah Hteit Tu ci
1Paul cu Derbe la Listra pigaw gui ah gawk law ci. Listra pigaw ah Timothi ming nak ciah khritha tumat om ci. Ani cu Judah chang khritha ah kya ci, cun ung phi a pa cu Krik chang ah kya ci, 2Listra la Ikonium ung om ciah khritha gui naw Timothi cu m’hlüngtai ci gui. 3Paul naw Timithi cu amät awn a täng ah bi abi tu vai ng’ya hlü netah, vun aat nak pek ci. Cun ah a bi ah mawng cu cun ah kho ung om ciah Judah chang gui naw Timothi ah pa cu Krik chang ah kya ciah ami hmat pyi ah hmawk ah kya ci. 4Ngami cu apigaw päng ung ami hteh nak ah, Jerusalem ah om ci gui ah ang düihpüi gui la ang vai gui ah thukhän gui cu hmat phyak khai ah hei m’theithang vü gui ne, cun ah thukhän gui cu yum ciah chang gui naw ami läk vai ah m’thein gui ci gui. 5Cun ah kyasei khrithabum ah yum nak khüighaat law pi k’täi ne, yum tuk ciah chang phi da law pi k’täi ci.
Troas Gawnu ah Paul ah Mik Hmuh
6Ngami cu Phrikia la Kalatia kho cu phlän ne hteit ci gui, a i ah kyasei ci ung Asia kho ung thu ami pyein vai ah Mumcha Theing naw lam kä m’shüm gui ci. 7Ngami cu Misia khogi ung ami gawk law yah ung Bithinia kho ah hteh vai ah tha nak ci gui. 8Cun ung phi Bawipa Jesuh ah Mumcha Theing naw kä hteh sak gui sei, Misia kho cu phlän ne Troas gawnu ah gawk ci gui. 9Cu mü Paul naw ang mui mang ung, “Macedonia kho ah law ne na bawm gui vä” cine Mecedonia chang tumat naw ng’düi ne ng’yoi sei hmuk ci, 10Cun ah Paul naw amik hmuh vai am keimi cu Macedonia kho ah hteh vai ah kami pawng m’htein ci, a i yah kyasei ci ung, cun ah kho ah om ciah chang gui ah ma ah Thu Ni kami pyein vai ah Khanpughi naw na khü gui ci ciah kami yum nak awn ah kya ci.
Philipi ah Lidia ah Ng’thon nak
11Keimi cu Troas ungka Samothrsia tuigoi bü ne htinpaw awn hteit u ne, a ngawi ung Neapolis pigaw ah kami gawk ci. 12Cun ungka naw Philippi gawnu ah kami hteit ci. Philippi cu Macedonia kho ah mang gaw tumat ah kya ci. Roman chang gui ah gawnu ah phi kya ci. Cun ung keimi cu kho hnüüp akda kami om ci. 13Kyin hnüüp ung keimi cu pigaw k’pung ah lut law u ne, Judah chang gui ah taigü nak hmun om khai ah kami ngaih nak ah tui kam pei ah kami hteit ci. Acun ung hnumi gui ana ngo u sei, ngoh tu u ne kami m’thein tu gui ci. 14Cun ah chang gui ung Thiatira pigaw ung kaa, a phu küi suisak yoi ciah Lidia ming nak ciah hnumi tumat om ci. Ani cu Khanpughi yum ciah chang ah kya ci. Khanpughi naw Paul ah thu pyein a ngaih yaak nak tu kheng vai ah cun ah hnumi ah m’lung kyong pyan tham pek ci. 15Cun ah kyasei amät la akyong ungka gui ami van cu tui hnim ci gui. Cun kawn ah Lidia naw, “Kei naw Bawipa cu akcang ah ka yum ciah nami ngaih gep ah a kyak ung ka im ah law ne om law tu vä” cine k’shet ne na khü gui ci.
Paul la Silas, Philippi ung Thawng Ani Kium ah Mawng
16Kho hnüüp ät ung keimi cu taigü nak hmun ah kami hteh nak lam ah khoshe naw kai sei cecai ciah, ami changshäm hnumi hta tumat cu kami hmuk ci. Ani cu ak ce ng’cheng awn a bawi gui ah hmawk ah ngui akda gah ci. 17Cun ah hnumi hta naw Paul la keimi cu kami hnu ah na läk law gui netah, “Shin ah chang gui cu Hlüngtai pi bäih ciah Khanpughi ah chang gui nei! Ngami cu nangmi am hun nak ah mawng ning m’thein gui ciah kya ci gui nei” cine m’lau ci. 18Cun ah hnumi hta cu kho hnüüp akda ung acun cine ng’hawh laih laih khä tah, Paul cu am lung kä ni law sei, cun ah chang cu ng’hlah shi netah, “Jesuh Khrit ah ming awn kei naw ka ning k’täm ci, shin ah hnumi ungka lut law ne a hei ah na hteh vai” cine khoshe cu k’täm ci. Acun vai am khoshe cu lut law ne a hei ah hteit ci.
19Cun ah hnumi ah a bawi gui naw ngui ami gah nak vai ah m’kawt ang khai ah thüi u netah, Paul la Silas cu pha goi u ne, sumlei nak hmun ah sukyi ng’vai gui ah om nak ah hteh püi goi ci gui. 20Ngahni cu Roman bawi gui ah ma ah hteh püi goi u netah, “Shin ah chang goi cu Judah chang goi ah kya ci nei, Pigaw kyong ah thüngphyong khai ah bi bik ci goi nei. 21Ngahni naw mik mi ah thukhän nawn hnu ng’tuk gui cu m’theithang ci goi nei; Mikmi cu Roman changah mi kya ci, ngami a m’theithang ah thungyo gui cu kämi dou tu hning ci, kämi läk tu hning ci,” cine chah goi ci gui. 22Chang khli gui cun naw ng’lung nah ne Paul la Silas cu tuthat goi ci gui.
Ang vai gui naw, Paul la Silas cu ani suisak suut netah ami thah goi vai ah k’bäi ci gui. 23Paul la Silas cu tä aih khai ah that goi u netah thawng ung chum goi ci gui. 24Ang vai gui naw ngahni cu üp-oi khai ah ami chum goi vai ah pyein u khä tah, ngahni cu thawng hmüp khui ah m’tawk goi u ne, ani kho phi sing vüt ne ceep goi ci gui.
25Khomü cawih ah Paul la Silas cu taigü ni ne, Khanpughi m’hlüngtai ne ng’äi m’cu ni sei, a hei thawng kyum gui cun naw ngai tuk ci gui. 26Cun yah ung ang ghit ah shihpi thüng law khä tah thawng im nu cu ng’kyeet ne thüng ci. Cun vai am thawng m’kawt gui avan ng’hmawng ci, thawng kyum gui ami khih nak ah m’si gui gui phi avan ng’phian yawp ci. 27Thawng ngäng cu ng’shüm law ne thawng m’kawt gui avan ng’hmawng sei hmu netah, thawng kyum gui dawng yawp ci gui ah ngai neath, akhim yu phawng ne amät ng’ngawn ne sik khai ah pawng ci. 28Cun ung phi Paul naw, “Kä ng’cawh en ä, keimi kami van shin ung kami om ci nei” cine m’lau ne hawh ci.
29Thawng ngäng cu mei m’däi ne dawng ne lut law netah, ng’khlet ne Paul la Silas ah kho pei ah kaup ci. 30Cun kawn ah ngami cu k’pung ah luh law püi gui netah, “Bawi gui aw, Hun nak ka gah vai ah a i nei ka bi kaw?” cine ng’shi gui ci.
31Ngami naw, “Jesuh Bawipa cu na yum vai, cun ung na mät la na kyong ungka gui nami van naw hun nak nami gah khai” cine m’thein ci gui. 32Cun kawn ah amät la a im ung om ciah chang gui am Bawipa ah Thu Ni cu m’thein gui ci gui. 33A cun mü, acun ah khin ung thawng ngäng naw Paul la Silas cu khü goi ne, ani leim cu m’tui m’seih pe goi ci. Cun kawn ah a cun vai am amät la akyong ungka gui cu tui hnim ci gui. 34Ani naw Paul la Silas cu a im ah khü goi ne, khin nah ne tu m’bei goi ci. Amät la akyong ungka gui ami van cu Khanpughi ami yum tu ah phäh ah ang htei ah yeikyai ci gui.
35A ngawi ung kho ngawi Roman bawi gui naw gaakap ng’vai gui am, “Shin ah chang gui chah ba gui vä” cine khän gui ci gui.
36Cun ah kyasei thawng bawi naw, Paul am, “Bawi naw, nang la Silas cu ning chah ba gui vai ah k’bäi ci nei, cun ah kyasei dimdeeih nak awn hteit ba nä” cine m’thein ci.
37Cun ung phi Paul naw gaakap bawi ah ma ah, “Kei mi cu Roman kho chang ah kami kyak ci, a i hma nak la katnak phi käm koicha ah, ngami naw keini cu, chang khli ah ma ah, that netah thawng ung na chum goi ci gui. Tuk bäi a düm ah na chah ba gui hlü u ne ang? Kä kami lut law ba khainei, Roman bawi gui ami mät law ne na chah ba gui u sä” cine pyen nak ci.
38Gaakap bawi gui naw Roman bawi gui am, acun ah mawng cu m’thein ba u sei, Paul la Silas cu Roman kho chang ah ani kyak cu hmat law u netah ang htei ah kyikyawk ci gui. 39Cun ah kyasei ngah mi cu law u ne, Paul la Silas cu ng’ge püi ba goi u netah, thawng ungka k’plawk ba goi u ne, cun ah gawnu ungka naw ani hteh ba vai ah m’cäi goi ci gui. 40Paul la Silas cu thawng ungka lut law ba ni ne, Lidia ah im ah hteit ci goi. Cun kawn ah yum ciah phäi nau gui awn ng’hmuh u netah, thamah nak ah thu ani pyein kawn ah cun ah gawnu ungka naw hteit ba ci goi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cho Bible Common Language © Bible Society of Myanmar, 2016.