LAMKTU 17
17
Thessalanika Gawnu ah Bi Ami Bi
1Paul la Silas cu Amphilolis la Apollonia pigaw gui sun law ne, Thessalonika gawnu ah gawk law ci gui. Cun ah gawnu ah pum im tumat om ci. 2Paul cu abi man ah mäih ah pum im ah hteit ne, pum hnüüp thum vei ung, cacim cu m’hlan ne tän ne pyein ne chang gui awn ng’cecäk ci gui. 3Messiah naw yaica nak a bui aut vai ah mawng, la sih nak ungka a thawh ba vai ah a mawng gui cu cacim va teng teng ne ng’kheing khai ah m’thein gui ci. Paul naw, “Kei naw nangmi am ka ning m’thein gui ah Bawi Jesuh cu Messiah ah kyak ci” cine pyein ci. 4Chang amshah gui cu Paul ah thu pyein yum u ne Paul la Silas ah chang ah kya lawk ci gui. Acun ah mäih ah Khanpughi yum ciah Krik chang akda gui la hnumi ng’vai gui cu ngahni ah chang ah kya lawk ci gui.
5Cun ung phi Judah chang gui cu m’thüi u netah, lam yung ah chang ngetngawng gui khü gui u ne, chang khli ah kyak khai ah ng’bum sak gui netah, pigaw avan ung thüngphyong sak gui ci gui. Cun ah chang gui cu Jason ah im ah lut u ne, Paul la Silas cu chang khli ah ma ah kaih ne m’düih goi vai ah shui goi ci gui. 6Shui ne kä hmu goi u netah cun ah chang gui naw, Jason la yum ciah chang amshah cu pha ne, bawi ng’vai gui ah ma ah law püi u netah, “Shin ah chang gui naw theit shüi shüi ne chang yaica sak ci gui, ngami tuk bäi mikmi ah gawnu ah gawk law u sei Jason naw a im ah dou gui ci. 7Shin ah chang gui naw Jesuh ming nak ciah Ghangpughang a hei om ci ci u ne, nang ghangpughang ah thukhän cu plawh ci gui nei” cine m’lau ne pyein ci gui. 8Cun ah a mawng gui cu ng’ya u netah, chang khli gui la gawnu ung ng’vai gui cu thüngkyüng yawp ci gui. 9Bawi ng’vai gui naw Jason la a paw gui cu ngui kyäng ne ng’lawh sak gui netah tüi ba gui ci gui.
Berea Gawnu ung Bi Ami Bi
10Kho a mü law vai-am yum ciah chang gui naw Paul la Silas cu Berea gawnu ah tüi goi ci gui. Cu ah gawk ni netah ngahni cu pum im ah hteit ci goi. 11Berea ah chang gui cu Thessalonika ah chang gui ah mä ami m’lung ng’htei pi ci. Cun ah kya ne Paul ah thu pyein cu k’tha na ne ngai ci gui. Paul la Silas ah thu pyein cu akcang la kä akcang ah ami hmat nak vai ah cacim cu ak hnüüp tä sei teng kheng ci gui. 12Cun ah kya ne chang akda naw Bawipa Jesuh cu yum lawk ci gui, cun ah yum lawk ci gui ung bühmang ciah Krik hnumi gui la k’pami ng’vai gui phi akda om tuk ci gui. 13Cun ah Paul naw Berea gawnu ung Khanpughi ah Thu Ni a pyein ah mawng cu Thesslonika ah Judah chang gui naw ng’ya u netah, Berea ah law u ne chang gui cu touk ne thüngphyong sak ci gui. 14A cun vai am yum ciah chang gui naw Paul cu tuinu kam lam ah hteh sak ci gui. Silas la Timothi läi cu Berea ah om shüt ci goi. 15Paul tha tuk ci gui ah chang gui cu a ni awn a täng ah Athens ah khüt ne hteit tuk ci gui. Cun kawn ah Paul naw Silas la Timothi cu akyang ah ami tüih goi vai ah m’cäi gui khä tah Berea ah hteit ba ci gui.
Athens Gawnu ung Bi Ami Bi
16Paul cu Athens gawnu ah Silas la Timothi cu ging goi ne a om yah ung, gawnu avan cu a gup bäng ah kyasei hmu netah ang htei ah am lung thüi ci. 17Cun ah kyasei pum im ah Judah chang gui, Khanpughi yum ciah chang pakhui hei gui la ak hnüüp tä sumlei ne lawk ciah chang gui awn ng’cecäk ci gui. 18Epicurean la Stoik Greek hmuhmat chang gui awn phi ng’kükneet ne pyeinsak ci gui. Cun ah chang amshah gui naw, “i baw hmuhmat ciah ng’hlawk ciah shin ah chang cu a i a pyein tu khan ang?” cine kyak ci gui.
A hei chang gui naw, “Shin ah chang naw, a kho hei chang gui ah khanpughi gui a pyein ah kyak khai nei” cik ci gui. Cun ah ami pyein cu Paul naw Bawi Jesuh a mawng la sih nak ungka thawh ba ah mawng a pyein ah hmawk ah kya ci. 19Cun ah kyasei Paul cu kawng si yung Areopakas gawnu ah hteh püi u netah, “Nang naw na pyeinsak ah m’theithang nak ak thai ah mawng cu kami hmat tu hlük ci nei. 20Nangmi naw nami pyeinsak ah amanwg amshah gui cu keimi ah hmawk ah ak thai ah kya ci, cun gui ah mawng cu m’hlan ne kami hmat tu hlük ci nei” cik ci. 21(Athens chang gui la a kho hei ah kaa lawk ciah ami khin gui cu, cun ah thu thai gui ami ngaih yaak, ami pyeinsak nak awn a khin ng’pyi sak ci gui.)
22Paul cu Areopakas yungnu ma ah ng’düi netah, “Athens chang gui aw, nangmi cu ang htei ah nami yum nak om ciah, a päng avan ka hmuh nak awn ka ning hmat gui ci nei. 23Kei cu nami gawnu avan ung hteit shüi shüi ne, nami taigü nak gui cu teng netah, ‘Kä hmat ah Khanpughi ah’ cine ca guk ah taigü kiang tumat cu ka hmuk ci. Cun ah nang mi naw kä hmat ne nami taigü ah Khanpughi ah mawng cu tuk bäi ka ning m’thein gui ah kya ci. 24Khomdek la khomdek khan ah om ci nüng tüi pyang ciah Khanpughi cu, khomdek la khankho uk ciah Khanpughi ah kya ne, chang naw kut awn a pyan ah pum im ung kä om ci. 25Khanpughi cu chang avan am hnun gui ghing nak la a päng avan yuk pek ciah kya ne, ang yaak hlü tumatmat om ciah mäih ah chang naw kut awn bi vai kä ng’ya hlük ci. 26Khanpughi naw khomdek khan avan ung om ciah, changpakhui avan cu, chang tumat ungka ng’shon khai ah tüisho netah, ami ghin nak vai ah akhin cu k’bäi pe gui ne, ami om nak vai ah hmun cu m’hnüt pe gui ci. 27Cu ah abi ah mawng cu chang gui naw Khanpughi cu ami hmu ei hman ah ami shui yap shüm vai ah hmawk ah kya ci. Cun ung phi akcang ah Khanpughi cu mikmi ungka tumat awn phi ng’shawng ciah kä kya ci. 28Chang tumat naw;
“Mikmi cu Khanpughi awn ghing ne, hnün tho ne, om ih ne
mi kyak ci.” Nang mi ungka ng’äi awn m’thei ciah chang gui naw phi;
“Mikmi cun phi Khanpughi ah Hta gui ah mi kyak ci” cine ng’äi awm ci gui.
29Cun ah mikmi cu Khanpughi ah hta gui ah mi kyak ci kya sei, Khanpughi cu chang gui naw ami ngaih-tüh ah ami hmuhhmat nak awn ami pyantham ah ghui gup, ngui gup, lung gup, gui ah mäih lawk ci ciah kä nami hmat ten vai nei. 30Khanpughi naw i kä ami hmuhhmat yah ung chang gui cu kä a teng kheng gui ung phi, tuk bäi ung kho ng’nü ah om ciah chang gui am, “Na mi katnak cu ng’yu ba yawp vä” cine ng’thu khän gui ci. 31A i ah kyasei ci ung khomdek chang avan, ghü ne am düih pyi ah Bawipa awn, ng’düng ciah ng’thumcha nak vai ah hnüüp cu, ak bäi pyi ah hmawk ah kya ci. Cun ah abi law vai ah mawng cu, cun ah Bawipa sih nak ungka a thawh ba sak nak awn, khäng htek ciah saksi m’dang pyi ci” cine pyein ci.
32Paul naw, sih nak ungka thawh ba nak ah mawng a pyein cu ng’ya u netah chang amshah naw päipih ci gui. Cun ung phi amshah gui naw, “Shin ah mawng na pyein cu kami ng’ya ba hlü mä ci nei” cik ci gui. 33Cun ah kyasei Paul cu cun ah yung ungka tho ne hteit ba ci. 34Chang amshah gui cu Paul awn ng’khawt u netah yum law tuk ci gui. Cun gui cu Areopakas ah yung ungka Dionicius la Damaris ming nak ciah hnumi tumat la chang hei amshah gui ah kya ci.
Currently Selected:
LAMKTU 17: CBC
Highlight
Share
Copy
Want to have your highlights saved across all your devices? Sign up or sign in
Cho Bible Common Language © Bible Society of Myanmar, 2016.
LAMKTU 17
17
Thessalanika Gawnu ah Bi Ami Bi
1Paul la Silas cu Amphilolis la Apollonia pigaw gui sun law ne, Thessalonika gawnu ah gawk law ci gui. Cun ah gawnu ah pum im tumat om ci. 2Paul cu abi man ah mäih ah pum im ah hteit ne, pum hnüüp thum vei ung, cacim cu m’hlan ne tän ne pyein ne chang gui awn ng’cecäk ci gui. 3Messiah naw yaica nak a bui aut vai ah mawng, la sih nak ungka a thawh ba vai ah a mawng gui cu cacim va teng teng ne ng’kheing khai ah m’thein gui ci. Paul naw, “Kei naw nangmi am ka ning m’thein gui ah Bawi Jesuh cu Messiah ah kyak ci” cine pyein ci. 4Chang amshah gui cu Paul ah thu pyein yum u ne Paul la Silas ah chang ah kya lawk ci gui. Acun ah mäih ah Khanpughi yum ciah Krik chang akda gui la hnumi ng’vai gui cu ngahni ah chang ah kya lawk ci gui.
5Cun ung phi Judah chang gui cu m’thüi u netah, lam yung ah chang ngetngawng gui khü gui u ne, chang khli ah kyak khai ah ng’bum sak gui netah, pigaw avan ung thüngphyong sak gui ci gui. Cun ah chang gui cu Jason ah im ah lut u ne, Paul la Silas cu chang khli ah ma ah kaih ne m’düih goi vai ah shui goi ci gui. 6Shui ne kä hmu goi u netah cun ah chang gui naw, Jason la yum ciah chang amshah cu pha ne, bawi ng’vai gui ah ma ah law püi u netah, “Shin ah chang gui naw theit shüi shüi ne chang yaica sak ci gui, ngami tuk bäi mikmi ah gawnu ah gawk law u sei Jason naw a im ah dou gui ci. 7Shin ah chang gui naw Jesuh ming nak ciah Ghangpughang a hei om ci ci u ne, nang ghangpughang ah thukhän cu plawh ci gui nei” cine m’lau ne pyein ci gui. 8Cun ah a mawng gui cu ng’ya u netah, chang khli gui la gawnu ung ng’vai gui cu thüngkyüng yawp ci gui. 9Bawi ng’vai gui naw Jason la a paw gui cu ngui kyäng ne ng’lawh sak gui netah tüi ba gui ci gui.
Berea Gawnu ung Bi Ami Bi
10Kho a mü law vai-am yum ciah chang gui naw Paul la Silas cu Berea gawnu ah tüi goi ci gui. Cu ah gawk ni netah ngahni cu pum im ah hteit ci goi. 11Berea ah chang gui cu Thessalonika ah chang gui ah mä ami m’lung ng’htei pi ci. Cun ah kya ne Paul ah thu pyein cu k’tha na ne ngai ci gui. Paul la Silas ah thu pyein cu akcang la kä akcang ah ami hmat nak vai ah cacim cu ak hnüüp tä sei teng kheng ci gui. 12Cun ah kya ne chang akda naw Bawipa Jesuh cu yum lawk ci gui, cun ah yum lawk ci gui ung bühmang ciah Krik hnumi gui la k’pami ng’vai gui phi akda om tuk ci gui. 13Cun ah Paul naw Berea gawnu ung Khanpughi ah Thu Ni a pyein ah mawng cu Thesslonika ah Judah chang gui naw ng’ya u netah, Berea ah law u ne chang gui cu touk ne thüngphyong sak ci gui. 14A cun vai am yum ciah chang gui naw Paul cu tuinu kam lam ah hteh sak ci gui. Silas la Timothi läi cu Berea ah om shüt ci goi. 15Paul tha tuk ci gui ah chang gui cu a ni awn a täng ah Athens ah khüt ne hteit tuk ci gui. Cun kawn ah Paul naw Silas la Timothi cu akyang ah ami tüih goi vai ah m’cäi gui khä tah Berea ah hteit ba ci gui.
Athens Gawnu ung Bi Ami Bi
16Paul cu Athens gawnu ah Silas la Timothi cu ging goi ne a om yah ung, gawnu avan cu a gup bäng ah kyasei hmu netah ang htei ah am lung thüi ci. 17Cun ah kyasei pum im ah Judah chang gui, Khanpughi yum ciah chang pakhui hei gui la ak hnüüp tä sumlei ne lawk ciah chang gui awn ng’cecäk ci gui. 18Epicurean la Stoik Greek hmuhmat chang gui awn phi ng’kükneet ne pyeinsak ci gui. Cun ah chang amshah gui naw, “i baw hmuhmat ciah ng’hlawk ciah shin ah chang cu a i a pyein tu khan ang?” cine kyak ci gui.
A hei chang gui naw, “Shin ah chang naw, a kho hei chang gui ah khanpughi gui a pyein ah kyak khai nei” cik ci gui. Cun ah ami pyein cu Paul naw Bawi Jesuh a mawng la sih nak ungka thawh ba ah mawng a pyein ah hmawk ah kya ci. 19Cun ah kyasei Paul cu kawng si yung Areopakas gawnu ah hteh püi u netah, “Nang naw na pyeinsak ah m’theithang nak ak thai ah mawng cu kami hmat tu hlük ci nei. 20Nangmi naw nami pyeinsak ah amanwg amshah gui cu keimi ah hmawk ah ak thai ah kya ci, cun gui ah mawng cu m’hlan ne kami hmat tu hlük ci nei” cik ci. 21(Athens chang gui la a kho hei ah kaa lawk ciah ami khin gui cu, cun ah thu thai gui ami ngaih yaak, ami pyeinsak nak awn a khin ng’pyi sak ci gui.)
22Paul cu Areopakas yungnu ma ah ng’düi netah, “Athens chang gui aw, nangmi cu ang htei ah nami yum nak om ciah, a päng avan ka hmuh nak awn ka ning hmat gui ci nei. 23Kei cu nami gawnu avan ung hteit shüi shüi ne, nami taigü nak gui cu teng netah, ‘Kä hmat ah Khanpughi ah’ cine ca guk ah taigü kiang tumat cu ka hmuk ci. Cun ah nang mi naw kä hmat ne nami taigü ah Khanpughi ah mawng cu tuk bäi ka ning m’thein gui ah kya ci. 24Khomdek la khomdek khan ah om ci nüng tüi pyang ciah Khanpughi cu, khomdek la khankho uk ciah Khanpughi ah kya ne, chang naw kut awn a pyan ah pum im ung kä om ci. 25Khanpughi cu chang avan am hnun gui ghing nak la a päng avan yuk pek ciah kya ne, ang yaak hlü tumatmat om ciah mäih ah chang naw kut awn bi vai kä ng’ya hlük ci. 26Khanpughi naw khomdek khan avan ung om ciah, changpakhui avan cu, chang tumat ungka ng’shon khai ah tüisho netah, ami ghin nak vai ah akhin cu k’bäi pe gui ne, ami om nak vai ah hmun cu m’hnüt pe gui ci. 27Cu ah abi ah mawng cu chang gui naw Khanpughi cu ami hmu ei hman ah ami shui yap shüm vai ah hmawk ah kya ci. Cun ung phi akcang ah Khanpughi cu mikmi ungka tumat awn phi ng’shawng ciah kä kya ci. 28Chang tumat naw;
“Mikmi cu Khanpughi awn ghing ne, hnün tho ne, om ih ne
mi kyak ci.” Nang mi ungka ng’äi awn m’thei ciah chang gui naw phi;
“Mikmi cun phi Khanpughi ah Hta gui ah mi kyak ci” cine ng’äi awm ci gui.
29Cun ah mikmi cu Khanpughi ah hta gui ah mi kyak ci kya sei, Khanpughi cu chang gui naw ami ngaih-tüh ah ami hmuhhmat nak awn ami pyantham ah ghui gup, ngui gup, lung gup, gui ah mäih lawk ci ciah kä nami hmat ten vai nei. 30Khanpughi naw i kä ami hmuhhmat yah ung chang gui cu kä a teng kheng gui ung phi, tuk bäi ung kho ng’nü ah om ciah chang gui am, “Na mi katnak cu ng’yu ba yawp vä” cine ng’thu khän gui ci. 31A i ah kyasei ci ung khomdek chang avan, ghü ne am düih pyi ah Bawipa awn, ng’düng ciah ng’thumcha nak vai ah hnüüp cu, ak bäi pyi ah hmawk ah kya ci. Cun ah abi law vai ah mawng cu, cun ah Bawipa sih nak ungka a thawh ba sak nak awn, khäng htek ciah saksi m’dang pyi ci” cine pyein ci.
32Paul naw, sih nak ungka thawh ba nak ah mawng a pyein cu ng’ya u netah chang amshah naw päipih ci gui. Cun ung phi amshah gui naw, “Shin ah mawng na pyein cu kami ng’ya ba hlü mä ci nei” cik ci gui. 33Cun ah kyasei Paul cu cun ah yung ungka tho ne hteit ba ci. 34Chang amshah gui cu Paul awn ng’khawt u netah yum law tuk ci gui. Cun gui cu Areopakas ah yung ungka Dionicius la Damaris ming nak ciah hnumi tumat la chang hei amshah gui ah kya ci.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cho Bible Common Language © Bible Society of Myanmar, 2016.