ATÜNNAK 44
44
M’Ghük ciah Khap
1Joseph naw kyong ung tängpang ciah a chang am, “Ami phui hning ah ami phuih vai ah ami ng’ip ung htang m’khäh pe gui ä, ami ng’ip mawng ung ami ngui phäh phäh m’khäh pe ba gui ä. 2A hmaw pi ah ng’ip ung kei ah ka ngui khap la a ngui cu m’khäh peä” cine m’cäi sei a cun ah bik ci. 3A ngawi ung khawngawi hta ng’phäi nau gui cu ami ng’sela gui mah ah tüi ba gui ci gui. 4Mang gaw phlän khläm u khäta, Joseph naw a im ung ng’vai ciah changshäm am, “Cän ah chang gui ang ghit ah na läk gui vai, na k’pha gui ung, A i ah kyasei akni ah phäh ah akshe nami bi ang? 5A i ah kyasei ka bawi ah ngui khap nami ng’guuk ang? Shin cu ka bawi ah awk nak, cüivai nak ah khap ah kyak ci, nangmi naw akshe pi nami bi pyi ci nei” cine na kyak nak gui vai, cine m’cäi ci.
6Changshäm naw k’pha gui neta amcäi ah mäih ah pyen ci. 7Ngami naw ani am, “Bawi aw, a i ah kyasei cu cha ah na pyen ang? Keimi kami ng’gun ci, cu cha ah kä kami kyak ci nei. 8Na hmat ah mäih ah kami ng’ip ung om ciah ngui phi Kanaan khaw ah ka kami law püi ba nei. A i ah kyasei keimi naw na bawi ah im ungka ngui ghui kami m’guuk vai ang? 9Bawi aw, m’guk ci na hmuh ah a kyak ung a cun ah chang cu sih nak pe ä, k’pawih ba ci avan cu na changshäm ah kami om khai nei” cik ci gui.
10Ani naw, “Ka yum ci, cun ung phi khap lak ciah chang bäng cu ka changshäm ah kya sä, k’pawih ci gui cu phyawng ne hteit ba vä” cik ci. 11A cun vai am ami phuih cu m’dek ung hmoh u neta, ami ng’ip phäh phäh phian ne teng ci gui. 12Joseph ah changshäm naw ang vaipi ung tün ne, a hmaw pi ung khüt khai ah geing na ne shui gui neta, khap cu Benjamin ah ng’ip ung hmuk ci. 13A phäi gui cu ami sui k’teek ne azä u ne, laa ung ami phuih taih ba u ne mang gaw ah ng’hlat tu ba ci gui.
14Judah la a phäinau gui Joseph ah im ah ami gawk law ba yah ung Joseph cu ana om ci. Ngami cu ami van m’khuuk dong ne kawp u khäta, 15Joseph naw, “A i ah nami kyak ci ang? Kei ung cüivai lunglang nak a om cu kä nami hmat ne ma?” cik ci.
16Judah naw, “Bawi aw, keimi a i kami pyen ba hning khai aw, a i cha kami ling tuba thei khai aw, a i cha kami ng’huut thei khai aw, Khanpughi naw kami katnak m’dang pyi ci nei. Khap hmuh nak ah chang bäng ah kä kyak ci, kami van cu na changshäm ah kami kyak ci nei.
17Joseph naw, “Ka nei, cu cha kä ka bik khai nei. Khap hmuh nak ah chang bäng vah ka changshäm ah hmoh vai nei, k’pawih ba ci gui cu nami pa ah phyawng gai ne hteit ba vä” cik ci.
Benjamin ah Hmawk ah Judah Ng’Kyäng ci
18Judah naw Joseph ah pei ah hteit neta, “Bawi aw, api ah ng’thu ka pyen hlük ci, kei cu kä na m’lungshe en na ä, nang cu ghangpughang ah mäih ah na kyak ci nei. 19Bawi aw, nang naw, nami pa om naw? Ahei nami phäinau mä om ba naw?” cine na na ng’shi gui ci. 20Keimi naw, “Kami pa om ci, ghi lawk ci, pa a ghi kawn ung a hta nak kami nau a hmawpi om ci. Nu ät ah hta gui ungka a phäi cu si pyi ci, ani bäng om ba sei apa naw anghtei ah m’hni ci.” 21Nang bawi naw shia ah kami law püi vai pyen ci sei, law püi u ngä sei na hmuk ci. 22Keimi naw, “A hmaw naw apa cu kä nawng hlawt ci, a nawng ung sik khai kyak ci” cine kami pyen ci. 23Nang naw, “Nami nau a hmawpi kä nami law püi ung ka ma ah kä nami law en ba vai” na cik ci.
24“Kami pa ah gawk ba u neta, na ng’thu avan cu kami m’thein tuk ci. 25Cun kawn ah sha law ba ne, ei api kami hleih tu vai ah na pyen na gui ci. 26Keimi naw, “Kä kami hteit khai, bawi aw, kami nau a hmaw kä kami hteh püi ung kä kami hteh ba vai pyen ci, Kami nauhta a hteh tu läi ung kami hteit khai” cine kami pyen ci. 27Kami pa naw pyen ci, ‘Ka chu Rachela naw pami hnih bäng ah a hta cu nami hmat ci. 28Tumat naw na hteh ta pyi ci, ani cu sa naw m’shih sei kä ka hmu ba ci. 29Tuhbäi tumat mä hteh püi u ci sei, a sih gaw ah a kyak ung, kei cu ka ghi lawk ci, nangmi ah bi ah thüi nak naw na m’sih lawk khai nei.’
30-31Bawi aw, cun ah kyasei, a hmaw kä hteh püi ba ne kami hteh ba cu kapa naw a hmuh ah a kyak ung, kapa cu sik khai nei. Ani ah ghin nak cu ka nau hta ah ghin nak ung ng’pang ciah kyak ci. Ani cu ghi lawk ci kyasei, keimi ah m’thüi nak ah thüi nak naw m’sih lawk khai kyak ci nei. 32Cun kawn ah a hmaw ah hmawk ah kei cu kapa ah ka ng’kyäng shüt ci nei. A hmaw kä ka law püi ba ah a kyak ung ka ghin ah chuih kei ah khan ah shetkat nak om sä, cine ka ng’taam shüt ci. 33Bawi aw, tuhbäi a hmaw ah hnün ung, kei cu changshäm ah ka om shüt khai, ani cu a phäi gui awn hteit tu ba sä. 34A hmaw kä hteh püi ba ne, a i cha ah kapa ah ka hteit ba khai aw? Kapa ah thüisei khükha vai cu kä ka hmu hlük ci nei” cik ci.
Currently Selected:
ATÜNNAK 44: CBC
Highlight
Share
Copy
Want to have your highlights saved across all your devices? Sign up or sign in
Cho Bible Common Language © Bible Society of Myanmar, 2016.
ATÜNNAK 44
44
M’Ghük ciah Khap
1Joseph naw kyong ung tängpang ciah a chang am, “Ami phui hning ah ami phuih vai ah ami ng’ip ung htang m’khäh pe gui ä, ami ng’ip mawng ung ami ngui phäh phäh m’khäh pe ba gui ä. 2A hmaw pi ah ng’ip ung kei ah ka ngui khap la a ngui cu m’khäh peä” cine m’cäi sei a cun ah bik ci. 3A ngawi ung khawngawi hta ng’phäi nau gui cu ami ng’sela gui mah ah tüi ba gui ci gui. 4Mang gaw phlän khläm u khäta, Joseph naw a im ung ng’vai ciah changshäm am, “Cän ah chang gui ang ghit ah na läk gui vai, na k’pha gui ung, A i ah kyasei akni ah phäh ah akshe nami bi ang? 5A i ah kyasei ka bawi ah ngui khap nami ng’guuk ang? Shin cu ka bawi ah awk nak, cüivai nak ah khap ah kyak ci, nangmi naw akshe pi nami bi pyi ci nei” cine na kyak nak gui vai, cine m’cäi ci.
6Changshäm naw k’pha gui neta amcäi ah mäih ah pyen ci. 7Ngami naw ani am, “Bawi aw, a i ah kyasei cu cha ah na pyen ang? Keimi kami ng’gun ci, cu cha ah kä kami kyak ci nei. 8Na hmat ah mäih ah kami ng’ip ung om ciah ngui phi Kanaan khaw ah ka kami law püi ba nei. A i ah kyasei keimi naw na bawi ah im ungka ngui ghui kami m’guuk vai ang? 9Bawi aw, m’guk ci na hmuh ah a kyak ung a cun ah chang cu sih nak pe ä, k’pawih ba ci avan cu na changshäm ah kami om khai nei” cik ci gui.
10Ani naw, “Ka yum ci, cun ung phi khap lak ciah chang bäng cu ka changshäm ah kya sä, k’pawih ci gui cu phyawng ne hteit ba vä” cik ci. 11A cun vai am ami phuih cu m’dek ung hmoh u neta, ami ng’ip phäh phäh phian ne teng ci gui. 12Joseph ah changshäm naw ang vaipi ung tün ne, a hmaw pi ung khüt khai ah geing na ne shui gui neta, khap cu Benjamin ah ng’ip ung hmuk ci. 13A phäi gui cu ami sui k’teek ne azä u ne, laa ung ami phuih taih ba u ne mang gaw ah ng’hlat tu ba ci gui.
14Judah la a phäinau gui Joseph ah im ah ami gawk law ba yah ung Joseph cu ana om ci. Ngami cu ami van m’khuuk dong ne kawp u khäta, 15Joseph naw, “A i ah nami kyak ci ang? Kei ung cüivai lunglang nak a om cu kä nami hmat ne ma?” cik ci.
16Judah naw, “Bawi aw, keimi a i kami pyen ba hning khai aw, a i cha kami ling tuba thei khai aw, a i cha kami ng’huut thei khai aw, Khanpughi naw kami katnak m’dang pyi ci nei. Khap hmuh nak ah chang bäng ah kä kyak ci, kami van cu na changshäm ah kami kyak ci nei.
17Joseph naw, “Ka nei, cu cha kä ka bik khai nei. Khap hmuh nak ah chang bäng vah ka changshäm ah hmoh vai nei, k’pawih ba ci gui cu nami pa ah phyawng gai ne hteit ba vä” cik ci.
Benjamin ah Hmawk ah Judah Ng’Kyäng ci
18Judah naw Joseph ah pei ah hteit neta, “Bawi aw, api ah ng’thu ka pyen hlük ci, kei cu kä na m’lungshe en na ä, nang cu ghangpughang ah mäih ah na kyak ci nei. 19Bawi aw, nang naw, nami pa om naw? Ahei nami phäinau mä om ba naw?” cine na na ng’shi gui ci. 20Keimi naw, “Kami pa om ci, ghi lawk ci, pa a ghi kawn ung a hta nak kami nau a hmawpi om ci. Nu ät ah hta gui ungka a phäi cu si pyi ci, ani bäng om ba sei apa naw anghtei ah m’hni ci.” 21Nang bawi naw shia ah kami law püi vai pyen ci sei, law püi u ngä sei na hmuk ci. 22Keimi naw, “A hmaw naw apa cu kä nawng hlawt ci, a nawng ung sik khai kyak ci” cine kami pyen ci. 23Nang naw, “Nami nau a hmawpi kä nami law püi ung ka ma ah kä nami law en ba vai” na cik ci.
24“Kami pa ah gawk ba u neta, na ng’thu avan cu kami m’thein tuk ci. 25Cun kawn ah sha law ba ne, ei api kami hleih tu vai ah na pyen na gui ci. 26Keimi naw, “Kä kami hteit khai, bawi aw, kami nau a hmaw kä kami hteh püi ung kä kami hteh ba vai pyen ci, Kami nauhta a hteh tu läi ung kami hteit khai” cine kami pyen ci. 27Kami pa naw pyen ci, ‘Ka chu Rachela naw pami hnih bäng ah a hta cu nami hmat ci. 28Tumat naw na hteh ta pyi ci, ani cu sa naw m’shih sei kä ka hmu ba ci. 29Tuhbäi tumat mä hteh püi u ci sei, a sih gaw ah a kyak ung, kei cu ka ghi lawk ci, nangmi ah bi ah thüi nak naw na m’sih lawk khai nei.’
30-31Bawi aw, cun ah kyasei, a hmaw kä hteh püi ba ne kami hteh ba cu kapa naw a hmuh ah a kyak ung, kapa cu sik khai nei. Ani ah ghin nak cu ka nau hta ah ghin nak ung ng’pang ciah kyak ci. Ani cu ghi lawk ci kyasei, keimi ah m’thüi nak ah thüi nak naw m’sih lawk khai kyak ci nei. 32Cun kawn ah a hmaw ah hmawk ah kei cu kapa ah ka ng’kyäng shüt ci nei. A hmaw kä ka law püi ba ah a kyak ung ka ghin ah chuih kei ah khan ah shetkat nak om sä, cine ka ng’taam shüt ci. 33Bawi aw, tuhbäi a hmaw ah hnün ung, kei cu changshäm ah ka om shüt khai, ani cu a phäi gui awn hteit tu ba sä. 34A hmaw kä hteh püi ba ne, a i cha ah kapa ah ka hteit ba khai aw? Kapa ah thüisei khükha vai cu kä ka hmu hlük ci nei” cik ci.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cho Bible Common Language © Bible Society of Myanmar, 2016.