ATÜNNAK 45
45
Joseph Naw Ani A U Ah A Kiak Cu A Phäi Gui Am M’thein Gui Ci
1Joseph naw am lung kä k’üüp law ba hlawt neta, a changshäm gui cu a hei ah hteh sak gui ci. A pei ah a u kä om ba khäta, ani a u ah a kyak cu a phäi gui am m’thein gui ci. 2Ani cu m’lau ne kyap khäta, Egypt chang gui naw ng’ya u ne, mang im kyong ah khüt sei pyen ci gui. 3Joseph naw a phäi gui ah ma ah, “Kei cu Joseph nei, kapa mä ghing ne ang?” cik ci. Cun ung phi a phäi gui cu cäicat u neta kä m’shang hlawt ci gui. 4Cun kawn ah Joseph naw a phäi gui am, “Ka pei ah law vä” ci sei, law u khäta, “Kei cu nami na nau, Egypt khaw ah nami na yoih ah Joseph nei. 5Kei nami na yoih ah phäh ah kä nami thüi vai, kä nami m’lungshe vai, kei a shia ah law ma ne, chang gui ah hnun-gui ka k’phiawn khai ah Khanpughi naw ana tüih law ah kyak ci nei. 6Shin ah khaw ung khaw a shet nak kum goi law phak ci, kä geit nak hlawt, kä khäm nak hlawt vai kum hma om ba ci. 7Cäicat vai ah ka ning phyawn gui vai la nangmi nami ghin vai ah Khanpughi naw ana tüih law ma ah kyak ci. 8Cun ah kyasei nangmi naw nami na tüih law ah kä kyak ci, Khanpughi ah na tüih law ah kyak ci. Khanpughi naw ghangpughang ah bawi ng’vaipi ah na pyang ci. Kei naw khaw avan ka shum ci, Egypt khaw avan ka uk ci.
9Ang ghit ah kapa ah hteit ba ne, shin ah ana hta Joseph ah ka ng’thu cu m’thein ba vä: “Khanpughi naw Egypt khaw uk ciah bawi ah na m’düih ci nei, kei ah ang ghit ah na law vai nei. 10Ka ning k’et nak vai ah Koshen khaw hmun ung na om khai nei. Na mät, na hta gui, na tu gui, na sei gui, na me gui, na htome gui avan law püi ne na law vai nei. 11Koshen ung na om ung kei naw ka ning m’htei hning khai nei. Khaw a shet nak kum hma om ba ci nei, nang la na kyong khui, na sei me gui, nami cawi vai cu kä ka ng’ya hlük ci nei.
12Tuhbäi Benjamin la nami van naw Joseph akcang ah ka kyak ciah nami na hmuk ci. 13Egypt khaw ung a i hlawk ah ka huham a om ah mawng la nami hmuh avan cu kapa am m’thein ba u neta ang ghit ah nami law püi vai nei” cik ci.
14Cun kawn ah anau Benjamin cu kyawp ne kyap sei, Benjamin naw phi kyawp tuba ne kyap ci. 15A phäi gui tumat cicu kyap ne ng’ui gui khäta, a phäi gui naw ng’thu püi ci gui.
16Joseph ah phäinau gui ami law ah mawng cu mang im kyong ah ng’thang law khäta, ghangpughang la a bawi gui cu yeikyai ci gui. 17Ghangpughang naw Joseph am, “Na phäinau gui pyen na gui ä, ani ng’sela ung phuih taih ne Kanaan khaw ah hteit ba u sä. 18Ami pa la ami paw gui khü u ne ami law ba vai, Egypt khaw ung khaw akni pi ka pe gui khai, ami m’hni ah gah tang u ne om khai gui nei. 19Cun kawn ah na m’cäi ba gui vai cu, Egypt khaw ah ka ng’sela gui hteh püi u ne, ami chu gui, ami hta gui la ami pa phi ami law püi vai nei. 20Ami khawh chaam gui ah phi kä ami ng’vang vai, Egypt khaw ung hmun akni pi cu ngami ah hmawk ah kyak khai nei” cine m’cäi ci.
21Jakob ah hta gui naw ami m’cäi gui ah mäih ah bik ci gui. Ghangpughang ah pyen ah mäih ah Joseph naw ng’sela gui pe gui ne ei phi m’sho gui ci. 22Ami van am ami ng’thon nak vai sui ng’yung ät ci pe gui ne, Benjamin am ngui pit thum la sui ng’yung hma pek ci. 23Apa ah hmawk ah Egypt khaw ah ka khawh chaam gui phui ciah laa gha, htang la m’htut gui ni, lam ah ei vai ni phui ciah lanu gha phi pe gui ci. 24Cun kawn ah a phäinau gui am, “Lam ah kä nami ng’tuk vook en vai” cine m’cäi gui ne, tüi ba gui sei a phäi gui cu hteit ba ci gui.
25Ngami cu Egypt khaw ah kaa naw ami pa ah om nak Kanaan khaw ah hteit ba ci gui. 26Ami gawk ba vai am ami pa am, “Joseph cu ghing ne om ci nei, ani cu Egypt khaw uk ciah bawi ah kyak ci nei” cine m’thein u sei, Jakob cu cäi neta akcang ah käi neta akcang ah kä ngai ci.
27Cun ung phi Joseph ah ng’thu avan cu m’thein u sei, Joseph naw Egypt khaw ah a hteh nak vai ah am khäh law ah ng’sela gui cun phi hmu law neta, amlung cu üp ci. 28Jakob naw, “Ka hta Joseph cu ghing ne om ci nei, cun cu ka ng’yak hlü pikbäih nei! Kä ka sih pha ung hteit ne ka hmu ge khai nei” cik ci.
Currently Selected:
ATÜNNAK 45: CBC
Highlight
Share
Copy
Want to have your highlights saved across all your devices? Sign up or sign in
Cho Bible Common Language © Bible Society of Myanmar, 2016.
ATÜNNAK 45
45
Joseph Naw Ani A U Ah A Kiak Cu A Phäi Gui Am M’thein Gui Ci
1Joseph naw am lung kä k’üüp law ba hlawt neta, a changshäm gui cu a hei ah hteh sak gui ci. A pei ah a u kä om ba khäta, ani a u ah a kyak cu a phäi gui am m’thein gui ci. 2Ani cu m’lau ne kyap khäta, Egypt chang gui naw ng’ya u ne, mang im kyong ah khüt sei pyen ci gui. 3Joseph naw a phäi gui ah ma ah, “Kei cu Joseph nei, kapa mä ghing ne ang?” cik ci. Cun ung phi a phäi gui cu cäicat u neta kä m’shang hlawt ci gui. 4Cun kawn ah Joseph naw a phäi gui am, “Ka pei ah law vä” ci sei, law u khäta, “Kei cu nami na nau, Egypt khaw ah nami na yoih ah Joseph nei. 5Kei nami na yoih ah phäh ah kä nami thüi vai, kä nami m’lungshe vai, kei a shia ah law ma ne, chang gui ah hnun-gui ka k’phiawn khai ah Khanpughi naw ana tüih law ah kyak ci nei. 6Shin ah khaw ung khaw a shet nak kum goi law phak ci, kä geit nak hlawt, kä khäm nak hlawt vai kum hma om ba ci. 7Cäicat vai ah ka ning phyawn gui vai la nangmi nami ghin vai ah Khanpughi naw ana tüih law ma ah kyak ci. 8Cun ah kyasei nangmi naw nami na tüih law ah kä kyak ci, Khanpughi ah na tüih law ah kyak ci. Khanpughi naw ghangpughang ah bawi ng’vaipi ah na pyang ci. Kei naw khaw avan ka shum ci, Egypt khaw avan ka uk ci.
9Ang ghit ah kapa ah hteit ba ne, shin ah ana hta Joseph ah ka ng’thu cu m’thein ba vä: “Khanpughi naw Egypt khaw uk ciah bawi ah na m’düih ci nei, kei ah ang ghit ah na law vai nei. 10Ka ning k’et nak vai ah Koshen khaw hmun ung na om khai nei. Na mät, na hta gui, na tu gui, na sei gui, na me gui, na htome gui avan law püi ne na law vai nei. 11Koshen ung na om ung kei naw ka ning m’htei hning khai nei. Khaw a shet nak kum hma om ba ci nei, nang la na kyong khui, na sei me gui, nami cawi vai cu kä ka ng’ya hlük ci nei.
12Tuhbäi Benjamin la nami van naw Joseph akcang ah ka kyak ciah nami na hmuk ci. 13Egypt khaw ung a i hlawk ah ka huham a om ah mawng la nami hmuh avan cu kapa am m’thein ba u neta ang ghit ah nami law püi vai nei” cik ci.
14Cun kawn ah anau Benjamin cu kyawp ne kyap sei, Benjamin naw phi kyawp tuba ne kyap ci. 15A phäi gui tumat cicu kyap ne ng’ui gui khäta, a phäi gui naw ng’thu püi ci gui.
16Joseph ah phäinau gui ami law ah mawng cu mang im kyong ah ng’thang law khäta, ghangpughang la a bawi gui cu yeikyai ci gui. 17Ghangpughang naw Joseph am, “Na phäinau gui pyen na gui ä, ani ng’sela ung phuih taih ne Kanaan khaw ah hteit ba u sä. 18Ami pa la ami paw gui khü u ne ami law ba vai, Egypt khaw ung khaw akni pi ka pe gui khai, ami m’hni ah gah tang u ne om khai gui nei. 19Cun kawn ah na m’cäi ba gui vai cu, Egypt khaw ah ka ng’sela gui hteh püi u ne, ami chu gui, ami hta gui la ami pa phi ami law püi vai nei. 20Ami khawh chaam gui ah phi kä ami ng’vang vai, Egypt khaw ung hmun akni pi cu ngami ah hmawk ah kyak khai nei” cine m’cäi ci.
21Jakob ah hta gui naw ami m’cäi gui ah mäih ah bik ci gui. Ghangpughang ah pyen ah mäih ah Joseph naw ng’sela gui pe gui ne ei phi m’sho gui ci. 22Ami van am ami ng’thon nak vai sui ng’yung ät ci pe gui ne, Benjamin am ngui pit thum la sui ng’yung hma pek ci. 23Apa ah hmawk ah Egypt khaw ah ka khawh chaam gui phui ciah laa gha, htang la m’htut gui ni, lam ah ei vai ni phui ciah lanu gha phi pe gui ci. 24Cun kawn ah a phäinau gui am, “Lam ah kä nami ng’tuk vook en vai” cine m’cäi gui ne, tüi ba gui sei a phäi gui cu hteit ba ci gui.
25Ngami cu Egypt khaw ah kaa naw ami pa ah om nak Kanaan khaw ah hteit ba ci gui. 26Ami gawk ba vai am ami pa am, “Joseph cu ghing ne om ci nei, ani cu Egypt khaw uk ciah bawi ah kyak ci nei” cine m’thein u sei, Jakob cu cäi neta akcang ah käi neta akcang ah kä ngai ci.
27Cun ung phi Joseph ah ng’thu avan cu m’thein u sei, Joseph naw Egypt khaw ah a hteh nak vai ah am khäh law ah ng’sela gui cun phi hmu law neta, amlung cu üp ci. 28Jakob naw, “Ka hta Joseph cu ghing ne om ci nei, cun cu ka ng’yak hlü pikbäih nei! Kä ka sih pha ung hteit ne ka hmu ge khai nei” cik ci.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cho Bible Common Language © Bible Society of Myanmar, 2016.