JOHAN 18
18
Bawipa Jesuh Ami Phaa ah Mawng
(Mt 26:47-56; Mk 14:43-50; Lk 22:47-53)
1Cun ah ak taigü kawn ah Bawipa Jesuh cu ang düihpüi gui awn atäng ah Kidron tuilawng cu hei kan ci gui. A cu ah lo-chaam tumat om ci, ngami cu acun ah lo-chaam kyong ah hteit ci gui. 2A cun ah hmun cu Bawipa Jesuh la ang düihpüi gui naw a shäng shäng ami hteh nak man ah kyasei, hnukuk Judas naw hmat ci. 3Cun ah kyasei hnukuk Judas naw, Roman gakap gui la, taigüpa gui la Pharisee gui ngäng gui ciah chang gui cu thäm ne law püi gui ci. Ngami cu mei im ni mei k’däi ni, sehnet gui ni kawt ci gui. 4Bawipa Jesuh naw, amät ah khan ah gawk lawk khai gui avan cu hmat pyi netah, ami ma ah vang phäi ne, “A u ang nami shui” ci ne ng’shi gui ci.
5Ngami naw, “Nazareth Jesuh nei” cik ci gui. Bawipa Jesuh naw, “Kei cu ani nei” cik ci. Hnukuk Judas cu ngami awn a täng ah ng’düi tuk ci. 6Bawipa Jesuh naw, “Kei cu ani nei” cine pyein khätah, ami hnu ah vang nawn ba u ne, m’dek ung kyu yawp ci gui. 7Bawipa Jesuh naw, “A u nei nami shui” cine ng’shi ba gui mä ci. Ngami naw, “Nazareth Jesuh nei” cine pyein ba ci gui.
8 Bawipa Jesuh naw, “Ani cu kei nei, cine ka ning m’thein gui pyi ci, Nangmi naw kei nami na shui ci a kyak ung, shin ah chang gui hteit tei u sä” cik ci. 9(Cun a ci cu, ‘Kapa, nang naw na na ap ah chang tumat phi kä dimaih khai’ a ci cu, a khüm vai ah hmawk ah kyak ci.)
10Simon Peter cu chim akghaat bun ci. Ani naw ak chim phawng ne taigü tung ah changshäm cu akpat lam ak hnga hlang khai ah tuk ci. Ani ah ming cu Malachus ah kyak ci. 11Bawipa Jesuh naw, “Na chim cu bun ba ä, Kapa naw ana peit ah yaica nak ah khap cu kei naw kä ka awk khai ah na ngai ne ma? ci ne Peter cu m’cäi ci.
Annas ah Ma ah Bawipa Jesuh
12Gabawi ah khawng Roman gakap gui la, im ngäng ciah Jew chang gui naw, Bawipa Jesuh cu pha ne khit u netah, Annas ah hteh püi ci gui. 13Ani cu cun kum Taigü Tung ah kyak ciah Kaiaphas ah ak kawi ah kiak ci. 14Kaiaphas cu, ‘Chang akda ah hmawk ah chang tumat asih cu bä pi khai’ cine Jew chang ng’vai gui m’cäi gui ciah chang ah kiak ci.
Peter Naw Bawipa Jesuh Mak ci
(Mt 26:69-70; Mk 14:66-68; Lk 22:55-57)
15Simon Peter la a hei ang düihpüi tumat cu, Bawipa Jesuh ah hnu ah läk tuk ci goi. A hei ang düihpüi tumat cu Taigü Tung awn ng’hmat ci goi kya ne, Bawipa Jesuh awn a täng ah Taigü Tung ah im ng’vonh kyong ah hteit tuk ci. 16Cun yah ung Peter cu ng’vong pung ah ng’düi ci. Taigü Tung awn ng’hmat tuk ciah ang düihpüi tumat cu, ng’vong pung ah lut law netah, m’kawt ngäng-am m’thein ne Peter cu ng’vong kyong ah khü lawk ci. 17M’kawt ngäng ciah hnumi hta naw, “Nang phi ani ah ng’düihpüi ah kä kya ne ang?” cine ng’shi khätah, Peter naw, “Ka, kei ah kä kyak ci nei” cik ci.
18Cun yah ung kho sik ci kyasei, ngäng ci gui la changshäm gui cu, mei cik ne ng’tän ne ng’düi ne awm ci gui. Peter phi ami pei ah ng’düi ne mei awm tuk ci.
Taigü Tung Naw Bawipa Jesuh Cet Ne Ng’shik Ci
(Mt 26:59-66; Mk 14:55-64; Lk 22:66-71)
19Täigu Tung naw, Bawipa Jesuh cu, ang düihpüi gui ah a mawng la am theithang ah a mawng gui cu k’cet ne ng’shik ci. 20Bawipa Jesuh naw, “Kei naw chang gui ah ma ah ang dang ah kam thein gui ci. Jew chang gui ah ng’bum nak ah kyak ciah pum im la taigü im ung vah kei naw kam theithang gui ci, a i yah ung phi ng’yih kuh ne kä ka ng’thu man ci. 21Cun ah kyasei a i vai, k’cet ne kei cu na na ng’shi ang? Kei ah m’theithang ngai ng’yak ci gui cu ng’shi gui ä, kei naw a i ah kam theithang gui cu ng’shi gui ä, ngami naw hmat ci gui nei” ci ne pyen nak ci.
22 Bawipa Jesuh naw cun ci khätah, ngäng ciah chang tumat naw, “Taigü Tung ah ma ah a i vai shikcha ah nang thu ang” ci ne Bawipa Jesuh cu a hmai ung k’beeih ci.
23 Bawipa Jesuh naw, “Ka ng’thu kä a hman ung kä hman ci cu na pyein vai, a hman ah a kyak ung a i vai kei cu na na k’beeih ang?” cik ci.
24Cun kawn ah Annas naw khit gäk gäk ne, Taigü Tung Kaiaphas ah hteh püi sak gui ci.
Peter Naw Bawipa Jesuh Ma Ba Mä Ci
(Mt 26:71-75; Mk 14:69-72; Lk 22:58-62)
25Peter cu ng’düi ne mei awm tu lä ci. Chang amshah naw, “Nang mä shin ah chang ah ng’düihpüi ah kä kya ne ang?” cine ng’shik ci gui.
Peter naw, “Ka, kä kei nei” cine mak ci.
26Taigü Tung ah changshäm, Peter naw ak hnga a tuk hlang ah a paw naw, “Nang, ani awn a täng ah lo-cham kyong ah ka ning hmu goi ciah kä kya ne ang?” cine ng’shik ci.
27Peter naw, “Ka, kä kei nei” cine ma ba mä ci. Acun vai-am ai khong lawk ci.
Pilat ah Ma ah Bawipa Jesuh
(Mt 27:1-2, 11-14; Mk 15:1-5; Lk 23:1-5)
28A ngawi ung kho ngawi hta Bawipa Jesuh cu, Kaiaphas ah im ung kaa naw, gawmang ah im ah hteh püi ci gui. Jew chang ng’vai gui cu phiawn nak mü ei ami ei vai ng’et law sei, ami mät naw ami mät ami yum nak lam awn theing sak hlü u netah gawmang ah im kyong ah kä lut tuk ci gui. 29Cun ah kyasei Pilat cu lut law netah, “Shin ah chang cu kat nak a i bi sei ang nami law püi?” cine ng’shi gui ci. 30Ngami naw, “Ani cu katnak bik ciah chang ah kä ah kyak ung nang ah kä ka mi law püi khai nei” cik ci gui. 31Pilat naw, “Nami mät naw hteh püi ba ne nami mät ah ng’thukhän awn m’khoichaa vä” cik ci.
Jew Chang gui naw, “Keimi naw chang tumat sih nak kä kami pe hning ci nei” cik ci gui. 32(Cun ami cicu Bawipa Jesuh naw amät ah sih vai ah mawng a pyein cu ang dang nak vai ah hmawk ah kyak ci)
33Pilat naw, a im kyong ah lut ba ne, Bawipa Jesuh cu khü netah, “Nang cu Jew chang gui ah ghangpughang ah na kyak ci ma?” ci ne ng’shik ci.
34 Bawipa Jesuh naw, “Shin cu nang gawmang, na mät ah ngaih ah na na ng’shi ang, kä cun ung kei ah mawng chang hei naw ning m’thein pyi ne ang?” cine ng’shi tu ba ci.
35Pilat naw, “Kei cu Jew chang ah na na ngai ci ma? Kei ah nang ning law püi ci gui cu, na mät pakhui chang gui la taigü gui nei, nang, katnak a i ang na bi?” cine ng’shi ba ci.
36 Bawipa Jesuh naw, “Kei ah uknak kho cu shin ah m’dek khan awn kä shigaa ci; kei ah uknak kho cu shin ah m’dek khan awn ashigaa vai sü ung, Jew chang gui ah kut ung kä ka gawk khai ah ka ng’khah püi gui naw ng’tuk bik khai gui süte. Kei ah uknak kho cu shin ah m’dek khan awn kä shigaa ci nei” cine pyein ci.
37Pilat naw, “Cun ung nang cu ghangpughang ma?” cine ng’shi ba ci.
Bawipa Jesuh naw, “Nang naw kei cu ghangpughang ah na na pyein ci, kei cu düngnak bäng ka pyein khai ah ng’tüi ne m’dek khan ah ka lawk ci. Düngnak awn om ciah chang phung naw kei ah ng’thu cu ngai ci gui” ci nak ci.
38Pilat naw, “Düngnak cu a i ang?” cine ng’shi ba ci.
Bawipa Jesuh cu Ngawn Vai ah K’bäi Ci Gui
(Mt 27:15-31; Mk 15:6-20; Lk 23:13-25)
Cun kawn ah Pilat cu chang gui ah ma ah lut law netah, “Ani ung m’kat nak vai ah katnak kä ka hmuk ci. 39Cun ung phi nangmi ah thung ah phiawn nak pawi ah kyong ung thawng cun ci tumat cu ka phiawn sak ci man ci. Nangmi ah hmawk ah Jew Ghangpughang cu kak phiawn vai nami ng’ya hlü ne ang?” ci ne ng’shi gui ci.
40Ngami naw, “Ani käk phiawn vai nei, Barabbas nei k’phiawn vai” ci ne m’lau ci gui. (Barabbas cu m’guk ei ah kyak ci.)
Currently Selected:
JOHAN 18: CBC
Highlight
Share
Copy
Want to have your highlights saved across all your devices? Sign up or sign in
Cho Bible Common Language © Bible Society of Myanmar, 2016.
JOHAN 18
18
Bawipa Jesuh Ami Phaa ah Mawng
(Mt 26:47-56; Mk 14:43-50; Lk 22:47-53)
1Cun ah ak taigü kawn ah Bawipa Jesuh cu ang düihpüi gui awn atäng ah Kidron tuilawng cu hei kan ci gui. A cu ah lo-chaam tumat om ci, ngami cu acun ah lo-chaam kyong ah hteit ci gui. 2A cun ah hmun cu Bawipa Jesuh la ang düihpüi gui naw a shäng shäng ami hteh nak man ah kyasei, hnukuk Judas naw hmat ci. 3Cun ah kyasei hnukuk Judas naw, Roman gakap gui la, taigüpa gui la Pharisee gui ngäng gui ciah chang gui cu thäm ne law püi gui ci. Ngami cu mei im ni mei k’däi ni, sehnet gui ni kawt ci gui. 4Bawipa Jesuh naw, amät ah khan ah gawk lawk khai gui avan cu hmat pyi netah, ami ma ah vang phäi ne, “A u ang nami shui” ci ne ng’shi gui ci.
5Ngami naw, “Nazareth Jesuh nei” cik ci gui. Bawipa Jesuh naw, “Kei cu ani nei” cik ci. Hnukuk Judas cu ngami awn a täng ah ng’düi tuk ci. 6Bawipa Jesuh naw, “Kei cu ani nei” cine pyein khätah, ami hnu ah vang nawn ba u ne, m’dek ung kyu yawp ci gui. 7Bawipa Jesuh naw, “A u nei nami shui” cine ng’shi ba gui mä ci. Ngami naw, “Nazareth Jesuh nei” cine pyein ba ci gui.
8 Bawipa Jesuh naw, “Ani cu kei nei, cine ka ning m’thein gui pyi ci, Nangmi naw kei nami na shui ci a kyak ung, shin ah chang gui hteit tei u sä” cik ci. 9(Cun a ci cu, ‘Kapa, nang naw na na ap ah chang tumat phi kä dimaih khai’ a ci cu, a khüm vai ah hmawk ah kyak ci.)
10Simon Peter cu chim akghaat bun ci. Ani naw ak chim phawng ne taigü tung ah changshäm cu akpat lam ak hnga hlang khai ah tuk ci. Ani ah ming cu Malachus ah kyak ci. 11Bawipa Jesuh naw, “Na chim cu bun ba ä, Kapa naw ana peit ah yaica nak ah khap cu kei naw kä ka awk khai ah na ngai ne ma? ci ne Peter cu m’cäi ci.
Annas ah Ma ah Bawipa Jesuh
12Gabawi ah khawng Roman gakap gui la, im ngäng ciah Jew chang gui naw, Bawipa Jesuh cu pha ne khit u netah, Annas ah hteh püi ci gui. 13Ani cu cun kum Taigü Tung ah kyak ciah Kaiaphas ah ak kawi ah kiak ci. 14Kaiaphas cu, ‘Chang akda ah hmawk ah chang tumat asih cu bä pi khai’ cine Jew chang ng’vai gui m’cäi gui ciah chang ah kiak ci.
Peter Naw Bawipa Jesuh Mak ci
(Mt 26:69-70; Mk 14:66-68; Lk 22:55-57)
15Simon Peter la a hei ang düihpüi tumat cu, Bawipa Jesuh ah hnu ah läk tuk ci goi. A hei ang düihpüi tumat cu Taigü Tung awn ng’hmat ci goi kya ne, Bawipa Jesuh awn a täng ah Taigü Tung ah im ng’vonh kyong ah hteit tuk ci. 16Cun yah ung Peter cu ng’vong pung ah ng’düi ci. Taigü Tung awn ng’hmat tuk ciah ang düihpüi tumat cu, ng’vong pung ah lut law netah, m’kawt ngäng-am m’thein ne Peter cu ng’vong kyong ah khü lawk ci. 17M’kawt ngäng ciah hnumi hta naw, “Nang phi ani ah ng’düihpüi ah kä kya ne ang?” cine ng’shi khätah, Peter naw, “Ka, kei ah kä kyak ci nei” cik ci.
18Cun yah ung kho sik ci kyasei, ngäng ci gui la changshäm gui cu, mei cik ne ng’tän ne ng’düi ne awm ci gui. Peter phi ami pei ah ng’düi ne mei awm tuk ci.
Taigü Tung Naw Bawipa Jesuh Cet Ne Ng’shik Ci
(Mt 26:59-66; Mk 14:55-64; Lk 22:66-71)
19Täigu Tung naw, Bawipa Jesuh cu, ang düihpüi gui ah a mawng la am theithang ah a mawng gui cu k’cet ne ng’shik ci. 20Bawipa Jesuh naw, “Kei naw chang gui ah ma ah ang dang ah kam thein gui ci. Jew chang gui ah ng’bum nak ah kyak ciah pum im la taigü im ung vah kei naw kam theithang gui ci, a i yah ung phi ng’yih kuh ne kä ka ng’thu man ci. 21Cun ah kyasei a i vai, k’cet ne kei cu na na ng’shi ang? Kei ah m’theithang ngai ng’yak ci gui cu ng’shi gui ä, kei naw a i ah kam theithang gui cu ng’shi gui ä, ngami naw hmat ci gui nei” ci ne pyen nak ci.
22 Bawipa Jesuh naw cun ci khätah, ngäng ciah chang tumat naw, “Taigü Tung ah ma ah a i vai shikcha ah nang thu ang” ci ne Bawipa Jesuh cu a hmai ung k’beeih ci.
23 Bawipa Jesuh naw, “Ka ng’thu kä a hman ung kä hman ci cu na pyein vai, a hman ah a kyak ung a i vai kei cu na na k’beeih ang?” cik ci.
24Cun kawn ah Annas naw khit gäk gäk ne, Taigü Tung Kaiaphas ah hteh püi sak gui ci.
Peter Naw Bawipa Jesuh Ma Ba Mä Ci
(Mt 26:71-75; Mk 14:69-72; Lk 22:58-62)
25Peter cu ng’düi ne mei awm tu lä ci. Chang amshah naw, “Nang mä shin ah chang ah ng’düihpüi ah kä kya ne ang?” cine ng’shik ci gui.
Peter naw, “Ka, kä kei nei” cine mak ci.
26Taigü Tung ah changshäm, Peter naw ak hnga a tuk hlang ah a paw naw, “Nang, ani awn a täng ah lo-cham kyong ah ka ning hmu goi ciah kä kya ne ang?” cine ng’shik ci.
27Peter naw, “Ka, kä kei nei” cine ma ba mä ci. Acun vai-am ai khong lawk ci.
Pilat ah Ma ah Bawipa Jesuh
(Mt 27:1-2, 11-14; Mk 15:1-5; Lk 23:1-5)
28A ngawi ung kho ngawi hta Bawipa Jesuh cu, Kaiaphas ah im ung kaa naw, gawmang ah im ah hteh püi ci gui. Jew chang ng’vai gui cu phiawn nak mü ei ami ei vai ng’et law sei, ami mät naw ami mät ami yum nak lam awn theing sak hlü u netah gawmang ah im kyong ah kä lut tuk ci gui. 29Cun ah kyasei Pilat cu lut law netah, “Shin ah chang cu kat nak a i bi sei ang nami law püi?” cine ng’shi gui ci. 30Ngami naw, “Ani cu katnak bik ciah chang ah kä ah kyak ung nang ah kä ka mi law püi khai nei” cik ci gui. 31Pilat naw, “Nami mät naw hteh püi ba ne nami mät ah ng’thukhän awn m’khoichaa vä” cik ci.
Jew Chang gui naw, “Keimi naw chang tumat sih nak kä kami pe hning ci nei” cik ci gui. 32(Cun ami cicu Bawipa Jesuh naw amät ah sih vai ah mawng a pyein cu ang dang nak vai ah hmawk ah kyak ci)
33Pilat naw, a im kyong ah lut ba ne, Bawipa Jesuh cu khü netah, “Nang cu Jew chang gui ah ghangpughang ah na kyak ci ma?” ci ne ng’shik ci.
34 Bawipa Jesuh naw, “Shin cu nang gawmang, na mät ah ngaih ah na na ng’shi ang, kä cun ung kei ah mawng chang hei naw ning m’thein pyi ne ang?” cine ng’shi tu ba ci.
35Pilat naw, “Kei cu Jew chang ah na na ngai ci ma? Kei ah nang ning law püi ci gui cu, na mät pakhui chang gui la taigü gui nei, nang, katnak a i ang na bi?” cine ng’shi ba ci.
36 Bawipa Jesuh naw, “Kei ah uknak kho cu shin ah m’dek khan awn kä shigaa ci; kei ah uknak kho cu shin ah m’dek khan awn ashigaa vai sü ung, Jew chang gui ah kut ung kä ka gawk khai ah ka ng’khah püi gui naw ng’tuk bik khai gui süte. Kei ah uknak kho cu shin ah m’dek khan awn kä shigaa ci nei” cine pyein ci.
37Pilat naw, “Cun ung nang cu ghangpughang ma?” cine ng’shi ba ci.
Bawipa Jesuh naw, “Nang naw kei cu ghangpughang ah na na pyein ci, kei cu düngnak bäng ka pyein khai ah ng’tüi ne m’dek khan ah ka lawk ci. Düngnak awn om ciah chang phung naw kei ah ng’thu cu ngai ci gui” ci nak ci.
38Pilat naw, “Düngnak cu a i ang?” cine ng’shi ba ci.
Bawipa Jesuh cu Ngawn Vai ah K’bäi Ci Gui
(Mt 27:15-31; Mk 15:6-20; Lk 23:13-25)
Cun kawn ah Pilat cu chang gui ah ma ah lut law netah, “Ani ung m’kat nak vai ah katnak kä ka hmuk ci. 39Cun ung phi nangmi ah thung ah phiawn nak pawi ah kyong ung thawng cun ci tumat cu ka phiawn sak ci man ci. Nangmi ah hmawk ah Jew Ghangpughang cu kak phiawn vai nami ng’ya hlü ne ang?” ci ne ng’shi gui ci.
40Ngami naw, “Ani käk phiawn vai nei, Barabbas nei k’phiawn vai” ci ne m’lau ci gui. (Barabbas cu m’guk ei ah kyak ci.)
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cho Bible Common Language © Bible Society of Myanmar, 2016.