JOHAN 20
20
Ghawng Ciah Khui
(Mt 28:1-8; Mk 16:1-8; Lk 24:1-12)
1Hnüüp chih ung ak hnüüp ät hnüüp, kho ngawi hta ah kho thai ghi ghi sei, Mari Makadalen cu ng’cim hmun ah hteit netah, khui m’kawt ami khai nak ah lung cu ng’hmawng sei hmuk ci. 2Ani cu Simon Peter la Bawipa Jesuh naw am hni pi ah ang düihpüi ah om nak ah dawng ba netah, “Chang gui naw Bawipa cu, phuh hmun ungka lak ci gui nei, a hawi ami tha kä hmat nei” cine m’thein gui ci.
3Acun vai-am Peter la ng’düihpüi tumat cu ng’cim hmun ah dawng ci goi. 4Ngani cu a täng ah dawng pang ni ne phi, a hei ang düihpüi tumat cu Peter ma ta ne dawng ne, ng’cim hmun ah gawk ma ci. 5Ani naw khui m’kawt yuk teng netah, k’tom nak ah yih gui cu ng’phlu sei hmuk ci. Cun ung phi khui ung kä vah luh ah ng’düi ci. 6Ak hnu ah dawng lawk ciah Simon Peter cu, khui m’kawt ung phläi ge ne lut netah, yih gui bäng ang phlu la; 7Bawipa Jesuh ah lu ami hlawp nak ah lupawng cu, yih gui awn kä ng’caw ah a hei ah ng’cho ne ng’yän tu hnga sei hmuk ci. 8Cun kawn ah ng’cim hmun ah gawk law ma ciah ang düihpüi cun phi, khui kyong ah lut law tu ne, acun gui hmu tu netah yum ge ci. 9(Ani cu sih nak ungka tho ba khai, ciah cacim ung om ci cu, cun güt ung ngani naw kä shüm ba ci goi.) 10Cun kawn ah ang düihpüi gui cu im ah hteit ba ci gui.
Mari Makdalen ah Ma ah Bawipa Jesuh Dang Ma ci
(Mt 28:9-10; Mk 16:9-11)
11Mari cu kyap ne ng’cim hmun ah ng’düi ci. Ani naw khui 12m’kawt tung kawp ne yuk m’kein netah, Bawipa Jesuh ah a gook ami shän nak ung, alu täng ah tumat, ale täng ah tumat, a bawk pük pük sui ciah khankho chang goi cu ngo ni sei hmu goi ci. 13Khankho chang goi naw, “Hnumi hta awi, a i ah kyasei na kyah ang?” cine ng’shik ci goi.
Mari naw, “Chang gui naw kapa cu hteh püi ci gui, a hawi ami tha kä ka hmat ci nei” cine pyein ci.
14Cun kawn ah a hnu täng ah vang hlat netah Bawipa Jesuh cu ng’düi sei hmuk ci. 15Cun ung phi Bawipa Jesuh bä ah kä hmat ci. Bawipa Jesuh naw, “Hnumi hta awi, a i ah kyasei na kyah ang? A u ang na shui?” cine ng’shik ci.
Mari naw, ani cu lo-cham ngäng ciah ngai netah, “Sayapa, Bawipa ah a gook cu nang naw na laak ah a kyak ung, a hawi na tha cu nam thein ä, hteit ne ka la ba khai” cine pyein ci.
16 Bawipa Jesuh naw, “Mari” cine khü khätah, Mari cu vang hlat ne, “Rabboni” cine pyein ci. (Hebrew thu Rabboni cu “Saya” ciah kyak ci.)
17 Bawipa Jesuh naw, “Kei cu kä na k’pang-en ä, Kapa ah kä ka kai ba phak ci, cun ung phi ka nau gui ah hteit ne, Kei ah Kapa ah kyak ciah nami Pa, Kei ah Khanpughi ah kyak ciah nami Khanpughi ah om nak ah ka kai ba vai ah mawng cu m’thein gui ä” cik ci. 18Cun ah kyasei Mari Madalen cu ang düihpüi gui ah om nak ah dawng ba netah, Bawipa a hmuh ah mawng la Bawipa naw am cäi gui cu m’thein ba gui ci.
Ang Düihpüi Gui ah Ma ah Bawipa Jesuh Dang Ba ci
(Mt 28:16-20; Mk 16:14-18; Lk 24:36-49)
19Hnüüp ät hnüüp mühun ah ang düihpüi gui cu, Jew chang vai gui kyih u netah, kyong ah shoh khai ne om ci gui. Cun sang ung Bawipa Jesuh cu ami ma ng’lung ah ng’düi law netah, “Nami khan ah ding gei nak om sä” cik ci. 20Cun kawn ah a kut m’yaa la am hnaak cu ang düihpüi gui-am m’hnuh gui ci. Ang düihpüi gui naw Bawipa cu hmu netah ang htei ah yai ci gui. 21Bawipa Jesuh naw, “Nami khan ah ding gei nak om sä, Kapa naw kei ana tüih law ah mäih ah, kei naw nangmi cu ka ning tüi gui ci nei” cik ci. 22Cun kawn ah Bawipa Jesuh naw ami khan ah phyuh theh netah, “Mumcha Theing cu dou vä, 23Nangmi naw chang gui ah katnak cu nami m’gein ung, ngami cu phyawng khai gui; nangmi naw kä nami m’gein ung ngami naw phiawn nak kä gah khai gui.
Bawipa Jesuh La Thomas
24Ang düihpüi gha-lei-goi ungka Thomas (ang phi ah ming ci) cu Bawipa Jesuh ang dang law ba yah ung apaw gui-awn a täng ah kä om tuk ci. 25Cun ah kyasei apaw gui naw, “Bawipa kami hmu ba pyi ci nei” cine m’thein tuk ci gui.
Thomas naw, “Akut ung ami khen nak ah hnün kä ka hmuh ung a kut awn ami khen nak ah ng’gai kä ka m’tham shüm ung, am’hnaak ka kut awn kä ka m’tham shüm ung, kä ka yum khai nei” cik ci.
26Cun kawn ah ak hnüüp cheit hnüüp ung ang düihpüi gui cu, kyong ah shoh khai ne ng’bum ba ci gui. Acun ung Thomas cun phi om tuk ci. Cun yah ung Bawipa Jesuh cu ami ng’lung ah ng’düi law netah, “Nami khan ah ding gei nak om sä” cik ci. 27Cun kawn ah, Thomas-am, “Na kut awn shin ung nam tham ä, ka kut phi na teng ä, na kut k’phiaat ne kam hnaak cu nam tham shüm ä, a i ni mä, ciah kä ngai ne yum ä” ci nak ci.
28Thomas naw, “Ka Bawipa La Ka Khanpughi ah na kyak ci nei” cine pyein ci.
29 Bawipa Jesuh naw, “Nang naw kei cu hmu netah na na yum ci, kei kä na hmuh ah na yum ci gui ah khan ah yeikyai nak be ci nei” cine pyein ci.
Shin ah Ca uk ah Ng’bü Nak
30 Bawipa Jesuh naw ang düihpüi gui ah ma ah am dang cäicat vai gui, shin ah ca uk ung kä guk tu akda om ci. 31Cun ung phi Bawipa Jesuh cu Messiah, Khanpughi ah Htapa ah kyak ci, cine nami yum vai la, nami yum nak awn nangmi ung ghin nak nami gah vai ah, shin ah ca uk cu guk ah kyak ci nei.
Currently Selected:
JOHAN 20: CBC
Highlight
Share
Copy
Want to have your highlights saved across all your devices? Sign up or sign in
Cho Bible Common Language © Bible Society of Myanmar, 2016.
JOHAN 20
20
Ghawng Ciah Khui
(Mt 28:1-8; Mk 16:1-8; Lk 24:1-12)
1Hnüüp chih ung ak hnüüp ät hnüüp, kho ngawi hta ah kho thai ghi ghi sei, Mari Makadalen cu ng’cim hmun ah hteit netah, khui m’kawt ami khai nak ah lung cu ng’hmawng sei hmuk ci. 2Ani cu Simon Peter la Bawipa Jesuh naw am hni pi ah ang düihpüi ah om nak ah dawng ba netah, “Chang gui naw Bawipa cu, phuh hmun ungka lak ci gui nei, a hawi ami tha kä hmat nei” cine m’thein gui ci.
3Acun vai-am Peter la ng’düihpüi tumat cu ng’cim hmun ah dawng ci goi. 4Ngani cu a täng ah dawng pang ni ne phi, a hei ang düihpüi tumat cu Peter ma ta ne dawng ne, ng’cim hmun ah gawk ma ci. 5Ani naw khui m’kawt yuk teng netah, k’tom nak ah yih gui cu ng’phlu sei hmuk ci. Cun ung phi khui ung kä vah luh ah ng’düi ci. 6Ak hnu ah dawng lawk ciah Simon Peter cu, khui m’kawt ung phläi ge ne lut netah, yih gui bäng ang phlu la; 7Bawipa Jesuh ah lu ami hlawp nak ah lupawng cu, yih gui awn kä ng’caw ah a hei ah ng’cho ne ng’yän tu hnga sei hmuk ci. 8Cun kawn ah ng’cim hmun ah gawk law ma ciah ang düihpüi cun phi, khui kyong ah lut law tu ne, acun gui hmu tu netah yum ge ci. 9(Ani cu sih nak ungka tho ba khai, ciah cacim ung om ci cu, cun güt ung ngani naw kä shüm ba ci goi.) 10Cun kawn ah ang düihpüi gui cu im ah hteit ba ci gui.
Mari Makdalen ah Ma ah Bawipa Jesuh Dang Ma ci
(Mt 28:9-10; Mk 16:9-11)
11Mari cu kyap ne ng’cim hmun ah ng’düi ci. Ani naw khui 12m’kawt tung kawp ne yuk m’kein netah, Bawipa Jesuh ah a gook ami shän nak ung, alu täng ah tumat, ale täng ah tumat, a bawk pük pük sui ciah khankho chang goi cu ngo ni sei hmu goi ci. 13Khankho chang goi naw, “Hnumi hta awi, a i ah kyasei na kyah ang?” cine ng’shik ci goi.
Mari naw, “Chang gui naw kapa cu hteh püi ci gui, a hawi ami tha kä ka hmat ci nei” cine pyein ci.
14Cun kawn ah a hnu täng ah vang hlat netah Bawipa Jesuh cu ng’düi sei hmuk ci. 15Cun ung phi Bawipa Jesuh bä ah kä hmat ci. Bawipa Jesuh naw, “Hnumi hta awi, a i ah kyasei na kyah ang? A u ang na shui?” cine ng’shik ci.
Mari naw, ani cu lo-cham ngäng ciah ngai netah, “Sayapa, Bawipa ah a gook cu nang naw na laak ah a kyak ung, a hawi na tha cu nam thein ä, hteit ne ka la ba khai” cine pyein ci.
16 Bawipa Jesuh naw, “Mari” cine khü khätah, Mari cu vang hlat ne, “Rabboni” cine pyein ci. (Hebrew thu Rabboni cu “Saya” ciah kyak ci.)
17 Bawipa Jesuh naw, “Kei cu kä na k’pang-en ä, Kapa ah kä ka kai ba phak ci, cun ung phi ka nau gui ah hteit ne, Kei ah Kapa ah kyak ciah nami Pa, Kei ah Khanpughi ah kyak ciah nami Khanpughi ah om nak ah ka kai ba vai ah mawng cu m’thein gui ä” cik ci. 18Cun ah kyasei Mari Madalen cu ang düihpüi gui ah om nak ah dawng ba netah, Bawipa a hmuh ah mawng la Bawipa naw am cäi gui cu m’thein ba gui ci.
Ang Düihpüi Gui ah Ma ah Bawipa Jesuh Dang Ba ci
(Mt 28:16-20; Mk 16:14-18; Lk 24:36-49)
19Hnüüp ät hnüüp mühun ah ang düihpüi gui cu, Jew chang vai gui kyih u netah, kyong ah shoh khai ne om ci gui. Cun sang ung Bawipa Jesuh cu ami ma ng’lung ah ng’düi law netah, “Nami khan ah ding gei nak om sä” cik ci. 20Cun kawn ah a kut m’yaa la am hnaak cu ang düihpüi gui-am m’hnuh gui ci. Ang düihpüi gui naw Bawipa cu hmu netah ang htei ah yai ci gui. 21Bawipa Jesuh naw, “Nami khan ah ding gei nak om sä, Kapa naw kei ana tüih law ah mäih ah, kei naw nangmi cu ka ning tüi gui ci nei” cik ci. 22Cun kawn ah Bawipa Jesuh naw ami khan ah phyuh theh netah, “Mumcha Theing cu dou vä, 23Nangmi naw chang gui ah katnak cu nami m’gein ung, ngami cu phyawng khai gui; nangmi naw kä nami m’gein ung ngami naw phiawn nak kä gah khai gui.
Bawipa Jesuh La Thomas
24Ang düihpüi gha-lei-goi ungka Thomas (ang phi ah ming ci) cu Bawipa Jesuh ang dang law ba yah ung apaw gui-awn a täng ah kä om tuk ci. 25Cun ah kyasei apaw gui naw, “Bawipa kami hmu ba pyi ci nei” cine m’thein tuk ci gui.
Thomas naw, “Akut ung ami khen nak ah hnün kä ka hmuh ung a kut awn ami khen nak ah ng’gai kä ka m’tham shüm ung, am’hnaak ka kut awn kä ka m’tham shüm ung, kä ka yum khai nei” cik ci.
26Cun kawn ah ak hnüüp cheit hnüüp ung ang düihpüi gui cu, kyong ah shoh khai ne ng’bum ba ci gui. Acun ung Thomas cun phi om tuk ci. Cun yah ung Bawipa Jesuh cu ami ng’lung ah ng’düi law netah, “Nami khan ah ding gei nak om sä” cik ci. 27Cun kawn ah, Thomas-am, “Na kut awn shin ung nam tham ä, ka kut phi na teng ä, na kut k’phiaat ne kam hnaak cu nam tham shüm ä, a i ni mä, ciah kä ngai ne yum ä” ci nak ci.
28Thomas naw, “Ka Bawipa La Ka Khanpughi ah na kyak ci nei” cine pyein ci.
29 Bawipa Jesuh naw, “Nang naw kei cu hmu netah na na yum ci, kei kä na hmuh ah na yum ci gui ah khan ah yeikyai nak be ci nei” cine pyein ci.
Shin ah Ca uk ah Ng’bü Nak
30 Bawipa Jesuh naw ang düihpüi gui ah ma ah am dang cäicat vai gui, shin ah ca uk ung kä guk tu akda om ci. 31Cun ung phi Bawipa Jesuh cu Messiah, Khanpughi ah Htapa ah kyak ci, cine nami yum vai la, nami yum nak awn nangmi ung ghin nak nami gah vai ah, shin ah ca uk cu guk ah kyak ci nei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cho Bible Common Language © Bible Society of Myanmar, 2016.