Éxodo 5
5
Moisés y Aarón Faraón kaqman aywashqan
1Nirkurnami Faraónman aywaykur Moisés y Aarón kayno nipäkurqan: <<Israel runakunata kuyaq Tayta Diosmi kayno nin: <Kuyashqä runakunata kachariy chunyaq jirkaman aywaykur noqata adoramashpan fiestata rurapäkunanpaq> >>.
2Tsayno niptinmi Faraón kayno nirqan: <<¿Pitaq Tayta Diosnikiqa kaykan payta cäsukur Israel runakunata <ayway> ninäpaqqa? Tayta Diosnikitaqa manami reqïtsu. Israel runakunata aywakunanpaq manami kachapäshaqtsu>>.
3Tsayno niptinmi Moiséswan Aarón kayno nirqan: <<Hebreo runakunapa#5.3 Hebreo runakunaqa Israel runakunami karqan. Tsaymi Moiséspis hebreo runa karqan. Tayta Diosninmi yuripämashqa. Tsaymi chunyaq jirkaman aywapäkushaq kimsa junaq aywayta. Tsaychömi Tayta Diosnïta adorar sacrificiukunata rupatsipäkushaq. Tsayno mana ruraptïqa qeshyawanpis o guërrawanpis noqakunata ushakätsimanqami>>.
4Tsawraqa Egipto nacionpa mandaqnin rey kayno nirqan: <<Moisés y Aarón, ¿imanirtaq runakuna ali arukuykaqta tiempunta perdiykätsinki? ¡Qamkunapis jukla aruq aywapäkuy! 5Kaytsika Israel runakuna ali arukuykaptin ¿imanirtaq shimita jatipaykanki mana arukunanpaq?>>
Israel runakunata mana jamatsiypa arutsishqan
6Tsayno nirmi tsay junaqla capatazninkunata y yanapaqninkunatapis Faraón kayno nirqan: 7<<Israel runakuna adöbita tsutananpaq kananpitaqa amana päjata kamaripaynatsu. Kikinkunana aywatsun päjata ashimunanpaq. 8Nirkur nawpata tsutashqannöla juk adöbilapis mana pishiqta tareata cumplinanpaq obligapäkunki. Tsay runakunaqa aruyta qelanashpanmi kayno nirkaykan: <Chunyaq jirkaman aywar Diosnïpaq sacrificiuta rupatsipäkushaq>. 9Tsaynöpis kanan junaqpitaqa Israel runakunata mana jamatsiypa arutsipäkunki. Aruywan nitishqa karmi lulapaykashqantapis mana chaskipanqanatsu>>.
10Tsaymi capatazkuna y yanapaqninkunapis aywaykur Israel runakunata kayno nipäkurqan: <<Faraónmi nipäkamashqa kananpitaqa päjata manana kamaripänäpaq. 11Kananqa kikikikuna maypitapis päjata ashimunki adöbita tsutapäkunaykipaq. Nirkur nawpata tsutashqaykino adöbita tsutanki juklaylapis mana pishiqta>>.
12Tsayno niptinmi adöbita tsutapäkunanpaq Israel runakuna intëru Egiptupa ashirqan päjapa trukan punshata shuntapäkunanpaq.
13Capatazkunami kayno nirqan: <<Päjata chaskir adöbita tsutashqaykinöla kananpis cumplipäkuy>>.
14Yanapaqninkuna cumplitsiyta mana kamäpakuptinmi capatazkuna astapäkurqan kayno nishpan: <<Qanyanpis ni kananpis ¿imanirtaq nawpata tsutatsishqaykino adöbi tsutatsiyta mana cumplitsinkitsu?>>
(Capatazkunapa yanapaqninkunaqa Israel runakunami karqan.)
15Tsawraqa capatazkunapa yanapaqninkuna Faraónman quejakuq aywar kayno nipäkurqan: <<Ashmayniki karkaykaptïqa ¿imanirtaq fiyupa nakatsimanki, tayta? 16Capataznikikunaqa päjatapis mananami kamaripämannatsu. Tsayno mana kamaripaykämarpis tareata cumplitsinätaraq munarkaykan. Nirkurpis maqarkaykämanraq. Päjata mana kamaripämar capataznikikunami jutsayuq karkaykan adöbi tsutayta mana cumplitsinäpaq, tayta>>.
17Tsayno niptinmi Faraón kayno nirqan: <<¡Qamkunaqa qela karmi tsayno purirkaykanki! Tsaymi <Tayta Diospaq sacrificiuta rupatsiq aywapäkushaq> nirkaykanki. 18Tsayno nir purinaykipa trukanqa aruq jukla aywapäkuy. Päjata manana kamaripäshuptikipis juktapis mana pishiqta adöbita tsutatsinki>>.
19Imanöpapis tareata cumplitsinanpaq niptinmi capatazkunapa yanapaqninkuna pasaypa lakikurqan. 20Faraónwan palaciuncho parlashqanpita yarqamurmi Moisésta y Aarónta shuyarpaykaqta capatazkunapa yanapaqninkuna taripäkurqan. 21Tsaycho tarirmi kayno nipäkurqan: <<Qamkunami Faraónta rabyanätsishqanki kayjinanpa nakatsipäkamänanpaq. Wanutsimänanpaq cuchilluta aptapaqnömi achäquita ashipashqanki. ¡Tsayno rabyanätsishqaykipita Tayta Dios castigashunki!>>
22Tsayno niptinmi Tayta Diosta manakur Moisés kayno nirqan: <<Tayta Dios, ¿imanirtaq pasaypa nakaykatsinki akrashqayki runakunata? ¿Tsaypaqku kachamarqayki? 23Faraónwan parlaq aywashqä junaqpita patsami kuyashqayki runakunata maqa maqarkur arutsishpan fiyupa nakaykätsin. Tsayno nakaykätsiptinpis manami paykunata salvaykankitsu>>.
Currently Selected:
Éxodo 5: qvmB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Éxodo 5
5
Moisés y Aarón Faraón kaqman aywashqan
1Nirkurnami Faraónman aywaykur Moisés y Aarón kayno nipäkurqan: <<Israel runakunata kuyaq Tayta Diosmi kayno nin: <Kuyashqä runakunata kachariy chunyaq jirkaman aywaykur noqata adoramashpan fiestata rurapäkunanpaq> >>.
2Tsayno niptinmi Faraón kayno nirqan: <<¿Pitaq Tayta Diosnikiqa kaykan payta cäsukur Israel runakunata <ayway> ninäpaqqa? Tayta Diosnikitaqa manami reqïtsu. Israel runakunata aywakunanpaq manami kachapäshaqtsu>>.
3Tsayno niptinmi Moiséswan Aarón kayno nirqan: <<Hebreo runakunapa#5.3 Hebreo runakunaqa Israel runakunami karqan. Tsaymi Moiséspis hebreo runa karqan. Tayta Diosninmi yuripämashqa. Tsaymi chunyaq jirkaman aywapäkushaq kimsa junaq aywayta. Tsaychömi Tayta Diosnïta adorar sacrificiukunata rupatsipäkushaq. Tsayno mana ruraptïqa qeshyawanpis o guërrawanpis noqakunata ushakätsimanqami>>.
4Tsawraqa Egipto nacionpa mandaqnin rey kayno nirqan: <<Moisés y Aarón, ¿imanirtaq runakuna ali arukuykaqta tiempunta perdiykätsinki? ¡Qamkunapis jukla aruq aywapäkuy! 5Kaytsika Israel runakuna ali arukuykaptin ¿imanirtaq shimita jatipaykanki mana arukunanpaq?>>
Israel runakunata mana jamatsiypa arutsishqan
6Tsayno nirmi tsay junaqla capatazninkunata y yanapaqninkunatapis Faraón kayno nirqan: 7<<Israel runakuna adöbita tsutananpaq kananpitaqa amana päjata kamaripaynatsu. Kikinkunana aywatsun päjata ashimunanpaq. 8Nirkur nawpata tsutashqannöla juk adöbilapis mana pishiqta tareata cumplinanpaq obligapäkunki. Tsay runakunaqa aruyta qelanashpanmi kayno nirkaykan: <Chunyaq jirkaman aywar Diosnïpaq sacrificiuta rupatsipäkushaq>. 9Tsaynöpis kanan junaqpitaqa Israel runakunata mana jamatsiypa arutsipäkunki. Aruywan nitishqa karmi lulapaykashqantapis mana chaskipanqanatsu>>.
10Tsaymi capatazkuna y yanapaqninkunapis aywaykur Israel runakunata kayno nipäkurqan: <<Faraónmi nipäkamashqa kananpitaqa päjata manana kamaripänäpaq. 11Kananqa kikikikuna maypitapis päjata ashimunki adöbita tsutapäkunaykipaq. Nirkur nawpata tsutashqaykino adöbita tsutanki juklaylapis mana pishiqta>>.
12Tsayno niptinmi adöbita tsutapäkunanpaq Israel runakuna intëru Egiptupa ashirqan päjapa trukan punshata shuntapäkunanpaq.
13Capatazkunami kayno nirqan: <<Päjata chaskir adöbita tsutashqaykinöla kananpis cumplipäkuy>>.
14Yanapaqninkuna cumplitsiyta mana kamäpakuptinmi capatazkuna astapäkurqan kayno nishpan: <<Qanyanpis ni kananpis ¿imanirtaq nawpata tsutatsishqaykino adöbi tsutatsiyta mana cumplitsinkitsu?>>
(Capatazkunapa yanapaqninkunaqa Israel runakunami karqan.)
15Tsawraqa capatazkunapa yanapaqninkuna Faraónman quejakuq aywar kayno nipäkurqan: <<Ashmayniki karkaykaptïqa ¿imanirtaq fiyupa nakatsimanki, tayta? 16Capataznikikunaqa päjatapis mananami kamaripämannatsu. Tsayno mana kamaripaykämarpis tareata cumplitsinätaraq munarkaykan. Nirkurpis maqarkaykämanraq. Päjata mana kamaripämar capataznikikunami jutsayuq karkaykan adöbi tsutayta mana cumplitsinäpaq, tayta>>.
17Tsayno niptinmi Faraón kayno nirqan: <<¡Qamkunaqa qela karmi tsayno purirkaykanki! Tsaymi <Tayta Diospaq sacrificiuta rupatsiq aywapäkushaq> nirkaykanki. 18Tsayno nir purinaykipa trukanqa aruq jukla aywapäkuy. Päjata manana kamaripäshuptikipis juktapis mana pishiqta adöbita tsutatsinki>>.
19Imanöpapis tareata cumplitsinanpaq niptinmi capatazkunapa yanapaqninkuna pasaypa lakikurqan. 20Faraónwan palaciuncho parlashqanpita yarqamurmi Moisésta y Aarónta shuyarpaykaqta capatazkunapa yanapaqninkuna taripäkurqan. 21Tsaycho tarirmi kayno nipäkurqan: <<Qamkunami Faraónta rabyanätsishqanki kayjinanpa nakatsipäkamänanpaq. Wanutsimänanpaq cuchilluta aptapaqnömi achäquita ashipashqanki. ¡Tsayno rabyanätsishqaykipita Tayta Dios castigashunki!>>
22Tsayno niptinmi Tayta Diosta manakur Moisés kayno nirqan: <<Tayta Dios, ¿imanirtaq pasaypa nakaykatsinki akrashqayki runakunata? ¿Tsaypaqku kachamarqayki? 23Faraónwan parlaq aywashqä junaqpita patsami kuyashqayki runakunata maqa maqarkur arutsishpan fiyupa nakaykätsin. Tsayno nakaykätsiptinpis manami paykunata salvaykankitsu>>.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.