Éxodo 6
6
Israel runakunata Egiptupita Tayta Dios jorqunanpaq nishqan
1Tsawraqa Moisésta Tayta Dios kayno nirqan: <<Kananmi rikankipaq Faraónta imano castigashqätapis. Pasaypa mantsariypaq castigaptïraqmi kikin qarqushunkipaq nacionninpita aywakärinaykipaq>>.
2Mastapis Moisésta Tayta Dios kayno nirqan: <<Noqaqa Yahwehmi kaykä. 3Abrahamta, Isaacta y Jacobta yuriparkurmi musyatsirqä El-Shaddai#6.3 El-Shaddai ninanqa lapanpaq munayniyuq Dios ninanmi. kashqäta. Paykunata manami wilarqätsu jutï Yahweh kashqantaqa.#Éxo. 3.13-15. 4Paykunawanmi pactuta rurarqä Canaánta qoykunäpaq.#Gén. 15.13-16; 17.8. Tsaychömi paykuna jäpanöla tarqan. 5Egipto runakuna nakatsiptin Israel runakuna waqarkaykashqanta mayarmi paykunawan pactu rurashqäta kanan cumplishaq.
6<<Tsayno kaptinqa aywarkur Israel mayikikunata kayno wilanki: <Tayta Diosmi kayno nin: Noqaqa Tayta Diosmi kä. Egipto runakuna fiyupa nakatsir arutsishushqaykipitami qamkunata jorqushayki. Podernïwanmi Egipto runakunata mantsakuypaq castïgukunawan castigashaq. 7Noqami shuntashayki kuyashqä runakuna kapäkunaykipaq. Qamkunapa Diosnikimi kashaq.#Jer. 31.33; Ose. 2.23. Tsaynöpami musyapäkunkipaq Egipto runakuna nakatsishushqaykipita jorqamushuqniki Tayta Dios kashqäta. 8Nirkurmi qamkunata pushashayki Abrahamta, Isaacta y Jacobta qoykunäpaq promitishqä nacionman. Noqa Tayta Diosmi tsayno nï> >>.
9Tayta Dios tsayno nishqantami Israel mayinkunata Moisés wilarqan. Wilaptinpis fiyupa nakar lakikushpan manami cäsuparqantsu.
10Tsaymi Moisésta Tayta Dios kayno nirqan: 11<<Aywar Faraónta ninki Israel runakunata nacionninpita kachapäshunaykipaq>>.
12Tsayno niptinmi Tayta Diosta Moisés kayno nirqan: <<Israel mayïkunapis mana cäsuykämaptinqa peornachari Faraón mana cäsumanqatsu. Noqaqa parlaytapis manami shumaq yachätsu>>.
13Tsayno niptinpis Moisésta y Aarónta Tayta Dios kacharqan Israel runakunamanpis y Faraónmanpis kayno nir wilananpaq: <<Egiptupita Israel runakuna yarqunanpaqmi Tayta Dios nin>>.
Aarón y Moisés mayqan aylupita kashqanpis
14Kaychömi qelqaraykan Israel runakunapa unay mandaqninkunapa jutinkuna. Israelpa qechpa tsurin Rubénpa tsurinkuna karqan Hanoc, Falú, Hezrón y Carmi. Tsay runakunapitami Rubén trïbu aylukuna karkaykan.
15Simeónpa tsurinkunami karqan Jemuel, Jamín, Ohad, Jaquín, Zohar y Saúl. Saúlpa mamanmi karqan cananea warmi. Tsay runakunapitami Simeón trïbu aylukuna karkaykan.
16Leví kawarqan pachak kimsa chunka qanchis (137) watayuq kashqanyaqmi. Paypa tsurinkunami qechpapita nunushyaq karqan Gersón, Coat y Merari.
17Gersónpa tsurinkunami karqan Libni y Simei. Paykunapitami Libni y Simei aylu runakuna karkaykan.
18Coat kawarqan pachak kimsa chunka kimsa (133) watayuq kashqanyaqmi. Paypa tsurinkunami karqan Amram, Izhar, Hebrón y Uziel.
19Meraripa tsurinkunami karqan Mahli y Musi.
Gersón, Coat y Meraripitami levitakuna karkaykan.#Núm. 3.17-20; 26.57-58; 1Crón. 6.16-19.
20Coatpa tsurin Amrammi tiyan Jocabedwan tarqan. Jocabedpa wawankunami karqan Aarón y Moisés. Amram kawarqan pachak kimsa chunka qanchis (137) watayuq kashqanyaq.
21Izharpa tsurinkunami karqan Coré, Nefeg y Zicri.
22Uzielpa tsurinkunami karqan Misael, Elzafán y Sitri.
23Aarón tarqan Aminadabpa tsurin Elisabetwan. Elisabet karqan Naasónpa paninmi. Aarónpa tsurinkunami karqan Nadab, Abiú, Eleazar y Itamar.
24Corépa tsurinkunami karqan Asir, Elcana y Abiasaf. Tsay runakunapitami Coré aylu runakuna karkaykan.
25Aarónpa tsurin Eleazarna tarqan Futielpa tsurinwan. Eleazarpa tsurinmi karqan Finees.
Tsaynömi karqan levitakunapa unay aylunkuna. Cada mandaqpitami juk aylu kaykan. 26Amrampa tsurin Aarónta y Moiséstami Tayta Dios kayno nirqan: <<Israel runakunata punta punta shuntarkur Egiptupita jorqapäkamuy>>.
27 Tayta Dios nishqannömi Aarón y Moisés Egiptupa mandaqnin Faraónwan parlarqan Israel runakunata jorqamunanpaq.
28Moiséswan Tayta Dios Egiptucho parlashqan junaqmi 29kayno nirqan: <<¡Noqaqa Tayta Diosmi kä! Egipto nacionpa mandaqnin Faraónta lapan nishqäkunata wilanki>>.
30Tsawraqa Moisés nirqan: <<Tayta Dios, noqaqa manami tantiyatsiytapis kamäpakütsu. Tsayno kaykaptïqa ¿imanöparaq Faraón cäsumanqapis?>>
Currently Selected:
Éxodo 6: qvmB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Éxodo 6
6
Israel runakunata Egiptupita Tayta Dios jorqunanpaq nishqan
1Tsawraqa Moisésta Tayta Dios kayno nirqan: <<Kananmi rikankipaq Faraónta imano castigashqätapis. Pasaypa mantsariypaq castigaptïraqmi kikin qarqushunkipaq nacionninpita aywakärinaykipaq>>.
2Mastapis Moisésta Tayta Dios kayno nirqan: <<Noqaqa Yahwehmi kaykä. 3Abrahamta, Isaacta y Jacobta yuriparkurmi musyatsirqä El-Shaddai#6.3 El-Shaddai ninanqa lapanpaq munayniyuq Dios ninanmi. kashqäta. Paykunata manami wilarqätsu jutï Yahweh kashqantaqa.#Éxo. 3.13-15. 4Paykunawanmi pactuta rurarqä Canaánta qoykunäpaq.#Gén. 15.13-16; 17.8. Tsaychömi paykuna jäpanöla tarqan. 5Egipto runakuna nakatsiptin Israel runakuna waqarkaykashqanta mayarmi paykunawan pactu rurashqäta kanan cumplishaq.
6<<Tsayno kaptinqa aywarkur Israel mayikikunata kayno wilanki: <Tayta Diosmi kayno nin: Noqaqa Tayta Diosmi kä. Egipto runakuna fiyupa nakatsir arutsishushqaykipitami qamkunata jorqushayki. Podernïwanmi Egipto runakunata mantsakuypaq castïgukunawan castigashaq. 7Noqami shuntashayki kuyashqä runakuna kapäkunaykipaq. Qamkunapa Diosnikimi kashaq.#Jer. 31.33; Ose. 2.23. Tsaynöpami musyapäkunkipaq Egipto runakuna nakatsishushqaykipita jorqamushuqniki Tayta Dios kashqäta. 8Nirkurmi qamkunata pushashayki Abrahamta, Isaacta y Jacobta qoykunäpaq promitishqä nacionman. Noqa Tayta Diosmi tsayno nï> >>.
9Tayta Dios tsayno nishqantami Israel mayinkunata Moisés wilarqan. Wilaptinpis fiyupa nakar lakikushpan manami cäsuparqantsu.
10Tsaymi Moisésta Tayta Dios kayno nirqan: 11<<Aywar Faraónta ninki Israel runakunata nacionninpita kachapäshunaykipaq>>.
12Tsayno niptinmi Tayta Diosta Moisés kayno nirqan: <<Israel mayïkunapis mana cäsuykämaptinqa peornachari Faraón mana cäsumanqatsu. Noqaqa parlaytapis manami shumaq yachätsu>>.
13Tsayno niptinpis Moisésta y Aarónta Tayta Dios kacharqan Israel runakunamanpis y Faraónmanpis kayno nir wilananpaq: <<Egiptupita Israel runakuna yarqunanpaqmi Tayta Dios nin>>.
Aarón y Moisés mayqan aylupita kashqanpis
14Kaychömi qelqaraykan Israel runakunapa unay mandaqninkunapa jutinkuna. Israelpa qechpa tsurin Rubénpa tsurinkuna karqan Hanoc, Falú, Hezrón y Carmi. Tsay runakunapitami Rubén trïbu aylukuna karkaykan.
15Simeónpa tsurinkunami karqan Jemuel, Jamín, Ohad, Jaquín, Zohar y Saúl. Saúlpa mamanmi karqan cananea warmi. Tsay runakunapitami Simeón trïbu aylukuna karkaykan.
16Leví kawarqan pachak kimsa chunka qanchis (137) watayuq kashqanyaqmi. Paypa tsurinkunami qechpapita nunushyaq karqan Gersón, Coat y Merari.
17Gersónpa tsurinkunami karqan Libni y Simei. Paykunapitami Libni y Simei aylu runakuna karkaykan.
18Coat kawarqan pachak kimsa chunka kimsa (133) watayuq kashqanyaqmi. Paypa tsurinkunami karqan Amram, Izhar, Hebrón y Uziel.
19Meraripa tsurinkunami karqan Mahli y Musi.
Gersón, Coat y Meraripitami levitakuna karkaykan.#Núm. 3.17-20; 26.57-58; 1Crón. 6.16-19.
20Coatpa tsurin Amrammi tiyan Jocabedwan tarqan. Jocabedpa wawankunami karqan Aarón y Moisés. Amram kawarqan pachak kimsa chunka qanchis (137) watayuq kashqanyaq.
21Izharpa tsurinkunami karqan Coré, Nefeg y Zicri.
22Uzielpa tsurinkunami karqan Misael, Elzafán y Sitri.
23Aarón tarqan Aminadabpa tsurin Elisabetwan. Elisabet karqan Naasónpa paninmi. Aarónpa tsurinkunami karqan Nadab, Abiú, Eleazar y Itamar.
24Corépa tsurinkunami karqan Asir, Elcana y Abiasaf. Tsay runakunapitami Coré aylu runakuna karkaykan.
25Aarónpa tsurin Eleazarna tarqan Futielpa tsurinwan. Eleazarpa tsurinmi karqan Finees.
Tsaynömi karqan levitakunapa unay aylunkuna. Cada mandaqpitami juk aylu kaykan. 26Amrampa tsurin Aarónta y Moiséstami Tayta Dios kayno nirqan: <<Israel runakunata punta punta shuntarkur Egiptupita jorqapäkamuy>>.
27 Tayta Dios nishqannömi Aarón y Moisés Egiptupa mandaqnin Faraónwan parlarqan Israel runakunata jorqamunanpaq.
28Moiséswan Tayta Dios Egiptucho parlashqan junaqmi 29kayno nirqan: <<¡Noqaqa Tayta Diosmi kä! Egipto nacionpa mandaqnin Faraónta lapan nishqäkunata wilanki>>.
30Tsawraqa Moisés nirqan: <<Tayta Dios, noqaqa manami tantiyatsiytapis kamäpakütsu. Tsayno kaykaptïqa ¿imanöparaq Faraón cäsumanqapis?>>
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.