Lir. 21

Lisaalwa lia Isaaka

1Wele Omunyali Owa Bioosi abiita Sara chikhabi nga aaloma, mala amukholela nga aamulaka. 2#Baeb. 11.11 Sara aesia mala asaalila Aburahamu omwana owe sisoleeli mumase keewe ke busaakhulu, mu siise nisio Wele aaba ne amubooleele. 3Aburahamu atiuukha omwana wewe owe sisoleeli, niye asaala mu Sara, ali Isaaka. 4#Lir. 17.12; Bikh. 7.8 Mala Aburahamu akheba omwana wewe Isaaka ne ali ne bukhulu bwe chindaalo munaane, nga Wele aamulaka. 5Aburahamu aaba ne bukhulu bwe kimiiko emia ndala, nga Isaaka ne asaalwa. 6Mala Sara aloma ali, “Wele andereere chinjekho. Buli mulala okane aulile alachekha ne nase.” 7Mala achiililila khuloma ali, “Naanu abeele onyala aboolela Aburahamu ali Sara akhanuunie babaana? Ne luno namusaaliile omwana owe sisoleeli mu busaakhulu bwewe.”

8Omwana achoa, bamulatia, mala Aburahamu akhola naikara emboofu khu ndaalo ng'eneeyo.

Aburahamu aoona Hakari ne Ishimaeli

9Sara abona omwana niye Hakari, Omumisiri, asaalila Aburahamu, ne enyaa no mwana wewe Isaaka. 10#Bakal. 4.29-30 Nio aboolela Aburahamu ali, “Oona omukhasi nasioobi yuno alala no mwana wewe, sikila omwana owo mukhasi nasioobi yuno se aliba owiila khu miaandu alala no mwana wase Isaaka tawe.” 11Ne likhuwa lino se liasiimisia Aburahamu tawe sikila omwana wewe Ishimaeli. 12#Bar. 9.7; Baeb. 11.18 Ne kakhali Wele aboolela Aburahamu ali, “Okhabiililwa sikila omusoleeli wowo no mukhasi wowo nasioobi tawe, siosi siosi nisio Sara akhuboolela, khola nga akhubooleele, sikila khubirira mu Isaaka olanyoola lisaaye nilio nakhulaka. 13Ne nja khukhola omwana wo mukhasi nasioobi yesi abe ekholo, sikila ali lisaaye liowo.”

14Nio Aburahamu enyokha makhelebeende, abukula kumukaati, eoochwa eye lisielo eye kameechi, aelesia Hakari, amura khu mabeka, no mwana mala amuoona. Mala Hakari arekukha ayiiyayiiya mu sichiimi sia Beerisheba,

15Nga kameechi mu oochwa eye lisielo ne kawa anjukha omwana wewe mu khachakha khalalakho. 16Esendakho sinao, buleeyi bwe bikele emia ndala, mala ekhala asi, sikila aalola ali, “Se nenya nabona omwana yuno nafwa tawe.” Mala Hakari alila burafu.

17Wele aulila kumumilo kwo omusoleeli oyo, mala malaika owa Wele alaanga Hakari amureeba ali, “Hakari, siina sikhunaania? Okharia tawe, sikila Wele aulile liilila lio musoleeli niio ali ao. 18Yinyokha, obukule omusoleeli, omumeeme mala omuoleelesie sikila ndamukhola abe ekholo emboofu.” 19Wele akhola Hakari abona esebele eye kameechi acha echusia kameechi mu oochwa eyo, mala aelesia omusoleeli aanywa. 20Wele aaba no musoleeli oyo mala achoa. Amenya mu sichiimi sia Parani mala aba omuaayi we buyiingo, oomanyile khuburumikhira bulayi. 21Maawe amunyoolela omukhasi khukhwama mu sibala sia Misiri.

Liuuliilisiana akari wa Abimeleki ne Aburahamu

22 # Lir. 26.26 Mu siise esio Abimeleki ne Fikoli, komanda owe banamae bewe, bacha khu Aburahamu mala bamuboolela bali, “Wele ali ne nawe mu bioosi nibio okhola. 23Nono njechubile ano, ebweeni wa Wele, oli se oliikholela ke bubeeyi namwe okholele babaana base namwe lisaaye liase tawe. Ne nga naba omuri khwiwe wesi okhakholela orio alala ne sibala nisio omenyilemo sino.”

24Aburahamu amuboolela ali, “Ndakhwichubila.”

25Nga Aburahamu eloochela Abimeleki ke esebele niyo bakholi ba Abimeleki baaba ne bakhayiilekho, 26Abimeleki amuboolela ali, “Se emanya okholile likhuwa lino tawe, ne se naulilekho ta khukhwola luno.” 27Nio Aburahamu abukula kamakheese ne chikhaafu aelesia Abimeleki, mala boombi bakhola endakaano. 28Aburahamu aukhasia kamasubeeni saba khukhwama mu lituuli akara alubeka. 29Abimeleki areeba Aburahamu ali, “Kamasubeeni saba niko oreere alubeka kano ka siina?”

30Aburahamu amukobosia ali, “Kamasubeeni saba kano bukula, mala obe omuloli wase, oli ese niise owayaba esebele yino.” 31Khwako abuundu ao alaangwa bali Beerisheba sikila abwenao boombi bechuba.

32Nio bakhola endakaano a Beerisheba. Enyuma wako Abimeleki ne Fikoli, komanda owe banamae bewe, barekukha bakobola mu sibala sie Bafilisiti. 33Aburahamu abiaala kumurongooro kumutamarisiki mu Beerisheba, mala esaaya Wele Omunyali Owa Bioosi, Wele owa mindali na mindali. 34Aburahamu aaba omukwa mu sibala sie Bafilisiti chindaalo chingali.

Currently Selected:

Lir. 21: LUBUKUSU

Highlight

Copy