JENESIS 12

Ka jingkhot U Blei ïa u Abram

1 # Ki Kam. 7:2-3; Heb. 11:8. Te U Trai u la ong ha u Abram, “To khie leit noh ma me hi na la ka ri, bad na la ki kur, bad na ka ïing u kpa jong me, sha kata ka ri ïa kaba ngan pyni ha me: 2#Jen. 15:5; 17:4,5; 18:18; 22:17; 28:14; 32:12; 35:11; 46:3.bad ngan pynlong na me ïa ka jaid bynriew kaba khraw, bad ngan kyrkhu ïa me, bad ngan pynkhraw ïa ka kyrteng jong me; me ruh men long ka jingkyrkhu: 3#Jen. 18:18; 22:17,18; 26:4; 28:14; Gal. 3:8.bad ngan kyrkhu ïa kita kiba kyrkhu ïa me, bad ngan tim ïa uta uba tim ïa me: bad ïa ki jaid bynriew baroh ha ka pyrthei kin long ba la kyrkhu ha me.”

4Kumta u Abram u la leit noh kumba U Trai u la lah kren ha u; u Lot ruh u la leit lem bad u: bad u Abram u la long hynñiewphew san snem ka rta mynba u la leit noh na Haran. 5Bad u Abram u la shim ïa ka Sarai ka tnga jong u, bad ïa u Lot u khun u para jong u, bad ïa ka spah baroh jong ki katba ki la lah ïoh kynshew, bad ïa ki mynsiem ba ki la lah ïaïoh ha Haran; bad ki la ïamih noh ruh ïa ka ban leit sha ka ri Kanaan; bad ki la ïapoi sha ka ri Kanaan. 6Bad u Abram u la ïaid lyngba kata ka ri sha ka jaka ba la khot “Shekem”, haduh u dieng soh Shanam Dngiem u Moreh. Bad ki Kanaan ki la don mynkata ha kata ka ri. 7#Jen. 13:15; 15:18; 17:8; 24:7; 26:3; 28:4,13; 35:12; 48:4; Ki Kam. 7:5; Gal. 3:16.Bad U Trai u la mihpaw ha u Abram, u da ong, “Ha u symbai jong me ngan ai ïa kane ka ri”: bad hangta u la tei ïa ka duwan ha U Trai uba la lah mihpaw ha u. 8Bad nangta u la kynriah noh sha u lum uba ha ka Bethel shaphang mihngi, bad u la pynïeng ïa la ka ïingtrep, ba la don ka Bethel sha sepngi, bad ka Ai sha mihngi: bad hangta ruh, u la tei ïa ka duwan ha U Trai, bad u la khot ha ka kyrteng U Trai. 9Bad u Abram u la nang ïaid, u da nang leit shuh shuh shaphang shathie.

U Abram sha ka ri Ijipt

10 # Jen. 20:1-18; 26:7-11. Te ka la don ka 'nemsniew ha kata ka ri: kumta, u Abram u la leit hiar sha ka ri Ijipt ban shong nongwei hangta katto katne; naba ka jur eh ka 'nemsniew ha kata ka ri. 11Ka la jia ruh, haba u la poi jan ban leit bsut ha ka ri Ijipt, ba u la ong ha ka Sarai ka tnga jong u, “Ha khmih mynta, nga tip ba pha long kaba ibhabriew ban khmih: 12te kan lah jia, ba haba ki Ijipt kin ïohi ïa pha, kin ïa-ong, ‘Ha khmih kane ka long ka tnga jong u’: bad kin ïa-pynïap noh ïa nga, hynrei, ïa pha kin sa pynim keiñ. 13#Jen. 20:2; 26:7.To ïathuh, nga kyrpad ïa pha, ba pha long ka para jong nga: ba kan long bha ïa nga na ka bynta jong pha; bad ba ngan ïoh im ka mynsiem na ka bynta jong pha.” 14Ka la jia ruh, ba haba u Abram u la poi sha ka ri Ijipt, ba ki Ijipt ki la ïakhmih ïa kata ka briew ba ka ibhabriew eh. 15Bad ki myntri syiem ruh jong u Pharaoh ki la ïohi ïa ka, bad ki la ïaroh ïa ka ha khmat u Pharaoh: te la shim ïa kata ka briew sha ïing u Pharaoh. 16Te uta u la leh bha ïa u Abram na ka bynta jong ka: bad u la ïoh ki langbrot, bad ki masi, bad ki kadda shynrang, bad ki shakri shynrang, bad ki shakri kynthei, bad ki kadda kynthei, bad ki ut.

17Te U Trai u la shoh ïa u Pharaoh bad ïa ka ïing jong u da ki jingpang khlam bakhraw namar ka Sarai ka tnga jong u Abram. 18Te u Pharaoh u la khot ïa u Abram, bad u la ong, “Kaei kane ba me la leh ïa nga? Balei mem shym la ïathuh ha nga ba ka la long ka tnga jong me? 19Balei me la ïathuh, ‘Ka long ka para jong nga?’ ba kumta ngan da lah ban shim tnga ha lade ïa ka: te mynta ha khmih ka tnga jong me, to shim noh ïa ka, bad to khie leit noh ruh.” 20Te u Pharaoh u la hukum ïa la ki briew shaphang jong u: bad ki la ïaphah noh ïa u, bad ïa ka tnga jong u, bad ïa kiei kiei baroh katba u don.

Currently Selected:

JENESIS 12: KHB

Highlight

Copy