JENESIS 18
18
Ka jingkular ban kha ïa u Isaak
1Hadien kata, U Trai u la mihpaw ha u hajan ki dieng Sning u Mamre; mynba u da shong ha ka jingkhang ka ïingtrep jong u, haba dang shit ka sngi; 2#Heb. 13:2.bad u la khmied ïa la ki khmat u da khmih ruh, bad ha khmih, lai ngut ki rangbah ki la ïeng ha khmat jong u; bad haba u dang shu lah ïohi ïa ki, u la phet na ka jingkhang ka ïingtrep ban tan ïa ki, bad u la nguh dem ïa ki haduh ka khyndew, 3u da ong, “Ko kynrad jong nga, lada mynta nga la ïoh ka jingsngewbha ha khmat jong me, to wat da ïaid lait noh, nga kyrpad ïa me na la u shakri: 4to shah ba yn wanlam khyndiat ka um, nga kyrpad ïa phi, bad to da sait ïa la ki sla'jat, bad to da shongthait ruh hapoh une u dieng: 5nga ruh ngan wallam khyndiat u kpu, bad to phin pyntngen ïa ki dohnud jong phi; hadien kata, phin ïoh nang leit noh: naba na ka bynta kata, phi la ïawan ïaid lait sha la u shakri.” Ki te ki la ïa-ong, “To leh kumta, kat kumba me la ïathuh.” 6Te u Abraham u la leit jang jang sha kata ka ïingtrep ha ka Sara, u la ong ruh, “To pynkhreh noh kloi kloi lai pyrha u 'purew bani, bad to da khñiot ruh, bad to shet ïa ki kpu ha ka dpei.” 7Bad u Abraham u la phet sha ki jingri, bad u la shim ïa u khun masi uwei uba lkhai bad u babha, bad u la ai ruh ha u samla; bad u la pynkloi ban khreh ïa u. 8Bad u la wallam ruh ïa ka makhon, bad ïa ka dud, bad ïa uta u khun masi ïa uba u la lah pynkhreh, bad u la buh ïa kita ha khmat jong ki; bad u la ïeng bad ki hapoh uta u dieng, ki ruh ki la ïabam.
9Ynda kumta, ki la ïakylli ha u, “Ha-ei ka Sara ka tnga jong me?” U te u la ïathuh, “Ha khmih, ka don ha ka ïingtrep.” 10#Rom. 9:9.Bad uwei u la ong, “Shisha ngan wan phai pat sha me hamar kaba ka aïom ka jingim keiñ; bad ha khmih, ka Sara ka tnga jong me kan ïoh khun.” Bad ka Sara ka la ïohsngew ha ka jingkhang ka ïingtrep, kaba long na shadien jong u. 11U Abraham ruh bad ka Sara ki la lah tymmen, kiba la slem ki sngi ka rta jong ki: bad ka la lah wai noh ïa ka Sara ban long katba kum ka rukom ki kynthei. 12#1 Pet. 3:6.Namar kata, ka Sara ka la rkhie sammut ha lade, ka da ong ha lade, “Wa! ynda nga la tymmen ngan ïoh kum ïa kane ka jingsngewbha hun mo? bad u kynrad jong nga ruh u la lah tymmen putet?” 13Bad U Trai u la ong ha u Abraham, “Hato balei ba ka rkhie ka Sara kumne, bad ba ka da ong, ‘Shisha ngan kha khun haba nga la tymmen?’ 14#Mat. 19:26; Mrk. 10:27; Luk. 1:37; Rom. 9:9.Don kaei kaei ruh ïa kaba um lah U Trai? Ha kata ka Ïa ba la lah buh ngan wan phai pat keiñ sha me, hamar kaba ka aïom ka jingim, te ka Sara kan ïoh u khun.” 15Ynda kumta, ka Sara ka la len, ka da ong, “Ngam shym rkhie”; naba ka la sheptieng. U te u la ong, “Em, hynrei, pha la rkhie.”
U Abraham u ïasaid na ka bynta ka Sodom
16Hadien kata, kita ki briew ki la ïamih noh nangta, bad ki la khmih shaphang ka Sodom: bad u Abraham u la leit on ïa ki. 17Bad U Trai u la ong, “Ngan buhrieh na u Abraham ïa kaba ngan sa leh? 18#Jen. 12:3; Ki Kam. 3:25; Gal. 3:8.Naba u Abraham shisha un man long ka jaid bynriew ka bakhraw bad ka badonbor, bad ha u yn kyrkhu ïa ki jaid bynriew baroh jong ka pyrthei. 19Naba nga ithuh ïa u, ba un hukum ïa la ki khun bad ïa la ki ïing hadien jong u, ba kin ïoh rakhe ïa ka lynti jong U Trai, ïa ka ban leh ïa ka hok bad ïa ka jingleh adkar; ba U Trai un ïoh pynwan ha u Abraham ïa kata ïa kaba u la ong shaphang jong u.” 20Te U Trai u la ong, “Namar ba ka jingpyrta shaphang Sodom bad Gomorra ka la jam eh, bad namar ka pop jong ki ka la khia eh keiñ; 21ngan leit hiar mynta, ngan da khmih ruh la shisha ne em ba ki la leh syndon kumba la long kata ka jingpyrta jong ki, kaba la poi haduh ha nga; te lymda kumta, ngan ïoh tip ïa kata.”
22Bad kita ki briew ki la phai noh ïa la ki khmat nangta, bad ki la nang ïaid shaphang Sodom: hynrei, u Abraham u dang ïeng ha khmat U Trai. 23Bad u Abraham u la kham kynshur hajan, u da ong, “Hato men pynjot noh ïa u bahok ruh lem bad u bymhok? 24Hynrei, lehse don sanphew ki bahok hapoh kata ka nongbah; shisha men pynduh bad men ym pynim ïa ka jaka na ka bynta ki sanphew ki riewhok kiba lah ban don ha ka? 25To ai kan long jngai na me ban leh ha kane ka rukom, ban pynïap ïa u bahok lem bad u bymman, kat ban pynlong ïa u bahok kum u bymman; to ai kan long jngai na me kata: u Nongbishar ka pyrthei baroh kawei un ym leh hok mo?” 26U Trai ruh u la ïathuh, “Lada nga shem ha Sodom sanphew ki riewhok hapoh kata ka nongbah, te kumta, ngan pynsah im ïa kata ka jaka baroh na ka bynta jong ki.” 27Bad u Abraham u la ïathuh bad u la ong, “Ha khmih mynta, nga la sngewshlur ban kren ha U Trai jong nga, la nga long tang ka 'dewmet bad ki dpei: 28hynrei, lehse don duna san ngut na kita ki sanphew ki bahok: hato men pynjot noh ïa kata ka nongbah baroh kawei namar ba duna kita ki san ngut?” U ruh u la ong, “Ngan ym pynjot noh ïa ka, lada nga shem sawphew san ngut ki riewhok.” 29Bad u la nang ïakren pat bad U, u la ong ruh, “Hynrei, lehse yn shem sawphew hangta?” U ruh u la ong, “Ngan ym leh ïa kata keiñ na ka bynta kita ki sawphew.” 30Bad u Abraham u la ong shuh, “A ba un ym da sngewbitar U Trai jong nga, lada nga da nang kren shuh: Lehse un shem laiphew hangta?” U ruh u la ong, “Ngan ym leh ïa kata, lada nga shem laiphew hangta.” 31Bad u Abraham u la ong pat, “Ha khmih mynta, nga la shlur ban kren ha U Trai jong nga: Lehse yn shem arphew hangta?” U ruh u la ong, “Ngan ym pynjot noh ïa ka na ka bynta ki arphew keiñ.” 32Hadien kata, u Abraham u la ong, “A ba un ym da sngewbitar U Trai jong nga, nga te ngan kren sa tang kane shi sien pat: Lehse yn shem shiphew ngut hangta?” U ruh u la ong, “Ngan ym pynjot noh ïa ka na ka bynta ki shiphew keiñ.” 33Hadien kata, U Trai u la leit noh haba u tang shu la lah wai ïakren bad u Abraham: bad u Abraham ruh u la leit phai noh sha la ka jaka.
Currently Selected:
JENESIS 18: KHB
Highlight
Share
Copy
Want to have your highlights saved across all your devices? Sign up or sign in
The Bible Society of India
JENESIS 18
18
Ka jingkular ban kha ïa u Isaak
1Hadien kata, U Trai u la mihpaw ha u hajan ki dieng Sning u Mamre; mynba u da shong ha ka jingkhang ka ïingtrep jong u, haba dang shit ka sngi; 2#Heb. 13:2.bad u la khmied ïa la ki khmat u da khmih ruh, bad ha khmih, lai ngut ki rangbah ki la ïeng ha khmat jong u; bad haba u dang shu lah ïohi ïa ki, u la phet na ka jingkhang ka ïingtrep ban tan ïa ki, bad u la nguh dem ïa ki haduh ka khyndew, 3u da ong, “Ko kynrad jong nga, lada mynta nga la ïoh ka jingsngewbha ha khmat jong me, to wat da ïaid lait noh, nga kyrpad ïa me na la u shakri: 4to shah ba yn wanlam khyndiat ka um, nga kyrpad ïa phi, bad to da sait ïa la ki sla'jat, bad to da shongthait ruh hapoh une u dieng: 5nga ruh ngan wallam khyndiat u kpu, bad to phin pyntngen ïa ki dohnud jong phi; hadien kata, phin ïoh nang leit noh: naba na ka bynta kata, phi la ïawan ïaid lait sha la u shakri.” Ki te ki la ïa-ong, “To leh kumta, kat kumba me la ïathuh.” 6Te u Abraham u la leit jang jang sha kata ka ïingtrep ha ka Sara, u la ong ruh, “To pynkhreh noh kloi kloi lai pyrha u 'purew bani, bad to da khñiot ruh, bad to shet ïa ki kpu ha ka dpei.” 7Bad u Abraham u la phet sha ki jingri, bad u la shim ïa u khun masi uwei uba lkhai bad u babha, bad u la ai ruh ha u samla; bad u la pynkloi ban khreh ïa u. 8Bad u la wallam ruh ïa ka makhon, bad ïa ka dud, bad ïa uta u khun masi ïa uba u la lah pynkhreh, bad u la buh ïa kita ha khmat jong ki; bad u la ïeng bad ki hapoh uta u dieng, ki ruh ki la ïabam.
9Ynda kumta, ki la ïakylli ha u, “Ha-ei ka Sara ka tnga jong me?” U te u la ïathuh, “Ha khmih, ka don ha ka ïingtrep.” 10#Rom. 9:9.Bad uwei u la ong, “Shisha ngan wan phai pat sha me hamar kaba ka aïom ka jingim keiñ; bad ha khmih, ka Sara ka tnga jong me kan ïoh khun.” Bad ka Sara ka la ïohsngew ha ka jingkhang ka ïingtrep, kaba long na shadien jong u. 11U Abraham ruh bad ka Sara ki la lah tymmen, kiba la slem ki sngi ka rta jong ki: bad ka la lah wai noh ïa ka Sara ban long katba kum ka rukom ki kynthei. 12#1 Pet. 3:6.Namar kata, ka Sara ka la rkhie sammut ha lade, ka da ong ha lade, “Wa! ynda nga la tymmen ngan ïoh kum ïa kane ka jingsngewbha hun mo? bad u kynrad jong nga ruh u la lah tymmen putet?” 13Bad U Trai u la ong ha u Abraham, “Hato balei ba ka rkhie ka Sara kumne, bad ba ka da ong, ‘Shisha ngan kha khun haba nga la tymmen?’ 14#Mat. 19:26; Mrk. 10:27; Luk. 1:37; Rom. 9:9.Don kaei kaei ruh ïa kaba um lah U Trai? Ha kata ka Ïa ba la lah buh ngan wan phai pat keiñ sha me, hamar kaba ka aïom ka jingim, te ka Sara kan ïoh u khun.” 15Ynda kumta, ka Sara ka la len, ka da ong, “Ngam shym rkhie”; naba ka la sheptieng. U te u la ong, “Em, hynrei, pha la rkhie.”
U Abraham u ïasaid na ka bynta ka Sodom
16Hadien kata, kita ki briew ki la ïamih noh nangta, bad ki la khmih shaphang ka Sodom: bad u Abraham u la leit on ïa ki. 17Bad U Trai u la ong, “Ngan buhrieh na u Abraham ïa kaba ngan sa leh? 18#Jen. 12:3; Ki Kam. 3:25; Gal. 3:8.Naba u Abraham shisha un man long ka jaid bynriew ka bakhraw bad ka badonbor, bad ha u yn kyrkhu ïa ki jaid bynriew baroh jong ka pyrthei. 19Naba nga ithuh ïa u, ba un hukum ïa la ki khun bad ïa la ki ïing hadien jong u, ba kin ïoh rakhe ïa ka lynti jong U Trai, ïa ka ban leh ïa ka hok bad ïa ka jingleh adkar; ba U Trai un ïoh pynwan ha u Abraham ïa kata ïa kaba u la ong shaphang jong u.” 20Te U Trai u la ong, “Namar ba ka jingpyrta shaphang Sodom bad Gomorra ka la jam eh, bad namar ka pop jong ki ka la khia eh keiñ; 21ngan leit hiar mynta, ngan da khmih ruh la shisha ne em ba ki la leh syndon kumba la long kata ka jingpyrta jong ki, kaba la poi haduh ha nga; te lymda kumta, ngan ïoh tip ïa kata.”
22Bad kita ki briew ki la phai noh ïa la ki khmat nangta, bad ki la nang ïaid shaphang Sodom: hynrei, u Abraham u dang ïeng ha khmat U Trai. 23Bad u Abraham u la kham kynshur hajan, u da ong, “Hato men pynjot noh ïa u bahok ruh lem bad u bymhok? 24Hynrei, lehse don sanphew ki bahok hapoh kata ka nongbah; shisha men pynduh bad men ym pynim ïa ka jaka na ka bynta ki sanphew ki riewhok kiba lah ban don ha ka? 25To ai kan long jngai na me ban leh ha kane ka rukom, ban pynïap ïa u bahok lem bad u bymman, kat ban pynlong ïa u bahok kum u bymman; to ai kan long jngai na me kata: u Nongbishar ka pyrthei baroh kawei un ym leh hok mo?” 26U Trai ruh u la ïathuh, “Lada nga shem ha Sodom sanphew ki riewhok hapoh kata ka nongbah, te kumta, ngan pynsah im ïa kata ka jaka baroh na ka bynta jong ki.” 27Bad u Abraham u la ïathuh bad u la ong, “Ha khmih mynta, nga la sngewshlur ban kren ha U Trai jong nga, la nga long tang ka 'dewmet bad ki dpei: 28hynrei, lehse don duna san ngut na kita ki sanphew ki bahok: hato men pynjot noh ïa kata ka nongbah baroh kawei namar ba duna kita ki san ngut?” U ruh u la ong, “Ngan ym pynjot noh ïa ka, lada nga shem sawphew san ngut ki riewhok.” 29Bad u la nang ïakren pat bad U, u la ong ruh, “Hynrei, lehse yn shem sawphew hangta?” U ruh u la ong, “Ngan ym leh ïa kata keiñ na ka bynta kita ki sawphew.” 30Bad u Abraham u la ong shuh, “A ba un ym da sngewbitar U Trai jong nga, lada nga da nang kren shuh: Lehse un shem laiphew hangta?” U ruh u la ong, “Ngan ym leh ïa kata, lada nga shem laiphew hangta.” 31Bad u Abraham u la ong pat, “Ha khmih mynta, nga la shlur ban kren ha U Trai jong nga: Lehse yn shem arphew hangta?” U ruh u la ong, “Ngan ym pynjot noh ïa ka na ka bynta ki arphew keiñ.” 32Hadien kata, u Abraham u la ong, “A ba un ym da sngewbitar U Trai jong nga, nga te ngan kren sa tang kane shi sien pat: Lehse yn shem shiphew ngut hangta?” U ruh u la ong, “Ngan ym pynjot noh ïa ka na ka bynta ki shiphew keiñ.” 33Hadien kata, U Trai u la leit noh haba u tang shu la lah wai ïakren bad u Abraham: bad u Abraham ruh u la leit phai noh sha la ka jaka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India