JENESIS 19
19
Ka jingpynjot ïa ka Sodom bad ïa ka Gomorra
1Bad kita ki ar ngut ki angel ki la ïawan poi sha Sodom la janmiet; bad u Lot u da shong ha ka khyrdop ka Sodom: bad haba u Lot u la ïohi ïa ki, u la ïeng ban leit tan ïa ki; bad u la dem khrup ïa la ka khmat haduh ka khyndew; 2bad u la ong, “Ha khmih mynta, ko ki kynrad jong nga, to phai noh, nga kyrpad ïa phi, sha ka ïing u shakri jong phi, bad to da sah miet, bad to phin sait ïa la ki sla'jat, ynda kumta, phin ïoh khie dang step, bad ban nang leit noh ha ka jingleit jong phi.” Ki te ki la ïathuh, “Em, namar ba ngin sah ha ka lynti baroh shi miet.” 3Te u la ban kyntu eh ïa ki; hadien kata, ki la ïaphai sha u, bad ki la ïawan bsut sha ka ïing jong u; bad u la thaw ïa ka jingkhawai ïa ki, bad u la shet ïa u kpu bakhlem thiat, ki ruh ki la ïabam.
4Hynrei haba kim pat ïoh leit thiah, ki briew jong kata ka nongbah, ki briew jong ka shnong Sodom keiñ ki la ïaker kut sawdong ïa kata ka ïing, bad ki samla bad ki tymmen, u paidlang baroh keiñ na ka jaka baroh: 5bad ki la ïakhot ïa u Lot, bad ki la ïa-ong ha u, “Ha-ei kito ki briew kiba la ïawan sha me ha kane ka miet? to da pynmih shabar ïa ki sha ngi, ba ngin ïoh ithuh ïa ki.” 6Ynda kumta, u Lot u la wan sha ki ha ka jingkhang, u la khang ruh artad ïa ka jingkhang hadien jong u, 7bad u la ong, “Ha sngap, ko ki para, to wat da leh bymman kumta. 8Ha khmih mynta, nga don ar ngut ki khun kynthei ki bym pat shym la ithuh ïa u briew; to ai, nga kyrpad ïa phi, ba ngan wanlam noh ïa ki shabar sha phi mynta, bad to da leh ïa ki katba phi ibit: tang ïa kine ki briew to wat leh ei ei ruh em; namar na ka bynta kata ki la ïawan hapoh ka synrang ka jingsop jong nga.” 9Ki te ki la ïathuh, “Da shuh noh me ho.” Ki la ïa-ong ruh artad, “Une u la shu wan long u sohshnong shane, bad mynta un man long u nongbishar pynban: mynta ngin kham ïaleh sniew ha me, ban ïa kaba ha ki.” Bad ki la ïaban khia eh ïa uta u briew, ïa u Lot keiñ, bad ki la ïakyntur hajan ruh ban pynpait ïa ka jingkhang. 10Hynrei, kita ki briew haba ki la kner ïa la ki kti, ki la ïashim ñiat bad ki la ïaring ïa u Lot ha lade shapoh kata ka ïing, bad ki la khang ruh ïa kata ka jingkhang. 11Ki la shoh ruh ïa kita ki briew kiba hajan ka jingkhang kata ka ïing da ka jingmatlah, naduh u barit haduh u bakhraw: tad ynda ki da thait ban wad ïa kata ka jingkhang.
12Te kita ki briew ki la ong ha u Lot, “Me dang don shuh kino kino ruh hangne? ïa u pyrsa kurim, bad ïa ki khun shynrang jong me, bad ïa ki khun kynthei jong me, bad ïa kino kino ruh baroh kat kiba dei ki jong me ha kane ka nongbah, to men ïalam noh shabar na kane ka jaka: 13namar ngin sa pynduh noh thiaw ïa kane ka jaka, naba ka jingpyrta ki jinglehsniew jong ki ka la nang man jur eh ha khmat U Trai; te U Trai u la phah ïa ngi keiñ ban pynduh noh thiaw ïa ka.” 14U Lot, namar kata, u la leit shabar, bad u la kren ha la ki pyrsa kurim, kiba la shongkurim bad ki khun kynthei jong u, bad u la ong, “To phin khie joit, to da wan noh na kane ka jaka; naba U Trai un sa pynduh noh thiaw ïa kane ka nongbah.” Hynrei, ha khmat la ki pyrsa kurim u la imat long kum uba kren biria.
15Bad haba dang shai byrngut, te kita ki angel ki la ïaban kyntu eh ïa u Lot, ki da ong, “To mih joit noh, to shim ïa la ka tnga, bad ïa la ki khun kynthei ar ngut, ïa kiba me shem hangne; ba ïoh yn ing duh ma me ruh ha ka jingpynshitom ïa kane ka nongbah.” 16#2 Pet. 2:7.Te katba u la leh tud, kita ki briew ki la bat skhem ïa ka kti jong u, bad ïa ka kti ka tnga jong u, bad ïa ka kti ki khun kynthei jong u ar ngut; naba U Trai u leh isynei ïa u: bad ki la ïalam noh shabar ïa u, bad ki la ïabuh biang ïa u shabar kata ka nongbah. 17Bad ynda ki la lah ïalam shabar ïa ki, u la ong, “To da phet ïap noh me; to wat khmih kyrtiang dien, bad to wat sangeh me ha ka pyntha baroh; to da phet ïap noh sha uta u lum, ba ïoh yn ing duh ma me.” 18Te u Lot u la ong ha ki, “A ym kumta, ko Kynrad jong nga; 19ha khmih mynta, u shakri jong me u la shem ïa ka jingsngewbha ha khmat jong me, bad me la pynkhraw ïa la ka jingisynei, ïa kaba me la pyni ha nga da kaba pynim ïa nga; te ma nga, ngam lah phet ïap noh sha uta u lum, ba ïoh yn lap kaei kaei ruh ka jingsniew ïa nga, bad ba ngan ïap noh. 20Ha khmih mynta, kane ka shnong ka jan ban phet ïap noh sha ka, bad ka long kaba rit: A to shah ba ngan phet ïap noh shato, (kane kam long kaba rit shisha?) bad ka mynsiem jong nga kan ïohlait im.” 21U te u la ong ha u, “Ha khmih, nga la shah keiñ ïa me shaphang kane ruh, ba ngan ym pynkyllon noh ïa kane ka shnong, shaphang kaba me la kren. 22To da pynkloi noh, to da phet ïap noh shato; naba ngam lah leh ei ei ruh em ha ban da me la poi shato.” Namar kata, la khot ïa kata ka shnong “ka Soar”. 23Ka sngi ka la dang mih shalor ka khyndew hamar ba u Lot u la leit bsut ha Soar.
24 #
Mat. 10:15; 11:23-24; Luk. 10:12; 17:29; 2 Pet. 2:6; Jud. 1:7. Ynda kumta, U Trai u la pynhap slap halor ka Sodom bad Gomorra da u kyndok bad da ka ding na U Trai na bneng; 25kumta, u la pynkyllon thiaw ïa kita ki nongbah, bad ïa kata ka pynthor baroh, bad ïa ki trai-shnong jong kita ki nongbah baroh, bad ïa kiei kiei ruh kiba mih na ka khyndew. 26#Luk. 17:32.Hynrei, ka tnga jong u Lot ka la khmih kyrtiang dien na shadien jong u, te ka la man long ka païa maw mluh.
27Bad u Abraham u la khie dang step phyrngab ban leit sha kata ka jaka ha kaba u la lah ïeng ha khmat U Trai: 28#Jpw. 9:2.bad u la khmih shaphang Sodom bad Gomorra, bad shaphang ka ri baroh jong kata ka pynthor, bad u la ïohi, bad ha khmih, ka tdem jong kata ka khyndew ka la kiew kum ka tdem ka lawar ding.
29Hynrei, U Blei, mynba u la pynduh thiaw ïa kita ki nongbah jong ka pynthor, u la kynmaw ïa u Abraham, bad u la phah noh ïa u Lot napdeng kata ka jingpynkyllon, mynba u la pynkyllon ïa kita ki nongbah ha kiba u la shong sah u Lot.
Ka tynrai jong ki Moab bad ki Ammon
30Te u Lot u la leit kiew na Soar, bad u la shong sah ha uta u lum lem bad ki khun kynthei jong u ar ngut; naba u la tieng ban shong sah ha Soar: te u la shong sah hapoh kawei ka krem, ma u bad ki khun kynthei jong u ar ngut. 31Bad kata kaba kham san na ki ka la ong ha kata kaba kham poh, “U kpa jong ngi u la tymmen, bad u briew ruh ym don ha ka pyrthei ban wan bsut sha ngi katba ka rukom ha ka pyrthei baroh. 32To ïa ngin ïa-ai kyiad umsoh Waiñ ïa u kpa jong ngi ban dih, ngi ruh ngin ïathiah lem bad u, khnang ba ngin ïoh sumar symbai na la u kpa.” 33Kumta keiñ, ki la ïa-ai kyiad umsoh Waiñ ïa u kpa jong ki ban dih ha kata ka miet: bad kata kaba kham san ka la leit bsut bad ka la thiah ryngkat bad u kpa jong ka; te um shym la tip lymne mynba ka la wan thiah, lymne mynba ka la khie. 34Te ka la jia ha kaba lashai pat, ba kata kaba kham san ka la ong ha kaba kham poh, “Ha khmih, nga la thiah mynhynne mynmiet ryngkat bad u kpa jong nga: to ïa ngin ïa-ai kyiad umsoh Waiñ biang ha u ban dih ha kane ka miet ruh; bad to da khie leit ma pha ruh, bad to da thiah ryngkat bad u, khnang ba ngin ïoh sumar symbai na la u kpa.” 35Kumta, ki la ïa-ai kyiad umsoh Waiñ ïa u kpa jong ki ha kata ka miet ruh: bad kata kaba kham poh ka la khie, bad ka la thiah lem bad u; te um shym la tip lymne mynba ka la wan thiah, lymne mynba ka la khie. 36Kumta, kita ki khun kynthei jong u Lot baroh ar ngut ki la punkhun na u kpa jong ki hi. 37Bad kata kaba kham san ka la kha ïa u khun, bad ka la khot kyrteng ïa u, “u Moab”: bad u la long ma u keiñ u kpa ki Moab haduh kane ka sngi. 38Bad kata kaba kham poh ruh ka la kha ïa u khun, bad ka la khot kyrteng ïa u, “u Ben-ammi”: u long ma u keiñ u kpa ki khun u Ammon haduh kane ka sngi.
Currently Selected:
JENESIS 19: KHB
Highlight
Share
Copy
Want to have your highlights saved across all your devices? Sign up or sign in
The Bible Society of India
JENESIS 19
19
Ka jingpynjot ïa ka Sodom bad ïa ka Gomorra
1Bad kita ki ar ngut ki angel ki la ïawan poi sha Sodom la janmiet; bad u Lot u da shong ha ka khyrdop ka Sodom: bad haba u Lot u la ïohi ïa ki, u la ïeng ban leit tan ïa ki; bad u la dem khrup ïa la ka khmat haduh ka khyndew; 2bad u la ong, “Ha khmih mynta, ko ki kynrad jong nga, to phai noh, nga kyrpad ïa phi, sha ka ïing u shakri jong phi, bad to da sah miet, bad to phin sait ïa la ki sla'jat, ynda kumta, phin ïoh khie dang step, bad ban nang leit noh ha ka jingleit jong phi.” Ki te ki la ïathuh, “Em, namar ba ngin sah ha ka lynti baroh shi miet.” 3Te u la ban kyntu eh ïa ki; hadien kata, ki la ïaphai sha u, bad ki la ïawan bsut sha ka ïing jong u; bad u la thaw ïa ka jingkhawai ïa ki, bad u la shet ïa u kpu bakhlem thiat, ki ruh ki la ïabam.
4Hynrei haba kim pat ïoh leit thiah, ki briew jong kata ka nongbah, ki briew jong ka shnong Sodom keiñ ki la ïaker kut sawdong ïa kata ka ïing, bad ki samla bad ki tymmen, u paidlang baroh keiñ na ka jaka baroh: 5bad ki la ïakhot ïa u Lot, bad ki la ïa-ong ha u, “Ha-ei kito ki briew kiba la ïawan sha me ha kane ka miet? to da pynmih shabar ïa ki sha ngi, ba ngin ïoh ithuh ïa ki.” 6Ynda kumta, u Lot u la wan sha ki ha ka jingkhang, u la khang ruh artad ïa ka jingkhang hadien jong u, 7bad u la ong, “Ha sngap, ko ki para, to wat da leh bymman kumta. 8Ha khmih mynta, nga don ar ngut ki khun kynthei ki bym pat shym la ithuh ïa u briew; to ai, nga kyrpad ïa phi, ba ngan wanlam noh ïa ki shabar sha phi mynta, bad to da leh ïa ki katba phi ibit: tang ïa kine ki briew to wat leh ei ei ruh em; namar na ka bynta kata ki la ïawan hapoh ka synrang ka jingsop jong nga.” 9Ki te ki la ïathuh, “Da shuh noh me ho.” Ki la ïa-ong ruh artad, “Une u la shu wan long u sohshnong shane, bad mynta un man long u nongbishar pynban: mynta ngin kham ïaleh sniew ha me, ban ïa kaba ha ki.” Bad ki la ïaban khia eh ïa uta u briew, ïa u Lot keiñ, bad ki la ïakyntur hajan ruh ban pynpait ïa ka jingkhang. 10Hynrei, kita ki briew haba ki la kner ïa la ki kti, ki la ïashim ñiat bad ki la ïaring ïa u Lot ha lade shapoh kata ka ïing, bad ki la khang ruh ïa kata ka jingkhang. 11Ki la shoh ruh ïa kita ki briew kiba hajan ka jingkhang kata ka ïing da ka jingmatlah, naduh u barit haduh u bakhraw: tad ynda ki da thait ban wad ïa kata ka jingkhang.
12Te kita ki briew ki la ong ha u Lot, “Me dang don shuh kino kino ruh hangne? ïa u pyrsa kurim, bad ïa ki khun shynrang jong me, bad ïa ki khun kynthei jong me, bad ïa kino kino ruh baroh kat kiba dei ki jong me ha kane ka nongbah, to men ïalam noh shabar na kane ka jaka: 13namar ngin sa pynduh noh thiaw ïa kane ka jaka, naba ka jingpyrta ki jinglehsniew jong ki ka la nang man jur eh ha khmat U Trai; te U Trai u la phah ïa ngi keiñ ban pynduh noh thiaw ïa ka.” 14U Lot, namar kata, u la leit shabar, bad u la kren ha la ki pyrsa kurim, kiba la shongkurim bad ki khun kynthei jong u, bad u la ong, “To phin khie joit, to da wan noh na kane ka jaka; naba U Trai un sa pynduh noh thiaw ïa kane ka nongbah.” Hynrei, ha khmat la ki pyrsa kurim u la imat long kum uba kren biria.
15Bad haba dang shai byrngut, te kita ki angel ki la ïaban kyntu eh ïa u Lot, ki da ong, “To mih joit noh, to shim ïa la ka tnga, bad ïa la ki khun kynthei ar ngut, ïa kiba me shem hangne; ba ïoh yn ing duh ma me ruh ha ka jingpynshitom ïa kane ka nongbah.” 16#2 Pet. 2:7.Te katba u la leh tud, kita ki briew ki la bat skhem ïa ka kti jong u, bad ïa ka kti ka tnga jong u, bad ïa ka kti ki khun kynthei jong u ar ngut; naba U Trai u leh isynei ïa u: bad ki la ïalam noh shabar ïa u, bad ki la ïabuh biang ïa u shabar kata ka nongbah. 17Bad ynda ki la lah ïalam shabar ïa ki, u la ong, “To da phet ïap noh me; to wat khmih kyrtiang dien, bad to wat sangeh me ha ka pyntha baroh; to da phet ïap noh sha uta u lum, ba ïoh yn ing duh ma me.” 18Te u Lot u la ong ha ki, “A ym kumta, ko Kynrad jong nga; 19ha khmih mynta, u shakri jong me u la shem ïa ka jingsngewbha ha khmat jong me, bad me la pynkhraw ïa la ka jingisynei, ïa kaba me la pyni ha nga da kaba pynim ïa nga; te ma nga, ngam lah phet ïap noh sha uta u lum, ba ïoh yn lap kaei kaei ruh ka jingsniew ïa nga, bad ba ngan ïap noh. 20Ha khmih mynta, kane ka shnong ka jan ban phet ïap noh sha ka, bad ka long kaba rit: A to shah ba ngan phet ïap noh shato, (kane kam long kaba rit shisha?) bad ka mynsiem jong nga kan ïohlait im.” 21U te u la ong ha u, “Ha khmih, nga la shah keiñ ïa me shaphang kane ruh, ba ngan ym pynkyllon noh ïa kane ka shnong, shaphang kaba me la kren. 22To da pynkloi noh, to da phet ïap noh shato; naba ngam lah leh ei ei ruh em ha ban da me la poi shato.” Namar kata, la khot ïa kata ka shnong “ka Soar”. 23Ka sngi ka la dang mih shalor ka khyndew hamar ba u Lot u la leit bsut ha Soar.
24 #
Mat. 10:15; 11:23-24; Luk. 10:12; 17:29; 2 Pet. 2:6; Jud. 1:7. Ynda kumta, U Trai u la pynhap slap halor ka Sodom bad Gomorra da u kyndok bad da ka ding na U Trai na bneng; 25kumta, u la pynkyllon thiaw ïa kita ki nongbah, bad ïa kata ka pynthor baroh, bad ïa ki trai-shnong jong kita ki nongbah baroh, bad ïa kiei kiei ruh kiba mih na ka khyndew. 26#Luk. 17:32.Hynrei, ka tnga jong u Lot ka la khmih kyrtiang dien na shadien jong u, te ka la man long ka païa maw mluh.
27Bad u Abraham u la khie dang step phyrngab ban leit sha kata ka jaka ha kaba u la lah ïeng ha khmat U Trai: 28#Jpw. 9:2.bad u la khmih shaphang Sodom bad Gomorra, bad shaphang ka ri baroh jong kata ka pynthor, bad u la ïohi, bad ha khmih, ka tdem jong kata ka khyndew ka la kiew kum ka tdem ka lawar ding.
29Hynrei, U Blei, mynba u la pynduh thiaw ïa kita ki nongbah jong ka pynthor, u la kynmaw ïa u Abraham, bad u la phah noh ïa u Lot napdeng kata ka jingpynkyllon, mynba u la pynkyllon ïa kita ki nongbah ha kiba u la shong sah u Lot.
Ka tynrai jong ki Moab bad ki Ammon
30Te u Lot u la leit kiew na Soar, bad u la shong sah ha uta u lum lem bad ki khun kynthei jong u ar ngut; naba u la tieng ban shong sah ha Soar: te u la shong sah hapoh kawei ka krem, ma u bad ki khun kynthei jong u ar ngut. 31Bad kata kaba kham san na ki ka la ong ha kata kaba kham poh, “U kpa jong ngi u la tymmen, bad u briew ruh ym don ha ka pyrthei ban wan bsut sha ngi katba ka rukom ha ka pyrthei baroh. 32To ïa ngin ïa-ai kyiad umsoh Waiñ ïa u kpa jong ngi ban dih, ngi ruh ngin ïathiah lem bad u, khnang ba ngin ïoh sumar symbai na la u kpa.” 33Kumta keiñ, ki la ïa-ai kyiad umsoh Waiñ ïa u kpa jong ki ban dih ha kata ka miet: bad kata kaba kham san ka la leit bsut bad ka la thiah ryngkat bad u kpa jong ka; te um shym la tip lymne mynba ka la wan thiah, lymne mynba ka la khie. 34Te ka la jia ha kaba lashai pat, ba kata kaba kham san ka la ong ha kaba kham poh, “Ha khmih, nga la thiah mynhynne mynmiet ryngkat bad u kpa jong nga: to ïa ngin ïa-ai kyiad umsoh Waiñ biang ha u ban dih ha kane ka miet ruh; bad to da khie leit ma pha ruh, bad to da thiah ryngkat bad u, khnang ba ngin ïoh sumar symbai na la u kpa.” 35Kumta, ki la ïa-ai kyiad umsoh Waiñ ïa u kpa jong ki ha kata ka miet ruh: bad kata kaba kham poh ka la khie, bad ka la thiah lem bad u; te um shym la tip lymne mynba ka la wan thiah, lymne mynba ka la khie. 36Kumta, kita ki khun kynthei jong u Lot baroh ar ngut ki la punkhun na u kpa jong ki hi. 37Bad kata kaba kham san ka la kha ïa u khun, bad ka la khot kyrteng ïa u, “u Moab”: bad u la long ma u keiñ u kpa ki Moab haduh kane ka sngi. 38Bad kata kaba kham poh ruh ka la kha ïa u khun, bad ka la khot kyrteng ïa u, “u Ben-ammi”: u long ma u keiñ u kpa ki khun u Ammon haduh kane ka sngi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India