JENESIS 36

Kiba hiar pateng na u Iso

(1 Khrn. 1:34-36)

1Bad kine ki long ki jinghiar pateng jong u Iso, u kynja Edom. 2#Jen. 26:34; 28:9.U Iso u la shim ïa la ki tnga na ki khun kynthei ki kynja Kanaan: ka Adah ka khun u Elon u kynja Hit, bad ka Aholibamah ka khun ka Anah ka khun u Sibeon u kynja Hib, 3bad ka Bashemath ka khun u Ishmael, ka para u Nebaioth. 4Bad ka Adah ka la kha ïa u Eliphas ha u Iso; bad ka Bashemath ka la kha ïa u Reuel; 5bad ka Aholibamah ka la kha ïa u Jeush, bad ïa u Jaalam, bad ïa u Korah: kine ki long ki khun shynrang ki jong u Iso, ïa kiba la kha ha u ha ka ri Kanaan.

6Bad u Iso u la shim ïa la ki tnga, bad ïa la ki khun, ki kynthei bad ki shynrang, bad ïa ki mynsiem baroh kiba la dei ïa ka ïing jong u, bad ïa la ki jingri, bad ïa la ki mrad baroh, bad ïa la ka spah baroh, ïa kaba u la ïoh ha ka ri Kanaan; bad u la leit noh sha ka ri kaba kyrpang na khmat u Jakob u para jong u. 7Naba ka spah jong ki ka la bun katta katba kim lah shuh ban ïashong ryngkat; bad kata ka ri ha kaba ki la ïalong sohshnong kam lah bsa ïa ki baroh namar ki jingri jong ki. 8Kumta, u Iso u la shong duh ha u lum Seir: u Iso u long u Edom.

9Bad kine ki long ki jinghiar pateng ki jong u Iso u kpa ki kynja Edom ha u lum Seir. 10Kine ki long ki kyrteng ki khun shynrang u Iso: u Eliphas u khun ka Adah ka tnga u Iso, u Reuel u khun ka Bashemath ka tnga u Iso. 11Bad ki khun shynrang u Eliphas ki la long: u Teman, u Omar, u Sepho, bad u Gatam, bad u Kenas. 12Bad ka Timna ka la long ka tnga ba kham poh ka jong u Eliphas u khun u Iso; bad ka la kha ïa u Amalek ha u Eliphas: kine ki la long ki khun shynrang ka Adah ka tnga u Iso. 13Bad kine ki long ki khun shynrang u Reuel: u Nahath, bad u Serah, u Shammah, bad u Missah; kine ki la long ki khun shynrang ki jong ka Bashemath ka tnga u Iso. 14Bad kine ki la long ki khun shynrang ka Aholibamah, ka khun ka Anah ka khun u Sibeon, ka tnga u Iso: bad ka la kha ha u Iso ïa u Jeush, bad ïa u Jaalam, bad ïa u Korah.

15Kine ki long ki syiem jong ki khun shynrang u Iso: kiba ki khun shynrang u Eliphas, u khun banyngkong u Iso: u Teman syiem, u Omar syiem, u Sepho syiem, u Kenas syiem. 16U Korah syiem, u Gatam syiem, u Amalek syiem: kine ki long ki syiem kiba la mih na u Eliphas ha ka ri Edom: bad kine ki long ki khun shynrang ka Adah. 17Bad kine ki long ki khun shynrang u Reuel u khun u Iso: u Nahath syiem, u Serah syiem, u Shammah syiem, u Missah syiem: kine ki long ki syiem na u Reuel ha ka ri Edom; kine ki long ki khun shynrang ka Bashemath ka tnga u Iso. 18Bad kine ki long ki khun shynrang ka Aholibamah ka tnga u Iso: u Jeush syiem, u Jaalam syiem, u Korah syiem: kine ki long ki syiem kiba la mih na ka Aholibamah kaba ka khun ka Anah ka tnga u Iso. 19Kine ki long ki khun shynrang u Iso, uba long u Edom, bad kine ki long ki syiem jong ki.

Kiba hiar pateng na u Seir

(1 Khrn. 1:38-42)

20 # 1 Khrn. 1:38-42. Kine ki long ki khun shynrang u Seir u kynja Hor, kiba la ju shong sah ha kata ka ri: u Lotan, bad u Shobal, bad u Sibeon, bad u Anah, 21bad u Dishon, bad u Eser, bad u Dishan: kine ki long ki syiem jong ki kynja Hor, kiba ki khun shynrang u Seir ha ka ri Edom. 22Bad ki khun shynrang u Lotan ki la long: u Hori bad u Hemam; bad ka para u Lotan ka la long ka Timna. 23Bad kine ki long ki khun shynrang u Shobal: u Alban, bad u Manahath, bad u Ebal, bad u Shepho, bad u Onam. 24Bad kine ki long ki khun shynrang u Sibeon: u Aïah bad u Anah: une u long uta u Anah uba la shem ïa kita ki pukri um mihpohliew bashit, mynba u pynbam phlang ïa ki kadda jong u Sibeon u kpa jong u. 25Bad kine ki long ki khun u Anah: u Dishon, bad ka Aholibamah, ka khun u Anah. 26Bad kine ki long ki khun shynrang u Dishon: u Hemdan, bad u Eshban, bad u Ithran, bad u Kheran. 27Bad kine ki long ki khun shynrang u Eser: u Bilhan, bad u Saaban, bad u Akan. 28Kine ki long ki khun u Dishan: u Us, bad u Aran. 29Kine ki long ki syiem kiba la mih na ki kynja Hor: u Lotan syiem, u Shobal syiem, u Sibeon syiem, bad u Anah syiem, 30u Dishon syiem, u Eser syiem, u Dishan syiem: kine ki long ki syiem kiba la mih na ki kynja Hor; kumba shong ka jinglong syiem jong ki ha ka ri Seir.

Ki Syiem ka ri Edom

(1 Khrn. 1:43-54)

31 # 1 Khrn. 1:43-53. Bad kine ki long kita ki syiem kiba la synshar ha ka ri Edom, mynshuwa ba la synshar da u syiem halor ki khun Israel. 32Bad u Bela u khun u Beor u la synshar ha ka ri Edom: bad ka kyrteng ka nongbah jong u ka la long “ka Dinhabah”. 33Bad u Bela u la ïap, bad u Jobab u khun u Serah na Bosrah, u la synshar ha ka jaka jong u. 34Bad u Jobab u la ïap, bad u Husham na ka ri ki kynja Teman, u la synshar ha ka jaka jong u. 35Bad u Husham u la ïap, bad ha ka jaka jong u, u la synshar u Hadad, u khun u Bedad, uba la shoh ïa u Midian ha ka lyngkha u Moab; bad ka kyrteng ka nongbah jong u ka la long “ka Abith”. 36Bad u Hadad u la ïap, bad u Samlah na Masrekah u la synshar ha ka jaka jong u. 37Bad u Samlah u la ïap, bad ha ka jaka jong u la synshar u Saul uba na Rehoboth kaba harud ka wah. 38Bad u Saul u la ïap, bad u Baal-hanan u khun u Akhbor u la synshar ïa ka jaka jong u. 39Bad u Baal-hanan u khun u Akhbor u la ïap, bad u Hadar u la synshar ha ka jaka jong u: bad ka kyrteng ka nongbah jong u ka la long “ka Pau”; bad ka kyrteng ka tnga jong u ka la long “ka Mehetabel”, ka khun ka Matred#36:39 ka Matred: Ha ki edition jong Ka Baibl kiba mynshuwa la buh da ka kyrteng u Matred kaba ïajan bad ka Septuagint kaba long ka Greek Translation. Hynrei haba nujor bad 1 Khronikl 1:50, na kiwei de ki dictionary Hebru, bad na ki kyntien kiba bud kiba don ha kane ka dkhot; ka shai ba ka kyrteng Matred ka dei ka kyrteng jong ka khun u Mesahab., bad ka khun u Mesahab.

40Kumta, kine ki long ki kyrteng ki syiem kiba la mih na u Iso, ha la ka ïing ka ïing, ha la ka jaka jaka, da la ki kyrteng hi: u Timna syiem, u Albah syiem, u Jetheth syiem, 41u Aholibamah syiem, u Elah syiem, u Pinon syiem, 42u Kenas syiem, u Teman syiem, u Mibsar syiem, 43u Magdiel syiem, u Iram syiem: kine ki long ki syiem ka ri Edom, kumba ki ïashong sah ha la ka shnong ka shnong, ha la ka ri la ka jong ka jong: une u long u Iso u kpa ki kynja Edom.

Currently Selected:

JENESIS 36: KHB

Highlight

Copy