Yuörö 10
10
Tomiet nagon a mayat
1A MATAT takiŋdye Mose adi, iti ko Paro yu; kogwon nan lepeŋ lo tupömöni ’yö töili lonyit, se ko töilyet ti kölipönök kanyit, anyen nan böŋö kwekiŋdya kweyesi kwe kune kase kiden, 2anyen do böŋö nyönyö kökin ŋuro ilot se ko ŋuro lo ŋuro ilot anyen se yiyiŋ ko ŋo a nyo nagon nan a konakin Ŋutu ti Ejipeto, Köti ko kweyesi kwe a nyo nagon nan a kon kase kiden kune; anyen ta böŋö deden adi nan a MATAT.
3A Mose ko Arona lupöni ko Paro yu, a kulyani ko lepeŋ adi, MATAT Ŋun lo Ebere lo pija adi, Diŋit ŋoman nagon do renya tokoyogga mugun koyo i komor? Kölörö Ŋutu kwe anyen se böŋö tu kitakiŋdya nan. 4Ama ko do ti ’bön kölöddu Ŋutu kwe, mete, ko ’bure nan de jojon mayat konut i jur,
5a se de muŋge kak, a Ŋutu tine bulo meddya kak; a se de nyesi pitönö ti kinyo lo pitöki ta i torok ti kudu kulo, a se de nyesi kaden liŋ logon a punun kasu i meleseno kilo, 6a kadijik kunök, ko kadijik ti köliponok kulök liŋ se ko kadijik ti Ŋutu ti Ejipeto liŋ mo jorene jore ko mayat; gwoso nagon komunyi kasu se ko merenyejin kasu a ko meddi kwöŋ na, suluja i lor lo suluje se gwon i na kak lu tojo ko lo lor. A Mose wöriŋöni wöriŋö a lupöni kaŋo ko Paro i komor.
7A kölipönök ti Paro kulo pipije lepeŋ adi, Diŋit ŋoman lo ŋuto yeŋon gwon a widi nikao? Kölörö kilo Ŋutu anyen se tu kitakiŋdya MATAT Ŋun lose; do a ko nyuŋ kuruŋdyo adi Ejipeto aje körö? 8A Mose ko Arona nyökwene ko Paro ni; a nye kulyani ko lepeŋat adi, iŋgo iti ta, tu kitakiŋdye ta MATAT Ŋun losu; ama ko ŋa lo tu?
9A Mose waddi adi, Yi tutu ko lupu-diet kaŋ ko muduŋin kaŋ, ko ŋwajik kaŋ lyan ko nawate, ko teŋon ti yidin, ko ti kisuk, yi babarara se; kogwon yi ködyötu i konakiŋdya na MATAT rorwe.
10A nye kulyani ko lepeŋat adi, Ti MATAT gwe ko ta ko kodyo nan a kölörö ta se ko lupudiet kasu! Ama kunyar ta, kogwon ta gwon ko yeyeesi narok kasu i töilyet. 11’Bayin sona kwön, ta logon a Ŋutu lyan kilo iti ta i kitakiŋdya na MATAT; kogwon ŋina a ŋo nagon ta ’de ’dekan. A se riköjine kaŋo ko Paro i komor.
12A MATAT kulyani ko Mose adi, Riörö könin ilot i jur lo Ejipeto i luŋgu na mayat, anyen se ’du ’durökin i jur lo Ejipeto i nyesu na ŋo liŋ na wilan i jur, ma ’di se liŋ logon torok ti kudu a pitun kulo. 13A Mose riöddi ture lonyit ki i jur lo Ejipeto, a MATAT joŋdi köbuŋöt lo swöt lo ’yure i lu jur i ŋilu tuparan liŋ, ko i ŋilu tukwaje liŋ; a nagon kak aje waran nu, a köbuŋöt lo ’yure joŋdi mayat. 14#Kwe 9.2, 3 A mayat reki i jur lo Ejipeto liŋ, a se si ’dani i jur lo Ejipeto ’bukuluŋ a ’diko duma parik gwoso nagon Ŋutu köju a ko met ’beron a mo tine meta Köti. 15Kogwon se a muk kak ’bukuluŋ, nyena a kak poŋdi a mudwe, a se iŋge nyö ŋo liŋ lo wilan i jur, ko ludweki liŋ ti kaden logon torok ti kudu aje pitun kulo; ŋo lodök a ko pitun i jur lo Ejipeto liŋ ma ’di ködini kode ŋo lo wilan mu ’diŋ. 16A kirut Paro luŋgi Mose ko Arona ’de ’de a kulyani adi, Nan aje giran ko MATAT Ŋun losu i komor, ko kasu i komor koti. 17Nyena-gon soŋinana, nan mo ’yu do, pitöki nan toron nio i na daŋ geleŋ tuŋ, ko mo-mo ’yi MATAT Ŋun losu anyen nye joŋga kaŋo koyo na tomiet geleŋ na tatatuja na. 18A Mose poŋdi kaŋo ko Paro i komor, a momo ’yi MATAT.
19A MATAT löpukuŋdye köbuŋöt iŋgo parik i swöt lo tokotyaŋ logon ’dokoddu mayat liŋ, a wuköddi se tojo i Tör Nator; a mayat gwe a ko pituŋdyö ma ’di geleŋ to i jur lo Ejipeto ’bukuluŋ.
20Ama a MATAT togo ’yi töili lo Paro, a nye tine kölörö Ŋutu ti Yisaraele asut.
Tomiet nagon a mudwe
21A MATAT takiŋdye Mose adi, Riörö könin ilot ki yuddya ’dikolo, anyen mudwe pokin i jur lo Ejipeto, kweja adi ŋilo a mudwe logon Ŋutu wawaju. 22#Sau 105.28; Kwe 16.10 A Mose riöddi könin lonyit ki yuddya ’dikolo; a mudwe lurwö adi ’dii gwe i jur lo Ejipeto liŋ ko perok musala; 23a se tine tomet ko ’borik, a ŋuto tine ŋien ki kanyit i pirit ko perok musala; ama a Ŋutu ti Yisaraele liŋ gwe ko parara i pirit na gwoŋdi se nu.
24A Paro luŋgi Mose, a kulyani adi, Iŋgo iti ta, tu kitakiŋdye ta MATAT ta se ko lupudiet kasu liŋ i pirit na geleŋ, ama tuŋ ti teŋon ti yidin kasu ko ti kisuk kasu möŋdi kayaŋ ni. 25A Mose kulyani adi, Do Köti ködyö tiŋdu yi toro ’bo lo ’du ’duŋö a rubaŋgajin ko lo ’yuraki MATAT Ŋun likaŋ ’buluŋ.
26Iŋkoi, yi agu ködyö babarara toro ’bo kao; lele moköt geleŋ ti kolwe bot, kogwon yi agu ’dumuŋdya i se anyen kitakiŋdya MATAT Ŋun likaŋ; a yi kulo tine den koyi kitakiŋdya MATAT ko kulon ŋo tojo yi a ’dur nyu. 27Ama a MATAT Köti togo ’yi töili lo Paro, a nye tine ’bon kölöddu lepeŋat. 28A Paro kulyani ko Mose adi, iŋgo ŋiörö kaŋo köyö, kunyar mugun; do mo ti met komor nio Köti asut; kogwon i lor logon do meddi komor nio lu do mo twatwan.
29A Mose kulyani adi, Do aje kulya ’bura; nan mo ti met komor inot Köti asut.
Currently Selected:
Yuörö 10: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
Yuörö 10
10
Tomiet nagon a mayat
1A MATAT takiŋdye Mose adi, iti ko Paro yu; kogwon nan lepeŋ lo tupömöni ’yö töili lonyit, se ko töilyet ti kölipönök kanyit, anyen nan böŋö kwekiŋdya kweyesi kwe kune kase kiden, 2anyen do böŋö nyönyö kökin ŋuro ilot se ko ŋuro lo ŋuro ilot anyen se yiyiŋ ko ŋo a nyo nagon nan a konakin Ŋutu ti Ejipeto, Köti ko kweyesi kwe a nyo nagon nan a kon kase kiden kune; anyen ta böŋö deden adi nan a MATAT.
3A Mose ko Arona lupöni ko Paro yu, a kulyani ko lepeŋ adi, MATAT Ŋun lo Ebere lo pija adi, Diŋit ŋoman nagon do renya tokoyogga mugun koyo i komor? Kölörö Ŋutu kwe anyen se böŋö tu kitakiŋdya nan. 4Ama ko do ti ’bön kölöddu Ŋutu kwe, mete, ko ’bure nan de jojon mayat konut i jur,
5a se de muŋge kak, a Ŋutu tine bulo meddya kak; a se de nyesi pitönö ti kinyo lo pitöki ta i torok ti kudu kulo, a se de nyesi kaden liŋ logon a punun kasu i meleseno kilo, 6a kadijik kunök, ko kadijik ti köliponok kulök liŋ se ko kadijik ti Ŋutu ti Ejipeto liŋ mo jorene jore ko mayat; gwoso nagon komunyi kasu se ko merenyejin kasu a ko meddi kwöŋ na, suluja i lor lo suluje se gwon i na kak lu tojo ko lo lor. A Mose wöriŋöni wöriŋö a lupöni kaŋo ko Paro i komor.
7A kölipönök ti Paro kulo pipije lepeŋ adi, Diŋit ŋoman lo ŋuto yeŋon gwon a widi nikao? Kölörö kilo Ŋutu anyen se tu kitakiŋdya MATAT Ŋun lose; do a ko nyuŋ kuruŋdyo adi Ejipeto aje körö? 8A Mose ko Arona nyökwene ko Paro ni; a nye kulyani ko lepeŋat adi, iŋgo iti ta, tu kitakiŋdye ta MATAT Ŋun losu; ama ko ŋa lo tu?
9A Mose waddi adi, Yi tutu ko lupu-diet kaŋ ko muduŋin kaŋ, ko ŋwajik kaŋ lyan ko nawate, ko teŋon ti yidin, ko ti kisuk, yi babarara se; kogwon yi ködyötu i konakiŋdya na MATAT rorwe.
10A nye kulyani ko lepeŋat adi, Ti MATAT gwe ko ta ko kodyo nan a kölörö ta se ko lupudiet kasu! Ama kunyar ta, kogwon ta gwon ko yeyeesi narok kasu i töilyet. 11’Bayin sona kwön, ta logon a Ŋutu lyan kilo iti ta i kitakiŋdya na MATAT; kogwon ŋina a ŋo nagon ta ’de ’dekan. A se riköjine kaŋo ko Paro i komor.
12A MATAT kulyani ko Mose adi, Riörö könin ilot i jur lo Ejipeto i luŋgu na mayat, anyen se ’du ’durökin i jur lo Ejipeto i nyesu na ŋo liŋ na wilan i jur, ma ’di se liŋ logon torok ti kudu a pitun kulo. 13A Mose riöddi ture lonyit ki i jur lo Ejipeto, a MATAT joŋdi köbuŋöt lo swöt lo ’yure i lu jur i ŋilu tuparan liŋ, ko i ŋilu tukwaje liŋ; a nagon kak aje waran nu, a köbuŋöt lo ’yure joŋdi mayat. 14#Kwe 9.2, 3 A mayat reki i jur lo Ejipeto liŋ, a se si ’dani i jur lo Ejipeto ’bukuluŋ a ’diko duma parik gwoso nagon Ŋutu köju a ko met ’beron a mo tine meta Köti. 15Kogwon se a muk kak ’bukuluŋ, nyena a kak poŋdi a mudwe, a se iŋge nyö ŋo liŋ lo wilan i jur, ko ludweki liŋ ti kaden logon torok ti kudu aje pitun kulo; ŋo lodök a ko pitun i jur lo Ejipeto liŋ ma ’di ködini kode ŋo lo wilan mu ’diŋ. 16A kirut Paro luŋgi Mose ko Arona ’de ’de a kulyani adi, Nan aje giran ko MATAT Ŋun losu i komor, ko kasu i komor koti. 17Nyena-gon soŋinana, nan mo ’yu do, pitöki nan toron nio i na daŋ geleŋ tuŋ, ko mo-mo ’yi MATAT Ŋun losu anyen nye joŋga kaŋo koyo na tomiet geleŋ na tatatuja na. 18A Mose poŋdi kaŋo ko Paro i komor, a momo ’yi MATAT.
19A MATAT löpukuŋdye köbuŋöt iŋgo parik i swöt lo tokotyaŋ logon ’dokoddu mayat liŋ, a wuköddi se tojo i Tör Nator; a mayat gwe a ko pituŋdyö ma ’di geleŋ to i jur lo Ejipeto ’bukuluŋ.
20Ama a MATAT togo ’yi töili lo Paro, a nye tine kölörö Ŋutu ti Yisaraele asut.
Tomiet nagon a mudwe
21A MATAT takiŋdye Mose adi, Riörö könin ilot ki yuddya ’dikolo, anyen mudwe pokin i jur lo Ejipeto, kweja adi ŋilo a mudwe logon Ŋutu wawaju. 22#Sau 105.28; Kwe 16.10 A Mose riöddi könin lonyit ki yuddya ’dikolo; a mudwe lurwö adi ’dii gwe i jur lo Ejipeto liŋ ko perok musala; 23a se tine tomet ko ’borik, a ŋuto tine ŋien ki kanyit i pirit ko perok musala; ama a Ŋutu ti Yisaraele liŋ gwe ko parara i pirit na gwoŋdi se nu.
24A Paro luŋgi Mose, a kulyani adi, Iŋgo iti ta, tu kitakiŋdye ta MATAT ta se ko lupudiet kasu liŋ i pirit na geleŋ, ama tuŋ ti teŋon ti yidin kasu ko ti kisuk kasu möŋdi kayaŋ ni. 25A Mose kulyani adi, Do Köti ködyö tiŋdu yi toro ’bo lo ’du ’duŋö a rubaŋgajin ko lo ’yuraki MATAT Ŋun likaŋ ’buluŋ.
26Iŋkoi, yi agu ködyö babarara toro ’bo kao; lele moköt geleŋ ti kolwe bot, kogwon yi agu ’dumuŋdya i se anyen kitakiŋdya MATAT Ŋun likaŋ; a yi kulo tine den koyi kitakiŋdya MATAT ko kulon ŋo tojo yi a ’dur nyu. 27Ama a MATAT Köti togo ’yi töili lo Paro, a nye tine ’bon kölöddu lepeŋat. 28A Paro kulyani ko Mose adi, iŋgo ŋiörö kaŋo köyö, kunyar mugun; do mo ti met komor nio Köti asut; kogwon i lor logon do meddi komor nio lu do mo twatwan.
29A Mose kulyani adi, Do aje kulya ’bura; nan mo ti met komor inot Köti asut.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.