Yuörö 9
9
Tomiet na tomierikin toro ’bo
1Nyena a MATAT kulyani ko Mose adi, Lupöni ko Paro yu, taki lepeŋ adi, MATAT Ŋun lo Ebere lo kulya adi, Kölörö Ŋutu kwe, anyen se böŋö tu kitakiŋdya nan. 2Kogwon ko do a renya kölöddu lepeŋat, a do puja nyuŋ gwon i teŋgu na se, 3mete, a MATAT mo tiŋdi twanti iŋgo lo pömöni i toro ’bo kunok na gwon mu ’diŋ kune, ko i kusanjin, ko i kaineki, ko i kamilo jin, ko i teŋon ti kisuk se ko ti yidin.
4A MATAT mo koruŋdye i kiden na toro ’bo ti Ŋutu ti Yisaraele ko na toro ’bo ti Ŋutu ti Ejipeto, a nene turu ’buti geleŋ na Ŋutu ti Yisaraele mo tine twan kwoŋ. 5A MATAT wuluŋdye diŋit a kulyani adi, Ko ’bure nan MATAT de koŋdya ŋina ŋo i lo jur.
6A MATAT koŋdi sona i ŋilu ko ’bure, a toro ’bo liŋ ti Ŋutu ti Ejipeto iŋge twatwa, ama a toro ’bo ti Ŋutu ti Yisaraele gwe a ko twatwa ma ’di geleŋ to. 7A Paro soŋdi Ŋutu i meddya, a se meddi adi toro ’bo ti Ŋutu ti Yisaraele a ko twatwa ma ’di geleŋ to. Kölumbö a töili lo Paro gwe pömöni, a nye tine kölörö kulo Ŋutu.
Tomiet nagon a köruru
8A MATAT kulyani to Mose ko Arona adi, Yunuŋdye ta kurök i pirit namet na sapya kasu i könisi ko ti Mose rataddi se ki ko Paro i komor. 9A se de worani a ŋutu naliliŋök i jur lo Ejipeto liŋ, a se worani a köruru na pu ’do a ’butöt i Ŋutu ko i toro ’bo i jur lo Ejipeto liŋ. 10#Kwe 16.2 A se yunuŋdye kurök i pirit namet na sapya, a gwo ’de ko Paro i komor, a Mose rataddi se ki, a se worani a köruru na pu ’do a ’butöt ko Ŋutu i mugunya ko i toro ’bo Köti. 11A ’bunuk tine bulö gwo ’dan ko Mose i komor kogwon kine köruru, kogwon köruru kune gwe i ’bunuk ko i Ŋutu liŋ ti Ejipeto. 12Ama a MATAT togo ’yi töili lo Paro, a nye tine ’bön yiŋga lepeŋat asut; gwoso nagon MATAT aje kulyari ko Mose nu.
Tomiet nagon a torok ti kudu
13A MATAT kulyani ko Mose adi, Ŋine ki kotumalu ’beron, ko gwo ’de ko Paro i komor, kulyani ko lepeŋ adi, MATAT Ŋun lo Ebere lo kulya adi, Kölörö Ŋutu kwe, anyen se tu kitakiŋdya nan. 14Kogwon i na diŋit na, nan de soson ŋo kwe liŋ na totomijö konut i töili, ko i kölipönök kulök, ko i Ŋutu kulök; anyen do böŋö deden adi lele ’bayin gwoso nan i kak ’bukuluŋ. 15Kogwon suluja i nu diŋit tojo ko soŋinana ko nan ködyö a riöddu könin lio i gwuddyö na do se ko Ŋutu kulök ko twanti iŋgo, a do ködyö aje tukara i na kak; 16#Rom 9.17 ama ko ŋina kwe nan aje kolökin do i gwon jörun, anyen kwekiŋdya do riŋit nio, anyen karin kwe böŋö totokuöji i kak ’bukuluŋ. 17Do ŋona puja gwon i ’dulukiŋdya na mugun ki i Ŋutu kwe a tine kölöddu se le? 18Mete, kotumalu gwoso i na diŋit na, nan de to ’doju torok ti kudu logon ’don ko riŋit a duma parik. Torok ti kudu gwoso kilo ’beron a ko ’don i jur lo Ejipeto suluja i lor lo pipiluri nye lu tojo ko soŋinana. 19Nyenagon soŋinana sonyoddi Ŋutu i nyoŋuŋdya na toro ’bo kunök ko ŋo kunök liŋ na gwon mu ’diŋ kunu; kogwon Ŋutu liŋ ko toro ’bo liŋ logon ’bunyöki mu ’diŋ, logon a ko toyitwe i midijik kulo, torok de roja ko lepeŋat loki a se twatwane twatwa. 20a Ŋutu logon kukujönö kulyaet lo MATAT i kiden na kölipönök ti Paro kulo rurumuŋdye ’dupi kase ko toro ’bo kase i kadijik lukata; 21ama a Ŋutu logon ti yeyeju kulyaet lo MATAT kulo kölökiŋdye ’dupi kase ko toro ’bo kase mu ’diŋ.
22A MATAT kulyani ko Mose adi, Riörö könin ilot ki yuddya ’dikolo anyen torok ti kudu böŋö ’don i jur liŋ lo Ejipeto, ko i Ŋutu, ko i toro ’bo, ko i ŋo liŋ logon a wilan i jur liŋ lo Ejipeto kulo. 23A Mose riöddi ture lonyit ki yuddya ’dikolo; a MATAT sunyuŋdye kipyala ti ki ko torok ti kudu, a kimaŋ na tuluŋdye tojo i kak. A MATAT to ’doji torok ti kudu i jur lo Ejipeto liŋ
24 #
Kwe 8.7; 16.21 Nyena a torok ti kudu, ko kimaŋ na meme ’dekta i torok kata na ’do ’done ko riŋit a duma parik. Torok ti kudu gwoso kilo ’beron a ko gwon sona i jur lo Ejipeto liŋ suluja i pipilu nanyit a jur lo Ŋutu. 25A torok ti kudu gwutö kiŋdye kak ŋo liŋ na gwon mu ’diŋ i jur lo Ejipeto ’bukuluŋ, kode a Ŋutu kode a toro ’bo; a torok ti kudu gwutökiŋdye kak ŋo liŋ lo wilan i melesen, a ’be ’be-leŋgi kaden liŋ ti mu ’diŋ 26Tuŋ a torok ti kudu gwe ’bayin i jur lo Gosene lo gwoŋdi Ŋutu ti Yisaraele kata lu.
27A Paro soŋdi kutuk, a luŋgi Mose ko Arona, a kulyani ko lepeŋat adi, Nan a giran i na diŋit; MATAT a lo rigwo, a nan ko Ŋutu kwe iŋge lyaŋan.
28Momo ’yi ta MATAT, kogwon kilo kipyala ti ki ko torok ti kudu aje jukin; a nan de kölöddi ta, a ta koti tine si ’da ni kwoŋ 29A Mose kulyani ko lepeŋ adi, ’De ’de ko nan aje lupödöu kaŋo köji kata, a nan de mamanyaddi ko könisi kwe ko MATAT yu; a kipyala ti ki kilo de kö ’yi peja, a torok ti kudu de gwe ’bayin Köti, anyen do deden adi na kak a na MATAT. 30Ama ko gwe gwoso do se ko kölipönök kulök, nan a den adi ta puja ti kujönö MATAT Ŋun. ( 31Waro ko ’bolot saora a korö kogwon ’bolot saora a losim ko waro a turö,
32ama a ’bolot se ko ’bolot gamö gwe a ko körö kogwon se ’duruŋdyö bot.)
33A Mose lupöni kaŋo köji kata ko Paro i komor, a mamanyaddi ko MATAT yu ko könisi kanyit; a kipyala ti ki se ko torok ti kudu kö ’yi kö ’yu, a kudu wase wasan i kak. 34Ama a Paro ko meddi adi kudu ko torok se ko kipyala ti ki aje kö ’yu nu, a nye lwöŋgi lwöŋgu Köti i toroŋdya, a nye tupö-möni ’ye töili lonyit, nye se ko kolipo-nök kanyit. 35A töili lo Paro iŋge golon, a nye tine ’bön kölöddu Ŋutu ti Yisaraele kwöŋ; gwoso nagon MATAT aje kulyari ko Mose i kutuk nu.
Currently Selected:
Yuörö 9: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
Yuörö 9
9
Tomiet na tomierikin toro ’bo
1Nyena a MATAT kulyani ko Mose adi, Lupöni ko Paro yu, taki lepeŋ adi, MATAT Ŋun lo Ebere lo kulya adi, Kölörö Ŋutu kwe, anyen se böŋö tu kitakiŋdya nan. 2Kogwon ko do a renya kölöddu lepeŋat, a do puja nyuŋ gwon i teŋgu na se, 3mete, a MATAT mo tiŋdi twanti iŋgo lo pömöni i toro ’bo kunok na gwon mu ’diŋ kune, ko i kusanjin, ko i kaineki, ko i kamilo jin, ko i teŋon ti kisuk se ko ti yidin.
4A MATAT mo koruŋdye i kiden na toro ’bo ti Ŋutu ti Yisaraele ko na toro ’bo ti Ŋutu ti Ejipeto, a nene turu ’buti geleŋ na Ŋutu ti Yisaraele mo tine twan kwoŋ. 5A MATAT wuluŋdye diŋit a kulyani adi, Ko ’bure nan MATAT de koŋdya ŋina ŋo i lo jur.
6A MATAT koŋdi sona i ŋilu ko ’bure, a toro ’bo liŋ ti Ŋutu ti Ejipeto iŋge twatwa, ama a toro ’bo ti Ŋutu ti Yisaraele gwe a ko twatwa ma ’di geleŋ to. 7A Paro soŋdi Ŋutu i meddya, a se meddi adi toro ’bo ti Ŋutu ti Yisaraele a ko twatwa ma ’di geleŋ to. Kölumbö a töili lo Paro gwe pömöni, a nye tine kölörö kulo Ŋutu.
Tomiet nagon a köruru
8A MATAT kulyani to Mose ko Arona adi, Yunuŋdye ta kurök i pirit namet na sapya kasu i könisi ko ti Mose rataddi se ki ko Paro i komor. 9A se de worani a ŋutu naliliŋök i jur lo Ejipeto liŋ, a se worani a köruru na pu ’do a ’butöt i Ŋutu ko i toro ’bo i jur lo Ejipeto liŋ. 10#Kwe 16.2 A se yunuŋdye kurök i pirit namet na sapya, a gwo ’de ko Paro i komor, a Mose rataddi se ki, a se worani a köruru na pu ’do a ’butöt ko Ŋutu i mugunya ko i toro ’bo Köti. 11A ’bunuk tine bulö gwo ’dan ko Mose i komor kogwon kine köruru, kogwon köruru kune gwe i ’bunuk ko i Ŋutu liŋ ti Ejipeto. 12Ama a MATAT togo ’yi töili lo Paro, a nye tine ’bön yiŋga lepeŋat asut; gwoso nagon MATAT aje kulyari ko Mose nu.
Tomiet nagon a torok ti kudu
13A MATAT kulyani ko Mose adi, Ŋine ki kotumalu ’beron, ko gwo ’de ko Paro i komor, kulyani ko lepeŋ adi, MATAT Ŋun lo Ebere lo kulya adi, Kölörö Ŋutu kwe, anyen se tu kitakiŋdya nan. 14Kogwon i na diŋit na, nan de soson ŋo kwe liŋ na totomijö konut i töili, ko i kölipönök kulök, ko i Ŋutu kulök; anyen do böŋö deden adi lele ’bayin gwoso nan i kak ’bukuluŋ. 15Kogwon suluja i nu diŋit tojo ko soŋinana ko nan ködyö a riöddu könin lio i gwuddyö na do se ko Ŋutu kulök ko twanti iŋgo, a do ködyö aje tukara i na kak; 16#Rom 9.17 ama ko ŋina kwe nan aje kolökin do i gwon jörun, anyen kwekiŋdya do riŋit nio, anyen karin kwe böŋö totokuöji i kak ’bukuluŋ. 17Do ŋona puja gwon i ’dulukiŋdya na mugun ki i Ŋutu kwe a tine kölöddu se le? 18Mete, kotumalu gwoso i na diŋit na, nan de to ’doju torok ti kudu logon ’don ko riŋit a duma parik. Torok ti kudu gwoso kilo ’beron a ko ’don i jur lo Ejipeto suluja i lor lo pipiluri nye lu tojo ko soŋinana. 19Nyenagon soŋinana sonyoddi Ŋutu i nyoŋuŋdya na toro ’bo kunök ko ŋo kunök liŋ na gwon mu ’diŋ kunu; kogwon Ŋutu liŋ ko toro ’bo liŋ logon ’bunyöki mu ’diŋ, logon a ko toyitwe i midijik kulo, torok de roja ko lepeŋat loki a se twatwane twatwa. 20a Ŋutu logon kukujönö kulyaet lo MATAT i kiden na kölipönök ti Paro kulo rurumuŋdye ’dupi kase ko toro ’bo kase i kadijik lukata; 21ama a Ŋutu logon ti yeyeju kulyaet lo MATAT kulo kölökiŋdye ’dupi kase ko toro ’bo kase mu ’diŋ.
22A MATAT kulyani ko Mose adi, Riörö könin ilot ki yuddya ’dikolo anyen torok ti kudu böŋö ’don i jur liŋ lo Ejipeto, ko i Ŋutu, ko i toro ’bo, ko i ŋo liŋ logon a wilan i jur liŋ lo Ejipeto kulo. 23A Mose riöddi ture lonyit ki yuddya ’dikolo; a MATAT sunyuŋdye kipyala ti ki ko torok ti kudu, a kimaŋ na tuluŋdye tojo i kak. A MATAT to ’doji torok ti kudu i jur lo Ejipeto liŋ
24 #
Kwe 8.7; 16.21 Nyena a torok ti kudu, ko kimaŋ na meme ’dekta i torok kata na ’do ’done ko riŋit a duma parik. Torok ti kudu gwoso kilo ’beron a ko gwon sona i jur lo Ejipeto liŋ suluja i pipilu nanyit a jur lo Ŋutu. 25A torok ti kudu gwutö kiŋdye kak ŋo liŋ na gwon mu ’diŋ i jur lo Ejipeto ’bukuluŋ, kode a Ŋutu kode a toro ’bo; a torok ti kudu gwutökiŋdye kak ŋo liŋ lo wilan i melesen, a ’be ’be-leŋgi kaden liŋ ti mu ’diŋ 26Tuŋ a torok ti kudu gwe ’bayin i jur lo Gosene lo gwoŋdi Ŋutu ti Yisaraele kata lu.
27A Paro soŋdi kutuk, a luŋgi Mose ko Arona, a kulyani ko lepeŋat adi, Nan a giran i na diŋit; MATAT a lo rigwo, a nan ko Ŋutu kwe iŋge lyaŋan.
28Momo ’yi ta MATAT, kogwon kilo kipyala ti ki ko torok ti kudu aje jukin; a nan de kölöddi ta, a ta koti tine si ’da ni kwoŋ 29A Mose kulyani ko lepeŋ adi, ’De ’de ko nan aje lupödöu kaŋo köji kata, a nan de mamanyaddi ko könisi kwe ko MATAT yu; a kipyala ti ki kilo de kö ’yi peja, a torok ti kudu de gwe ’bayin Köti, anyen do deden adi na kak a na MATAT. 30Ama ko gwe gwoso do se ko kölipönök kulök, nan a den adi ta puja ti kujönö MATAT Ŋun. ( 31Waro ko ’bolot saora a korö kogwon ’bolot saora a losim ko waro a turö,
32ama a ’bolot se ko ’bolot gamö gwe a ko körö kogwon se ’duruŋdyö bot.)
33A Mose lupöni kaŋo köji kata ko Paro i komor, a mamanyaddi ko MATAT yu ko könisi kanyit; a kipyala ti ki se ko torok ti kudu kö ’yi kö ’yu, a kudu wase wasan i kak. 34Ama a Paro ko meddi adi kudu ko torok se ko kipyala ti ki aje kö ’yu nu, a nye lwöŋgi lwöŋgu Köti i toroŋdya, a nye tupö-möni ’ye töili lonyit, nye se ko kolipo-nök kanyit. 35A töili lo Paro iŋge golon, a nye tine ’bön kölöddu Ŋutu ti Yisaraele kwöŋ; gwoso nagon MATAT aje kulyari ko Mose i kutuk nu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.