Yuörö 3

Luŋu na Mose

1A Mose gwe a kayukunit lo yidin ti ŋogwo lonyit Yetero, logon a koane lo Midiyan; a nye meyaddi yidin i yöbu i swot lo tokotyaŋ, a ’dure Orebe logon a mere lo Ŋun. 2#Kon 7.30-34 A malaikatat lo MATAT puköki ko lepeŋ i ŋedeŋ lo kimaŋ na tuleun i rudu lukata; a Mose kuku ’di ’ye lepeŋ, a meddi lu rudu tule a kimaŋ, ama a rudu tine tumön. 3A nye kulyani adi, Nan de girara i meddya na ŋinu ŋo sörit anyen denuŋdya kaŋo ko nyo lu rudu ti tumon. 4A MATAT ko meddi adi Mose a girara i meddya, a Ŋun luŋgi lepeŋ i kiden na rudu lukata adi, Mose, Mose! A nye ruŋge adi, Nan malo.

5A Ŋun kulyani adi, Ko po nyona; rusu kamuka kulok kaŋo, kogwon pirit na gwo ’di ’e do ŋina a kak nake na rurwan. 6Köti a nye kulyani adi, Nan lo gwon a Ŋun lo merenye ilot logon a Ŋun lo Abarayama, Ŋun lo Yisaka, ko a Ŋun lo Yakobo. A Mose muŋge komor nanyit, kogwon nye kukujönö meddya Ŋun.

7A MATAT kulyani adi, Nan ’diri aje met sasanya na Ŋutu kwe lo gwon Ejipeto yu kulu, a nan iŋge yiŋ gwien nase kogwon katokitak kase; kogwon nan a den delyaesi kase, 8a nan aje po kak ni i lwöggu na se ko Ŋutu ti Ejipeto, i könisi, i joŋga na se kaŋo i lu jur a joŋgi se i jur lo ’but logon a luŋalaŋ; ŋilu jur ’dokon a le ko siwatat; ŋilu jur a lo Ŋutu ti Kanana, ko a lo Ŋutu ti Kiti, ko a lo Ŋutu ti Amori, ko a lo Ŋutu ti Periji, ko a lo Ŋutu ti Kiwi, ko a lo Ŋutu ti Yebusi. 9Nyenagon mete, gwien na Ŋutu ti Yisaraele aje ’dur köyö ni, nan Köti aje met rudesi nagon Ŋutu ti Ejipeto ru ’ye se kune. 10Nyena po, a nan de soŋdi do ko Paro yu anyen do böŋö joŋdya Ŋutu kwe logon a Ŋutu ti Yisaraele kaŋo i jur lo Ejipeto.

11A Mose pipije Ŋun adi, Nan a ŋa logon tu ko Paro yu anyen joŋdya Ŋutu ti Yisaraele kaŋo i jur lo Ejipeto?

12A Ŋun waddi adi, Nan ’diri mo gwon ko do; a nagon do aje joŋdya Ŋutu kaŋo i jur lo Ejipeto nu, a ta mo kwa-kwaddi nan Ŋun i ŋilo mere ki a kweyet adi nan lo soŋdu do.

13 # Yuö 6.2, 3 A Mose pipije Ŋun adi, Ko nan a ’dur ko Ŋutu ti Yisaraele yu, ko nan a kulya ko se adi, Ŋun lo merenyejin kasu a sunyun nan kasu ni, a ko se ködyö a pija nan adi, Karin kanyit a ŋa? a nan kodyo ruŋge se ada? 14#Kwe 1.4, 8 A Ŋun waddi Mose adi, NAN KATA LOGON GWON KATA LO. A nye kulyani adi, Do ködyö kulya sona ko Ŋutu ti Yisaraele adi, NAN KATA logon a sunyun nan kasu ni lo. 15a Ŋun Köti kulyani ko Mose adi, Do ködyö kulya ko Ŋutu ti Yisaraele adi, MATAT Ŋun lo merenyejin kasu, kweja adi ŋilo a Ŋun lo Abarayama, Ŋun lo Yisaka, ko a Ŋun lo Yakobo a sunyun nan kasu ni. Kine a karin kwe ŋupi ŋupi, a Ŋutu mo luŋgi nan sona tojo i nyakwariat liŋ.

16Iti tu momori temejik ti Yisaraele i pirit na geleŋ, a do kulyani ko se adi, MATAT Ŋun lo merenyejin kasu logon a Ŋun lo Abarayama, Ŋun lo Yisaka, ko a Ŋun lo Yakobo a pukökin köyö, a kulyani adi, Nan ’diri aje met ta ko ŋo nagon a konaki ta Ejipeto yu kunu,

17a nan aje kulya adi nan mo joŋdya ta kaŋo i, ŋo nagon Ŋutu ti Ejipeto sasaŋdi ta kune, a mo joŋdi ta tojo i jur lo Ŋutu ti Kanana, ko lo Ŋutu ti Kiti, ko lo Ŋutu ti Amori, ko lo Ŋutu ti Periji, ko lo Ŋutu ti Kiwi, ko lo Ŋutu ti Yebusi. Ŋilo a jur logon le ko siwatat ’do ’dokon kata lu. 18A se mo yiŋge gworo ilot; a do se ko temejik ti Yisa raele iti tojo ko mor lo Ejipeto yu, a ta kulyani ko lepeŋ adi, MATAT Ŋun lo Ebere a rum koyi; nyena böŋö kölörö yi i jölöji perok musala i yöbu yu, anyen yi böŋö tu ’duŋökiŋdyö MATAT Ŋun likaŋ rubaŋga. 19Ama nan deden adi mor lo Ejipeto mo ti ’bön kölöddu ta ake ko könin iŋgo a ri ’dikin lepeŋ. 20A nan mo riöddi könin lio i gwuddyö na Ejipeto ko ŋo kwe lio sorosi nagon nan mo konakin kase kiden kune; a kirut nye mo kölöddi ta.

21 # Yuö 12.35, 36 A nan mo tiŋdi Ŋutu ti Ejipeto i gwon ko toilyet lo ’but ko kilo Ŋutu; a mo gwe sona na tiri ta nu, a ta mo tine tu kana, 22a wate liŋ geleŋ geleŋ mo luŋgi minyojin ti pödö ko ti dakaŋ se ko boŋgwat i maratejin kase, ko i Ŋutu nagon a lepelok na si ’da kase i midijik kune, a ta mo tojubbi ŋwajik kasu lyan ko nawate ko kine ŋo; a ta mo ryakaddi tito ti Ŋutu ti Ejipeto sona.

Currently Selected:

Yuörö 3: BBE

Highlight

Copy