Suluet 21

Yuŋwe na Yisaka

1A MATAT ’boroji Sara gwoso na kulyari nye nu, a MATAT konakiŋdye Sara gwoso na jamakiŋdye nye nu. 2#Eb 11.11A Sara piŋge pigga, a yuŋwekiŋdye Abarayama ŋuro lulalet i tomodŋoan nanyit, i nu diŋit gwoso na jamakiŋdye Ŋun nye nu. 3A Abarayama gwije ŋuro lonyit logon Sara a yuŋwekin lepeŋ lo a Yisaka.#21.3 Yisaka Karin ti Yisaka kweja adi Kwekweni 4#Sul 17.12; Kon 7.8 A Abarayama taweŋi ŋuro lonyit Yisaka nagon perok kanyit aje ’dur budök nu, gwoso na saŋi Ŋun nye nu. 5A Abarayama gwe ko kiŋajin mia geleŋ i diŋit nagon Yisaka a yuŋweki lepeŋ nu. 6A Sara kulyani adi, Ŋun tiŋdu nan i kwekweni; a Ŋutu lio lo yiŋga kune kulya kulo mo kwenine ko nan i pirit na geleŋ. 7A nye kulyani adi, Ŋa logon köju kodyo bubulö jambu ko Abarayama adi nan Sara kodyö tuno ggu lupudiet? Kölumbö nan aje yuŋwekiŋdyö lepeŋ ŋuro lulalet i tomodŋoan nanyit.

Riköji na Agara ko Yisamaele

8A ŋilo ŋuro ’duŋe ’duŋö, a kölökiŋdye nöggu; a Abarayama teteŋdi rorwe duma i lor lo kö ’yi Yisaka nöggu lu. 9A Sara ko meddi ŋuro lo Agara Ejipetotyo, logon nye a yuŋwekin Abarayama lo kwekweni kwekweni ko Yisaka ŋuro lonyit, 10#Gal 4.29, 30a nye kulyani ko Abarayama adi, Rike rik ŋina ’dupiet se ko ŋuro lonyit; kogwon ŋuro lo ŋina ’dupiet lo mo ti mora ko ŋuro liŋ Yisaka i wuju na ŋo nagon a kunök ti monye. 11Nyena a Abarayama mete kine kulya a narok kogwon kulya ti ŋuro lonyit. 12#Rom 9.7; Eb 11.18 A Ŋun kulyani ko Abarayama adi, Ti do gwe ti met kine kulya a narok kogwon kulya ti ŋuro, koti kogwon kulya ti ’dupiet inot; yiŋge gworo lo Sara i ŋo liŋ nagon nye aje jamakin do kune; kogwon nyakwariat kulök mo pipiluŋdya ko Yisaka. 13Köti a nan mo tiŋdi ŋuro lo ’dupiet inot i wora a jur duma, kogwon nye a ŋuro ilot. 14A Abarayama ŋine ŋien ko ’bure kobubut, a ’dumuŋdye ambata ko kere lo pioŋ, a tiŋdi Agara, a ’dukukiŋdye ŋuro ko Agara i ki ’diŋ, a nye soŋdi lepeŋ. A Agara iti tu, a wirte i yöbu na Ber-seba.

15A nagon pioŋ aje ’baka i kere nu, a nye gubakiŋdye ŋuro i lele ködini mukök. 16A nye iti tu, a tu si ’dakine pajo madaŋ ko lepeŋ, gwoso kwake nagon lowe ŋoroji kata; kogwon nye kulya adi, Ti nan gwe ti meddya ŋuro i twan. A na si ’dari nye pajo madaŋ ko lepeŋ nu, a nye gwine gwien parik.

17A Ŋun yiŋge ŋuro i gwien; a malaikatat lo Ŋun ki yu luŋgi Agara, a pipije lepeŋ adi, Agara, kulya a nyo? Ko kujono, kogwon Ŋun aje yiŋ ŋuro i gwien i pirit na gwoŋdi nye nu. 18Ŋine ki, ’dumuŋdye Ŋuro, ’debbi lepeŋ konut i könisi; kogwon nan mo tiŋdu lepeŋ i wora a jur duma. 19A Ŋun ŋaji konyen ti Agara, a nye meddi kidi lo pioŋ; a nye iti tu, a tuŋe pioŋ i kere, a tiŋdi ŋuro i möju. 20a Ŋun gwe ko lu Ŋuro, a nye ’duŋe ’duŋö; a gwolore i yöbu, a worani a kaŋorönit. 21A nye gwolore i yöbu na Paran; a ŋote nanyit toyemakiŋdye lepeŋ narakwan i jur lo Ejipeto.

Abarayama ko Abimelek a teteŋdya tomoret

22 # Sul 26.26 A ko gwe sona i nu diŋit, a Abimelek ko Pikola duma lo kamörök kanyit kulyani ko Abarayama adi, Ŋun gwon ko do i ŋo liŋ nagon do kökon kine; 23nyenagon soŋinana milyeki nan ni ’diŋdya karin ti Ŋun adi do mo ti mumulugga nan, kode ŋuro liŋ, kode nyakwariat kwe, ama gwoso nagon nan a konakiŋdye do ’bura nu, a do koti mo konakiŋdye nan ’bura se ko jur lo si ’dari do kata a lepetyo lo. 24a Abarayama kulyani adi, lye, nan de mimilyeju.

25A Abarayama wiwinyani wiwinya ko Abimelek i kulya ti kidi lo pioŋ logon kölipönök ti Abimelek aje ryakaddu lo. 26a Abimelek kulyani adi, Nan a ko den ko ŋa lo koŋdya kine kulya; Köti do a ko takin nan, a nan gwe a ko yio kulya kanyit, tuŋ nan yiŋga i lo lor. 27a Abarayama ’durau ŋdye yidin, ko dwönin, a tiŋdi Abimelek, a se murek lio teteŋdi tomoret nase. 28A Abarayama korakiŋdye yisi köbilu buryo ti teŋ a swot. 29a Abimelek pipije Abarayama adi, Ko nyo do korara kine yisi köbilu buryo a swöt? 30a nye waddi adi, Wuji kine yisi köbilu buryo anyen kwekiŋdya adi nan lo ’bogga ŋilo kidi. 31Ko ŋiŋa kwe a nye luŋgi ŋinu pirit a Ber-seba; kogwon se murek liŋ a milyeju nyu. 32Nyena a se teteŋdi tomoret Ber-seba yu. A kirut Abimelek ko Pikola duma lo kamörök kanyit ŋine ŋien a yitöni bot i jur lo Ŋutu ti Pelesete. 33a Abarayama ’yuddi kite Ber-seba yu, a nye luluŋgi karin ti MATAT ŋun lo yeŋ nyin nyu. 34a Abarayama iŋge si ’da ko perok jore i jur lo Ŋutu ti Pelesete.

Currently Selected:

Suluet 21: BBE

Highlight

Copy