Suluet 23
23
Twan na Sara
1A Sara iŋge gwolor ko kiŋajin mia geleŋ ko merya murek wot buryo; iŋkoi, kilo a kiŋajin ti Sara.
2A kirut Sara twane twan Kiryat-arba yu i jur lo Kanana. (Kiryat-arba a Keberon.) A Abarayama lupöni lukata i delya na Sara ko i gwien na lepeŋ.
3A Abarayama ŋine ki ko öpu nanyit na i komor, a kulyani ko Ŋutu ti kötumit na Ket adi, 4#Eb 11.9, 13; Kon 7.16Nan gwon a lwakatyo lo si ’da kasu kiden ko diŋit a na ’dit; koraki ta nan pirit nuket a nio, anyen nan ködyö ’de ’yi öpu nio na an nan nyuŋ memeddya nye. 5Nyena a Ŋutu ti Ket kulo waddi Abarayama adi. 6Yiŋge yi pon duma likaŋ; do a duma lo kukwön kayaŋ kiden. Nuŋge öpu inot i dili na ’but nagon do a wulun i dilyö kaŋ; lele ŋuto ’bayin kayaŋ kiden logon renyakiŋdya do dili nanyit nuket, kode tiŋikiŋdyö do i nugga na öpu inot. 7A Abarayama ŋine ki, a dulakiŋdye mugun ko Ŋutu ti ŋilu jur i komor logon a Ŋutu ti Ket. 8A nye jambi ko lepeŋat adi, Ko ta a ruk adi nan bubulö nugga na öpu nio an naŋ nyuŋ memeddya nye, a ti ta yiŋge ta naŋ. Böŋö mumuluki ta nan Epurön ŋuro lo Sokar, 9anyen nye böŋö tiŋdu nan kuggi nanyit na gwon Makpela na gwon i ’dutet na kak nanyit nu. Ti lepeŋ tiŋdi nan nye kasu i komor ko ropet nagon ta a met adi jujukin ta na, anyen gwon a nio a pirit nuket. 10Nyenagon a Epurön gwe i si ’da i kiden na Ŋutu ti Ket; a Epurön lo Ket waddi Abarayama a Ŋutu ti Ket liŋ lo momoruŋdya i kötu mit lupet na köji kulo yiyiŋga. 11A nye kulyani adi, ’Bayin sona pon duma liŋ, yiŋge nan; nan titin do ŋina kak, a nan tiŋdi do kuggi na gwon kata nu; nan titikin do nye i komor na karu kwe; nyena nuŋge öpu inot. 12a Abarayama rosokakine kak ko Ŋutu ti ŋilu jur i komor. 13A nye kulyani ko Epurön a Ŋutu ti jur yiyiŋga, adi, Böŋö nan mo ’yu do, yiŋge nan; nan de tiŋdu ropet na nu kak; wuji ŋina ropet köyö, anyen nan böŋö nugga öpu nio na nyu. 14A Epurön waddi Abarayama adi, 15Pon duma liŋ, yiŋge nan; swöt lo kak logon jujukin ropaki ko pödöjin nagon temuŋdya sekelejin miajin Iŋwan ’bayin a nene ŋo kayaŋ kiden. Nyenagon nuŋge öpu inot ŋina. 16A Abarayama yiŋge kulyaet lo Epurön; a Abarayama temakiŋdye Epurön kine pödöjin i mijan, gwoso na ’diŋdye nye nu a Ŋutu ti Ket yiyiŋga. Pödöjin nagon nye a temakin lepeŋ kune a sekelejin miajin Iŋwan, gwoso i temesi nagon katugwörök ti ŋinu diŋit tetembi kune.
17Nyena a kak na Epurön na gwon Makpela, na gwon i swöt lo ’yure lo Mamure, ko kuggi na gwon kata nu, se ko kaden liŋ ti ninu kak lo gwon i swötön kanyit liŋ kulo iŋge ’buruki
18Abarayama asut a lomore nanyit ko Ŋutu ti Ket i komor, se ko i komor na Ŋutu liŋ lo momoruŋdya i kötumit lupet na köji nase kulo. 19A i mukök ŋina na, a Abarayama nuŋge nakwan nanyit Sara i kuggi lukata na kak na Makpela, i swöt lo ’yure na Mamure i jur lo Kanana. (Nu pirit a Keberon.) 20A Ŋutu ti Ket ’burukiŋdye Abarayama ŋinu kak se ko kuggi nagon kata nu a lomore nanyit anyen gwon a pirit nuket na lo twatwa.
Currently Selected:
Suluet 23: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
Suluet 23
23
Twan na Sara
1A Sara iŋge gwolor ko kiŋajin mia geleŋ ko merya murek wot buryo; iŋkoi, kilo a kiŋajin ti Sara.
2A kirut Sara twane twan Kiryat-arba yu i jur lo Kanana. (Kiryat-arba a Keberon.) A Abarayama lupöni lukata i delya na Sara ko i gwien na lepeŋ.
3A Abarayama ŋine ki ko öpu nanyit na i komor, a kulyani ko Ŋutu ti kötumit na Ket adi, 4#Eb 11.9, 13; Kon 7.16Nan gwon a lwakatyo lo si ’da kasu kiden ko diŋit a na ’dit; koraki ta nan pirit nuket a nio, anyen nan ködyö ’de ’yi öpu nio na an nan nyuŋ memeddya nye. 5Nyena a Ŋutu ti Ket kulo waddi Abarayama adi. 6Yiŋge yi pon duma likaŋ; do a duma lo kukwön kayaŋ kiden. Nuŋge öpu inot i dili na ’but nagon do a wulun i dilyö kaŋ; lele ŋuto ’bayin kayaŋ kiden logon renyakiŋdya do dili nanyit nuket, kode tiŋikiŋdyö do i nugga na öpu inot. 7A Abarayama ŋine ki, a dulakiŋdye mugun ko Ŋutu ti ŋilu jur i komor logon a Ŋutu ti Ket. 8A nye jambi ko lepeŋat adi, Ko ta a ruk adi nan bubulö nugga na öpu nio an naŋ nyuŋ memeddya nye, a ti ta yiŋge ta naŋ. Böŋö mumuluki ta nan Epurön ŋuro lo Sokar, 9anyen nye böŋö tiŋdu nan kuggi nanyit na gwon Makpela na gwon i ’dutet na kak nanyit nu. Ti lepeŋ tiŋdi nan nye kasu i komor ko ropet nagon ta a met adi jujukin ta na, anyen gwon a nio a pirit nuket. 10Nyenagon a Epurön gwe i si ’da i kiden na Ŋutu ti Ket; a Epurön lo Ket waddi Abarayama a Ŋutu ti Ket liŋ lo momoruŋdya i kötu mit lupet na köji kulo yiyiŋga. 11A nye kulyani adi, ’Bayin sona pon duma liŋ, yiŋge nan; nan titin do ŋina kak, a nan tiŋdi do kuggi na gwon kata nu; nan titikin do nye i komor na karu kwe; nyena nuŋge öpu inot. 12a Abarayama rosokakine kak ko Ŋutu ti ŋilu jur i komor. 13A nye kulyani ko Epurön a Ŋutu ti jur yiyiŋga, adi, Böŋö nan mo ’yu do, yiŋge nan; nan de tiŋdu ropet na nu kak; wuji ŋina ropet köyö, anyen nan böŋö nugga öpu nio na nyu. 14A Epurön waddi Abarayama adi, 15Pon duma liŋ, yiŋge nan; swöt lo kak logon jujukin ropaki ko pödöjin nagon temuŋdya sekelejin miajin Iŋwan ’bayin a nene ŋo kayaŋ kiden. Nyenagon nuŋge öpu inot ŋina. 16A Abarayama yiŋge kulyaet lo Epurön; a Abarayama temakiŋdye Epurön kine pödöjin i mijan, gwoso na ’diŋdye nye nu a Ŋutu ti Ket yiyiŋga. Pödöjin nagon nye a temakin lepeŋ kune a sekelejin miajin Iŋwan, gwoso i temesi nagon katugwörök ti ŋinu diŋit tetembi kune.
17Nyena a kak na Epurön na gwon Makpela, na gwon i swöt lo ’yure lo Mamure, ko kuggi na gwon kata nu, se ko kaden liŋ ti ninu kak lo gwon i swötön kanyit liŋ kulo iŋge ’buruki
18Abarayama asut a lomore nanyit ko Ŋutu ti Ket i komor, se ko i komor na Ŋutu liŋ lo momoruŋdya i kötumit lupet na köji nase kulo. 19A i mukök ŋina na, a Abarayama nuŋge nakwan nanyit Sara i kuggi lukata na kak na Makpela, i swöt lo ’yure na Mamure i jur lo Kanana. (Nu pirit a Keberon.) 20A Ŋutu ti Ket ’burukiŋdye Abarayama ŋinu kak se ko kuggi nagon kata nu a lomore nanyit anyen gwon a pirit nuket na lo twatwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.