Suluet 24
24
Yisaka a galaki nakwan
1A Abarayama gwe a modoŋ, kiŋajin kanyit jore parik; MATAT aje ’boroja Abarayama i ŋö liŋ. 2A Abarayama kulyani ko kölipönit lonyit duma lo mede nanyit, logon ’debba ŋo liŋ na gwon ko lepeŋ kune adi, Böŋö sukiŋdye könin ilot köyö i ŋeti, 3a nan de tomilyeji do i karin ti MATAT Ŋun lo ki ko kak, adi do ti jakin ŋuro lio narakwan nagon a nene na Ŋutu ti Kanana, logon nan gwolor kase kiden kulo, 4ama do mo tu kayaŋ i jur i karu kwe, anyen do jakin ŋuro lio Yisaka nakwan nyu. 5A kölipönit lo pipije lepeŋ adi, Kode ŋona nu nakwan ti ’bön moruŋdya ko nan i lo jur; nan ŋona mo jojoŋ ŋuro ilot tojo ko jur lo pöri do kaŋo kata lu le? 6A Abarayama waddi lepeŋ adi, Kunyar an do Köti nyökörö ŋuro lio nyu. 7MATAT Ŋun lo ki logon a joŋdya nan kaŋo ko baba midi yu i jur lo yuŋwe ’i nan lu, logon a jamakin nan milyeju adi, ’Diri ’diri nan mo tiŋdu nyakwariat kulök ŋilo jur lo, Ŋilo Ŋun mo soŋdu malaikatat lonyit konut ŋerot, a do mo jakiŋdye ŋuro lio narakwan nyu. 8Ama ko nu ŋuro mo ti ’bön moruŋdya ko do, a do mo lakuŋdye mugun kaŋo i ŋilo milye lio; tuŋ do agu ködyö ti nyökörö ŋuro lio nyu Köti. 9Nyena a kölipönit lo sukiŋdye könin ko Abarayama monye lonyit i ŋeti, a milyeji milyeju ko lepeŋ kogwon kine kulya.
10Nyena a kölipönit lo ’dumuŋdye kamilojin puök ti monye lonyit kune, a ŋiörö ŋiörö joŋga gweyarijin lio ka ’de ka ’de ti ’dokesi na ’but; a iti Mesopötamia, a ’dure ko Nakor köji.
11A nye torugwuŋöji kamilojin kak köji kaŋo, nyona ko koŋe lo pioŋ i diŋit na koriri nagon Ŋutu wate tiri kaŋo i ’yiluŋdya na pioŋ nu. 12A nye kwakwaddi adi, Pon MATAT Ŋun lo monye lio Abarayama, böŋö tiŋdi nan komor na ’but i lo lor, ko kweki monye lio Abarayama ’busan na nyaŋu. 13Mete, nan lo gwo ’dan nyona ko koŋe lo pioŋ, a ŋwajik kö ’disi ti Ŋutu ti ŋina köji poŋdi i ’yiladdu na pioŋ. 14Nyena ti gwe sona adi ti ’diet nagon nan de möŋu lepeŋ adi, ’Dukukiŋdye sape ilot kak anyen nan böŋö mömoju, a nye de ruŋge nan adi, Möji, a nan de tumaddi kamilojin kunök Köti, ti ŋina ŋuro ködyo gwe a nye nagon do aje wulökin kölipönit ilot Yisaka na. A i ŋina a nan de kuruŋdye adi do aje kwekiŋdya monye lio ’busan na nyaŋu.
15A nagon nye nyuŋ a ko tutuŋgö kwakwaddu nu, mete, a Rebeka na poŋdi kaŋo köji kata ko sape lonyit lo pioŋ kanyit i gele. ŋina Rebeka a yuŋweki Betuele ŋuro lo Mileka nakwan na Nakor luŋaser Abarayama. 16A ŋinu ŋuro kwelenye kwelen i meta, nye a ’diet nagon a ko yöyöa ko lele ŋuto. A nye kiyaddi kak i koŋe lo pioŋ, a töjoreji sape lonyit, a kiyene kaŋo. 17A kölipönit lo woku wokun i torumbö ko lepeŋ, a mo ’yi adi, Boŋo ’dipöki nan pioŋ ku ’dik i ŋilo sape ilot anyen nan mamat. 18A nye kulyani adi, Duma lio, möji koi; a nye nyoŋgi ’dukukiŋdyö sape lonyit lo pioŋ lo kak kanyit i gele, a tiŋdi lepeŋ i möju. 19a nye ko tutuŋge tiŋdu lepeŋ i möju, a nye kulyani adi, Nan de ’yi ’yilakin kamilojin kunok Köti tojo se de a yimönö. 20a nye nyoŋgi ’bukökiŋdyö pioŋ na gwon i sape kune i ta ’dök nagalaŋ kata, a nye rumara i kidi Köti i ’yiluŋdya, a nye ’yilakiŋdye kamilojin ti lepeŋ liŋ. 21A lo ŋuto diŋe lepeŋ go; a nye yiŋani taliŋ anyen deŋdya kode ŋona MATAT aje to ’buddya jölö nanyit kode ’bayin.
22A nagon kamilojin aje tutuŋgö möju nu, a lo ŋuto ’dumuŋdye reyat na dakap nagon temuŋdya a swöt na sekele nagon tiki ko ŋina ŋuro i kume, se ko re murek nagon tiki ko lepeŋ i könisi, kinu re temuŋdya a sekelejin puök ti dakaŋ. 23a nye pipije adi, Böŋö taki nan, do a ŋuro niŋa? Pirit ŋona kata ko munyi midi yu anyen yi tu doto nyu? 24A nye waddi lepeŋ adi, Nan a ŋuro na Betuele ŋuro lo Mileka, logon nye a yuŋwekin Nakor lo. 25a nye ’ya ’yi jambu ko lepeŋ adi, Yi kata ko pudi ko ŋo lo nyenyei lo tetemakiŋdya, se ko piritön dotoesi. 26a lo ŋuto du ’ye kwe a kwakwaddi MATAT, 27adi, Ti MATAT ŋun lo monye lio Abarayama purani ŋura, logon a ko kö ’yu ’busan na nyaŋu nanyit se ko to ’diri nanyit tojo i monye lio. Ama ko gwe gwoso nan, MATAT aje nyömue nan i kiko tojo ko luŋasirik ti monye lio mede.
28A nu ŋuro wöki wokön, a tu nyönyökökiŋdye mede na ŋote kilo kulyaesi.
29A Rebeka gwe ko luŋaser Karin kanyit a Labana, a Labana wöki kaŋo ko lu ŋuto yu i koŋe lo pioŋ. 30Kweja adi, na meddi Labana reyat na kume se ko re na gwon ko kiaser i könisi kune, na yiŋge nye kulyaesi ti Rebeka kiaser nanyit nu adi, Lo ŋuto a yoyoja nan sona, a nye iti ko lu ŋuto yu a ryeji lepeŋ gwogwo ’dan ko kamilojin nyona ko koŋe lo pioŋ. 31A nye kulyani adi, Do logon MATAT a ’boro lo yeŋuŋdye kadi; nyo do gwo ’dan kaŋo? Nan aje teteŋdya kadi se ko piritön ti kamilojin. 32a lo ŋuto lupöni kadi; a Labana laggi ŋo nagon a sopaki kamilo jin, a tiŋdi kamilojin pudi se ko ŋo lo nyenyei, a nye Köti tiŋdi lo ŋuto pioŋ lalaesi ti mokosi kanyit ko ti Ŋutu lo gwon ko lepeŋ kulo Köti. 33a kinyo lo jweni a tikine ko ŋilo ŋuto i komor anyen nye nyönyö; ama a nye kulyani adi, Nan ti nyesu tojo nan a tuggö yökiet nio. A Labana kulyani adi, Tambi koi.
34A lu ŋuto kulyani adi, Nan a kölipönit lo Abarayama. 35MATAT aje ’boroja monye lio parik, a nye iŋge wora a kwörinit; a nye iŋge tiŋdu lepeŋ yidin ko kisuk, ko pödö, ko dakap, ko kölipönök lulyan ko nawate, ko kami lojin, se ko kaineki. 36Sara nakwan na monye lio aje yuŋwekin monye liŋ ŋuro lulalet na gwoŋdi nye a modoŋ nu; a monye lio iŋge tikin lu ŋuro ŋo liŋ na gwon ko lepeŋ kunu. 37a monye lio iŋge tomilyeji nan adi, Do ti jakin ŋuro lio narakwan nagon a nene na Ŋutu ti Kanana logon nan gwolor kase i jur kulo; 38ama do de tu ko baba mede ko karu kwe yu, a do mo jakiŋdye ŋuro lio nakwan nyu.
39a nan kulyani ko monye lio adi, kode ŋona nu ŋuro ti ’bön moruŋdya ko nan. 40Ama a nye kulyani ko nan adi, MATAT logon nan wörö ko lepeŋ i komor lo, mo sonyoddu malaikatat lonyit ko do i pirit na geleŋ, a mo to ’duddye jölö inot; a do mo jakiŋdye ŋuro lio narakwan i kiden na karu kwe ko ko baba midi;
41nyena a do mo lakuŋdye mugun kaŋo i ŋilo milye lio, na ’durökiŋdye do ko karu kwe yu nu; nyena ko se ti ’bön tiŋdu do ŋinu ŋuro, a do mo lakuŋdye mugun kaŋo i ŋilo milye lio.
42I lo lor a nan ’duröki i koŋe lo pioŋ, a nan kwakwaddi adi, Pon MATAT Ŋun lo monye lio Abarayama, soŋinana ko do de tuwöröddu nan ’bura i kiko logon nan tiri nyin lo,
43mete, nan lo gwo ’dan nyona ko koŋe lo pioŋ; ti nu ŋuro nagon po i ’yiladdu na pioŋ nagon nan de kulya ko lepeŋ adi, Böŋö tiki nan pioŋ ku ’dik konut i sape anyen nan mamat, 44a nye ruŋge adi, Möji, a nan mo ’yilakiŋdye kami lojin kunök pioŋ Köti na, ti ŋinu ŋuro gwe a nakwan nagon MATAT aje wulö kin ŋuro lo monye lio na.
45A nagon nan a ko nyuŋ tutuŋgö kwakwaddu köyö i töili nu, mete, a Rebeka na poŋdi ko sape lonyit lo pioŋ kanyit i gele; a nye kiyaddi kak i koŋe lo pioŋ a ’yiluŋdye ’yiluŋdya. A nan mo ’yi lepeŋ adi, Böŋö tiki nan pioŋ na mamata. 46a nye nyoŋgi ’dukukiŋdyö sape lonyit lo pioŋ lo kak kanyit i gele, a kulyani adi, Möji, a nan Köti de tumaddi kamilojin kunok. Nyena a nan möji möju, a nye Köti tumaddi kamilojin. 47a nan pipije lepeŋ adi, Do a ŋuro nipa? A nye waddi adi, Nan a ŋuro na Betuele ŋuro lo Nakor, logon Mileka a yuŋwekin lepeŋ lo. Nyena a nan sukiŋdye reyat kanyit i kume, se ko re kune kanyit i könisi. 48a nan du ’ye kwe nio a kwakwaddi MATAT, a nan bu ’ye MATAT ŋun lo monye lio Abarayama, logon a nyömuŋdyö nan i kiko lo to ’diri anyen joŋga ŋuro na luŋaser monye lio a nakwan na ŋuro lonyit. 49Soŋinana ko ta ’dek konakiŋdya monye lio ’busan ko to ’diri, taki ta nan; a ko ködyö ’bayin sona, taki ta nan; anyen nan boŋo lopukoddu i lele swöt.
50Nyena a Labana se ko Betuele waddi adi, Kine kulya po ko MATAT yu; yi ti bulö jamakiŋdya do ŋo naron kode ŋo na ’but. 51Mete, Rebeka gwon konut i komor, joŋgi lepeŋ ko iti ta. Ti lepeŋ gwe a narakwan na ŋuro lo monye ilot, gwoso na kulyari MATAT na.
52A kölipönit lo Abarayama lo ko yiŋge kulyaesi kase, a nye rosokakine kak ko MATAT i komor. 53A lo köli ponit ŋauŋdye kaŋo minyojin ti pödö ko ti dakap, ko boŋgwat, a tiŋdi Rebeka; a nye koti tiŋdi luŋaser Rebeka se ko ŋote nanyit minyojin logoŋgworo go. 54A ŋilo kölipönit se ko ŋutu lo gwon ko lepeŋ kulo nyesi nyesu, a möji möju, a se si ’dani nyu i ŋilo tukwaje. A se ko ŋine i ko ’bure, a nye kulyani adi, Kölörö ta nan bot ko monye lio yu. 55A luŋaser ŋina ŋuro se ko ŋote kulyani adi, Ti na ŋuro mönu ŋdye kayaŋ ni ko perok ku ’dik, gwoso perok puök; a kirut a nye mo ko iti tu. 56A ŋilo kölipönit kulyani ko lepeŋa adi, An ta ko dwa ’yu ta nan, kogwon MATAT aje to ’buddya kiko lio; kölöröta nan i tu ko monye lio yu. 57A se kulyani adi, Yi de luluŋ na ŋuro anyen pipi lepeŋ a lokomor. 58A se luŋgi Rebeka, a pipije lepeŋ adi, Do ’de ’dekan moraddu ko lo ŋuto? A nye waddi adi, lye, nan ’de ’dekan moraddu ko lepeŋ.
59Nyena a se kölöddi Rebeka kiaser nase, ko ŋuto nagon köju a ka ’depanit nanyit na, ko kölipönit lo Abarayama lo se ko Ŋutu kanyit. 60a se ’boroji Rebeka kulya adi, Kiaser nikao, ti do gwe a ŋote alipan ti alipan puök; ti nyakwariat kulok ruddye köjinö ti merok kase. 61A Rebeka se ko köli pönok kanyit kune kije i kamilojin a moraddi ko lu ŋuto; nyena a lu köli ponit joŋgi Rebeka a iti tu.
62A Yisaka logon si ’da i jur lo Loki lo aje Yuörö Ber-lakai-roi. 63a Yisaka walajine kaŋo mu ’diŋ i yeyejutu kotyaŋ; a nye ko ’bi ’yi konyen kanyit ki, a nye meddi kamilojin i po. 64a Rebeka ko ’bi ’yi konyen kanyit ki. a nye meddi Yisaka, a nye kiyene kak i kamilo,
65a nye pipije kölipönit lo adi, Lu ŋuto a ŋa logon wörö mu ’dio a poŋdi i rum koyi lu? A lo kölipönit waddi adi, Ŋilu a monye lio. A nu ŋuro ’dumuŋdye boŋgo nanyit a kalapakiŋdye kanyit i mugun. 66A lo kölipönit nyönyökökiŋdye Yisaka ŋo liŋ na kon nye kune.
67A Yisaka joŋgi lepeŋ i lukata na kemia na ŋote nanyit Sara, a nye ’debbi Rebeka a nakwan nanyit; a nye nyaŋi lepeŋ. Nyena a Yisaka iŋge suka i karan na ŋote nanyit.
Currently Selected:
Suluet 24: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
Suluet 24
24
Yisaka a galaki nakwan
1A Abarayama gwe a modoŋ, kiŋajin kanyit jore parik; MATAT aje ’boroja Abarayama i ŋö liŋ. 2A Abarayama kulyani ko kölipönit lonyit duma lo mede nanyit, logon ’debba ŋo liŋ na gwon ko lepeŋ kune adi, Böŋö sukiŋdye könin ilot köyö i ŋeti, 3a nan de tomilyeji do i karin ti MATAT Ŋun lo ki ko kak, adi do ti jakin ŋuro lio narakwan nagon a nene na Ŋutu ti Kanana, logon nan gwolor kase kiden kulo, 4ama do mo tu kayaŋ i jur i karu kwe, anyen do jakin ŋuro lio Yisaka nakwan nyu. 5A kölipönit lo pipije lepeŋ adi, Kode ŋona nu nakwan ti ’bön moruŋdya ko nan i lo jur; nan ŋona mo jojoŋ ŋuro ilot tojo ko jur lo pöri do kaŋo kata lu le? 6A Abarayama waddi lepeŋ adi, Kunyar an do Köti nyökörö ŋuro lio nyu. 7MATAT Ŋun lo ki logon a joŋdya nan kaŋo ko baba midi yu i jur lo yuŋwe ’i nan lu, logon a jamakin nan milyeju adi, ’Diri ’diri nan mo tiŋdu nyakwariat kulök ŋilo jur lo, Ŋilo Ŋun mo soŋdu malaikatat lonyit konut ŋerot, a do mo jakiŋdye ŋuro lio narakwan nyu. 8Ama ko nu ŋuro mo ti ’bön moruŋdya ko do, a do mo lakuŋdye mugun kaŋo i ŋilo milye lio; tuŋ do agu ködyö ti nyökörö ŋuro lio nyu Köti. 9Nyena a kölipönit lo sukiŋdye könin ko Abarayama monye lonyit i ŋeti, a milyeji milyeju ko lepeŋ kogwon kine kulya.
10Nyena a kölipönit lo ’dumuŋdye kamilojin puök ti monye lonyit kune, a ŋiörö ŋiörö joŋga gweyarijin lio ka ’de ka ’de ti ’dokesi na ’but; a iti Mesopötamia, a ’dure ko Nakor köji.
11A nye torugwuŋöji kamilojin kak köji kaŋo, nyona ko koŋe lo pioŋ i diŋit na koriri nagon Ŋutu wate tiri kaŋo i ’yiluŋdya na pioŋ nu. 12A nye kwakwaddi adi, Pon MATAT Ŋun lo monye lio Abarayama, böŋö tiŋdi nan komor na ’but i lo lor, ko kweki monye lio Abarayama ’busan na nyaŋu. 13Mete, nan lo gwo ’dan nyona ko koŋe lo pioŋ, a ŋwajik kö ’disi ti Ŋutu ti ŋina köji poŋdi i ’yiladdu na pioŋ. 14Nyena ti gwe sona adi ti ’diet nagon nan de möŋu lepeŋ adi, ’Dukukiŋdye sape ilot kak anyen nan böŋö mömoju, a nye de ruŋge nan adi, Möji, a nan de tumaddi kamilojin kunök Köti, ti ŋina ŋuro ködyo gwe a nye nagon do aje wulökin kölipönit ilot Yisaka na. A i ŋina a nan de kuruŋdye adi do aje kwekiŋdya monye lio ’busan na nyaŋu.
15A nagon nye nyuŋ a ko tutuŋgö kwakwaddu nu, mete, a Rebeka na poŋdi kaŋo köji kata ko sape lonyit lo pioŋ kanyit i gele. ŋina Rebeka a yuŋweki Betuele ŋuro lo Mileka nakwan na Nakor luŋaser Abarayama. 16A ŋinu ŋuro kwelenye kwelen i meta, nye a ’diet nagon a ko yöyöa ko lele ŋuto. A nye kiyaddi kak i koŋe lo pioŋ, a töjoreji sape lonyit, a kiyene kaŋo. 17A kölipönit lo woku wokun i torumbö ko lepeŋ, a mo ’yi adi, Boŋo ’dipöki nan pioŋ ku ’dik i ŋilo sape ilot anyen nan mamat. 18A nye kulyani adi, Duma lio, möji koi; a nye nyoŋgi ’dukukiŋdyö sape lonyit lo pioŋ lo kak kanyit i gele, a tiŋdi lepeŋ i möju. 19a nye ko tutuŋge tiŋdu lepeŋ i möju, a nye kulyani adi, Nan de ’yi ’yilakin kamilojin kunok Köti tojo se de a yimönö. 20a nye nyoŋgi ’bukökiŋdyö pioŋ na gwon i sape kune i ta ’dök nagalaŋ kata, a nye rumara i kidi Köti i ’yiluŋdya, a nye ’yilakiŋdye kamilojin ti lepeŋ liŋ. 21A lo ŋuto diŋe lepeŋ go; a nye yiŋani taliŋ anyen deŋdya kode ŋona MATAT aje to ’buddya jölö nanyit kode ’bayin.
22A nagon kamilojin aje tutuŋgö möju nu, a lo ŋuto ’dumuŋdye reyat na dakap nagon temuŋdya a swöt na sekele nagon tiki ko ŋina ŋuro i kume, se ko re murek nagon tiki ko lepeŋ i könisi, kinu re temuŋdya a sekelejin puök ti dakaŋ. 23a nye pipije adi, Böŋö taki nan, do a ŋuro niŋa? Pirit ŋona kata ko munyi midi yu anyen yi tu doto nyu? 24A nye waddi lepeŋ adi, Nan a ŋuro na Betuele ŋuro lo Mileka, logon nye a yuŋwekin Nakor lo. 25a nye ’ya ’yi jambu ko lepeŋ adi, Yi kata ko pudi ko ŋo lo nyenyei lo tetemakiŋdya, se ko piritön dotoesi. 26a lo ŋuto du ’ye kwe a kwakwaddi MATAT, 27adi, Ti MATAT ŋun lo monye lio Abarayama purani ŋura, logon a ko kö ’yu ’busan na nyaŋu nanyit se ko to ’diri nanyit tojo i monye lio. Ama ko gwe gwoso nan, MATAT aje nyömue nan i kiko tojo ko luŋasirik ti monye lio mede.
28A nu ŋuro wöki wokön, a tu nyönyökökiŋdye mede na ŋote kilo kulyaesi.
29A Rebeka gwe ko luŋaser Karin kanyit a Labana, a Labana wöki kaŋo ko lu ŋuto yu i koŋe lo pioŋ. 30Kweja adi, na meddi Labana reyat na kume se ko re na gwon ko kiaser i könisi kune, na yiŋge nye kulyaesi ti Rebeka kiaser nanyit nu adi, Lo ŋuto a yoyoja nan sona, a nye iti ko lu ŋuto yu a ryeji lepeŋ gwogwo ’dan ko kamilojin nyona ko koŋe lo pioŋ. 31A nye kulyani adi, Do logon MATAT a ’boro lo yeŋuŋdye kadi; nyo do gwo ’dan kaŋo? Nan aje teteŋdya kadi se ko piritön ti kamilojin. 32a lo ŋuto lupöni kadi; a Labana laggi ŋo nagon a sopaki kamilo jin, a tiŋdi kamilojin pudi se ko ŋo lo nyenyei, a nye Köti tiŋdi lo ŋuto pioŋ lalaesi ti mokosi kanyit ko ti Ŋutu lo gwon ko lepeŋ kulo Köti. 33a kinyo lo jweni a tikine ko ŋilo ŋuto i komor anyen nye nyönyö; ama a nye kulyani adi, Nan ti nyesu tojo nan a tuggö yökiet nio. A Labana kulyani adi, Tambi koi.
34A lu ŋuto kulyani adi, Nan a kölipönit lo Abarayama. 35MATAT aje ’boroja monye lio parik, a nye iŋge wora a kwörinit; a nye iŋge tiŋdu lepeŋ yidin ko kisuk, ko pödö, ko dakap, ko kölipönök lulyan ko nawate, ko kami lojin, se ko kaineki. 36Sara nakwan na monye lio aje yuŋwekin monye liŋ ŋuro lulalet na gwoŋdi nye a modoŋ nu; a monye lio iŋge tikin lu ŋuro ŋo liŋ na gwon ko lepeŋ kunu. 37a monye lio iŋge tomilyeji nan adi, Do ti jakin ŋuro lio narakwan nagon a nene na Ŋutu ti Kanana logon nan gwolor kase i jur kulo; 38ama do de tu ko baba mede ko karu kwe yu, a do mo jakiŋdye ŋuro lio nakwan nyu.
39a nan kulyani ko monye lio adi, kode ŋona nu ŋuro ti ’bön moruŋdya ko nan. 40Ama a nye kulyani ko nan adi, MATAT logon nan wörö ko lepeŋ i komor lo, mo sonyoddu malaikatat lonyit ko do i pirit na geleŋ, a mo to ’duddye jölö inot; a do mo jakiŋdye ŋuro lio narakwan i kiden na karu kwe ko ko baba midi;
41nyena a do mo lakuŋdye mugun kaŋo i ŋilo milye lio, na ’durökiŋdye do ko karu kwe yu nu; nyena ko se ti ’bön tiŋdu do ŋinu ŋuro, a do mo lakuŋdye mugun kaŋo i ŋilo milye lio.
42I lo lor a nan ’duröki i koŋe lo pioŋ, a nan kwakwaddi adi, Pon MATAT Ŋun lo monye lio Abarayama, soŋinana ko do de tuwöröddu nan ’bura i kiko logon nan tiri nyin lo,
43mete, nan lo gwo ’dan nyona ko koŋe lo pioŋ; ti nu ŋuro nagon po i ’yiladdu na pioŋ nagon nan de kulya ko lepeŋ adi, Böŋö tiki nan pioŋ ku ’dik konut i sape anyen nan mamat, 44a nye ruŋge adi, Möji, a nan mo ’yilakiŋdye kami lojin kunök pioŋ Köti na, ti ŋinu ŋuro gwe a nakwan nagon MATAT aje wulö kin ŋuro lo monye lio na.
45A nagon nan a ko nyuŋ tutuŋgö kwakwaddu köyö i töili nu, mete, a Rebeka na poŋdi ko sape lonyit lo pioŋ kanyit i gele; a nye kiyaddi kak i koŋe lo pioŋ a ’yiluŋdye ’yiluŋdya. A nan mo ’yi lepeŋ adi, Böŋö tiki nan pioŋ na mamata. 46a nye nyoŋgi ’dukukiŋdyö sape lonyit lo pioŋ lo kak kanyit i gele, a kulyani adi, Möji, a nan Köti de tumaddi kamilojin kunok. Nyena a nan möji möju, a nye Köti tumaddi kamilojin. 47a nan pipije lepeŋ adi, Do a ŋuro nipa? A nye waddi adi, Nan a ŋuro na Betuele ŋuro lo Nakor, logon Mileka a yuŋwekin lepeŋ lo. Nyena a nan sukiŋdye reyat kanyit i kume, se ko re kune kanyit i könisi. 48a nan du ’ye kwe nio a kwakwaddi MATAT, a nan bu ’ye MATAT ŋun lo monye lio Abarayama, logon a nyömuŋdyö nan i kiko lo to ’diri anyen joŋga ŋuro na luŋaser monye lio a nakwan na ŋuro lonyit. 49Soŋinana ko ta ’dek konakiŋdya monye lio ’busan ko to ’diri, taki ta nan; a ko ködyö ’bayin sona, taki ta nan; anyen nan boŋo lopukoddu i lele swöt.
50Nyena a Labana se ko Betuele waddi adi, Kine kulya po ko MATAT yu; yi ti bulö jamakiŋdya do ŋo naron kode ŋo na ’but. 51Mete, Rebeka gwon konut i komor, joŋgi lepeŋ ko iti ta. Ti lepeŋ gwe a narakwan na ŋuro lo monye ilot, gwoso na kulyari MATAT na.
52A kölipönit lo Abarayama lo ko yiŋge kulyaesi kase, a nye rosokakine kak ko MATAT i komor. 53A lo köli ponit ŋauŋdye kaŋo minyojin ti pödö ko ti dakap, ko boŋgwat, a tiŋdi Rebeka; a nye koti tiŋdi luŋaser Rebeka se ko ŋote nanyit minyojin logoŋgworo go. 54A ŋilo kölipönit se ko ŋutu lo gwon ko lepeŋ kulo nyesi nyesu, a möji möju, a se si ’dani nyu i ŋilo tukwaje. A se ko ŋine i ko ’bure, a nye kulyani adi, Kölörö ta nan bot ko monye lio yu. 55A luŋaser ŋina ŋuro se ko ŋote kulyani adi, Ti na ŋuro mönu ŋdye kayaŋ ni ko perok ku ’dik, gwoso perok puök; a kirut a nye mo ko iti tu. 56A ŋilo kölipönit kulyani ko lepeŋa adi, An ta ko dwa ’yu ta nan, kogwon MATAT aje to ’buddya kiko lio; kölöröta nan i tu ko monye lio yu. 57A se kulyani adi, Yi de luluŋ na ŋuro anyen pipi lepeŋ a lokomor. 58A se luŋgi Rebeka, a pipije lepeŋ adi, Do ’de ’dekan moraddu ko lo ŋuto? A nye waddi adi, lye, nan ’de ’dekan moraddu ko lepeŋ.
59Nyena a se kölöddi Rebeka kiaser nase, ko ŋuto nagon köju a ka ’depanit nanyit na, ko kölipönit lo Abarayama lo se ko Ŋutu kanyit. 60a se ’boroji Rebeka kulya adi, Kiaser nikao, ti do gwe a ŋote alipan ti alipan puök; ti nyakwariat kulok ruddye köjinö ti merok kase. 61A Rebeka se ko köli pönok kanyit kune kije i kamilojin a moraddi ko lu ŋuto; nyena a lu köli ponit joŋgi Rebeka a iti tu.
62A Yisaka logon si ’da i jur lo Loki lo aje Yuörö Ber-lakai-roi. 63a Yisaka walajine kaŋo mu ’diŋ i yeyejutu kotyaŋ; a nye ko ’bi ’yi konyen kanyit ki, a nye meddi kamilojin i po. 64a Rebeka ko ’bi ’yi konyen kanyit ki. a nye meddi Yisaka, a nye kiyene kak i kamilo,
65a nye pipije kölipönit lo adi, Lu ŋuto a ŋa logon wörö mu ’dio a poŋdi i rum koyi lu? A lo kölipönit waddi adi, Ŋilu a monye lio. A nu ŋuro ’dumuŋdye boŋgo nanyit a kalapakiŋdye kanyit i mugun. 66A lo kölipönit nyönyökökiŋdye Yisaka ŋo liŋ na kon nye kune.
67A Yisaka joŋgi lepeŋ i lukata na kemia na ŋote nanyit Sara, a nye ’debbi Rebeka a nakwan nanyit; a nye nyaŋi lepeŋ. Nyena a Yisaka iŋge suka i karan na ŋote nanyit.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.