Suluet 25
25
Nyakwariat ti Abarayama logon Ketura na yupuŋdyö
(Köti 1 Dekat 1.32-33)
1A Abarayama yembi nene nakwan, karin kanyit a Ketura.
2A ŋina nakwan yuŋwekiŋdye Abarayama Jimeran, ko Yokesan, ko Medan, ko Midiyan, ko Yisebak, se ko Suak.
3A Yokesan yuŋuŋdye Seba ko Dedan. A ŋwajik ti Dedan gwe a ko Asurim, ko Letusim, se ko Leumim. 4a ŋwajik ti Midiyan gwe a ko Epa, ko Eper, ko Kanok, ko Abida, se ko Eleda. Kilo lio a ŋwajik ti Ketura. 5a Abarayama tikiŋdye Yisaka ŋo kanyit lio. 6Ama a Abarayama tiŋdi ŋwajik ti wate kanyit loponika kulo ’dokesi; a nagon nye nyuŋ gwon jörun nu, a nye sonyoddi se kaŋo pajo ko ŋuro lonyit Yisaka i komor, tojo i swöt lo ’yure i jur logon kolor nyerun kata lu.
Twan ko nuka na Abarayania
7A kiŋajin lo gwiliŋgi Abarayama kulo gwe a kiŋajin mia geleŋ ko merya buryo wot mukanat. 8A Abarayama duwuŋdye duwuŋdya, a twane twan i diŋit nanyit na temakiŋdya nagon nye a ŋuto modoŋ ko kiŋajin jore nu, a nye nukakine ko merenyejin kanyit i merete. 9A ŋwajik kanyit logon a ko Yisaka ko Yisamaele nuŋge lepeŋ i kuggi na Makpela, i kak na Epurön ŋuro lo Soar lo kötumit na Ket, i swöt lo ’yure lo Mamure, 10#Sul 23.3-16i kak nagon Abarayama a gwörun ko Ŋutu ti Ket i könisi na. A Abarayama nukakine ko Sara nakwan nanyit i merete nyu.
11A i mukök na twaji Abarayama nu, a Ŋun ’boroji Yisaka ŋuro lonyit, a Yisaka si ’dani nyona ko Ber-lakai-roi.
Nyakwariat ti Yisamaele
(Köti 1 Dekat 1.28-31)
12Kilo a nyakwariat ti Yisamaele ŋuro lo Abarayama, logon Agara Ejipetotyo kölipönit na Sara a yuŋwekin Abarayama lo. 13Kine a karin ti ŋwajik ti Yisamaele, a karin kase gwe gwoso i lokep na yuŋwe nase, kweja adi, ŋuro kayu lo Yisamaele a Nebayot, a loponi gwe a Kedar, ko Adebela, ko Mibesam, 14ko Misema, ko Dumak, ko Masa, 15ko Kadada, ko Tema, ko Yetur, ko Napisa, se ko Kedema.
16Kulo a ŋwajik ti Yisamaele, a kune gwe a karin kase gwoso i turön kase, ko i merajin kase, kilo a kimak puök wot murek gwoso i kotumiton kase.
17(Kilo a kiŋajin lo gwiliŋgi Yisamaele, kweja adi a kiŋajin mia geleŋ ko merya musala wot buryo; a nye duwuŋdye duwuŋdya, a twane twan, a nye nukakine ko merenyejin kanyit i merete.)
18A lepeŋat gwolore suluja Kawila tojo Sur, komorga Ejipeto ko ŋuto tu Asura; a Yisamaele diŋöni ko luŋasirik kanyit.
Yuŋwe na Esau ko Yakobo
19A kilo gwe a nyakwariat ti Yisaka ŋuro lo Abarayama. Abaryama lo yupuŋdyö Yisaka, 20a Yisaka gwe ko kiŋajin merya Iŋwan na yembi nye Rebeka ŋuro na Betuele ŋuto lo Aram lo Padan-aram nu. Rebeka a kiaser Labana ŋuto lo Aram. 21A Yisaka mo mo ’yi MATAT parik kogwon kulya ti nakwan nanyit, kogwon nye a ko yuŋuŋdyö; a MATAT iŋge yio momolesi kanyit, a Rebeka nakwan nanyit piŋge pigga. 22A ŋwajik möröni mörö ko ’borik kanyit i pele; a nye kulyani adi, A ko gwon sona, a nyo nagon nan ti twan? Nyena a nye iti i piyuŋdya na MATAT. 23#Rom 9.12A MATAT takiŋdye lepeŋ adi,
Jurön murek gwon kata konut i pele,
a gweyajin murek mo koŋi koŋa i yupuŋdyö inot na se;
a lele gweya mo toŋuŋdye lele lo i riŋit;
a kayu lo mo kitakiŋdye loponi.
24A ko perok kanyit ta ’duesi aje temakiŋdya, mete, a ŋwajik kurudwöt gwe kanyit i pele. 25A kayu lo lo lupene kaŋo a lotor, mugun nanyit liŋ gwon a kupir gwoso boŋgo na tetena ko kupir; a se gwije lepeŋ a Esau. 26#25.26 Yakobo Karin ti Yakobo kweja adi Nye logon morga loru ’yum adi ga ’yu ruddya a kirut luŋaser lonyit lo lupene kaŋo, könin lonyit morga loru ’yum lo Esau; nyena a nye gwiyöni a Yakobo. A Yisaka gwe ko kiŋajin merya buker na yuŋuŋdye nye se nu.
Esau a tugwöŋu to kayu nanyit
27A kilo ŋwajik ’duŋe ’duŋö, a Esau gwe a katogoranit lokoŋ, lepeŋ a ŋuto lo wöwörötu mu ’diŋ, ama a Yakobo duruni i kemialan. 28Nyena a Yisaka nyaŋi Esau kogwon nye nyenyesu lokore nagon Esau a togorun na; ama a Rebeka nyaŋi Yakobo.
29Lor lele a Yakobo deŋi luparate, a Esau poŋdi mu ’dio yu a doddya ko magor. 30A Esau mo ’yi Yakobo adi, Böŋö ’dipöki nan luparate nator na ’dit anyen nan meme, kogwon nan a doddya ko magor! (Nye ŋina kwe nagon nye a gwiyö a Edom.#25.30 Edom Karin ti Edom kweja adi Lotor) 31A Yakobo kulyani adi, A kokwe nagon nan tiŋdi do na tugwörökiŋdye nan to kayu inot. 32a Esau kulyani adi, Nan gwe nyona ko twan; to kayu ŋona konakin nan nyo?
33 #
Eb 12.16
A Yakobo kulyani adi, Milyeki tiŋdu nan a kokwe. A nye milyekiŋdye lepeŋ, a nye tugwörökiŋdye Yakobo to kayu nanyit. 34A Yakobo tiŋdi Esau paŋga ko luparate, nyena a nye nyesi nyesu a möji möju, a ŋine ki a iti tu. Nyena a Esau lauŋdye to kayu nanyit sona.
Currently Selected:
Suluet 25: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
Suluet 25
25
Nyakwariat ti Abarayama logon Ketura na yupuŋdyö
(Köti 1 Dekat 1.32-33)
1A Abarayama yembi nene nakwan, karin kanyit a Ketura.
2A ŋina nakwan yuŋwekiŋdye Abarayama Jimeran, ko Yokesan, ko Medan, ko Midiyan, ko Yisebak, se ko Suak.
3A Yokesan yuŋuŋdye Seba ko Dedan. A ŋwajik ti Dedan gwe a ko Asurim, ko Letusim, se ko Leumim. 4a ŋwajik ti Midiyan gwe a ko Epa, ko Eper, ko Kanok, ko Abida, se ko Eleda. Kilo lio a ŋwajik ti Ketura. 5a Abarayama tikiŋdye Yisaka ŋo kanyit lio. 6Ama a Abarayama tiŋdi ŋwajik ti wate kanyit loponika kulo ’dokesi; a nagon nye nyuŋ gwon jörun nu, a nye sonyoddi se kaŋo pajo ko ŋuro lonyit Yisaka i komor, tojo i swöt lo ’yure i jur logon kolor nyerun kata lu.
Twan ko nuka na Abarayania
7A kiŋajin lo gwiliŋgi Abarayama kulo gwe a kiŋajin mia geleŋ ko merya buryo wot mukanat. 8A Abarayama duwuŋdye duwuŋdya, a twane twan i diŋit nanyit na temakiŋdya nagon nye a ŋuto modoŋ ko kiŋajin jore nu, a nye nukakine ko merenyejin kanyit i merete. 9A ŋwajik kanyit logon a ko Yisaka ko Yisamaele nuŋge lepeŋ i kuggi na Makpela, i kak na Epurön ŋuro lo Soar lo kötumit na Ket, i swöt lo ’yure lo Mamure, 10#Sul 23.3-16i kak nagon Abarayama a gwörun ko Ŋutu ti Ket i könisi na. A Abarayama nukakine ko Sara nakwan nanyit i merete nyu.
11A i mukök na twaji Abarayama nu, a Ŋun ’boroji Yisaka ŋuro lonyit, a Yisaka si ’dani nyona ko Ber-lakai-roi.
Nyakwariat ti Yisamaele
(Köti 1 Dekat 1.28-31)
12Kilo a nyakwariat ti Yisamaele ŋuro lo Abarayama, logon Agara Ejipetotyo kölipönit na Sara a yuŋwekin Abarayama lo. 13Kine a karin ti ŋwajik ti Yisamaele, a karin kase gwe gwoso i lokep na yuŋwe nase, kweja adi, ŋuro kayu lo Yisamaele a Nebayot, a loponi gwe a Kedar, ko Adebela, ko Mibesam, 14ko Misema, ko Dumak, ko Masa, 15ko Kadada, ko Tema, ko Yetur, ko Napisa, se ko Kedema.
16Kulo a ŋwajik ti Yisamaele, a kune gwe a karin kase gwoso i turön kase, ko i merajin kase, kilo a kimak puök wot murek gwoso i kotumiton kase.
17(Kilo a kiŋajin lo gwiliŋgi Yisamaele, kweja adi a kiŋajin mia geleŋ ko merya musala wot buryo; a nye duwuŋdye duwuŋdya, a twane twan, a nye nukakine ko merenyejin kanyit i merete.)
18A lepeŋat gwolore suluja Kawila tojo Sur, komorga Ejipeto ko ŋuto tu Asura; a Yisamaele diŋöni ko luŋasirik kanyit.
Yuŋwe na Esau ko Yakobo
19A kilo gwe a nyakwariat ti Yisaka ŋuro lo Abarayama. Abaryama lo yupuŋdyö Yisaka, 20a Yisaka gwe ko kiŋajin merya Iŋwan na yembi nye Rebeka ŋuro na Betuele ŋuto lo Aram lo Padan-aram nu. Rebeka a kiaser Labana ŋuto lo Aram. 21A Yisaka mo mo ’yi MATAT parik kogwon kulya ti nakwan nanyit, kogwon nye a ko yuŋuŋdyö; a MATAT iŋge yio momolesi kanyit, a Rebeka nakwan nanyit piŋge pigga. 22A ŋwajik möröni mörö ko ’borik kanyit i pele; a nye kulyani adi, A ko gwon sona, a nyo nagon nan ti twan? Nyena a nye iti i piyuŋdya na MATAT. 23#Rom 9.12A MATAT takiŋdye lepeŋ adi,
Jurön murek gwon kata konut i pele,
a gweyajin murek mo koŋi koŋa i yupuŋdyö inot na se;
a lele gweya mo toŋuŋdye lele lo i riŋit;
a kayu lo mo kitakiŋdye loponi.
24A ko perok kanyit ta ’duesi aje temakiŋdya, mete, a ŋwajik kurudwöt gwe kanyit i pele. 25A kayu lo lo lupene kaŋo a lotor, mugun nanyit liŋ gwon a kupir gwoso boŋgo na tetena ko kupir; a se gwije lepeŋ a Esau. 26#25.26 Yakobo Karin ti Yakobo kweja adi Nye logon morga loru ’yum adi ga ’yu ruddya a kirut luŋaser lonyit lo lupene kaŋo, könin lonyit morga loru ’yum lo Esau; nyena a nye gwiyöni a Yakobo. A Yisaka gwe ko kiŋajin merya buker na yuŋuŋdye nye se nu.
Esau a tugwöŋu to kayu nanyit
27A kilo ŋwajik ’duŋe ’duŋö, a Esau gwe a katogoranit lokoŋ, lepeŋ a ŋuto lo wöwörötu mu ’diŋ, ama a Yakobo duruni i kemialan. 28Nyena a Yisaka nyaŋi Esau kogwon nye nyenyesu lokore nagon Esau a togorun na; ama a Rebeka nyaŋi Yakobo.
29Lor lele a Yakobo deŋi luparate, a Esau poŋdi mu ’dio yu a doddya ko magor. 30A Esau mo ’yi Yakobo adi, Böŋö ’dipöki nan luparate nator na ’dit anyen nan meme, kogwon nan a doddya ko magor! (Nye ŋina kwe nagon nye a gwiyö a Edom.#25.30 Edom Karin ti Edom kweja adi Lotor) 31A Yakobo kulyani adi, A kokwe nagon nan tiŋdi do na tugwörökiŋdye nan to kayu inot. 32a Esau kulyani adi, Nan gwe nyona ko twan; to kayu ŋona konakin nan nyo?
33 #
Eb 12.16
A Yakobo kulyani adi, Milyeki tiŋdu nan a kokwe. A nye milyekiŋdye lepeŋ, a nye tugwörökiŋdye Yakobo to kayu nanyit. 34A Yakobo tiŋdi Esau paŋga ko luparate, nyena a nye nyesi nyesu a möji möju, a ŋine ki a iti tu. Nyena a Esau lauŋdye to kayu nanyit sona.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.