Suluet 26
26
Si ’da na Yisaka Gerar ko Ber-seba
1A dyaŋ gwe i ŋilu jur, leŋe dyaŋ lo gwon i diŋit na Abarayama nu. A Yisaka iti Gerar ko Abimelek mor lo Pelesete yu. 2A MATAT puköki ko lepeŋ kulya adi, An do ko tu Ejipeto; si ’dani i jur logon nan de tata kin do kulya kanyit lo. 3#Sul 22.16-18Si ’dani i lo jur, a nan mo gwe ko do, a mo ’boroji do; kogwon nan mo tiŋdu do kilo juron liŋ a kulök ko i nyakwariat kulök, a nan mo togwi ’dikiŋdye milye go logon nan a milyekin monye ilot Abarayama lo. 4A nan mo tuŋdije nyakwariat kulök gwoso kaser ti ki, a mo tiŋdi nyakwariat kulok kilo jurön liŋ; nyena a gweyajin liŋti kak mo mo ’yi nan i ’boroja na se gwoso na ’boroji nan nyakwariat kulok na. 5Nan mo koŋdya sona kogwon Abarayama a yiŋga gworo lio, a ’debbi jujuja nio, ko yokiesi kwe, ko salesi kwe lo wurö se ko saresi kwe.
6Nyena a Yisaka si ’dani Gerar.
7 #
Sul 12.13; 20.2 A ko Ŋutu ti nu pirit kulo pija lepeŋ i kulya ti narakwan nanyit, a nye waddi adi, Nye a kiaser nio; kogwon nye kukujönö ruggö adi, Nye a narakwan nio; lepeŋ yeyeju adi, An Ŋutu ti na pirit ko tatuja nan kogwon kulya ti Rebeka; kogwon nye a nakwekwelen i meta.
8A ko gwe sona, ko nye aje joŋga diŋit a najo nyu, a Abimelek mor lo Pelesete kudyakan lo kuku ’di ’yö i kulupit, a meddi Yisaka gwon i bibiryötu ko Rebeka nakwan nanyit. 9A Abimelek luŋgi Yisaka, a pipije adi, Mete, ’diri nye a narakwan inot; nyena ko nyo do a jambu adi nye a kiösur? A Yisaka waddi lepeŋ adi, Nan luŋgu lepeŋ sona kogwon nan a yeyeju adi an nan ko twan kogwon kulya ti lepeŋ. 10a Abimelek pipije adi, Na ŋo a nyo nagon do a konakin yi na? Yoŋgi a na ’dit kode lele lo Ŋutu kaŋ dodotori narakwan inot, nyena a do joŋdi toron kayaŋ loki. 11Nyenagon a Abimelek jujuje Ŋutu liŋ adi, Ko ŋuto logon a ’bo ’yu ŋilo ŋuto kode narakwan nanyit, nye ’diri mo tatatua.
12A Yisaka ’yuddi kinyojin i lu jur, a iŋge ryö ludweki daŋin mia geleŋ i ŋilu kiŋa. A MATAT ’boroji lepeŋ
13A ŋilu ŋuto tukworiene tukwörien, aŋdine odi a worani a duma parik.
14A nye gwe ko toro ’bo jore ko yidin ko kisuk, ko Ŋutu jore kanyit midi, nyena a Ŋutu ti Pelesete bebe ’yi lepeŋ.
15(Ama a Ŋutu ti Pelesete aje ’dija kidiya ti pioŋ liŋ logon kölipönök ti monye lonyit Abarayama a ’bogga i perok kanyit köju kulu, a yiŋge se ko lipo.) 16A Abimelek kulyani ko Yisaka adi, Wuddye wuddya kayaŋ ni; kogwon do gwon ko riŋit totoŋun yi.
17A Yisaka ŋiörö ŋiörö nyu, a ’beggi kemialan kanyit i pirit na ’dir na Gerar a gwolore nyu. 18A Yisaka Köti nyöggi ’bogga kidiya ti pioŋ logon aje ’boka i perok ti monye lonyit Abarayama köju kulu; kogwon Ŋutu ti Pelesete aje yiŋgo se i mukök na twaji Abarayama nu; a nye gwije se ko karin na gwikin monye köju kunu. 19A köliponok ti Yisaka ko ’boggi kidi i pirit na ’dir, a ryeji pioŋ na lelekun ki. 20A kayukuk ti Gerar möröni mörö ko kayukuk ti Yisaka kulya adi, Ŋilo kidi a likaŋ. Nyena a nye luŋgi karin ti ŋilu kidi a Esek, #26.20 Esek Karin ti Esek kweja adi Mörö kogwon se a mörö i kulya ti ŋilu kidi. 21#26.21Sitina Karin ti Sitina kweja adi Tomirikulan A se ’boggi lele kidi Köti, a se möröni mörö kogwon kulya ti ŋilu kidi Köti; nyena a nye luŋgi karin kanyit a Sitina. 22#26.22 Reobot Karin ti Rekobot kweja adi Nagalaŋ a nye ŋiörö ŋiöro nyu, a ’boggi lele kidi Köti, a se tine mörö i kulya ti ŋilu kidi; nyena a nye luŋgi karin kanyit a Rekobot, kulya adi, Soŋinana MATAT aje tetenakiŋdya yi pirit nagalaŋ, a yi mo rade radan i lo jur.
23A nye ŋine ŋien nyu a iti Ber-seba.
24A i ŋilu tukwaje a MATAT puköki ko lepeŋ, a kulyani adi, Nan a Ŋun lo munyi Abarayama; ko kujönö, kogwon nan gwon ko do, a nan mo ’boroji do, a mo tuŋdije nyakwariat kulök kogwon kulya ti kölipönit lio Abarayama.
25A nye teteŋdi pirit ’yuret na rubaŋgajin nyu, a luluŋgi karin ti MATAT, a ’beggi kemia nanyit nyu. A kölipönök ti Yisaka ’boggi kidi nyu.
Yisaka ko Abimelek a teteŋdya tomoret
26 #
Sul 21.22
A Abimelek ko Akujat kajujuwanit lonyit se ko Pikola duma lo kamörök kanyit poŋdi kaŋo Gerar yu, a iti ko Yisaka yu. 27A Yisaka pipije lepeŋat adi, Kwe a nyo na pöri ta köyö ni, kogwon ta maman nan ko aje rikökiŋdyö nan kaŋo kasu? 28a se waddi adi, Yi a meddya ’diri adi MATAT gwon ko do; nyenagon a yi kulyani adi, Ti milye gwe kayaŋ kiden yi ko do, ko ti yi teteŋdi tomoret ko do i pirit na geleŋ,
29adi, do mo ti konakin yi arabat gwoso nagon yi a ko ’bo ’yu do na, yi a ko konakiŋdya do nene ŋo, ama tuŋ yi a konakiŋdya do ŋo na ’but, a yiŋ ŋge soŋdu do ko taliŋ. Nyena soŋinana do a ŋuto logon MATAT aje ’boro lo.
30A Yisaka tetenakiŋdye se rorwe, a se nyesi nyesu a möji möju. 31A se ŋine ŋien ko ’bure kobubut, a tomilyeki ko ’borik, a Yisaka nyömökindye se i kiko, a se wusaddi wusaddu kaŋo kanyit ko taliŋ. 32A ko gwe sona i ŋilu lor, a kölipönök ti Yisaka ko poni, a takiŋdye lepeŋ kulya ti kidi lo ’bok se lu kulya adi, Yi aje ryö pioŋ. 33A nye gwije ŋilu kidi a Siba; nyenagon a karin ti nu köji gwe a Ber-seba tojo ko lo lor.
34A Esau gwe ko kiŋajin merya Iŋwan na yembi nye Yudita ŋuro na Beri lo kötumit na Ket nu, se ko Basemat ŋuro na Elon lo kötumit na Ket; 35a kine wate todelyaji töili lo Yisaka ko lo Rebeka.
Currently Selected:
Suluet 26: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
Suluet 26
26
Si ’da na Yisaka Gerar ko Ber-seba
1A dyaŋ gwe i ŋilu jur, leŋe dyaŋ lo gwon i diŋit na Abarayama nu. A Yisaka iti Gerar ko Abimelek mor lo Pelesete yu. 2A MATAT puköki ko lepeŋ kulya adi, An do ko tu Ejipeto; si ’dani i jur logon nan de tata kin do kulya kanyit lo. 3#Sul 22.16-18Si ’dani i lo jur, a nan mo gwe ko do, a mo ’boroji do; kogwon nan mo tiŋdu do kilo juron liŋ a kulök ko i nyakwariat kulök, a nan mo togwi ’dikiŋdye milye go logon nan a milyekin monye ilot Abarayama lo. 4A nan mo tuŋdije nyakwariat kulök gwoso kaser ti ki, a mo tiŋdi nyakwariat kulok kilo jurön liŋ; nyena a gweyajin liŋti kak mo mo ’yi nan i ’boroja na se gwoso na ’boroji nan nyakwariat kulok na. 5Nan mo koŋdya sona kogwon Abarayama a yiŋga gworo lio, a ’debbi jujuja nio, ko yokiesi kwe, ko salesi kwe lo wurö se ko saresi kwe.
6Nyena a Yisaka si ’dani Gerar.
7 #
Sul 12.13; 20.2 A ko Ŋutu ti nu pirit kulo pija lepeŋ i kulya ti narakwan nanyit, a nye waddi adi, Nye a kiaser nio; kogwon nye kukujönö ruggö adi, Nye a narakwan nio; lepeŋ yeyeju adi, An Ŋutu ti na pirit ko tatuja nan kogwon kulya ti Rebeka; kogwon nye a nakwekwelen i meta.
8A ko gwe sona, ko nye aje joŋga diŋit a najo nyu, a Abimelek mor lo Pelesete kudyakan lo kuku ’di ’yö i kulupit, a meddi Yisaka gwon i bibiryötu ko Rebeka nakwan nanyit. 9A Abimelek luŋgi Yisaka, a pipije adi, Mete, ’diri nye a narakwan inot; nyena ko nyo do a jambu adi nye a kiösur? A Yisaka waddi lepeŋ adi, Nan luŋgu lepeŋ sona kogwon nan a yeyeju adi an nan ko twan kogwon kulya ti lepeŋ. 10a Abimelek pipije adi, Na ŋo a nyo nagon do a konakin yi na? Yoŋgi a na ’dit kode lele lo Ŋutu kaŋ dodotori narakwan inot, nyena a do joŋdi toron kayaŋ loki. 11Nyenagon a Abimelek jujuje Ŋutu liŋ adi, Ko ŋuto logon a ’bo ’yu ŋilo ŋuto kode narakwan nanyit, nye ’diri mo tatatua.
12A Yisaka ’yuddi kinyojin i lu jur, a iŋge ryö ludweki daŋin mia geleŋ i ŋilu kiŋa. A MATAT ’boroji lepeŋ
13A ŋilu ŋuto tukworiene tukwörien, aŋdine odi a worani a duma parik.
14A nye gwe ko toro ’bo jore ko yidin ko kisuk, ko Ŋutu jore kanyit midi, nyena a Ŋutu ti Pelesete bebe ’yi lepeŋ.
15(Ama a Ŋutu ti Pelesete aje ’dija kidiya ti pioŋ liŋ logon kölipönök ti monye lonyit Abarayama a ’bogga i perok kanyit köju kulu, a yiŋge se ko lipo.) 16A Abimelek kulyani ko Yisaka adi, Wuddye wuddya kayaŋ ni; kogwon do gwon ko riŋit totoŋun yi.
17A Yisaka ŋiörö ŋiörö nyu, a ’beggi kemialan kanyit i pirit na ’dir na Gerar a gwolore nyu. 18A Yisaka Köti nyöggi ’bogga kidiya ti pioŋ logon aje ’boka i perok ti monye lonyit Abarayama köju kulu; kogwon Ŋutu ti Pelesete aje yiŋgo se i mukök na twaji Abarayama nu; a nye gwije se ko karin na gwikin monye köju kunu. 19A köliponok ti Yisaka ko ’boggi kidi i pirit na ’dir, a ryeji pioŋ na lelekun ki. 20A kayukuk ti Gerar möröni mörö ko kayukuk ti Yisaka kulya adi, Ŋilo kidi a likaŋ. Nyena a nye luŋgi karin ti ŋilu kidi a Esek, #26.20 Esek Karin ti Esek kweja adi Mörö kogwon se a mörö i kulya ti ŋilu kidi. 21#26.21Sitina Karin ti Sitina kweja adi Tomirikulan A se ’boggi lele kidi Köti, a se möröni mörö kogwon kulya ti ŋilu kidi Köti; nyena a nye luŋgi karin kanyit a Sitina. 22#26.22 Reobot Karin ti Rekobot kweja adi Nagalaŋ a nye ŋiörö ŋiöro nyu, a ’boggi lele kidi Köti, a se tine mörö i kulya ti ŋilu kidi; nyena a nye luŋgi karin kanyit a Rekobot, kulya adi, Soŋinana MATAT aje tetenakiŋdya yi pirit nagalaŋ, a yi mo rade radan i lo jur.
23A nye ŋine ŋien nyu a iti Ber-seba.
24A i ŋilu tukwaje a MATAT puköki ko lepeŋ, a kulyani adi, Nan a Ŋun lo munyi Abarayama; ko kujönö, kogwon nan gwon ko do, a nan mo ’boroji do, a mo tuŋdije nyakwariat kulök kogwon kulya ti kölipönit lio Abarayama.
25A nye teteŋdi pirit ’yuret na rubaŋgajin nyu, a luluŋgi karin ti MATAT, a ’beggi kemia nanyit nyu. A kölipönök ti Yisaka ’boggi kidi nyu.
Yisaka ko Abimelek a teteŋdya tomoret
26 #
Sul 21.22
A Abimelek ko Akujat kajujuwanit lonyit se ko Pikola duma lo kamörök kanyit poŋdi kaŋo Gerar yu, a iti ko Yisaka yu. 27A Yisaka pipije lepeŋat adi, Kwe a nyo na pöri ta köyö ni, kogwon ta maman nan ko aje rikökiŋdyö nan kaŋo kasu? 28a se waddi adi, Yi a meddya ’diri adi MATAT gwon ko do; nyenagon a yi kulyani adi, Ti milye gwe kayaŋ kiden yi ko do, ko ti yi teteŋdi tomoret ko do i pirit na geleŋ,
29adi, do mo ti konakin yi arabat gwoso nagon yi a ko ’bo ’yu do na, yi a ko konakiŋdya do nene ŋo, ama tuŋ yi a konakiŋdya do ŋo na ’but, a yiŋ ŋge soŋdu do ko taliŋ. Nyena soŋinana do a ŋuto logon MATAT aje ’boro lo.
30A Yisaka tetenakiŋdye se rorwe, a se nyesi nyesu a möji möju. 31A se ŋine ŋien ko ’bure kobubut, a tomilyeki ko ’borik, a Yisaka nyömökindye se i kiko, a se wusaddi wusaddu kaŋo kanyit ko taliŋ. 32A ko gwe sona i ŋilu lor, a kölipönök ti Yisaka ko poni, a takiŋdye lepeŋ kulya ti kidi lo ’bok se lu kulya adi, Yi aje ryö pioŋ. 33A nye gwije ŋilu kidi a Siba; nyenagon a karin ti nu köji gwe a Ber-seba tojo ko lo lor.
34A Esau gwe ko kiŋajin merya Iŋwan na yembi nye Yudita ŋuro na Beri lo kötumit na Ket nu, se ko Basemat ŋuro na Elon lo kötumit na Ket; 35a kine wate todelyaji töili lo Yisaka ko lo Rebeka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.