Suluet 27
27
Yakobo a mumulukuŋdya ’boriet ko Yisaka
1A ko gwe sona na gwoŋdi bulö meddya, a nye luŋgi Esau ŋuro lonyit kayu, a kulyani ko lepeŋ adi, Ŋuro lio; a nye ruŋge adi, Nan malo.
2A Yisaka kulyani adi, Mete, nan gwe a modoŋ, a nan tine den lor lio twayet.
3Nyenagon soŋinana boŋo ’dumuŋdye tito kunok togoresi, ko gwolo inot ko daŋ inot, ko iti mu ’diŋ, ko togoraki nan lokore, 4ko tetenaki nan lokore na paleleŋ gwoso na nyaŋi nan na, ko jaki nan ni, anyen nan böŋö nyönyö; anyen nan böŋö ’boroja do a kokwe nagon nan a ko nyuŋ twan na.
5Nyenagon a Rebeka gwe i yiŋga na jambi Yisaka ko Esau ŋuro lonyit nu. A Esau ko iti mu ’dio i togoraddu na lokore anyen jojoŋdya nu, 6a Rebeka kulyani ko Yakobo ŋuro lonyit adi, Mete, nan a yiŋ munyi i jambu ko Esau luŋösur adi,
7Taki nan lokore, ko tetenaki nan lokore na paleleŋ, anyen nan böŋö nyönyö, anyen nan ’bo ’boro do ko MATAT i komor a kokwe nagon nan a ko nyuŋ twan na. 8Nyenagon ŋuro lio, yiŋge gworo lio gwoso na saŋi nan do na. 9Iti i teŋ na yidin, ko jaki nan torela lo ’but ti melon, a nan de tetenakiŋdye munyi lokore na paleleŋ gwoso na saŋi nye na; 10a do de jakiŋdye munyi anyen nyonyo, anyen nye böŋö ’boroja do a kokwe nagon nye a ko nyuŋ twan na. 11Ama a Yakobo kulyani ko ŋote nanyit Rebeka adi, Mete, Esau luŋaser lio a ŋuto logon ko kupir jore, ama mugun nio ’bak kupir. 12Kode baba ŋona de ’ba ’bak nan, a nan de metani ko lepeŋ a kalaanit, a nan de jakiŋdye mugun lomit ti gwon a ’boriet. 13a ŋote kulyani ko lepeŋ adi, Ŋuro lio, ti lömö inot poki koyo loki, ama yiŋge gworo liŋ ka ’de, iti, jaki nan se. 14a nye iti tu, a ’dumuŋdye ’dumuŋdya, a jakiŋdye ŋote; a ŋote deŋi lokore na paleleŋ gwoso na saŋi monye na. 15A Rebeka ’dumuŋdye boŋgwat na ’but ti Esau ŋuro lonyit kayu na gwon ko lepeŋ kadi kune, a tojupukiŋdye se Yakobo ŋuro lonyit loponi; 16a Rebeka tiŋdi gobero ti yisi ko Yakobo i könisi ko kanyit i ’doŋoŋ; 17a nye tiŋdi lokore na paleleŋ ko Yakobo ŋuro lonyit i könin se ko paŋga na teten nye na.
18A nye lupöni ko monye yu, a luŋgi adi, Baba; a monye ruŋge adi, Nan malo; do a ŋa ŋuro lio? 19A Yakobo waddi monye adi, Nan a Esau ŋuro ilot kayu. Nan aje joŋdya gwoso na sarakiŋdye do nan na; ŋine ki böŋö, si ’dani ki i nyesu na lokore na jon nan na, anyen do böŋö ’boroja nan. 20a Yisaka pipije ŋuro lonyit adi, Do aryeŋdu ’de ’de sona ada ŋuro lio? A nye waddi adi, Nan a ryeŋdu ’de ’de kogwon MATAT Ŋun ilot a topuökkiŋdyö nan. A Yisaka kulyani ko Yakobo adi, 21Miju nyona anyen nan böŋö ko ’ba ’bak do ŋuro lio, kode do ’diri a ŋuro lio Esau kode a leŋe.
22A Yakobo mijörö nyona ko monye lonyit Yisaka yu, a Yisaka ’ba ’baggi lepeŋ kulya adi, Gworo ilot gwoso lo Yakobo, ama könisi a könisi ti Esau.
23A nye tine timun lepeŋ, kogwon könisi kanyit gwon ko kupir jore gwoso na gwoŋdi könisi ti luŋaser lonyit Esau na; nye ŋina kwe na ’boroji lepeŋ na. 24A nye pipije lepeŋ adi, Do ’diri a ŋuro lio Esau? A nye ruŋge adi, lye, nan a nye. 25A kirut nye kulyani adi, Taki nan nyona ni, anyen nan nyesu lokore na jon ŋuro lio na, anyen nan böŋö ’boroja do. A nyejakiŋdye lepeŋ nyona, a nye nyesi nyesu; a nye jakiŋdye lepeŋ binyo, a nye möji möju.
26a monye lonyit Yisaka kulyani ko lepeŋ adi, Ŋuro lio, soŋinana miju nyona ko ’biyuŋdye nan. 27#Eb 11.20a nye miju nyona, a ’biyuŋdye lepeŋ; a nye moji mon na boŋgwat kanyit kune; a ’boroji lepeŋ adi,
Mete, mon na ŋuro lio gwon gwoso mon na melesen na ’boro MATAT na!
28Ti Ŋun tiŋdi do lilima ti ki, ko rit na kak,
iŋkoi, ’bolot ko binyo jore parik
29 #
Sul 12.3
Ti gweyajin ti Ŋutu kitakiŋdye do, ti jurön dulakine kak konut i komor.Ti do gwe a duma lo luŋösurök, ti ŋwajik ti ŋuti dulakine kak konut i komor. Ti Ŋutu lio lo lömbu do kulo lömöni lömö,
ti Ŋutu lio lo ’boroja do kulo ’boriani ’boria!
30A Yisaka tutuŋge ’boroja Yakobo; a nagon Yakobo pete tu kaŋo ko monye lonyit Yisaka i komor nu, a Esau luŋaser lonyit lo ’duröki i ’baŋ i togo raddu nanyit. 31a Esau Köti deŋi lokore na paleleŋ a jakiŋdye monye, a kulyani ko monye adi, Baba, böŋö ŋine ki i nyesu na lokore na jon nan Ŋuro ilot na, anyen do böŋö ’boroja nan. 32a Yisaka monye lonyit pipije lepeŋ adi, Do a ŋa Köti? A nye ruŋge adi, Nan a Esau ŋuro ilot kayu. 33a Yisaka rigwököni rigwökö parik, a pipije adi, Ko sona, ŋa logon a togoraddu a jakiŋdye nan lokore? Nan aje nyesu liŋ nagon do a ko nyuŋ po na, nan aje ’boroja lepeŋ ko ’boriet nagon ti bulö löpukö. 34A Esau ko yiŋge kulyaesi ti monye, a nye luluje lulujö parik, a mamaŋdi monye adi, Pon baba, ’boroji nan, ma ’di nan Köti! 35a nye kulyani adi, Luŋösur a po a iŋge mumulugga nan, a mumulukaddi ’boriet inot. 36#Sul 25.29-34a Esau kulyani adi, Karin ti Yakobo ’diri a temakiŋdya lepeŋ! Kogwon nye aje dukaddu nan kaŋo daŋin murek anyen ruddya nan. Togeleŋ nye aje mumulukaddu tukayu nio; mete, soŋinana nye aje mumulukaddu ’boriet nio. A nye pipije adi, Do ŋona a ko ’delakin nan nene ’boriet le? 37a Yisaka waddi Esau adi, Mete, nan aje tiŋdu lepeŋ i gwon a duma ilot, nan Köti aje tikin lepeŋ luŋasirik kanyit liŋ i gwon a kölipönök kanyit, Köti nan aje tiŋdu lepeŋ ’bolot se ko binyo. A kirut nan soŋinana konaki do nyo ŋuro lio? 38#Eb 12.17a Esau mamaŋdi monye adi, Baba, do gwe ’bak nene ’boriet geleŋ le? Pon baba, ’boroji nan ma ’di nan Köti. A Esau gwine gwien bia parik.
39 #
Eb 11.20
A Yisaka monye lonyit waddi lepeŋ adi,
Mete, do mo si ’da pajo ko kak nagon a rit, do mo gwon pajo ko lilima ti ki.
40 #
Sul 36.8; 2 Mor 8.20 Do mo ryeju ŋo kunök i riŋit na baŋdu ilot,
a do mo kitakiŋdye luŋösur; a mo gwe sona adi ko do a ginyu ŋdya rereket kaŋo,
a do mo ŋonyoddi kaŋo gwuluŋi lonyit konut i murut.
Yisaka a sonyoddu Yakobo tojo Karan
41Nyena a Esau maŋdi Yakobo i kulya ti ’boriet na ’boroji monye lepeŋ na, a Esau kulyani kanyit i töili adi, Perok logon Ŋutu gwien baba gwe nyona; a kirut nan mo tatuje Yakobo luŋaser lio. 42Nyena a kilo kulyaesi ti Esau kayu lo nyönyökökine Rebeka; a Rebeka soŋdi ŋuto i luŋgu na Yakobo nuro lonyit loponi, a kulyani ko lepeŋ adi, Mete, Esau luŋösur ’dekan tatuja do anyen sugga töili lonyit. 43Nyenagon soŋinana ŋuro lio, yiŋge gworo lio; ŋine ki, wöki Karan ko luŋaser lio Labana yu, 44si ’dani ko lepeŋ yu ko perok ku ’dik tojo ko ŋoma na luŋösur a yukörö; 45iŋkoi, tojo woran na luŋösur a likara konut a nye böŋöni böŋö ŋo nagon do a konakin lepeŋ na; a kirut nan mo soŋdi ŋuto i dogga na do nyu. Ko nyo nan ködyö tolikiŋdyö ta liŋ murek i lor geleŋ?
46A Rebeka kulyani ko Yisaka adi, Nan aje dara i gwiliŋit lio kogwon kulya ti Ŋutu wate ti Ket kune. Ko Yakobo a yemba nene na Ŋutu ti Ket gwoso kune nagon a Ŋutu ti lo jur kune, a gwiliŋit lio mo to ’duddye nan ada?
Currently Selected:
Suluet 27: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
Suluet 27
27
Yakobo a mumulukuŋdya ’boriet ko Yisaka
1A ko gwe sona na gwoŋdi bulö meddya, a nye luŋgi Esau ŋuro lonyit kayu, a kulyani ko lepeŋ adi, Ŋuro lio; a nye ruŋge adi, Nan malo.
2A Yisaka kulyani adi, Mete, nan gwe a modoŋ, a nan tine den lor lio twayet.
3Nyenagon soŋinana boŋo ’dumuŋdye tito kunok togoresi, ko gwolo inot ko daŋ inot, ko iti mu ’diŋ, ko togoraki nan lokore, 4ko tetenaki nan lokore na paleleŋ gwoso na nyaŋi nan na, ko jaki nan ni, anyen nan böŋö nyönyö; anyen nan böŋö ’boroja do a kokwe nagon nan a ko nyuŋ twan na.
5Nyenagon a Rebeka gwe i yiŋga na jambi Yisaka ko Esau ŋuro lonyit nu. A Esau ko iti mu ’dio i togoraddu na lokore anyen jojoŋdya nu, 6a Rebeka kulyani ko Yakobo ŋuro lonyit adi, Mete, nan a yiŋ munyi i jambu ko Esau luŋösur adi,
7Taki nan lokore, ko tetenaki nan lokore na paleleŋ, anyen nan böŋö nyönyö, anyen nan ’bo ’boro do ko MATAT i komor a kokwe nagon nan a ko nyuŋ twan na. 8Nyenagon ŋuro lio, yiŋge gworo lio gwoso na saŋi nan do na. 9Iti i teŋ na yidin, ko jaki nan torela lo ’but ti melon, a nan de tetenakiŋdye munyi lokore na paleleŋ gwoso na saŋi nye na; 10a do de jakiŋdye munyi anyen nyonyo, anyen nye böŋö ’boroja do a kokwe nagon nye a ko nyuŋ twan na. 11Ama a Yakobo kulyani ko ŋote nanyit Rebeka adi, Mete, Esau luŋaser lio a ŋuto logon ko kupir jore, ama mugun nio ’bak kupir. 12Kode baba ŋona de ’ba ’bak nan, a nan de metani ko lepeŋ a kalaanit, a nan de jakiŋdye mugun lomit ti gwon a ’boriet. 13a ŋote kulyani ko lepeŋ adi, Ŋuro lio, ti lömö inot poki koyo loki, ama yiŋge gworo liŋ ka ’de, iti, jaki nan se. 14a nye iti tu, a ’dumuŋdye ’dumuŋdya, a jakiŋdye ŋote; a ŋote deŋi lokore na paleleŋ gwoso na saŋi monye na. 15A Rebeka ’dumuŋdye boŋgwat na ’but ti Esau ŋuro lonyit kayu na gwon ko lepeŋ kadi kune, a tojupukiŋdye se Yakobo ŋuro lonyit loponi; 16a Rebeka tiŋdi gobero ti yisi ko Yakobo i könisi ko kanyit i ’doŋoŋ; 17a nye tiŋdi lokore na paleleŋ ko Yakobo ŋuro lonyit i könin se ko paŋga na teten nye na.
18A nye lupöni ko monye yu, a luŋgi adi, Baba; a monye ruŋge adi, Nan malo; do a ŋa ŋuro lio? 19A Yakobo waddi monye adi, Nan a Esau ŋuro ilot kayu. Nan aje joŋdya gwoso na sarakiŋdye do nan na; ŋine ki böŋö, si ’dani ki i nyesu na lokore na jon nan na, anyen do böŋö ’boroja nan. 20a Yisaka pipije ŋuro lonyit adi, Do aryeŋdu ’de ’de sona ada ŋuro lio? A nye waddi adi, Nan a ryeŋdu ’de ’de kogwon MATAT Ŋun ilot a topuökkiŋdyö nan. A Yisaka kulyani ko Yakobo adi, 21Miju nyona anyen nan böŋö ko ’ba ’bak do ŋuro lio, kode do ’diri a ŋuro lio Esau kode a leŋe.
22A Yakobo mijörö nyona ko monye lonyit Yisaka yu, a Yisaka ’ba ’baggi lepeŋ kulya adi, Gworo ilot gwoso lo Yakobo, ama könisi a könisi ti Esau.
23A nye tine timun lepeŋ, kogwon könisi kanyit gwon ko kupir jore gwoso na gwoŋdi könisi ti luŋaser lonyit Esau na; nye ŋina kwe na ’boroji lepeŋ na. 24A nye pipije lepeŋ adi, Do ’diri a ŋuro lio Esau? A nye ruŋge adi, lye, nan a nye. 25A kirut nye kulyani adi, Taki nan nyona ni, anyen nan nyesu lokore na jon ŋuro lio na, anyen nan böŋö ’boroja do. A nyejakiŋdye lepeŋ nyona, a nye nyesi nyesu; a nye jakiŋdye lepeŋ binyo, a nye möji möju.
26a monye lonyit Yisaka kulyani ko lepeŋ adi, Ŋuro lio, soŋinana miju nyona ko ’biyuŋdye nan. 27#Eb 11.20a nye miju nyona, a ’biyuŋdye lepeŋ; a nye moji mon na boŋgwat kanyit kune; a ’boroji lepeŋ adi,
Mete, mon na ŋuro lio gwon gwoso mon na melesen na ’boro MATAT na!
28Ti Ŋun tiŋdi do lilima ti ki, ko rit na kak,
iŋkoi, ’bolot ko binyo jore parik
29 #
Sul 12.3
Ti gweyajin ti Ŋutu kitakiŋdye do, ti jurön dulakine kak konut i komor.Ti do gwe a duma lo luŋösurök, ti ŋwajik ti ŋuti dulakine kak konut i komor. Ti Ŋutu lio lo lömbu do kulo lömöni lömö,
ti Ŋutu lio lo ’boroja do kulo ’boriani ’boria!
30A Yisaka tutuŋge ’boroja Yakobo; a nagon Yakobo pete tu kaŋo ko monye lonyit Yisaka i komor nu, a Esau luŋaser lonyit lo ’duröki i ’baŋ i togo raddu nanyit. 31a Esau Köti deŋi lokore na paleleŋ a jakiŋdye monye, a kulyani ko monye adi, Baba, böŋö ŋine ki i nyesu na lokore na jon nan Ŋuro ilot na, anyen do böŋö ’boroja nan. 32a Yisaka monye lonyit pipije lepeŋ adi, Do a ŋa Köti? A nye ruŋge adi, Nan a Esau ŋuro ilot kayu. 33a Yisaka rigwököni rigwökö parik, a pipije adi, Ko sona, ŋa logon a togoraddu a jakiŋdye nan lokore? Nan aje nyesu liŋ nagon do a ko nyuŋ po na, nan aje ’boroja lepeŋ ko ’boriet nagon ti bulö löpukö. 34A Esau ko yiŋge kulyaesi ti monye, a nye luluje lulujö parik, a mamaŋdi monye adi, Pon baba, ’boroji nan, ma ’di nan Köti! 35a nye kulyani adi, Luŋösur a po a iŋge mumulugga nan, a mumulukaddi ’boriet inot. 36#Sul 25.29-34a Esau kulyani adi, Karin ti Yakobo ’diri a temakiŋdya lepeŋ! Kogwon nye aje dukaddu nan kaŋo daŋin murek anyen ruddya nan. Togeleŋ nye aje mumulukaddu tukayu nio; mete, soŋinana nye aje mumulukaddu ’boriet nio. A nye pipije adi, Do ŋona a ko ’delakin nan nene ’boriet le? 37a Yisaka waddi Esau adi, Mete, nan aje tiŋdu lepeŋ i gwon a duma ilot, nan Köti aje tikin lepeŋ luŋasirik kanyit liŋ i gwon a kölipönök kanyit, Köti nan aje tiŋdu lepeŋ ’bolot se ko binyo. A kirut nan soŋinana konaki do nyo ŋuro lio? 38#Eb 12.17a Esau mamaŋdi monye adi, Baba, do gwe ’bak nene ’boriet geleŋ le? Pon baba, ’boroji nan ma ’di nan Köti. A Esau gwine gwien bia parik.
39 #
Eb 11.20
A Yisaka monye lonyit waddi lepeŋ adi,
Mete, do mo si ’da pajo ko kak nagon a rit, do mo gwon pajo ko lilima ti ki.
40 #
Sul 36.8; 2 Mor 8.20 Do mo ryeju ŋo kunök i riŋit na baŋdu ilot,
a do mo kitakiŋdye luŋösur; a mo gwe sona adi ko do a ginyu ŋdya rereket kaŋo,
a do mo ŋonyoddi kaŋo gwuluŋi lonyit konut i murut.
Yisaka a sonyoddu Yakobo tojo Karan
41Nyena a Esau maŋdi Yakobo i kulya ti ’boriet na ’boroji monye lepeŋ na, a Esau kulyani kanyit i töili adi, Perok logon Ŋutu gwien baba gwe nyona; a kirut nan mo tatuje Yakobo luŋaser lio. 42Nyena a kilo kulyaesi ti Esau kayu lo nyönyökökine Rebeka; a Rebeka soŋdi ŋuto i luŋgu na Yakobo nuro lonyit loponi, a kulyani ko lepeŋ adi, Mete, Esau luŋösur ’dekan tatuja do anyen sugga töili lonyit. 43Nyenagon soŋinana ŋuro lio, yiŋge gworo lio; ŋine ki, wöki Karan ko luŋaser lio Labana yu, 44si ’dani ko lepeŋ yu ko perok ku ’dik tojo ko ŋoma na luŋösur a yukörö; 45iŋkoi, tojo woran na luŋösur a likara konut a nye böŋöni böŋö ŋo nagon do a konakin lepeŋ na; a kirut nan mo soŋdi ŋuto i dogga na do nyu. Ko nyo nan ködyö tolikiŋdyö ta liŋ murek i lor geleŋ?
46A Rebeka kulyani ko Yisaka adi, Nan aje dara i gwiliŋit lio kogwon kulya ti Ŋutu wate ti Ket kune. Ko Yakobo a yemba nene na Ŋutu ti Ket gwoso kune nagon a Ŋutu ti lo jur kune, a gwiliŋit lio mo to ’duddye nan ada?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.