Suluet 28
28
1A Yisaka luŋgi Yakobo, a ’boroji lepeŋ, a jujuje lepeŋ adi, An do ko yemba nakwan i Ŋutu ti Kanana. 2Ŋine ki, iti Padanaram tojo ko Betuele mede monye ŋuti, ko yemuŋdye nyu nene na ŋwajik ti mananye ilot Labana. 3Ti Ŋun Kabulönit lo ŋo liŋ ’boroji do, ti nye tiŋdi do i yuŋwe jore parik, ko ti tuŋdije do anyen do mo wora a lodir lo gweyajin ti Ŋutu. 4#Sul 17.4-8Ti nye tiŋdi do ’boriet nagon nye a ’boroji Abarayama na, do se ko nyakwariat kulök i pirit na geleŋ, anyen do morga jur logon do si ’da kata lu a lomore ilot, ŋilu a jur logon Ŋun köju a tikin Abarayama lu.
5Nyena a Yisaka sonyoddi Yakobo, a nye iti tojo Padan-aram ko Labana yu. Labana a ŋuro lo Betuele ŋuto lo Aram, ko a luŋaser Rebeka nagon a ŋote Yakobo ko Esau.
Esau a yemba nene nakwan
6Nyena a Esau ko meddi Yisaka aje ’boroja Yakobo ko aje sonyoddu lepeŋ Padan-aram yu i yemba na nakwan nyu, ko Köti adi na ’boroji nye lepeŋ nu, a jujuje lepeŋ adi, An do ko yemba ŋene na Ŋutu ti Kanana, 7a Yakobo iŋge yiŋ kulya kase monye ko ŋote, a iti tojo Padan-aram. 8Nyena a Esau ko meddi adi Yisaka monye lonyit a ko lyöŋön ko Ŋutu wate ti Kanana, 9A Esau iti ko Yisamaele yu, a nye yemuŋdye nene nakwan ’ya ’yi wate na gwon ko lepeŋ kune. Karin ti ŋuto na yem nye na a Makalat ŋuro na Yisamaele ŋuro lo Abarayama, nagon a kiaser Nebayot.
Yakobo a rudwe Betele yu
10A Yakobo ŋiörö kaŋo Ber-seba a jölöjine Karan yu. 11A nye ko ’dure i nene pirit, a nye mönuŋdye nyu tukwaje liŋ kogwon kolor aje ’doro. A nye ’dumuŋdye nene ŋurupit na nu pirit a tiŋdi a tiket na kwe, a pirikine kak i nu pirit i doto. 12#Yoa 1.51A nye rudweni rudwe adi nye a meddya kiyet gwon nyu a togwi ’diki kak, ko kwe nanyit a yeŋga i ’diko; mete, a malaikajin ti Ŋun gwe i kiyaddu ki ko i kiyuŋdya kak i ŋina kiyet! 13#Sul 13.14, 15Mete, a MATAT gwo ’de gwo ’dan kanyit nyona, a kulyani adi, Nan a MATAT Ŋun lo munyi Abarayama, ko a Ŋun lo Yisaka; nan mo titikin do se ko nyakwariat kulök kak nagon do a piriki kata ŋina; 14#Sul 12.3; 22.18 a nyakwariat kulök mo gwe jore gwoso ŋutu na kak, a do mo baranyaddi kaŋo tojo i tokotyaŋ, ko i ’yure, ko i lobot, ko i loki; a kötumitön liŋ ti kak mo mo ’yi nan i ’boroja na se gwoso na ’boroji nan do se ko nyakwariat kulök na. 15Nyenagon mete, nan lo gwon ko do a mo gane ga do i piritön liŋ nagon do tiri nyin kine, a mo nyökuŋdye do bot i lo jur Köti; kogwon nan mo ti kö ’yu do teŋ ko nan a kon kulya na takin nan do kine. 16A Yakobo purwene purwe i doto, a kulyani adi, ’Diri MATAT gwon i na pirit; a nan tine den. 17A nye kujönöni kujönö adi, Na a pirit kujönöet! Na ’diri a kadi na Ŋun, na a kötumit na ki.
18A Yakobo ŋine ki ko ’bure ’beron, a nye ’dumuŋdye ŋurupit na tin nye a tiket na kwe na, a togwi ’dikiŋdye nye ki gwoso kumut, a ’bukökiŋdye welet kanyit loki. 19a nye gwije ŋinu pirit a Betele;#28.19 Betele Karin ti Betele kweja adi Kadi na Ŋun ama köju a kokwe ŋinu köji lupu a Luja. 20a Yakobo milyeji milyeju adi, ’Diri ’diri ko Ŋun mo gwon ko nan, a mo gayaddi nan i lo kiko lo tiri nan lo, a mo tiŋdi nan kinyo lo nyenyei ko boŋgwat na jujupu,
21anyen nan yitwe ko baba kadi koti ko taliŋ, a do MATAT mo gwe a Ŋun lio, 22a na ŋurupit na togwo nan a kumut na mo gwe a kadi inot na Ŋun; a nan mo ’diri tiŋdi do swöt töpuökit na ŋo liŋ nagon do mo tikin nan kune.
Currently Selected:
Suluet 28: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
Suluet 28
28
1A Yisaka luŋgi Yakobo, a ’boroji lepeŋ, a jujuje lepeŋ adi, An do ko yemba nakwan i Ŋutu ti Kanana. 2Ŋine ki, iti Padanaram tojo ko Betuele mede monye ŋuti, ko yemuŋdye nyu nene na ŋwajik ti mananye ilot Labana. 3Ti Ŋun Kabulönit lo ŋo liŋ ’boroji do, ti nye tiŋdi do i yuŋwe jore parik, ko ti tuŋdije do anyen do mo wora a lodir lo gweyajin ti Ŋutu. 4#Sul 17.4-8Ti nye tiŋdi do ’boriet nagon nye a ’boroji Abarayama na, do se ko nyakwariat kulök i pirit na geleŋ, anyen do morga jur logon do si ’da kata lu a lomore ilot, ŋilu a jur logon Ŋun köju a tikin Abarayama lu.
5Nyena a Yisaka sonyoddi Yakobo, a nye iti tojo Padan-aram ko Labana yu. Labana a ŋuro lo Betuele ŋuto lo Aram, ko a luŋaser Rebeka nagon a ŋote Yakobo ko Esau.
Esau a yemba nene nakwan
6Nyena a Esau ko meddi Yisaka aje ’boroja Yakobo ko aje sonyoddu lepeŋ Padan-aram yu i yemba na nakwan nyu, ko Köti adi na ’boroji nye lepeŋ nu, a jujuje lepeŋ adi, An do ko yemba ŋene na Ŋutu ti Kanana, 7a Yakobo iŋge yiŋ kulya kase monye ko ŋote, a iti tojo Padan-aram. 8Nyena a Esau ko meddi adi Yisaka monye lonyit a ko lyöŋön ko Ŋutu wate ti Kanana, 9A Esau iti ko Yisamaele yu, a nye yemuŋdye nene nakwan ’ya ’yi wate na gwon ko lepeŋ kune. Karin ti ŋuto na yem nye na a Makalat ŋuro na Yisamaele ŋuro lo Abarayama, nagon a kiaser Nebayot.
Yakobo a rudwe Betele yu
10A Yakobo ŋiörö kaŋo Ber-seba a jölöjine Karan yu. 11A nye ko ’dure i nene pirit, a nye mönuŋdye nyu tukwaje liŋ kogwon kolor aje ’doro. A nye ’dumuŋdye nene ŋurupit na nu pirit a tiŋdi a tiket na kwe, a pirikine kak i nu pirit i doto. 12#Yoa 1.51A nye rudweni rudwe adi nye a meddya kiyet gwon nyu a togwi ’diki kak, ko kwe nanyit a yeŋga i ’diko; mete, a malaikajin ti Ŋun gwe i kiyaddu ki ko i kiyuŋdya kak i ŋina kiyet! 13#Sul 13.14, 15Mete, a MATAT gwo ’de gwo ’dan kanyit nyona, a kulyani adi, Nan a MATAT Ŋun lo munyi Abarayama, ko a Ŋun lo Yisaka; nan mo titikin do se ko nyakwariat kulök kak nagon do a piriki kata ŋina; 14#Sul 12.3; 22.18 a nyakwariat kulök mo gwe jore gwoso ŋutu na kak, a do mo baranyaddi kaŋo tojo i tokotyaŋ, ko i ’yure, ko i lobot, ko i loki; a kötumitön liŋ ti kak mo mo ’yi nan i ’boroja na se gwoso na ’boroji nan do se ko nyakwariat kulök na. 15Nyenagon mete, nan lo gwon ko do a mo gane ga do i piritön liŋ nagon do tiri nyin kine, a mo nyökuŋdye do bot i lo jur Köti; kogwon nan mo ti kö ’yu do teŋ ko nan a kon kulya na takin nan do kine. 16A Yakobo purwene purwe i doto, a kulyani adi, ’Diri MATAT gwon i na pirit; a nan tine den. 17A nye kujönöni kujönö adi, Na a pirit kujönöet! Na ’diri a kadi na Ŋun, na a kötumit na ki.
18A Yakobo ŋine ki ko ’bure ’beron, a nye ’dumuŋdye ŋurupit na tin nye a tiket na kwe na, a togwi ’dikiŋdye nye ki gwoso kumut, a ’bukökiŋdye welet kanyit loki. 19a nye gwije ŋinu pirit a Betele;#28.19 Betele Karin ti Betele kweja adi Kadi na Ŋun ama köju a kokwe ŋinu köji lupu a Luja. 20a Yakobo milyeji milyeju adi, ’Diri ’diri ko Ŋun mo gwon ko nan, a mo gayaddi nan i lo kiko lo tiri nan lo, a mo tiŋdi nan kinyo lo nyenyei ko boŋgwat na jujupu,
21anyen nan yitwe ko baba kadi koti ko taliŋ, a do MATAT mo gwe a Ŋun lio, 22a na ŋurupit na togwo nan a kumut na mo gwe a kadi inot na Ŋun; a nan mo ’diri tiŋdi do swöt töpuökit na ŋo liŋ nagon do mo tikin nan kune.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.