Suluet 33
33
Yakobo ko Esau a mora
1A Yakobo ko ’bi ’yi konyen kanyit ki, a nye meddi Esau i po ko Ŋutu miajin Iŋwan. Nyena a nye ’dumuŋdye ŋwajik a korakiŋdye Lea ko Raele se ko kölipönök nawate murek kune. 2a nye tiŋdi kine kölipönök ko ŋwajik kase ŋerot, a i mukök nase gwe a Lea ko ŋwajik kanyit, a i mukök na Lea gwe a Raele ko Yosepa i ’dutet na se lio. 3A nye ko mugun lo yeŋgi ko lepeŋat ŋerot, a nye dulakiŋdye mugun kak daŋin buryo, tojo ko nye a ’dur nyona ko luŋaser yu.
4A Esau wöki i rum ko lepeŋ, a kalapakiŋdye lepeŋ kanyit i kido a kuddye swö kanyit, a se gwine gwien.
5A Esau ’bi ’yi konyen kanyit ki, a nye meddi Ŋutu wate ko ŋwajik, a pipije adi, Kilo a ko ŋa logon gwon ko do kilo? A Yakobo waddi adi, Kilo a ŋwajik logon Ŋun a tin kölipönit ilot ko ’busan nanyit. 6Nyena a kölipönök nawate kune ko ŋwajik kase miju nyona, a se rosokakine kak; 7a Lea Köti ko ŋwajik kanyit miju nyona, a se rosokakine kak; a i ’dutet a Yosepa ko Raele miju nyona, a se rosokakine kak. 8A Esau pipije adi, Kunu teŋon liŋ nagon nan a torumbe kunu kweja nyo? A Yakobo waddi adi, Kunu teŋon jaki do anyen nan ryeju ’busan konut pon duma lio.
9Ama a Esau kulyani adi, Nan gwon ko ŋo na jujukin; ’debbi kunok kine a kunök pon luŋaser lio. 10A Yakobo renyani adi, A, a, nan mo ’yu do ko nan a ryo ’busan konut i komor, a ti do böŋö wuji ’doket nagon nan ’doggi do na; kogwon nan ’diri aje meddya komor inot gwoso ŋuto lo meddya komor na Ŋun, a do iŋge lyöŋön ko nan. 11Böŋö wuji ’doket nio nagon a jaki do na, kogwon Ŋun aje konakiŋdya nan ’bura, Köti kogwon nan gwon ko ŋolo jujukin. A Yakobo gwe i mimi ’dija na lepeŋ sona, a kirut a nye wuji wuju.
12A Esau kulyani adi, Ti yi morgi ta jölö nikao, ti yi iti ta, a nan de iti konut ŋerot. 13Ama a Yakobo kulyani ko lepeŋ adi, Pon duma lio, do a den adi lupudiet kulo nyuŋ a lomunyak, ko Köti teŋon ti yidin ko ti kisuk na gwon köyö kune tutunöggu; nyenagon ko se a meyaji parik tuparan geleŋ a toro ’bo liŋ de twatwane twatwa. 14Ti do duma lio böŋö lwöŋöddi i ŋerot na nan kölipönit ilot, a nan de meyaddi madaŋ gwoso i wörö na toro ’bo na gwon köyö ŋerot kunu, Köti gwoso i wörö na lupudiet, tojo ko ’dur nio Seir konut nyu pon duma lio.
15A Esau kulyani adi, Ti nan kölöki do kulye Ŋutu kwe. Ama a Yakobo waddi adi, Kulya ’bayin. Nan tuŋ ’dek ti do duma lio kwekiŋdye nan ’busan.
16Nyena i lu lor a Esau morgi kiko lonyit, a yitöni bot Seir yu. 17Ama a Yakobo jölöni jolö tojo Suköt, a ’dukökiŋdye mugun kadi, a tetenakiŋdye toro ’bo kanyit murugujin; nyena ko ŋina kwe a nu pirit luŋuni a Suköt.#33.17 Suköt Karin ti Suköt kweja adi Murugujin
18A Yakobo iŋge ’durökin ’bura i köji na Sekeme na gwon i jur lo Kanana yu nu, na pöri nye Padan-aram nu; a nye ’beggi kemia nanyit i komor na köji. 19#Yos 24.32; Yoa 4.5 A nye gwöruŋdye nu kak na ’beggi nye kemia nanyit nu ko pödöjin mia geleŋ i könisi ti Amor monye Sekeme. 20a nye dibbe pirit ’yuret na rubaŋgajin, a luŋgi lepeŋ a Ele-eloe Yisaraele.#33.20 Ele-eloe-Yisaraele Karin ti Ele-eloe-Yisaraele kweja adi nun logon a nun lo Yisaraele
Currently Selected:
Suluet 33: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
Suluet 33
33
Yakobo ko Esau a mora
1A Yakobo ko ’bi ’yi konyen kanyit ki, a nye meddi Esau i po ko Ŋutu miajin Iŋwan. Nyena a nye ’dumuŋdye ŋwajik a korakiŋdye Lea ko Raele se ko kölipönök nawate murek kune. 2a nye tiŋdi kine kölipönök ko ŋwajik kase ŋerot, a i mukök nase gwe a Lea ko ŋwajik kanyit, a i mukök na Lea gwe a Raele ko Yosepa i ’dutet na se lio. 3A nye ko mugun lo yeŋgi ko lepeŋat ŋerot, a nye dulakiŋdye mugun kak daŋin buryo, tojo ko nye a ’dur nyona ko luŋaser yu.
4A Esau wöki i rum ko lepeŋ, a kalapakiŋdye lepeŋ kanyit i kido a kuddye swö kanyit, a se gwine gwien.
5A Esau ’bi ’yi konyen kanyit ki, a nye meddi Ŋutu wate ko ŋwajik, a pipije adi, Kilo a ko ŋa logon gwon ko do kilo? A Yakobo waddi adi, Kilo a ŋwajik logon Ŋun a tin kölipönit ilot ko ’busan nanyit. 6Nyena a kölipönök nawate kune ko ŋwajik kase miju nyona, a se rosokakine kak; 7a Lea Köti ko ŋwajik kanyit miju nyona, a se rosokakine kak; a i ’dutet a Yosepa ko Raele miju nyona, a se rosokakine kak. 8A Esau pipije adi, Kunu teŋon liŋ nagon nan a torumbe kunu kweja nyo? A Yakobo waddi adi, Kunu teŋon jaki do anyen nan ryeju ’busan konut pon duma lio.
9Ama a Esau kulyani adi, Nan gwon ko ŋo na jujukin; ’debbi kunok kine a kunök pon luŋaser lio. 10A Yakobo renyani adi, A, a, nan mo ’yu do ko nan a ryo ’busan konut i komor, a ti do böŋö wuji ’doket nagon nan ’doggi do na; kogwon nan ’diri aje meddya komor inot gwoso ŋuto lo meddya komor na Ŋun, a do iŋge lyöŋön ko nan. 11Böŋö wuji ’doket nio nagon a jaki do na, kogwon Ŋun aje konakiŋdya nan ’bura, Köti kogwon nan gwon ko ŋolo jujukin. A Yakobo gwe i mimi ’dija na lepeŋ sona, a kirut a nye wuji wuju.
12A Esau kulyani adi, Ti yi morgi ta jölö nikao, ti yi iti ta, a nan de iti konut ŋerot. 13Ama a Yakobo kulyani ko lepeŋ adi, Pon duma lio, do a den adi lupudiet kulo nyuŋ a lomunyak, ko Köti teŋon ti yidin ko ti kisuk na gwon köyö kune tutunöggu; nyenagon ko se a meyaji parik tuparan geleŋ a toro ’bo liŋ de twatwane twatwa. 14Ti do duma lio böŋö lwöŋöddi i ŋerot na nan kölipönit ilot, a nan de meyaddi madaŋ gwoso i wörö na toro ’bo na gwon köyö ŋerot kunu, Köti gwoso i wörö na lupudiet, tojo ko ’dur nio Seir konut nyu pon duma lio.
15A Esau kulyani adi, Ti nan kölöki do kulye Ŋutu kwe. Ama a Yakobo waddi adi, Kulya ’bayin. Nan tuŋ ’dek ti do duma lio kwekiŋdye nan ’busan.
16Nyena i lu lor a Esau morgi kiko lonyit, a yitöni bot Seir yu. 17Ama a Yakobo jölöni jolö tojo Suköt, a ’dukökiŋdye mugun kadi, a tetenakiŋdye toro ’bo kanyit murugujin; nyena ko ŋina kwe a nu pirit luŋuni a Suköt.#33.17 Suköt Karin ti Suköt kweja adi Murugujin
18A Yakobo iŋge ’durökin ’bura i köji na Sekeme na gwon i jur lo Kanana yu nu, na pöri nye Padan-aram nu; a nye ’beggi kemia nanyit i komor na köji. 19#Yos 24.32; Yoa 4.5 A nye gwöruŋdye nu kak na ’beggi nye kemia nanyit nu ko pödöjin mia geleŋ i könisi ti Amor monye Sekeme. 20a nye dibbe pirit ’yuret na rubaŋgajin, a luŋgi lepeŋ a Ele-eloe Yisaraele.#33.20 Ele-eloe-Yisaraele Karin ti Ele-eloe-Yisaraele kweja adi nun logon a nun lo Yisaraele
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.