Suluet 34
34
Ŋwajik ti Yakobo a robba körö na kiaser nase
1A Dina ŋuro na Lea na yuŋwekin lepeŋ Yakobo na, iti i ’yö ’yu na Ŋutu wate ti ŋilu jur kunu;
2a Sekeme ŋuro lo matat lo lu jur logon a Amor lo kötumit na Kiwi, ko meddi nu ŋuro, a mokaddi lepeŋ, a dotoni ko lepeŋ, a toyuje kwe nanyit.
3A töili lonyit ’depakiŋdye ko Dina ŋuro na Yakobo, a nye nyaŋi nu ŋuro, a jambi ko lepeŋ ko kulyaesi lo ’but. 4A Sekeme kulyani ko monye lonyit Amor adi, Toyemaki nan ŋina ŋuro. 5A kudyakan Yakobo aje yiŋ adi Sekeme aje kör Dina ŋuro nanyit; ama ŋwajik kanyit kulo nyuŋ gwon mu ’diŋ ko toro ’bo kanyit kune, nyena a Yakobo yiŋani taliŋ tojo ko po nase. 6A Amor monye Sekeme lupene kaŋo a poŋdi ko Yakobo ni i jambu ko lepeŋ. 7A ŋwajik ti Yakobo ko yiŋge kine kulya, a se yitwene mede mu ’diŋ yu; a kilo teton gwe ko delya, a iŋge woran a tömönik, kogwon Sekeme a koŋdya ŋo na rurwan ko Yisaraele kiden i doto ko ŋuro na Yakobo, kogwon na a ŋo nagon ti jukin i kona.
8Ama a Amor tujamaki ko se adi, Töili lo ŋuro lio Sekeme gwon ko pusök ko ŋuro nasu; böŋö nan mo ’yu ta, tiki ta nye lepeŋ a narakwan nanyit. 9Teteŋdi ta toyem nikaŋ ko ta; rukökiŋdye ta yi ŋwajik kasu, ko yemaddi ta ŋwajik kaŋ.
10A ta mo si ’dani koyi i pirit na geleŋ; a lo jur mo tine tiŋiki ta; a ta si ’dani kata, a ta dödöji kata, a ta ryeji tukwörien kata. 11A Sekeme Köti kulyani ko monye ŋuro se ko luŋasirik ti ŋuro kulo adi, Ko ta a met adi a na ’but nan mo titikin ta ŋo liŋ nagon ta a tukökin nan kune. 12Luŋgi ta köyö toro ’bo yemesi ko kukuesi ko mukunen, a nan mo tiŋdi gwoso nagon ta a tukökiŋdye nan na; ama tuŋ tiŋdi ta nan ŋina ŋuro a narakwan nio.
13A ŋwajik ti Yakobo waddi Sekeme ko Amor monye lonyit i kiko mumuluket, kogwon nye a köŋu Dina kiaser nase. 14A se kulyani ko lepeŋat adi, Yi ti bulö koŋdya na ŋo i tiŋdu na kiaser nikaŋ i ŋuto logon a ko tawero, kogwon ŋina gwon kayaŋ a yu na kwe. 15Ko na kwe geleŋ yi bubulö rukökiŋdyö ta, kweja adi ta ködyö gwon gwoso yi, lunsak kasu liŋ ködyö tatawero. 16A kirut yi mo rukökiŋdye ta i yemba na ŋwajik kaŋ, a yi mo yemuŋdye ŋwajik kasu, a yi mo gwolore ko ta i pirit na geleŋ, a yi mo gwe a kötumit geleŋ.
17Ama ko ta ti yiŋ yi anyen ta tatawero, a kirut yi mo joŋgi ŋuro nikaŋ, a yi mo ŋiörö ŋiörö.
18A Amor se ko Sekeme ŋuro lonyit iŋge lyöŋön ko kulya na jam se kune. 19Nyenagon a ŋuro titinti tine ’diko i koŋdya na ŋina ŋo, kogwon nye gwon ko pusök ko ŋuro na Yakobo. Lo ŋuro bubula totoŋun kotumit na monye liŋ. 20Nyena a Amor ko ŋuro lonyit Sekeme ko poŋdi i kötumit na köji nase, a kulyani ko Ŋutu lyan ti köji nase kulo adi, 21Kulu Ŋutu a lo ’but koyi; ti lepeŋat si ’dani i lo jur a dödöji kata ni, kogwon jur a luŋalaŋ jujukin lepeŋat; ti yi yemuŋdye ŋwajik kase, ko ti yi rukökiŋdye se i yemba na ŋwajik kaŋ. 22Tuŋ ko na kwe geleŋ kilo Ŋutu a ruk gwolor koyi, anyen gwon a kötumit geleŋ; kweja adi ti Ŋutu kaŋ lunsak geleŋ taweroni tawero gwoso nagon se a tawero nu. 23Koyi a koŋdya sona, a kisuk kase, ko tito kase, ko toro ’bo kase mo gwe a kaŋ, ti gwon sona le? Tuŋ ti yi ruŋge se, a se mo gwolore koyi. 24a Ŋutu liŋ lo momoruŋdya i kötumit na köji nase kulo yiŋge kulyaesi ti Amor se ko ŋuro lonyit Sekeme; a kilo Ŋutu lio logon a momoruŋdya i kötumit na köji nase kulo taweroni tawero.
25A i mukök na perok musala, nagon se nyuŋ ŋoŋoŋga nu, a ŋwajik murek ti Yakobo logon a ko Simeona ko Lewi, logon a luŋasirik ti Dina kulo ’dumuŋdye baŋdujin kase, a se poŋdi köji a Iwon, a se tatuje kulu lunsak liŋ. 26Se a tatuja Amor ko ŋuro lonyit Sekeme ko baŋdujin, a joŋgi Dina kaŋo ko Sekeme kadi, a iti tu. 27a ŋwajik ti Yakobo ’dure i Ŋutu lo tatua kulo, a ryaggi ŋinu köji, kogwon kiaser nase aje korö, 28a se ’dumaddi teŋon ti yidin ko ti kisuk, ko kaineki ti kilu Ŋutu, ko ŋo liŋ na gwon i lukata na köji se ko na gwon mu ’dio kune; 29a se momokaddi toro ’bo ti kilu Ŋutu liŋ, ko lupudiet liŋ ko wate ti kilu Ŋutu, ko ŋo lio na gwon kase i kadijik kune a ryakat. 30a Yakobo kulyani ko Simeona ko Lewi adi, Ta aje jakiŋdya nan ŋo naron, ta aje tiŋdu nan i mon a loron i kiden na Ŋutu ti lo jur, kweja adi i kiden na Ŋutu ti Kanana ko ti Periji; Ŋutu kwe ku ’dik, a ko kulo Ŋutu a momoruŋdya i mörö ko nan, a nan se ko kotumit nio mo tukarani tukara. 31Ama a se ŋeddi adi, Ti nye kodyö koŋdi kiaser nikao gwoso kawute le?
Currently Selected:
Suluet 34: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
Suluet 34
34
Ŋwajik ti Yakobo a robba körö na kiaser nase
1A Dina ŋuro na Lea na yuŋwekin lepeŋ Yakobo na, iti i ’yö ’yu na Ŋutu wate ti ŋilu jur kunu;
2a Sekeme ŋuro lo matat lo lu jur logon a Amor lo kötumit na Kiwi, ko meddi nu ŋuro, a mokaddi lepeŋ, a dotoni ko lepeŋ, a toyuje kwe nanyit.
3A töili lonyit ’depakiŋdye ko Dina ŋuro na Yakobo, a nye nyaŋi nu ŋuro, a jambi ko lepeŋ ko kulyaesi lo ’but. 4A Sekeme kulyani ko monye lonyit Amor adi, Toyemaki nan ŋina ŋuro. 5A kudyakan Yakobo aje yiŋ adi Sekeme aje kör Dina ŋuro nanyit; ama ŋwajik kanyit kulo nyuŋ gwon mu ’diŋ ko toro ’bo kanyit kune, nyena a Yakobo yiŋani taliŋ tojo ko po nase. 6A Amor monye Sekeme lupene kaŋo a poŋdi ko Yakobo ni i jambu ko lepeŋ. 7A ŋwajik ti Yakobo ko yiŋge kine kulya, a se yitwene mede mu ’diŋ yu; a kilo teton gwe ko delya, a iŋge woran a tömönik, kogwon Sekeme a koŋdya ŋo na rurwan ko Yisaraele kiden i doto ko ŋuro na Yakobo, kogwon na a ŋo nagon ti jukin i kona.
8Ama a Amor tujamaki ko se adi, Töili lo ŋuro lio Sekeme gwon ko pusök ko ŋuro nasu; böŋö nan mo ’yu ta, tiki ta nye lepeŋ a narakwan nanyit. 9Teteŋdi ta toyem nikaŋ ko ta; rukökiŋdye ta yi ŋwajik kasu, ko yemaddi ta ŋwajik kaŋ.
10A ta mo si ’dani koyi i pirit na geleŋ; a lo jur mo tine tiŋiki ta; a ta si ’dani kata, a ta dödöji kata, a ta ryeji tukwörien kata. 11A Sekeme Köti kulyani ko monye ŋuro se ko luŋasirik ti ŋuro kulo adi, Ko ta a met adi a na ’but nan mo titikin ta ŋo liŋ nagon ta a tukökin nan kune. 12Luŋgi ta köyö toro ’bo yemesi ko kukuesi ko mukunen, a nan mo tiŋdi gwoso nagon ta a tukökiŋdye nan na; ama tuŋ tiŋdi ta nan ŋina ŋuro a narakwan nio.
13A ŋwajik ti Yakobo waddi Sekeme ko Amor monye lonyit i kiko mumuluket, kogwon nye a köŋu Dina kiaser nase. 14A se kulyani ko lepeŋat adi, Yi ti bulö koŋdya na ŋo i tiŋdu na kiaser nikaŋ i ŋuto logon a ko tawero, kogwon ŋina gwon kayaŋ a yu na kwe. 15Ko na kwe geleŋ yi bubulö rukökiŋdyö ta, kweja adi ta ködyö gwon gwoso yi, lunsak kasu liŋ ködyö tatawero. 16A kirut yi mo rukökiŋdye ta i yemba na ŋwajik kaŋ, a yi mo yemuŋdye ŋwajik kasu, a yi mo gwolore ko ta i pirit na geleŋ, a yi mo gwe a kötumit geleŋ.
17Ama ko ta ti yiŋ yi anyen ta tatawero, a kirut yi mo joŋgi ŋuro nikaŋ, a yi mo ŋiörö ŋiörö.
18A Amor se ko Sekeme ŋuro lonyit iŋge lyöŋön ko kulya na jam se kune. 19Nyenagon a ŋuro titinti tine ’diko i koŋdya na ŋina ŋo, kogwon nye gwon ko pusök ko ŋuro na Yakobo. Lo ŋuro bubula totoŋun kotumit na monye liŋ. 20Nyena a Amor ko ŋuro lonyit Sekeme ko poŋdi i kötumit na köji nase, a kulyani ko Ŋutu lyan ti köji nase kulo adi, 21Kulu Ŋutu a lo ’but koyi; ti lepeŋat si ’dani i lo jur a dödöji kata ni, kogwon jur a luŋalaŋ jujukin lepeŋat; ti yi yemuŋdye ŋwajik kase, ko ti yi rukökiŋdye se i yemba na ŋwajik kaŋ. 22Tuŋ ko na kwe geleŋ kilo Ŋutu a ruk gwolor koyi, anyen gwon a kötumit geleŋ; kweja adi ti Ŋutu kaŋ lunsak geleŋ taweroni tawero gwoso nagon se a tawero nu. 23Koyi a koŋdya sona, a kisuk kase, ko tito kase, ko toro ’bo kase mo gwe a kaŋ, ti gwon sona le? Tuŋ ti yi ruŋge se, a se mo gwolore koyi. 24a Ŋutu liŋ lo momoruŋdya i kötumit na köji nase kulo yiŋge kulyaesi ti Amor se ko ŋuro lonyit Sekeme; a kilo Ŋutu lio logon a momoruŋdya i kötumit na köji nase kulo taweroni tawero.
25A i mukök na perok musala, nagon se nyuŋ ŋoŋoŋga nu, a ŋwajik murek ti Yakobo logon a ko Simeona ko Lewi, logon a luŋasirik ti Dina kulo ’dumuŋdye baŋdujin kase, a se poŋdi köji a Iwon, a se tatuje kulu lunsak liŋ. 26Se a tatuja Amor ko ŋuro lonyit Sekeme ko baŋdujin, a joŋgi Dina kaŋo ko Sekeme kadi, a iti tu. 27a ŋwajik ti Yakobo ’dure i Ŋutu lo tatua kulo, a ryaggi ŋinu köji, kogwon kiaser nase aje korö, 28a se ’dumaddi teŋon ti yidin ko ti kisuk, ko kaineki ti kilu Ŋutu, ko ŋo liŋ na gwon i lukata na köji se ko na gwon mu ’dio kune; 29a se momokaddi toro ’bo ti kilu Ŋutu liŋ, ko lupudiet liŋ ko wate ti kilu Ŋutu, ko ŋo lio na gwon kase i kadijik kune a ryakat. 30a Yakobo kulyani ko Simeona ko Lewi adi, Ta aje jakiŋdya nan ŋo naron, ta aje tiŋdu nan i mon a loron i kiden na Ŋutu ti lo jur, kweja adi i kiden na Ŋutu ti Kanana ko ti Periji; Ŋutu kwe ku ’dik, a ko kulo Ŋutu a momoruŋdya i mörö ko nan, a nan se ko kotumit nio mo tukarani tukara. 31Ama a se ŋeddi adi, Ti nye kodyö koŋdi kiaser nikao gwoso kawute le?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.