Suluet 35
35
Ŋun a ’boroja Yakobo Betele yu
1 #
Sul 28.11-17
A Ŋun kulyani ko Yakobo adi, Ŋine ŋien ko iti Betele yu, ko si ’dani nyu; ko tetenakiŋdye nan pirit ’yuret na rubaŋgajin nyu nan Ŋun logon a pukokin konut lo na woggiri do kao ko luŋösur Esau i komor nu. 2Nyena a Yakobo kulyani ko mede nanyit se ko Ŋutu liŋ lo gwon ko lepeŋ kulo adi, Wuse ta wut ŋunyen logon a lepelok kasu kiden, ko toke ’yi ta ’börik, leuddye ta boŋgwat kasu; 3ko ti yi ŋiörö ta Betele yu, anyen nan tu tetenakiŋdya Ŋun pirit ’yuret na rubaŋgajin nyu, ŋilo a Ŋun logon a ruggö nan i lor lo delyari nan lu, a gwe ko nani kiko lo tiri nan lo. 4Nyena a se wukindye Yakobo ŋunyen logon a lepelok liŋ lo gwon kase i könisi kulo, ko re na gwon kase i swö kune; a Yakobo ’delakiŋdye se kak i ködini logon a ri lo gwon nyona ko Sekeme lo.
5A na jölöri se nu, a tokujönöet na po ko Ŋun na ’duki i köjinö liŋ na gwon kase i mara kune, nyena a kilo Ŋutu tine riköddu ŋwajik ti Yaköbo. 6A Yakobo ko Ŋutu liŋ lo gwon ko lepeŋ kulo ’dure Luja na gwon i jur lo Kanana. (Luja a Betele.) 7A nye dibbe pirit ’yuret na rubaŋgajin nyu, a luŋgi ŋinu pirit a Ele-betele, #35.7 Ele-betele Karin ti Ele-betele kweja adi Ŋun lo Betele ’kogwon nyu Ŋun köju a pukökin kanyit na wöggiri nye kaŋo kö luŋaser lonyit i komor nu. 8A Debora nagon köju a ka ’depanit na Rebeka na twane twan, a nye nukakine i mukök na ködini lögön a ri lo gwon Betele i dudulet; nyena a nu pirit luŋuni a Alon-bakuta.#35.8 Alon-bakuta Karin ti Alon-bakuta kweja adi Ködini luluet
9A Ŋun Köti puköki ko Yakobo na poŋdi lepeŋ kaŋo Padan-aram nu, a ’boroji lepeŋ. 10#Sul 32.28 a Ŋun kulyani ko lepeŋ adi, Karin kunök a Yakobo; ama karin kunök mo Köti ti luŋu a Yakobo kwöŋ, ama do mo luŋu a Yisaraele. Nyena a Ŋutu luŋgi lepeŋ a Yisaraele.
11 #
Sul 17.4-8
A Ŋun kulyani ko lepeŋ adi, Nan gwon a Ŋun Kabulönit lo ŋö liŋ yuŋweni yuŋwe ko ŋdine ŋdi; a jur se ko momoret na jurön mö puku kaŋo konut, a moran mo pipiluŋdye konut. 12A nan mo tiŋdi do jur logon nan köju a tin Abarayama ko Yisaka lu, a nan mo tiŋdi nyakwariat kulök ti mukök kulo lu jur a lose. 13A Ŋun kölökiŋdye lepeŋ i pirit na jambi nye nu, a ŋiörö ki. 14#Sul 28.18, 19 A Yakobo togwi ’dikiŋdye ŋurupit ki gwoso kumut i pirit na jambi nye ko lepeŋ nu; a nye ’bukökindye rubaŋga ’bu ’buket i ŋilo ŋurupit loki, Köti a ’bukökiŋdye welet loki.
15A Yakobo luŋgi nu pirit na jambi Ŋun ko lepeŋ nu a Betele.
Twan na Raele
16A se ŋiörö kaŋo Betele; a nagon se nyuŋ pajo madaŋ ko Eparata nu, a Raele yöŋöni ta ’du, a ta ’du nanyit gwe a nago parik. 17A ko gwe sona na gwoŋdi ta ’du nanyit a nago nu, a kata ’duanit suŋge lepeŋ adi, Ko kujönö, kogwon lo Köti a ŋuro ilot lulalet. 18A nagon nye duwuŋdye duwuŋdya nu (kogwon nye twane twan), a nye gwije lepeŋ a Ben-oni, #35.18 Ben-oni Karin ti Ben-oni kweja adi Ŋuro lo delya nio ama a monye gwije lepeŋ a Benyamina.#35.18 BenyaminaKarin ti Benyamina kweja adi Ŋuro lo könin lio lutaten 19A Raele twane twan, a nukani nuka i kiko lo tu Eparata. (Eparata a Beteleme.) 20A Yakobo togwi ’dikiŋdye ŋurupit gwoso kumut kanyit i gulöm loki; ŋinu a ŋurupit kweyet na gulöm na Raele tojo ko lo lor. 21A Yisaraele jölöjine nerot, a ’beggi kemia nanyit i nerot na bilili lo Eder.
Ŋwajik lyan ti Yakobo
(Köti 1 Dekat 2.1-2)
22 #
Sul 49.4
A ko gwe sona na si ’dari Yisaraele i lu jur yu nu, a Rubena iti i doto ko Bila kölipönit na monye; a Yisaraele iŋge yiŋ kine kulya.Nyena a ŋwajik lyan ti Yakobo gwe a puök wot murek. 23a ŋwajik ti Lea gwe a ko Rubena (kayu lo Yakobo) ko Simeona, ko Lewi, ko Yuda, ko Yisakar, se ko Jebulun. 24A ŋwajik ti Raele gwe a ko Yosepa ko Benyamina. 25A ŋwajik ti Bila kölipönit na Raele na gwe a ko Dan ko Napatali. 26A ŋwajik ti Jilepa kölipönit na Lea na gwe a ko Gada ko Aser. Kilo a ŋwajik ti Yakobo lo yuŋweki lepeŋ Padan-aram yu.
Twan na Yisaka
27 #
Sul 13.18
A Yakobo ’dure ko monye lonyit Yisaka Mamure yu Kiryat-arba (ŋina a Keberon), nu pirit nagon köju Abarayama ko Yisaka mönuŋdyö kata nu. 28A kiŋajin ti Yisaka gwe a mia geleŋ ko merya budök.
29A Yisaka duwuŋdye duwuŋdya a twane twan, a nukakine ko merenyejin kanyit i merete, lepeŋ a modoŋ ko kiŋajin jore parik; a ŋwajik kanyit logon a ko Esau ko Yakobo nuŋge lepeŋ.
Currently Selected:
Suluet 35: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
Suluet 35
35
Ŋun a ’boroja Yakobo Betele yu
1 #
Sul 28.11-17
A Ŋun kulyani ko Yakobo adi, Ŋine ŋien ko iti Betele yu, ko si ’dani nyu; ko tetenakiŋdye nan pirit ’yuret na rubaŋgajin nyu nan Ŋun logon a pukokin konut lo na woggiri do kao ko luŋösur Esau i komor nu. 2Nyena a Yakobo kulyani ko mede nanyit se ko Ŋutu liŋ lo gwon ko lepeŋ kulo adi, Wuse ta wut ŋunyen logon a lepelok kasu kiden, ko toke ’yi ta ’börik, leuddye ta boŋgwat kasu; 3ko ti yi ŋiörö ta Betele yu, anyen nan tu tetenakiŋdya Ŋun pirit ’yuret na rubaŋgajin nyu, ŋilo a Ŋun logon a ruggö nan i lor lo delyari nan lu, a gwe ko nani kiko lo tiri nan lo. 4Nyena a se wukindye Yakobo ŋunyen logon a lepelok liŋ lo gwon kase i könisi kulo, ko re na gwon kase i swö kune; a Yakobo ’delakiŋdye se kak i ködini logon a ri lo gwon nyona ko Sekeme lo.
5A na jölöri se nu, a tokujönöet na po ko Ŋun na ’duki i köjinö liŋ na gwon kase i mara kune, nyena a kilo Ŋutu tine riköddu ŋwajik ti Yaköbo. 6A Yakobo ko Ŋutu liŋ lo gwon ko lepeŋ kulo ’dure Luja na gwon i jur lo Kanana. (Luja a Betele.) 7A nye dibbe pirit ’yuret na rubaŋgajin nyu, a luŋgi ŋinu pirit a Ele-betele, #35.7 Ele-betele Karin ti Ele-betele kweja adi Ŋun lo Betele ’kogwon nyu Ŋun köju a pukökin kanyit na wöggiri nye kaŋo kö luŋaser lonyit i komor nu. 8A Debora nagon köju a ka ’depanit na Rebeka na twane twan, a nye nukakine i mukök na ködini lögön a ri lo gwon Betele i dudulet; nyena a nu pirit luŋuni a Alon-bakuta.#35.8 Alon-bakuta Karin ti Alon-bakuta kweja adi Ködini luluet
9A Ŋun Köti puköki ko Yakobo na poŋdi lepeŋ kaŋo Padan-aram nu, a ’boroji lepeŋ. 10#Sul 32.28 a Ŋun kulyani ko lepeŋ adi, Karin kunök a Yakobo; ama karin kunök mo Köti ti luŋu a Yakobo kwöŋ, ama do mo luŋu a Yisaraele. Nyena a Ŋutu luŋgi lepeŋ a Yisaraele.
11 #
Sul 17.4-8
A Ŋun kulyani ko lepeŋ adi, Nan gwon a Ŋun Kabulönit lo ŋö liŋ yuŋweni yuŋwe ko ŋdine ŋdi; a jur se ko momoret na jurön mö puku kaŋo konut, a moran mo pipiluŋdye konut. 12A nan mo tiŋdi do jur logon nan köju a tin Abarayama ko Yisaka lu, a nan mo tiŋdi nyakwariat kulök ti mukök kulo lu jur a lose. 13A Ŋun kölökiŋdye lepeŋ i pirit na jambi nye nu, a ŋiörö ki. 14#Sul 28.18, 19 A Yakobo togwi ’dikiŋdye ŋurupit ki gwoso kumut i pirit na jambi nye ko lepeŋ nu; a nye ’bukökindye rubaŋga ’bu ’buket i ŋilo ŋurupit loki, Köti a ’bukökiŋdye welet loki.
15A Yakobo luŋgi nu pirit na jambi Ŋun ko lepeŋ nu a Betele.
Twan na Raele
16A se ŋiörö kaŋo Betele; a nagon se nyuŋ pajo madaŋ ko Eparata nu, a Raele yöŋöni ta ’du, a ta ’du nanyit gwe a nago parik. 17A ko gwe sona na gwoŋdi ta ’du nanyit a nago nu, a kata ’duanit suŋge lepeŋ adi, Ko kujönö, kogwon lo Köti a ŋuro ilot lulalet. 18A nagon nye duwuŋdye duwuŋdya nu (kogwon nye twane twan), a nye gwije lepeŋ a Ben-oni, #35.18 Ben-oni Karin ti Ben-oni kweja adi Ŋuro lo delya nio ama a monye gwije lepeŋ a Benyamina.#35.18 BenyaminaKarin ti Benyamina kweja adi Ŋuro lo könin lio lutaten 19A Raele twane twan, a nukani nuka i kiko lo tu Eparata. (Eparata a Beteleme.) 20A Yakobo togwi ’dikiŋdye ŋurupit gwoso kumut kanyit i gulöm loki; ŋinu a ŋurupit kweyet na gulöm na Raele tojo ko lo lor. 21A Yisaraele jölöjine nerot, a ’beggi kemia nanyit i nerot na bilili lo Eder.
Ŋwajik lyan ti Yakobo
(Köti 1 Dekat 2.1-2)
22 #
Sul 49.4
A ko gwe sona na si ’dari Yisaraele i lu jur yu nu, a Rubena iti i doto ko Bila kölipönit na monye; a Yisaraele iŋge yiŋ kine kulya.Nyena a ŋwajik lyan ti Yakobo gwe a puök wot murek. 23a ŋwajik ti Lea gwe a ko Rubena (kayu lo Yakobo) ko Simeona, ko Lewi, ko Yuda, ko Yisakar, se ko Jebulun. 24A ŋwajik ti Raele gwe a ko Yosepa ko Benyamina. 25A ŋwajik ti Bila kölipönit na Raele na gwe a ko Dan ko Napatali. 26A ŋwajik ti Jilepa kölipönit na Lea na gwe a ko Gada ko Aser. Kilo a ŋwajik ti Yakobo lo yuŋweki lepeŋ Padan-aram yu.
Twan na Yisaka
27 #
Sul 13.18
A Yakobo ’dure ko monye lonyit Yisaka Mamure yu Kiryat-arba (ŋina a Keberon), nu pirit nagon köju Abarayama ko Yisaka mönuŋdyö kata nu. 28A kiŋajin ti Yisaka gwe a mia geleŋ ko merya budök.
29A Yisaka duwuŋdye duwuŋdya a twane twan, a nukakine ko merenyejin kanyit i merete, lepeŋ a modoŋ ko kiŋajin jore parik; a ŋwajik kanyit logon a ko Esau ko Yakobo nuŋge lepeŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.