Suluet 48
48
Yakobo a ’boroja Epuraima ko Manase
1A ko gwe sona i mukök nakine kulya, a Yosepa takine adi, Munyi lu a gilö; nyena a nye baraddi ŋwajik kanyit murek logon a ko Manase ko Epuraima. 2A Yakobo iŋge tuköki adi, Ŋuro ilot Yosepa aje ’durökin konut ni; a kirut Yisaraele togo ’yi mugun, a ’bi ’yi mugun ki i dotoet a si ’dani si ’da. 3#Sul 28.13, 14A Yakobo kulyani ko Yosepa adi, Ŋun Kabulönit lo ŋo liŋ köju a pukökin köyö Luja nyu i jur lo Kanana, a iŋge ’boroja nan, 4a kulyani ko nan adi, Nan mo titin do i yuŋwe parik a nan mo tuŋdije do, a nan mo tiŋdi do i wora a lodir lo gweyajin ti Ŋutu, a mo tiŋdi ŋilo jur i nyakwariat kulök logon popo konut i mukök kilo a lomore lose ŋupi ŋupi.
5Nyenagon soŋinana gwajik kulök murek lo yuŋweki do i jur lo Ejipeto i ŋerot na po nio konut ni kulo, kilo ŋwajik a kwe;. iŋkoi, Epuraima ko Manase gwon a kwe, gwoso na gwoŋdi ko Rubena ko Simeona a kwe na.
6A ŋwajik kulök logon do a yugun kase i mukök kilo mo gwe a kulök; a se mo luŋuni ko karin ti luŋasirik kase i ŋo kase lomoriot. 7#Sul 35.16-19Kogwon na poŋdi nan Padan yu nu, a Raele twane twan i kiko i jur lo Kanana, na gwoŋdi Eparata nyuŋ pajo madaŋ nu, a ŋina gwe a delya köyö; a nan nuggi lepeŋ i kiko lo tu Eparata. (Eparata a Beteleme).
8A Yisaraele ko meddi ŋwajik ti Yosepa, a pipije adi, Kilo a ko ga? 9A Yosepa waddi monye adi, Kilo a ŋwajik kwe logon Ŋun aje tiŋdu nan i na pirit kulo. A monye kulyani adi, Böŋö jo lepeŋat köyö ni, a nan de ’boroji se. 10Ama a konyen ti Yisaraele aje muswe kogwon tomodŋoan nanyit, nyena a nye tine bulö meddya ’bura. A Yosepa joŋdi se ko monye nyona; a monye kalabbi se a kuddye swö kase.
11A Yisaraele kulyani ko Yosepa adi, Nan Köti kwöŋ a ko yeŋdu meddya komor inot, ama meddi, Ŋun aje rukökin nan i meddya na ŋwajik kulök Köti. 12A Yosepa wusuŋdye kiloŋwajik kaŋo ko monye i kuŋwat, a nye rosokakine kak rupu. 13A Yosepa joŋgi se murek ko monye nyona, a morga Epuraima kanyit i könin lutaten todirakin ko könin kadoŋe lo Yisaraele, a morgi Manase ko könin kadoŋe totodirakin ko könin lutaten lo Yisaraele. 14A Yisaraele riöddi könin lonyit lutaten, a sopakiŋdye ko Epuraima logon a loponi lo i kwe, a sopakiŋdye könin lonyit lo kadoŋe ko Manase i kwe, kakaruddya könisi kanyit, kudyakan Manase a kayu.
15A nye ’boroji Yosepa adi,
Ti Ŋun logon kobaba Abarayama ko Yisaka a wöwörötu kanyit i komor lo,
ŋilo Ŋun logon a nyömöddu nan i gwolor nio liŋ tojo ko lo lor lo,
16ŋiilo malaikatat logon a lwöggu nan i kulya narok liŋ lo, ti ’boroji kilo ŋwajik;
ko ti se luŋuni ko karin kwe, ko karin ti kobaba Abarayama ko Yisaka; ko ti se ŋdine ŋdi a Ŋutu jore parik i kiden na kak.
17A Yosepa ko meddi adi monye a sopakiŋdya könin lonyit lutaten ko Epuraima i kwe nu, a lepeŋ mete kine kulya a narok; a nye morgi könin lo monye anyen ’dumara nye kaŋo ko Epuraima i kwe a sopakiŋdye ko Manase i kwe. 18A Yosepa kulyani ko monye adi, ’Bayin sona pon baba, kogwon ŋilo a ŋuro kayu; sopakiŋdye könin ilot lutaten ko lepeŋ i kwe. 19Ama a monye tine ’bön, a kulyani adi, Ŋuro lio, nan deden, nan deden adi nye a kayu; lepeŋ Köti mo wowora a jur lo Ŋutu, iŋkoi, lepeŋ Köti mo wowora a Ŋutu jore; ama a luŋaser lonyit loponi lo mo gwe a Ŋutu jore bia parik lwölwöŋ nye, a nyakwariat kanyit mo worani a jurön jore. 20#Eb 11.21A nye ’boroji se i ŋilu lor kulya adi,
Ŋutu ti kötumit na Yisaraele mo ’bo ’boroja ’diŋdya ta adi,
Ti Ŋun tiŋdi do i gwon gwoso Epuraima ko i gwon gwoso Manase; (lepeŋ ’diŋdya Epuraima a kokwe na Manase.)
21A Yisaraele kulyani ko Yosepa adi, Mete, nan gwe nyona ko twan, ama Ŋun mo gwon ko ta, a mo nyököddi ta i jur lo merenyejin kasu.
22Nyena nan aje tiŋdu do lele swöt lo mere lo ririkörö logon nan a riŋuŋdya i könisi ti Ŋutu ti Amori ko baŋdu lio se ko daŋ. Nan a tiŋdu do ’bayin a luŋösurök.
Currently Selected:
Suluet 48: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
Suluet 48
48
Yakobo a ’boroja Epuraima ko Manase
1A ko gwe sona i mukök nakine kulya, a Yosepa takine adi, Munyi lu a gilö; nyena a nye baraddi ŋwajik kanyit murek logon a ko Manase ko Epuraima. 2A Yakobo iŋge tuköki adi, Ŋuro ilot Yosepa aje ’durökin konut ni; a kirut Yisaraele togo ’yi mugun, a ’bi ’yi mugun ki i dotoet a si ’dani si ’da. 3#Sul 28.13, 14A Yakobo kulyani ko Yosepa adi, Ŋun Kabulönit lo ŋo liŋ köju a pukökin köyö Luja nyu i jur lo Kanana, a iŋge ’boroja nan, 4a kulyani ko nan adi, Nan mo titin do i yuŋwe parik a nan mo tuŋdije do, a nan mo tiŋdi do i wora a lodir lo gweyajin ti Ŋutu, a mo tiŋdi ŋilo jur i nyakwariat kulök logon popo konut i mukök kilo a lomore lose ŋupi ŋupi.
5Nyenagon soŋinana gwajik kulök murek lo yuŋweki do i jur lo Ejipeto i ŋerot na po nio konut ni kulo, kilo ŋwajik a kwe;. iŋkoi, Epuraima ko Manase gwon a kwe, gwoso na gwoŋdi ko Rubena ko Simeona a kwe na.
6A ŋwajik kulök logon do a yugun kase i mukök kilo mo gwe a kulök; a se mo luŋuni ko karin ti luŋasirik kase i ŋo kase lomoriot. 7#Sul 35.16-19Kogwon na poŋdi nan Padan yu nu, a Raele twane twan i kiko i jur lo Kanana, na gwoŋdi Eparata nyuŋ pajo madaŋ nu, a ŋina gwe a delya köyö; a nan nuggi lepeŋ i kiko lo tu Eparata. (Eparata a Beteleme).
8A Yisaraele ko meddi ŋwajik ti Yosepa, a pipije adi, Kilo a ko ga? 9A Yosepa waddi monye adi, Kilo a ŋwajik kwe logon Ŋun aje tiŋdu nan i na pirit kulo. A monye kulyani adi, Böŋö jo lepeŋat köyö ni, a nan de ’boroji se. 10Ama a konyen ti Yisaraele aje muswe kogwon tomodŋoan nanyit, nyena a nye tine bulö meddya ’bura. A Yosepa joŋdi se ko monye nyona; a monye kalabbi se a kuddye swö kase.
11A Yisaraele kulyani ko Yosepa adi, Nan Köti kwöŋ a ko yeŋdu meddya komor inot, ama meddi, Ŋun aje rukökin nan i meddya na ŋwajik kulök Köti. 12A Yosepa wusuŋdye kiloŋwajik kaŋo ko monye i kuŋwat, a nye rosokakine kak rupu. 13A Yosepa joŋgi se murek ko monye nyona, a morga Epuraima kanyit i könin lutaten todirakin ko könin kadoŋe lo Yisaraele, a morgi Manase ko könin kadoŋe totodirakin ko könin lutaten lo Yisaraele. 14A Yisaraele riöddi könin lonyit lutaten, a sopakiŋdye ko Epuraima logon a loponi lo i kwe, a sopakiŋdye könin lonyit lo kadoŋe ko Manase i kwe, kakaruddya könisi kanyit, kudyakan Manase a kayu.
15A nye ’boroji Yosepa adi,
Ti Ŋun logon kobaba Abarayama ko Yisaka a wöwörötu kanyit i komor lo,
ŋilo Ŋun logon a nyömöddu nan i gwolor nio liŋ tojo ko lo lor lo,
16ŋiilo malaikatat logon a lwöggu nan i kulya narok liŋ lo, ti ’boroji kilo ŋwajik;
ko ti se luŋuni ko karin kwe, ko karin ti kobaba Abarayama ko Yisaka; ko ti se ŋdine ŋdi a Ŋutu jore parik i kiden na kak.
17A Yosepa ko meddi adi monye a sopakiŋdya könin lonyit lutaten ko Epuraima i kwe nu, a lepeŋ mete kine kulya a narok; a nye morgi könin lo monye anyen ’dumara nye kaŋo ko Epuraima i kwe a sopakiŋdye ko Manase i kwe. 18A Yosepa kulyani ko monye adi, ’Bayin sona pon baba, kogwon ŋilo a ŋuro kayu; sopakiŋdye könin ilot lutaten ko lepeŋ i kwe. 19Ama a monye tine ’bön, a kulyani adi, Ŋuro lio, nan deden, nan deden adi nye a kayu; lepeŋ Köti mo wowora a jur lo Ŋutu, iŋkoi, lepeŋ Köti mo wowora a Ŋutu jore; ama a luŋaser lonyit loponi lo mo gwe a Ŋutu jore bia parik lwölwöŋ nye, a nyakwariat kanyit mo worani a jurön jore. 20#Eb 11.21A nye ’boroji se i ŋilu lor kulya adi,
Ŋutu ti kötumit na Yisaraele mo ’bo ’boroja ’diŋdya ta adi,
Ti Ŋun tiŋdi do i gwon gwoso Epuraima ko i gwon gwoso Manase; (lepeŋ ’diŋdya Epuraima a kokwe na Manase.)
21A Yisaraele kulyani ko Yosepa adi, Mete, nan gwe nyona ko twan, ama Ŋun mo gwon ko ta, a mo nyököddi ta i jur lo merenyejin kasu.
22Nyena nan aje tiŋdu do lele swöt lo mere lo ririkörö logon nan a riŋuŋdya i könisi ti Ŋutu ti Amori ko baŋdu lio se ko daŋ. Nan a tiŋdu do ’bayin a luŋösurök.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.