Suluet 49
49
Yakobo a keju i kulya ti ŋwajik kanyit
1A Yakobo luŋgi ŋwajik kanyit kulo, a kulyani adi, Momoruŋdye ta i pirit na geleŋ, anyen nan bubulö jamakiŋdya ta ko kunen kulya mo na ryeju ta i perok lo popo.
2Ta ŋwajik kwe ti Yakobo, pepe-nuŋdye ta ’börik, ko yiŋge ta yiŋga,
ŋkoi, yiŋge ta nan Yisaraele monye losu.
3Rubena, do logon a kayu lio lo ŋuro,
nan a yupuŋdyö do ko riŋit nio,
ŋkoi, do a rima kwe ti toteton, do totopuŋdya i ’du ’duŋga,
do totopuŋdya i riŋit.
4Do a ko gwi ’dikin go ama do yaara gwoso pioŋ,
nyena do mo ti te ’ya kogwon do a laŋgu dotoet nio na munyi,
a do iŋge tolut lepeŋ—iŋkoi, do a kiyaddu köyö i dotoet!
5Simeona ko Lewi a luŋasirik;
baŋdujin kase a tito ti togworo-kölön.
6Ti ködudwö nio gwe ti lupö kasei yeyeesi mwönyesi;
ti töili lio gwe ti morakiŋdya kase; kogwon i woran nase a se tatujeŋutu,
ŋkoi, i koŋdya nase aka a se ’duŋge ludaŋin ti dwönin.
7Ti woran nase lömöni lömö, kogwon pape parik;
ti ŋoma nase lömöni lömö, kogwon a kaŋa parik!
Nan mo kökoroja se i kiden na kötumit nio na Yakobo,
iŋkoi, nan mo torekiŋdye se i Yisaraele kiden.
8Do Yuda, luŋasirik kulök mo pupurja do;
könin ilot mo gwon ko merok kulök i murutö;
ŋwajik lyan ti munyi mo dulakiŋdya ’börik kak konut i komor.
9 #
Ken 24.9; Kwe 5.5 Yuda a tore lo kömiru;
ŋuro lio, do aje yitwe i koja.Nye a rupakiŋdya kak,
nye a piriki kak rupu gwoso kömiru,
ko a piriki gwoso kömiru na nakwan;
ŋa logon gona totoŋi lepeŋ?
10Ture lo tumatyan ti wuddya ko Yuda i könin, iŋkoi,
kasaranit mo ti jaran pukun i kiden na mokosi kanyit,
tojo ŋilo ŋuto a po logon kine go a kanyit lo;
a gweyajin ti Ŋutu mo twöji lepeŋ.
11A nye munukiŋdye kaine nanyit i ködini lo binyo, iŋkoi,
a nye munukiŋdye kolojityo lo kaine i ködini lo ’but lo binyo,
a nye lalaji boŋgwat kanyit ko binyo, iŋkoi,
nye lalaju boŋgwat kanyit na jujupu ko pioŋ ti binyo;
12a konyen kanyit mo gwe a lotor ko binyo, a kala kanyit mo gwe a lokwe ko le.
13Jebulun mo gwon i kijit na tör;
a nye mo gwe a kijit monowet naki ’bojin;
a lokökorit lonyit mo gwe i Sidona.
14Yisakar a kaine logon ko kuyu, logon rosokaki kak i kiden na gorwat;
15a nye meddi pirit yukaet adi a na ’but, ko lu jur adi kwekwelen;
a nye yopakiŋdye gele i ’dokoddu, a nye gwe gwoso ’dupiet lo ririŋaki i kita.
16Dan mo ’duŋgö putesi ti Ŋutu kanyit, gwoso nene na kötumitön ti Yisaraele.
17Dan mo gwon a munu i kiko, Iŋkoi,
a gwoŋkorokok logon koja sulukwakan ti kusanjin i kiko,
anyen kajogak kase ’dororo kak ko ki ’dirinö.
18Pon MATAT, nan lo nyiggö do i lwöggu na nan.
19Gada, teŋ na karyakak mo ryaryak lepeŋ, ama a nye mo ryaggi se riköddu se.
20Aser, kinyo lonyit mo gwon a lo ’but parik, a nye mo tiŋdi kinyojin lopaleleŋ logon jujukin mor i nyesu.
21Napatali gwon a ka ’bu na mu ’diŋ nagon yupuŋdyö gwajik lokwekwelen.
22Yosepa a ködini lo raradanlo gwon nyona ko lelekesi ti pioŋ; a kenia kanyit ririkörö i gorom loki.
23Kaŋorok a sasaŋdu lepeŋ parik, a goŋi lepeŋ, ko a tiŋdi lepeŋ igwon i nagusu;
24ama a daŋ nanyit yeŋe gwogwo, a könisi ti Monye riŋit na Yakobo lo togo ’yi könisi kanyit; lepeŋ a togolo i karin ti Kayukunit logon a Lurutat lo Yisaraele lo,
25kweja adi, Ŋun lo munyi logon mo parakiŋdya do lo, iŋkoi, Kabulönit lo ŋo liŋ logon mo lo ’boroja do ko ’boriesi nagon po ki yu kunu, ko ’boriesi ti pioŋ na gwogwo ’di i lukata na kak, ko ’boriesi nagon ’boriarikin kinasi ko pele.
26’Boriesi nagon munyi ’boroji do kune lwölwöŋ ’boriesi na po i merya lo yeyeŋon, iŋkoi, lwölwöŋ go na ’but nagon po i merya logon si ’da ŋupi; ti kine ’boriesi gwe ko Yosepa i kwe, iŋkoi, ti gwe i jurku ’diet na lepeŋ logon a gelwe kaŋo i luŋasirik kanyit lo.
27Benyamina a lujinte logon kokoja a ’dutet, ko ’bure a nye köji koja, a i sömukö a nye koŋi na ryakwe kune.
28Kilo liŋ gwon a kötumitön puök wot murek ti Yisaraele; nyena kine gwon a kulya nagon monye lose a jamakin se kune, na ’boroji nye se nu; nye a ’boroja se liŋ ŋadi geleŋ ko ’boriet nagon a temakiŋdya i lepeŋ.
Yakobo a twan ko a nuka
29A Yakobo saŋi lepeŋat adi, Nan gwe nyona ko moraddu i Ŋutu kwe; nuŋge ta nan i kuggi na nukari merenye jin kwe na gwon i kak na Epurön lo kötumit na Ket nu, 30#Sul 23.3-20kweja adi i nu kuggi na gwon i kak na Makpela, na gwon i swöt lo ’yure lo Mamure. i jur lo Kanana. Abarayama a gwörun ŋina kuggi mora ko ŋina kak i könin lo Epurön lo kötumit na Ket anyen gwon a pirit nuket nagon a lomore nase.
31 #
Sul 25.9, 10;
Sul 35.29
Abarayama se ko Sara nakwan nanyit a nuka nyu; Yisaka se ko Rebeka nakwan nanyit Köti a nuka nyu; Köti a nan nuŋge Lea nyu. 32Kweja adi nu kak ko nu kuggi na gwon lukata nu gwörwe ko Ŋutu ti Ket i könisi. 33#Kon 7.15 a Yakobo ko tutuŋge saŋu ŋwajik kanyit, a nye ruŋaddi mokosi i dotoet loki, a duwuŋdye duwuŋdya, a morajine i Ŋutu kanyit.
Currently Selected:
Suluet 49: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
Suluet 49
49
Yakobo a keju i kulya ti ŋwajik kanyit
1A Yakobo luŋgi ŋwajik kanyit kulo, a kulyani adi, Momoruŋdye ta i pirit na geleŋ, anyen nan bubulö jamakiŋdya ta ko kunen kulya mo na ryeju ta i perok lo popo.
2Ta ŋwajik kwe ti Yakobo, pepe-nuŋdye ta ’börik, ko yiŋge ta yiŋga,
ŋkoi, yiŋge ta nan Yisaraele monye losu.
3Rubena, do logon a kayu lio lo ŋuro,
nan a yupuŋdyö do ko riŋit nio,
ŋkoi, do a rima kwe ti toteton, do totopuŋdya i ’du ’duŋga,
do totopuŋdya i riŋit.
4Do a ko gwi ’dikin go ama do yaara gwoso pioŋ,
nyena do mo ti te ’ya kogwon do a laŋgu dotoet nio na munyi,
a do iŋge tolut lepeŋ—iŋkoi, do a kiyaddu köyö i dotoet!
5Simeona ko Lewi a luŋasirik;
baŋdujin kase a tito ti togworo-kölön.
6Ti ködudwö nio gwe ti lupö kasei yeyeesi mwönyesi;
ti töili lio gwe ti morakiŋdya kase; kogwon i woran nase a se tatujeŋutu,
ŋkoi, i koŋdya nase aka a se ’duŋge ludaŋin ti dwönin.
7Ti woran nase lömöni lömö, kogwon pape parik;
ti ŋoma nase lömöni lömö, kogwon a kaŋa parik!
Nan mo kökoroja se i kiden na kötumit nio na Yakobo,
iŋkoi, nan mo torekiŋdye se i Yisaraele kiden.
8Do Yuda, luŋasirik kulök mo pupurja do;
könin ilot mo gwon ko merok kulök i murutö;
ŋwajik lyan ti munyi mo dulakiŋdya ’börik kak konut i komor.
9 #
Ken 24.9; Kwe 5.5 Yuda a tore lo kömiru;
ŋuro lio, do aje yitwe i koja.Nye a rupakiŋdya kak,
nye a piriki kak rupu gwoso kömiru,
ko a piriki gwoso kömiru na nakwan;
ŋa logon gona totoŋi lepeŋ?
10Ture lo tumatyan ti wuddya ko Yuda i könin, iŋkoi,
kasaranit mo ti jaran pukun i kiden na mokosi kanyit,
tojo ŋilo ŋuto a po logon kine go a kanyit lo;
a gweyajin ti Ŋutu mo twöji lepeŋ.
11A nye munukiŋdye kaine nanyit i ködini lo binyo, iŋkoi,
a nye munukiŋdye kolojityo lo kaine i ködini lo ’but lo binyo,
a nye lalaji boŋgwat kanyit ko binyo, iŋkoi,
nye lalaju boŋgwat kanyit na jujupu ko pioŋ ti binyo;
12a konyen kanyit mo gwe a lotor ko binyo, a kala kanyit mo gwe a lokwe ko le.
13Jebulun mo gwon i kijit na tör;
a nye mo gwe a kijit monowet naki ’bojin;
a lokökorit lonyit mo gwe i Sidona.
14Yisakar a kaine logon ko kuyu, logon rosokaki kak i kiden na gorwat;
15a nye meddi pirit yukaet adi a na ’but, ko lu jur adi kwekwelen;
a nye yopakiŋdye gele i ’dokoddu, a nye gwe gwoso ’dupiet lo ririŋaki i kita.
16Dan mo ’duŋgö putesi ti Ŋutu kanyit, gwoso nene na kötumitön ti Yisaraele.
17Dan mo gwon a munu i kiko, Iŋkoi,
a gwoŋkorokok logon koja sulukwakan ti kusanjin i kiko,
anyen kajogak kase ’dororo kak ko ki ’dirinö.
18Pon MATAT, nan lo nyiggö do i lwöggu na nan.
19Gada, teŋ na karyakak mo ryaryak lepeŋ, ama a nye mo ryaggi se riköddu se.
20Aser, kinyo lonyit mo gwon a lo ’but parik, a nye mo tiŋdi kinyojin lopaleleŋ logon jujukin mor i nyesu.
21Napatali gwon a ka ’bu na mu ’diŋ nagon yupuŋdyö gwajik lokwekwelen.
22Yosepa a ködini lo raradanlo gwon nyona ko lelekesi ti pioŋ; a kenia kanyit ririkörö i gorom loki.
23Kaŋorok a sasaŋdu lepeŋ parik, a goŋi lepeŋ, ko a tiŋdi lepeŋ igwon i nagusu;
24ama a daŋ nanyit yeŋe gwogwo, a könisi ti Monye riŋit na Yakobo lo togo ’yi könisi kanyit; lepeŋ a togolo i karin ti Kayukunit logon a Lurutat lo Yisaraele lo,
25kweja adi, Ŋun lo munyi logon mo parakiŋdya do lo, iŋkoi, Kabulönit lo ŋo liŋ logon mo lo ’boroja do ko ’boriesi nagon po ki yu kunu, ko ’boriesi ti pioŋ na gwogwo ’di i lukata na kak, ko ’boriesi nagon ’boriarikin kinasi ko pele.
26’Boriesi nagon munyi ’boroji do kune lwölwöŋ ’boriesi na po i merya lo yeyeŋon, iŋkoi, lwölwöŋ go na ’but nagon po i merya logon si ’da ŋupi; ti kine ’boriesi gwe ko Yosepa i kwe, iŋkoi, ti gwe i jurku ’diet na lepeŋ logon a gelwe kaŋo i luŋasirik kanyit lo.
27Benyamina a lujinte logon kokoja a ’dutet, ko ’bure a nye köji koja, a i sömukö a nye koŋi na ryakwe kune.
28Kilo liŋ gwon a kötumitön puök wot murek ti Yisaraele; nyena kine gwon a kulya nagon monye lose a jamakin se kune, na ’boroji nye se nu; nye a ’boroja se liŋ ŋadi geleŋ ko ’boriet nagon a temakiŋdya i lepeŋ.
Yakobo a twan ko a nuka
29A Yakobo saŋi lepeŋat adi, Nan gwe nyona ko moraddu i Ŋutu kwe; nuŋge ta nan i kuggi na nukari merenye jin kwe na gwon i kak na Epurön lo kötumit na Ket nu, 30#Sul 23.3-20kweja adi i nu kuggi na gwon i kak na Makpela, na gwon i swöt lo ’yure lo Mamure. i jur lo Kanana. Abarayama a gwörun ŋina kuggi mora ko ŋina kak i könin lo Epurön lo kötumit na Ket anyen gwon a pirit nuket nagon a lomore nase.
31 #
Sul 25.9, 10;
Sul 35.29
Abarayama se ko Sara nakwan nanyit a nuka nyu; Yisaka se ko Rebeka nakwan nanyit Köti a nuka nyu; Köti a nan nuŋge Lea nyu. 32Kweja adi nu kak ko nu kuggi na gwon lukata nu gwörwe ko Ŋutu ti Ket i könisi. 33#Kon 7.15 a Yakobo ko tutuŋge saŋu ŋwajik kanyit, a nye ruŋaddi mokosi i dotoet loki, a duwuŋdye duwuŋdya, a morajine i Ŋutu kanyit.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.