Yoane 3

Yesu ko Nikodemo

1Lele Parusityo kata karin kanyit a Nikodemo, lepeŋ a lele lo momoret na ŋutu temejik ti Yudayaki.

2A nye poŋdi ko Yesu ni kwaje, a kulyani ko lepeŋ adi, Rabi, yi deden adi do a katodinönit logon Ŋun lo sunyuŋdyö, kogwon lele ŋuto ti bulo koŋdya kweyesi nagon do kökon kine ake ko ŋun gwon ko lepeŋ. 3A Yesu waddi lepeŋ adi, ’Diri ’diri nan takiŋdya do adi, ko lele ŋuto a ko yuŋwe köti a ludu-kötyo, a nye tine met Tumatyan na Ŋun.

4A Nikodemo pije lepeŋ adi, Ŋuto bubulö yuŋwe ada ko lepeŋ gwe a mo-doŋ? Lepeŋ bubulö lupö ko Ŋote i pele daŋ tomurek anyen yuyupwe? 5A Yesu waddi adi, ’Diri ’diri nan takiŋdya do adi, ko lele ŋuto a ko yuŋwe ko pioŋ ko Mulökötyo lo Ŋun, a nye tine bulö lupö i Tumatyan na ŋonaun. 6Ŋo na yuŋwe ko ŋuto na a ŋuto, a Ŋo na yuŋwe ko Mulökötyo na gwe a mulökötyo.

7Kosöpu kogwon nan takiŋdya do adi ta ködyö yuyuŋwe köti a ludukö.

8Köbuŋöt wuköddu i swöt logon nye ’de ’dekan, a do yiŋge wuggö nanyit, ama do ti den ko wukuŋdyö ya, kode wuköddu da, nyena gwon sona i ŋutu liŋ logon a yuŋwe ko Mulökötyo kilo.

9A Nikodemo pije lepeŋ adi, Kine kulya gwon ada? 10A Yesu waddi pija lepeŋ adi, Do a katodinönit lo Yisaraele, a do tine den kine kulya le? 11’Diri ’diri nan takiŋdya do adi, yi jambu ŋo nagon yi deden, a tokoŋ ŋo nagon yi aje met, ama ta renya kulya na tokor yi kune. 12Ko nan jamakiŋdya ta kulya ti na kak ta ti yuŋ nan, a ta mo yupe ada ko nan jamakiŋdya ta kulya ti ki?

13Lele ŋuto ’bayin logon aje tu ki tuŋ nye lo po kak ki yu lo, nye logon a nan Ŋuro lo ŋuto logon mede nio nu ki.

14 # Ken 21.9 Nyena gwoso na ’bilikiŋdye Mose munu ki i yöbu nu, nan Ŋuro lo ŋuto agu ködyö mo ’bi ’biliki ki köti, 15anyen ŋutu liŋ logon yuyuŋ nan kilo böŋö gwon ko ru na yeŋ nyin köyö i mugun.

16Kogwon Ŋun nyanyar ŋutu ti na kak parik, nyena a nye tiŋdi Ŋuro lonyit pilili anyen ŋutu lio logon a yu-bbö lepeŋ kilo böŋö gwon ti twatwa, ama anyen gwon ko ru na yeŋ nyin.

17Kogwon Ŋun a ko sunyun Ŋuro lonyit i na kak anyen ko ’duiŋgö putesi, ama anyen lwöggu ŋutu ti na kak.

18Nye logon a yubbö ŋilo Ŋuro lo ti ’duŋöki putet; ama nye logon a ko yuŋ lo kulya kanyit aje ’beron ’duŋöki, kogwon nye a ko yubbö Ŋuro pilili lo Ŋun. 19Nyena ’duŋet na putet gwon sona adi parara aje po i na kak, ama kölumbö a ŋutu nyaŋi mudwe lwölwöŋ parara, kogwon lepeŋat koŋdya Ŋo narok. 20Kogwon ŋutu liŋ lo koŋdya arabat kilo maman parara, a tine po i parara, an konesi kase narok ko dena;

21ama ŋuto lo koŋdya to ’diri lo po i parara, anyen ŋutu deden adi Ŋun gwon ko lepeŋ i ŋo liŋ nagon nye kökon kine.

Yesu ko Yoane

22A ko gwe sona, i mukök na kine kulya, a Yesu se ko ŋutu kanyit kajujumuk iti i jur lo Yudaya; a nye si ’dani nyu ko se i pirit na geleŋ babatiddya.

23A Yoane köti gwe i batiddya Ainon yu nyona ko Salim, kogwon pioŋ jore kata nyu; a ŋutu yeoe wörö i batisa;

24 # Mat 14.3; Mar 6.17; Luk 3.19, 20 kogwon Yoane a ko nyuŋ tiki i kadi rereket.

25A kulye kajujumuk ti Yoane suluje rerenya ko lele Yudayakityo i kulya ti keri lalaet. 26a se iti ko Yoane yu, a takiŋdye lepeŋ adi, Katodinönit, ŋuto logon do gwon ko lepeŋ i nu pele na Yardene, logon do tökoŋu kulya kanyit lo, lepeŋ ŋilu babatiddya, a ŋutu liŋ wöröni ko lepeŋ yu. 27a Yoane waddi adi, ŋuto ti bulö wuju nene ŋo ake ko Ŋun a tikin lepeŋ. 28#Yoa 1.20Ta ko ’börik bubulö tökoŋu adi nan a jambu adi, Nan ’bayin a Masia, ama nan aje sunyue ko lepeŋ ŋerot. 29Nye logon yemba nakwan lo a kayemanit; ju lo kayemanit logon gwogwo ’dan nyona i yiŋga na lepeŋ lo, lyölyöŋön parik na yiŋge nye gworo lo kayemanit nu. Nyena ŋina lyöŋön nio soŋinana aje jore. 30Lepeŋ ködyö totodumala ama nan ködyö toto ’dita.

Nye lo po ki lo

31Nye lo po ki yu lo a duma parik lwölwöŋ ŋo liŋ. Nye logon a lo na kak lo a lo na kak, a jambi gwoso na jambi ŋutu ti na kak kulo. Nye lo po ki yu lo a duma lo ŋo liŋ. 32Lepeŋ tökoŋu ŋo nagon nye aje met ko a yiŋ kune, ama a ŋuto gwe ’bayin lo ruggö ŋo na tokor nye kune. 33Ŋuto lo ruggö ŋo na tokor nye kune lo a tanyakiŋdya könin a kweyet adi Ŋun a lo to ’diri. 34Kogwon nye logon Ŋun aje son lo jambu kulyaesi ti Ŋun, kogwon Ŋun tiŋdu Mulökötyo abur ’bak temet. 35#Mat 11.27; Luk 10.22Ŋun Monye nya nyar ŋuro lonyit, a iŋge tikin ŋo lio kanyit i könin. 36Ŋuto logon yuyuŋ ŋilo Ŋuro gwon ko ru na yeŋ nyin; nye logon ti twö ŋilo Ŋuro mo ti met ru na yeŋ nyin, ama woran na Ŋun mo si ’da ko lepeŋ.Yesu ko Ŋuto na Samaria

Currently Selected:

Yoane 3: BBE

Highlight

Copy