Otum 7
7
Estifanu a lu odlo
1Anyuŋ-andakʼpo olu ba Ahogbrẽ a zhĩ Estifanu a lu mi le, Alo o wo eka he lo angyiŋ? 2Estifanu a tno ma a lu mi le, Agimi anáŋ ta la agimi adigi! Agimi e ngli e gno odlo me! Ahogbrẽ ba esesla a ba okro Adigi Ebrahim omba baŋ a wo obiŋ ba Emesopataniya ayga Ebrahim a kso a gre Aharaŋ. 3Ahogbrẽ a nyuŋ ŋa a lu mi le, Ebrahim, o kso o dzu moa-odne boŋ ta la obiŋ boŋ o zga nga, o yi obiŋ ba ame é ba e tsa ŋo. 4Ebrahim a kso a sku obiŋ ba Akladiya nga a gre Aha-raŋ. Ambla ba adaŋ Ebrahim a kpu Aharaŋ nga, Ahogbrẽ a da Ebrahim a kso a sku Aharaŋ a ba obiŋ bimi e wo ma ohuhuhi. 5Ahogbrẽ a shri okrokyeŋ a shri a da Ebrahim mbo, aŋa a shri ba obiŋ a mbo okrokyeŋ a shri a daŋ mbo. Ambo Ahogbrẽ a hwim a lu mi ma aŋa a shri obiŋ a da Ebrahim, nga ma alo o dzu ogu baŋ, ta la ogu moanwye ban. Omba ba Ahogbrẽ a hwim eka he ta la Ebrahim, Ebrahim a wo moanwye ma mbo. 6Ahogbrẽ a nyuŋ Ebrahim a lu mi le, Moanwye boŋ, moa á dzu moazhẽ obiŋ moahwõ. Moa á dzu moawaghrẽ, nga moa á kpo mo ewu okyku eyi endgaenyi. 7Ahogbrẽ a lu mi le, Ame é sõ moarehwi la a ba a kpo mo ewu ombgu. Ambla he moa á zgi obiŋ lo á ba, nga á hlu me eshko okro he lo. 8Ahogbrẽ nga a shri odaŋ a da Ebrahim ma a sheŋ ongyum ó ba o dzu esi ba ohwihwim lo. Ebrahim nga a sheŋ Eshaku ongyum ambla baŋ a kpo asati akyeŋ. Eshaku a sheŋ Eyakubu ongyum, Eyakubu nga a sheŋ moadigi otsko lo ongyum.
9Moadigi a kpo efpu ba Oyusufu, okyku eka he moa a shri ŋa a gbmo obiŋ ba Amasla. Ambo Ahogbrẽ a wo ka la ŋa. 10Nga a kpaŋ ŋa ewu baŋ mvye. Omba ba Oyusufu a gre egi ayi Efirauna, anyuŋ-areŋ ba Amasla, Ahogbrẽ a shri odlodzi, ta la okaobmye a shri a da Oyusufu. Efirauna a da Oyusufu a dzu ogomna obiŋ ba Amasla mvye, ta la odne oreŋ. 11Omba he lo nga agu embyle a kpo obiŋ ba Amasla, ta la Akana. Moadigi a wo la algo ma mbo. 12Omba ba Eyakubu a gno ba algo a wo ma obiŋ ba Amasla, a da moadigi a gre obiŋ ba Amasla. Ohe lo angyiŋ o yi o wo odzi moa a gre Amasla ba ori. 13Omba moa a sa a bla a gre odgo oha nga, Oyusufu a shri eŋa a tsa moanáŋ, nga Efirauna a mbo a ba a yi moa-odne ba Oyusufu. 14Okyku eka he, Oyusufu a hom otum a kom adaŋ Eyakubu, a lu mi ma aŋa pa la moa-odne baŋ mvye, ma moa a ba obiŋ ba Amasla. Moarehwi la a gre obiŋ ba Amasla lo mvye a wo ekʼpoefoha la atno. 15Eyakubu a gile a gre obiŋ ba Amasla. Ahe lo angyiŋ, aŋa pa la moadigi a kpu. 16Ambla moa a kpu, moa a shri mo a gre a yi a ngybi osku ba Eshekem. Moa a ngybi mo engu ba Ebrahim a gbmo okro ogu ba Ahamo.
17Omba ba omba o bli ba Ahogbrẽ a klo o bli ohwihwim baŋ a hwim ta la Ebrahim nga, a da embre bi e ta ma-ma obiŋ ba Amasla. 18Ambo ambla fi nga, anyuŋ-areŋ la a klo Oyusufu he lo a kpu, nga anyuŋ-areŋ ahe la a yi Oyusufu mbo a vre emgbakyiŋ oreŋ. 19Ahe lo a bile moarehwi bi, nga a kpo moadigi ewu. A da mo a se moanwye mo a zgi odne mo omgbybi, okyku o da mo a kpu. 20Omba he lo angyiŋ moa a mbre Omusa. Aŋa a wo ozba a gre eshri. Moa a shri ŋa a ghre odne okyku eha etra. 21Omba ba moa a shri ŋa a ghre edzi, anwye Efirauna alashle a hwiŋ ŋa, nga a daŋ a dzu anwye baŋ nga a la a vgi ŋa. 22Moa a nye ŋa ayakplo egbregbre ba obiŋ ba Amasla. Omusa a dzu la ekʼpo ibu odlo ta la ayakplo baŋ a kpo.
23Omba ba Omusa a wo eyi ekʼpoenyi, aŋa a klo o yi o ka moanáŋ moanwye Esrayila. 24O dzu nga, aŋa a ka alom ba Amasla a la a kpo ambgu ta la anáŋ. Alom lo a kpo a gre anáŋ. Omusa a gre a yi a kpo a ghwo la anáŋ nga a bga alom Amasla. 25Aŋa a la a ka ma o dzu o mbo, ma moanáŋ a ka a bmye ba Ahogbrẽ a klo o daŋ a kpo a ghwo a mo okyku o da mo a hwiŋ odzudum. Ambo moa a ka a bmye mbo. 26Onda oha nga, Omusa a ka moanáŋ aha a kpo ambgu, aŋa a klo o shla mo, nga a gre a yi a nyuŋ mo a lu mi le, Agimi e wo moanáŋ angyiŋ, ambo okyku eshi agimi e la e kpo ambgu ta la egimi? 27Ambo are la a wo oshye a gre a mu Omusa a gre agba nga a zhĩ ŋa a lu mi le, Ayi angyiŋ a doŋ ekʼpo o boŋ o sõ gi ombgu? 28Aŋo o klo o bga me eka boŋ o bga alom Amasla ore? 29Omba ba Omusa a gno eka he nga, a knye a sku obiŋ ba Amasla nga a knye a gre obiŋ ba Emediya. Ahe lo a kyu ashe nga a mbre moanwye aha. 30Ambla ba eyi ekʼpoenyi e bre e gre nga, anwyeadga ba Ahogbrẽ a zgi embli ovo akla la a ri ovo osusku ta la Aku ba Esinayi. Aŋa a da Omusa a ka ŋa. 31Omusa a ka egbregbre ekplo baŋ a ka. Okyku eka he aŋa a gre osusku okyku o ka ekplo la e kpo lo. Omba he lo aŋa a gno enzi ba Adigi-odne. 32Adigi-odne a kpla egba ka la ŋa a lu mi le, Ame angyiŋ e wo Ahogbrẽ moadigimi, Ahogbrẽ ba Ebrahim ta la Eshaku, ta la Eyakubu. Eyli e kpo Omusa e gre eshri nga, aŋa a ka akla lo a gbu mbo. 33Ahogbrẽ a nyuŋ ŋa a lu mi le, Omusa, o hwro akpadga boŋ, okyku eshi okro boŋ o tspi ma he o wo okro ba esesla angyiŋ. 34Ame e ka eka moarehwi me a kpo ewu obiŋ ba Amasla. Ame e gno okũ mo, okyku eka he ame e ba okyku o shla mo. Omusa, o ba. Ame é hom ŋo otum é doŋ o yi obiŋ ba Amasla.
35Omusa he lo angyiŋ, moarehwi ba Esrayila moa a tla ŋa. Moa a zhĩ ŋa a lu mi le, Ayi a doŋ ekʼpo a doŋ o ri ekʼpo eshri bi nga o sõ gi ombgu? Aŋa angyiŋ Ahogbrẽ a daŋ a ri ekʼpo nga a dzu areoshla, nga anwyeadga ba Ahogbrẽ baŋ a ka ŋa akla la a ri ovo angyiŋ, a kpo a ghwo la ŋa. 36Aŋa angyiŋ a se moarehwi ba Esrayila obiŋ ba Amasla. Aŋa a kpo ayakplo egbregbre obiŋ ba Amasla, ta la anyuŋ-ondzu ba Obme, ta la akla okyku eyi ekʼpoenyi. 37Omusa lo angyiŋ a nyuŋ moarehwi ba Esrayila a lu mi le, Ahogbrẽ á hom arekyeŋ otum á daŋ a ba, eka baŋ a da me e ba. Aŋa a wo a ba ogu moarehwi bimi.
38Aŋa angyiŋ a la a dzi pa la moarehwi ba Esrayila akla. Aŋa a wo ma pa la moadigi, ta la anwyeadga ba Ahogbrẽ la a lu odlo ka la ŋa Aku ba Esinayi. Aŋa á yga odlo ba Ahogbrẽ la o shri eso o da gi, okyku o daŋ a lu lo a da gi.
39Ambo moadigi a tla o gno ŋa. Moa a hre ŋa a ta egi ehwõ, nga moa a klo o bla o yi obiŋ ba Amasla. 40Nga moa a nyuŋ Aharuna a lu mi le, Aŋo o kpo gi moahogbrẽ la á ba a tspi egi ayi bi. Agi e yi ekplo la e kpo ta la Omusa, alom la a se gi obiŋ ba Amasla mbo. 41Omba he lo nga, moa a mbdzi ambgu eka andu, nga moa a shri ofaodi ba ebyi a shri a da lo. Nga moa a kpo abgo okyku o hlu ekplo moa a mbdzi la abgo mo eshko. 42Ambo Ahogbrẽ a dzu mo a zga, nga moa a hlu enzo la e wo ongyeŋ eshko eka ba moa a ta lo akpa moarehwi ba Ahogbrẽ a hom mo otum. Moa a ta a lu mi le,
Agimi arehwĩ ba Esrayila!
Agimi e la e bga ebyi
Nga e la e fa e da me angyiŋ mbo,
Omba bimi e wo akla
Okyku eyi ekʼpoenyi lo.
43Agimi e la e shri abro ba Omolko angyiŋ,
Ta la ambgu ba eyi enzo ba Arefaŋ ahogbrẽ bimi.
Moa angyiŋ a wo ambgu bimi e kpo okyku o hlu mo eshko.
Okyku eka he, ame e da mo a vu gimi a yi obiŋ ba Ababila.
44Moadigi a wo la abro okro ba emle Ahogbrẽ a dzu ma, omba moa a wo akla. Moa a kpo lo eka ba Ahogbrẽ a nye Omusa ma a kpo lo. 45Ambla he nga moadigi la a yga lo okro moadimo, moa a shri lo a gre ta la Ojoshuwa omba ba moa a gre a yi a ri obiŋ lo abgo moarehwi ba Ahogbrẽ a kyku mo. Alo a dzu obiŋ hi lo, ma-me a gbu omba ba Adawuda a ri oreŋ. 46Ahogbrẽ a gno oraŋ ta la Adawuda, okyku eshi Adawuda a vẽ Ahogbrẽ okyku o daŋ a mbdzi odne okyku Ahogbrẽ ba Eyakubu. 47Ambo alo o kpo o gbu mbo, nga Osolomo angyiŋ a mbdzi odne Ahogbrẽ lo.
48Moarehwi ba Ahogbrẽ a hom mo otum a lu mi ma Ahogbrẽ ba esesla a la a dzu adne ba moarehwi a mbdzi mbo.
49Ahogbrẽ a lu mi le, Ongyeŋ angyiŋ
O wo emgbakyiŋ oreŋ me,
Nga obiŋ hi o wo okro odzudum me.
Agimi é mbdzi me edgu odne yaŋ?
Ame é dzu é dum okroyaŋ?
50Ame angyiŋ e kpo ayakplo hi mvye mbo?
51E ka, agimi e shye eshri nzenze! Eso bimi e wo eka eso moa la a wo evbu. Agimi e klo e gno odlo Ahogbrẽ mbo ku-ku. Agimi e wo okyekyeŋ angyiŋ pa la moadigimi. Agimi a mbo e la e tla Ogbgaodzi! 52Eshki moarehwi ba Ahogbrẽ a hom mo otum, moadigimi a kpo mo mvye ewu. Moa a dzu akyeŋ a zga mbo. Moa a bga moa la a ba ogbyigbyi okyku o su eka ba Areadlidzi á ba. Nga ohuhuhi agimi e njygu ŋa nga e bga ŋa. 53Agimi angyiŋ e yga odaŋ ba Ahogbrẽ, ba moanwyeadga ba Ahogbrẽ a shri a ba, ambo agimi e bmi ta la lo mbo!
Moa a tra Estifanu ézhim
54Omba ba moandakʼpo la a sõ ombgu a gno odlo ba Estifanu a lu nga, eso e tpi mo ayi, nga moa a taŋ azhga eshri baŋ. 55Ambo Estifanu a bli la Ogbgaodzi. A ka Ongyeŋ, nga a ka ayimom ba esesla ba Ahogbrẽ, nga a ka Eyesu a tspi obgori ba Ahogbrẽ. 56Aŋa a lu angyangyeŋ a lu mi le, E ka! Ame e ka Ongyeŋ o hwile, nga Anwye Arehwi a tspi obgori ba Ahogbrẽ! 57Moare a ta akhi nga moa a tsom atuŋ mo, nga moa a knye a gre okro ba Estifanu. 58Moa a se ŋa a sku osku lo a khwo nga moa a tra ŋa ézhim. Moare la a wo esi ba ohe lo, moa a hwro ariga a shri a da ola anwye moa a bzi ŋa ma Eshawlu a shri a zga. 59Moa a la a tra Estifanu ézhim omba baŋ a fa olu nga a lu mi le, Adigi Eyesu, o yga eso me! 60Aŋa a kʼpu obiŋ nga a ta enzi angyangyeŋ a lu mi le, Adigi-odne! Aŋo o da olbi odlobi he lo o dzu eshri mo mbo! Aŋa a lu eka he a khwo nga a kpu.
Currently Selected:
Otum 7: EGONT74
Highlight
Share
Copy
Want to have your highlights saved across all your devices? Sign up or sign in
Eggon New Testament © United Bible Societies, 1974. Bible Society of Nigeria
Otum 7
7
Estifanu a lu odlo
1Anyuŋ-andakʼpo olu ba Ahogbrẽ a zhĩ Estifanu a lu mi le, Alo o wo eka he lo angyiŋ? 2Estifanu a tno ma a lu mi le, Agimi anáŋ ta la agimi adigi! Agimi e ngli e gno odlo me! Ahogbrẽ ba esesla a ba okro Adigi Ebrahim omba baŋ a wo obiŋ ba Emesopataniya ayga Ebrahim a kso a gre Aharaŋ. 3Ahogbrẽ a nyuŋ ŋa a lu mi le, Ebrahim, o kso o dzu moa-odne boŋ ta la obiŋ boŋ o zga nga, o yi obiŋ ba ame é ba e tsa ŋo. 4Ebrahim a kso a sku obiŋ ba Akladiya nga a gre Aha-raŋ. Ambla ba adaŋ Ebrahim a kpu Aharaŋ nga, Ahogbrẽ a da Ebrahim a kso a sku Aharaŋ a ba obiŋ bimi e wo ma ohuhuhi. 5Ahogbrẽ a shri okrokyeŋ a shri a da Ebrahim mbo, aŋa a shri ba obiŋ a mbo okrokyeŋ a shri a daŋ mbo. Ambo Ahogbrẽ a hwim a lu mi ma aŋa a shri obiŋ a da Ebrahim, nga ma alo o dzu ogu baŋ, ta la ogu moanwye ban. Omba ba Ahogbrẽ a hwim eka he ta la Ebrahim, Ebrahim a wo moanwye ma mbo. 6Ahogbrẽ a nyuŋ Ebrahim a lu mi le, Moanwye boŋ, moa á dzu moazhẽ obiŋ moahwõ. Moa á dzu moawaghrẽ, nga moa á kpo mo ewu okyku eyi endgaenyi. 7Ahogbrẽ a lu mi le, Ame é sõ moarehwi la a ba a kpo mo ewu ombgu. Ambla he moa á zgi obiŋ lo á ba, nga á hlu me eshko okro he lo. 8Ahogbrẽ nga a shri odaŋ a da Ebrahim ma a sheŋ ongyum ó ba o dzu esi ba ohwihwim lo. Ebrahim nga a sheŋ Eshaku ongyum ambla baŋ a kpo asati akyeŋ. Eshaku a sheŋ Eyakubu ongyum, Eyakubu nga a sheŋ moadigi otsko lo ongyum.
9Moadigi a kpo efpu ba Oyusufu, okyku eka he moa a shri ŋa a gbmo obiŋ ba Amasla. Ambo Ahogbrẽ a wo ka la ŋa. 10Nga a kpaŋ ŋa ewu baŋ mvye. Omba ba Oyusufu a gre egi ayi Efirauna, anyuŋ-areŋ ba Amasla, Ahogbrẽ a shri odlodzi, ta la okaobmye a shri a da Oyusufu. Efirauna a da Oyusufu a dzu ogomna obiŋ ba Amasla mvye, ta la odne oreŋ. 11Omba he lo nga agu embyle a kpo obiŋ ba Amasla, ta la Akana. Moadigi a wo la algo ma mbo. 12Omba ba Eyakubu a gno ba algo a wo ma obiŋ ba Amasla, a da moadigi a gre obiŋ ba Amasla. Ohe lo angyiŋ o yi o wo odzi moa a gre Amasla ba ori. 13Omba moa a sa a bla a gre odgo oha nga, Oyusufu a shri eŋa a tsa moanáŋ, nga Efirauna a mbo a ba a yi moa-odne ba Oyusufu. 14Okyku eka he, Oyusufu a hom otum a kom adaŋ Eyakubu, a lu mi ma aŋa pa la moa-odne baŋ mvye, ma moa a ba obiŋ ba Amasla. Moarehwi la a gre obiŋ ba Amasla lo mvye a wo ekʼpoefoha la atno. 15Eyakubu a gile a gre obiŋ ba Amasla. Ahe lo angyiŋ, aŋa pa la moadigi a kpu. 16Ambla moa a kpu, moa a shri mo a gre a yi a ngybi osku ba Eshekem. Moa a ngybi mo engu ba Ebrahim a gbmo okro ogu ba Ahamo.
17Omba ba omba o bli ba Ahogbrẽ a klo o bli ohwihwim baŋ a hwim ta la Ebrahim nga, a da embre bi e ta ma-ma obiŋ ba Amasla. 18Ambo ambla fi nga, anyuŋ-areŋ la a klo Oyusufu he lo a kpu, nga anyuŋ-areŋ ahe la a yi Oyusufu mbo a vre emgbakyiŋ oreŋ. 19Ahe lo a bile moarehwi bi, nga a kpo moadigi ewu. A da mo a se moanwye mo a zgi odne mo omgbybi, okyku o da mo a kpu. 20Omba he lo angyiŋ moa a mbre Omusa. Aŋa a wo ozba a gre eshri. Moa a shri ŋa a ghre odne okyku eha etra. 21Omba ba moa a shri ŋa a ghre edzi, anwye Efirauna alashle a hwiŋ ŋa, nga a daŋ a dzu anwye baŋ nga a la a vgi ŋa. 22Moa a nye ŋa ayakplo egbregbre ba obiŋ ba Amasla. Omusa a dzu la ekʼpo ibu odlo ta la ayakplo baŋ a kpo.
23Omba ba Omusa a wo eyi ekʼpoenyi, aŋa a klo o yi o ka moanáŋ moanwye Esrayila. 24O dzu nga, aŋa a ka alom ba Amasla a la a kpo ambgu ta la anáŋ. Alom lo a kpo a gre anáŋ. Omusa a gre a yi a kpo a ghwo la anáŋ nga a bga alom Amasla. 25Aŋa a la a ka ma o dzu o mbo, ma moanáŋ a ka a bmye ba Ahogbrẽ a klo o daŋ a kpo a ghwo a mo okyku o da mo a hwiŋ odzudum. Ambo moa a ka a bmye mbo. 26Onda oha nga, Omusa a ka moanáŋ aha a kpo ambgu, aŋa a klo o shla mo, nga a gre a yi a nyuŋ mo a lu mi le, Agimi e wo moanáŋ angyiŋ, ambo okyku eshi agimi e la e kpo ambgu ta la egimi? 27Ambo are la a wo oshye a gre a mu Omusa a gre agba nga a zhĩ ŋa a lu mi le, Ayi angyiŋ a doŋ ekʼpo o boŋ o sõ gi ombgu? 28Aŋo o klo o bga me eka boŋ o bga alom Amasla ore? 29Omba ba Omusa a gno eka he nga, a knye a sku obiŋ ba Amasla nga a knye a gre obiŋ ba Emediya. Ahe lo a kyu ashe nga a mbre moanwye aha. 30Ambla ba eyi ekʼpoenyi e bre e gre nga, anwyeadga ba Ahogbrẽ a zgi embli ovo akla la a ri ovo osusku ta la Aku ba Esinayi. Aŋa a da Omusa a ka ŋa. 31Omusa a ka egbregbre ekplo baŋ a ka. Okyku eka he aŋa a gre osusku okyku o ka ekplo la e kpo lo. Omba he lo aŋa a gno enzi ba Adigi-odne. 32Adigi-odne a kpla egba ka la ŋa a lu mi le, Ame angyiŋ e wo Ahogbrẽ moadigimi, Ahogbrẽ ba Ebrahim ta la Eshaku, ta la Eyakubu. Eyli e kpo Omusa e gre eshri nga, aŋa a ka akla lo a gbu mbo. 33Ahogbrẽ a nyuŋ ŋa a lu mi le, Omusa, o hwro akpadga boŋ, okyku eshi okro boŋ o tspi ma he o wo okro ba esesla angyiŋ. 34Ame e ka eka moarehwi me a kpo ewu obiŋ ba Amasla. Ame e gno okũ mo, okyku eka he ame e ba okyku o shla mo. Omusa, o ba. Ame é hom ŋo otum é doŋ o yi obiŋ ba Amasla.
35Omusa he lo angyiŋ, moarehwi ba Esrayila moa a tla ŋa. Moa a zhĩ ŋa a lu mi le, Ayi a doŋ ekʼpo a doŋ o ri ekʼpo eshri bi nga o sõ gi ombgu? Aŋa angyiŋ Ahogbrẽ a daŋ a ri ekʼpo nga a dzu areoshla, nga anwyeadga ba Ahogbrẽ baŋ a ka ŋa akla la a ri ovo angyiŋ, a kpo a ghwo la ŋa. 36Aŋa angyiŋ a se moarehwi ba Esrayila obiŋ ba Amasla. Aŋa a kpo ayakplo egbregbre obiŋ ba Amasla, ta la anyuŋ-ondzu ba Obme, ta la akla okyku eyi ekʼpoenyi. 37Omusa lo angyiŋ a nyuŋ moarehwi ba Esrayila a lu mi le, Ahogbrẽ á hom arekyeŋ otum á daŋ a ba, eka baŋ a da me e ba. Aŋa a wo a ba ogu moarehwi bimi.
38Aŋa angyiŋ a la a dzi pa la moarehwi ba Esrayila akla. Aŋa a wo ma pa la moadigi, ta la anwyeadga ba Ahogbrẽ la a lu odlo ka la ŋa Aku ba Esinayi. Aŋa á yga odlo ba Ahogbrẽ la o shri eso o da gi, okyku o daŋ a lu lo a da gi.
39Ambo moadigi a tla o gno ŋa. Moa a hre ŋa a ta egi ehwõ, nga moa a klo o bla o yi obiŋ ba Amasla. 40Nga moa a nyuŋ Aharuna a lu mi le, Aŋo o kpo gi moahogbrẽ la á ba a tspi egi ayi bi. Agi e yi ekplo la e kpo ta la Omusa, alom la a se gi obiŋ ba Amasla mbo. 41Omba he lo nga, moa a mbdzi ambgu eka andu, nga moa a shri ofaodi ba ebyi a shri a da lo. Nga moa a kpo abgo okyku o hlu ekplo moa a mbdzi la abgo mo eshko. 42Ambo Ahogbrẽ a dzu mo a zga, nga moa a hlu enzo la e wo ongyeŋ eshko eka ba moa a ta lo akpa moarehwi ba Ahogbrẽ a hom mo otum. Moa a ta a lu mi le,
Agimi arehwĩ ba Esrayila!
Agimi e la e bga ebyi
Nga e la e fa e da me angyiŋ mbo,
Omba bimi e wo akla
Okyku eyi ekʼpoenyi lo.
43Agimi e la e shri abro ba Omolko angyiŋ,
Ta la ambgu ba eyi enzo ba Arefaŋ ahogbrẽ bimi.
Moa angyiŋ a wo ambgu bimi e kpo okyku o hlu mo eshko.
Okyku eka he, ame e da mo a vu gimi a yi obiŋ ba Ababila.
44Moadigi a wo la abro okro ba emle Ahogbrẽ a dzu ma, omba moa a wo akla. Moa a kpo lo eka ba Ahogbrẽ a nye Omusa ma a kpo lo. 45Ambla he nga moadigi la a yga lo okro moadimo, moa a shri lo a gre ta la Ojoshuwa omba ba moa a gre a yi a ri obiŋ lo abgo moarehwi ba Ahogbrẽ a kyku mo. Alo a dzu obiŋ hi lo, ma-me a gbu omba ba Adawuda a ri oreŋ. 46Ahogbrẽ a gno oraŋ ta la Adawuda, okyku eshi Adawuda a vẽ Ahogbrẽ okyku o daŋ a mbdzi odne okyku Ahogbrẽ ba Eyakubu. 47Ambo alo o kpo o gbu mbo, nga Osolomo angyiŋ a mbdzi odne Ahogbrẽ lo.
48Moarehwi ba Ahogbrẽ a hom mo otum a lu mi ma Ahogbrẽ ba esesla a la a dzu adne ba moarehwi a mbdzi mbo.
49Ahogbrẽ a lu mi le, Ongyeŋ angyiŋ
O wo emgbakyiŋ oreŋ me,
Nga obiŋ hi o wo okro odzudum me.
Agimi é mbdzi me edgu odne yaŋ?
Ame é dzu é dum okroyaŋ?
50Ame angyiŋ e kpo ayakplo hi mvye mbo?
51E ka, agimi e shye eshri nzenze! Eso bimi e wo eka eso moa la a wo evbu. Agimi e klo e gno odlo Ahogbrẽ mbo ku-ku. Agimi e wo okyekyeŋ angyiŋ pa la moadigimi. Agimi a mbo e la e tla Ogbgaodzi! 52Eshki moarehwi ba Ahogbrẽ a hom mo otum, moadigimi a kpo mo mvye ewu. Moa a dzu akyeŋ a zga mbo. Moa a bga moa la a ba ogbyigbyi okyku o su eka ba Areadlidzi á ba. Nga ohuhuhi agimi e njygu ŋa nga e bga ŋa. 53Agimi angyiŋ e yga odaŋ ba Ahogbrẽ, ba moanwyeadga ba Ahogbrẽ a shri a ba, ambo agimi e bmi ta la lo mbo!
Moa a tra Estifanu ézhim
54Omba ba moandakʼpo la a sõ ombgu a gno odlo ba Estifanu a lu nga, eso e tpi mo ayi, nga moa a taŋ azhga eshri baŋ. 55Ambo Estifanu a bli la Ogbgaodzi. A ka Ongyeŋ, nga a ka ayimom ba esesla ba Ahogbrẽ, nga a ka Eyesu a tspi obgori ba Ahogbrẽ. 56Aŋa a lu angyangyeŋ a lu mi le, E ka! Ame e ka Ongyeŋ o hwile, nga Anwye Arehwi a tspi obgori ba Ahogbrẽ! 57Moare a ta akhi nga moa a tsom atuŋ mo, nga moa a knye a gre okro ba Estifanu. 58Moa a se ŋa a sku osku lo a khwo nga moa a tra ŋa ézhim. Moare la a wo esi ba ohe lo, moa a hwro ariga a shri a da ola anwye moa a bzi ŋa ma Eshawlu a shri a zga. 59Moa a la a tra Estifanu ézhim omba baŋ a fa olu nga a lu mi le, Adigi Eyesu, o yga eso me! 60Aŋa a kʼpu obiŋ nga a ta enzi angyangyeŋ a lu mi le, Adigi-odne! Aŋo o da olbi odlobi he lo o dzu eshri mo mbo! Aŋa a lu eka he a khwo nga a kpu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Eggon New Testament © United Bible Societies, 1974. Bible Society of Nigeria