Otum 8
8
1Eshawlu a la a bmi ta la ebga ba moa a la a kpo.
Eshawlu a kpo moa la a lu Eyesu ma ewu
Onda he lo angyiŋ moa la a lu Eyesu ma osku ba Orushalima a zga esi o kpo ewu nzenze. Moa la a bmi ba adlidzi a knye a gre ekro andandandim obiŋ ba Eyahuda, ta la Asamariya, o wo le moa la a nyum oshpa dne a ra a dzu. 2Moare la a bmi ba adlidzi la a ra angyiŋ a ngybi Estifanu. Moa a wu okũ nzenze okyku ŋa.
3Eshawlu a la a kpo moa la a lu Eyesu ma ewu. Okyku eka he, aŋa a la a dzi adadne nga a la a vu moa la a bmi ba adlidzi, moarealom, pa la moashe, nga a shri mo a ygi aku.
Moa a nyum Oshpaodzadzi obiŋ ba Asamariya
4Moa la a bmi ba adlidzi a knye a gre ekro andandandim nga moa a la a nyum oshpa. 5Efilibu a gre osku ba Asamariya nga a nyum oshpa ba Emisiya a da moare. 6Moare a ngli a gno odlo Efilibu a lu. Moa a ngli a gno nga, moa a ka egbregbre akplo baŋ a kpo. 7Egbgabi e zgi e sku moare nzenze nga e la e wu okũ, moare la a shla adga pa la moa la a buŋ adga, moa a shaŋ. 8Moarehwi ba Asamariya a gno oraŋ nzenze.
9Osku ba Asamariya lo, alomakyeŋ a wo ma, eshko baŋ e ri Esima. Alo a dga a dzu baŋ a zhiŋ moare eshri la agum baŋ a la a kpo. A sko eŋa a zga anyuŋ are angyiŋ osku he lo. 10Edgu areyaŋ a mbo osku he lo moa a gno ŋa a gre eshri. Moa a la a lu mi le, Aŋa angyiŋ a wo ekʼpo ba Ahogbrẽ moa a bzi lo ma Ekʼpo Egregre ba Ahogbrẽ. 11Aŋa a sheŋ a zhiŋ moare eshri la agum nzenze bgu, okyku eka he moa a gno ŋa a gre eshri. 12Ambo omba moa a yga Oshpaodzadzi ba Efilibu a nyum eshri Oreŋ ba Ahogbrẽ, ta la eshko Eyesu Ekristi, moa a kpo moarealom pa la moashe abaptisma. 13Esima lo a mbo a bmi ba adlidzi, nga moa a kpo ŋa abaptisma. Aŋa a la a lu Efilibu ma, nga a ka egbregbre anyuŋ ayakplo ba Efilibu a la a kpo.
14Moa la a nyum oshpa Orushalima a gno moarehwi ba Asamariya a yga odlo ba Ahogbrẽ. Okyku eka he nga moa a da Ebitru ta la Eyohana a gre lo. 15Moa a gre lo a khwo nga, moa a fa olu okyku o da moare la a bmi ba adlidzi á hwiŋ Ogbgaodzi. 16Omba he lo moa a hwiŋ Ogbgaodzi a wo mbo, ambo moa a sheŋ a kpo mo abaptisma eshko ba Adigi-odne Eyesu. 17Ebitru ta la Eyohana, moa a shki mo abgo eshri, nga moa la a bmi ba adlidzi a yga Ogbgaodzi.
18Esima a ka moa a hwiŋ Ogbgaodzi omba ba moa la a nyum oshpa a shki mo abgo eshri nga, a shri amgbaŋ a ndba Ebitru ta la Eyohana, 19nga a lu mi le, Agimi e shri edgu ekʼpo he lo e da me, okyku o wo ba ame a mbo e shri abgo e shki eshri arekyeŋ nga á hwiŋ Ogbgaodzi. 20Ambo Ebitru a tno ŋa ma a lu mi le, A ba eshri boŋ ta la amgbaŋ boŋ, okyku eshi aŋo o ka ma aŋo o kpo o gbu boŋ o gbmo ototno ba Ahogbrẽ la amgbaŋ! 21Aŋo o wo la ogʼba ekplokyeŋ ibu otum bi mbo, okyku eshi eso boŋ e wo shasha egi ayi Ahogbrẽ mbo. 22O ghwo obiŋ odlobi boŋ he lo, nga o vẽ Adigi-odne okyku o daŋ a kyu ŋo abgo edgu aga boŋ o tne he lo. 23Ame e ka tki, aŋo o wo are la a kpo efpu angyiŋ, nga aŋo o wo awaghrẽ ba odlobi. 24Esima a vẽ Ebitru ta la Eyohana a lu mi le, Agimi e vẽ Adigi-odne okyku me, okyku o da ayakplo bimi e lu hi akyeŋ a tka me mbo.
25Ambla moa a zgi egŋe mo nga moa a nyum oshpa ba Adigi-odne a khwo, Ebitru ta la Eyohana a bla a gre Orushalima. Omba moa a yi nga, moa a nyum oshpa anwye esku andandandim ba Asamariya.
Efilibu ta la andakʼpo ba Ahabasha
26Anwyeadga ba Ahogbrẽ a nyuŋ Efilibu a lu mi le, O kso o yi egi ero ba ozhẽ la o zgi Orushalima o yi Agaza. Ozhẽ he lo o tsom bgu. 27-28Efilibu nga a kso a gre. Are la a buŋ eble ba Ahabasha he lo a wo ozhẽ a bla a yi odne angyiŋ a mo. Alom he lo a wo anyuŋ andakʼpo obiŋ angyiŋ. A wo atsiamgbaŋ ba Osoroniya ba Ahabasha. Aŋa a gre Orushalima okyku o hlu Ahogbrẽ eshko, nga a zgi lo a bla a ba a yi odne. A dzi amato-enyma baŋ. Omba baŋ a la a yi nga, aŋa a la a tsi akpa ba Eshaya arehwĩ ba Ahogbrẽ a hom otum. 29Ogbgaodzi o nyuŋ Efilibu o lu mi le, O yi osusku ta la amato-enyma lo. 30Efilibu a knye a gre nga, a hwiŋ ŋa a la a tsi akpa ba Eshaya arehwĩ ba Ahogbrẽ a hom otum. A zhĩ ŋa a lu mi le, Aŋo o ka ekplo boŋ la o tsi o bmye? 31Alom lo a tno ŋa ma a lu mi le, Ame e kpo anyu e ka e mbye o wo le arekyeŋ a zhiŋ lo a da me ayga mbo? A da Efilibu a vre a dzu amato-enyma lo ka la ŋa. 32Okro ba Akpa ba Ahogbrẽ baŋ a la a tsi lo o lu mi le,
A wo eka ekylu moa a shri a yi okro moa a bga,
A wo eka anwye ekylu la e wu okũ mbo omba moa a yla lo amasẽ.
A lu akplokyeŋ mbo.
33Moa a dzĩ ŋa, nga moa a kpo ŋa adlidzi mbo.
Arekyeŋ a kpo a gbu baŋ a lu akplokyeŋ eshri moa-embre baŋ mbo,
Okyku eshi odzudzu baŋ obiŋ hi, alo o khwo bgu.
34Alom lo a zhĩ Efilibu a lu mi le, Moa a lu odlo hi eshri ayi angyiŋ? Eshaya a lu odlo hi eshri baŋ angyiŋ le, a lu eshri ayi? 35Efilibu a lu odlo a daŋ a gno. A zga esi okro ba alom he lo a tsi lo, nga a nyum Oshpaodzadzi ba Eyesu a daŋ. 36Moa a dzi a gre fi nga, moa a gbu okrokyeŋ ba ami-hĩ a wo ma, nga alom lo a zhĩ a lu mi le, Amihĩ a wo ahe. Eshi e nyom boŋ o kpo me abaptisma? [ 37Efilibu a tno ŋa ma a lu mi le, Moa á kpo ŋo abaptisma o wo boŋ o bmi ba adlidzi la eso boŋ mvye. Alom he lo a tno ma a lu mi le, Ame e bmi. A sa a lu mi le, Ame e bmi ba Eyesu Ekristi a wo Anwye Ahogbrẽ.] 38Alom he lo a da amato-enyma a tspi, nga moaha lo a gile a gre ami lo, nga Efilibu a kpo ŋa abaptisma. 39Ambla moa a zgi ami a khwo nga, Ogbgaodzi ba Ahogbrẽ o sko Efilibu o sku okro lo. Alom he lo a ka Efilibu nga mbo, ambo aŋa a gre eŋa la ovyevye. 40Efilibu a dzu nga a ka eŋa osku ba Ashdodo. A gre esku nga a la a nyum Oshpaodzadzi ma-me a tsu a gre Esizariya.
Currently Selected:
Otum 8: EGONT74
Highlight
Share
Copy
Want to have your highlights saved across all your devices? Sign up or sign in
Eggon New Testament © United Bible Societies, 1974. Bible Society of Nigeria
Otum 8
8
1Eshawlu a la a bmi ta la ebga ba moa a la a kpo.
Eshawlu a kpo moa la a lu Eyesu ma ewu
Onda he lo angyiŋ moa la a lu Eyesu ma osku ba Orushalima a zga esi o kpo ewu nzenze. Moa la a bmi ba adlidzi a knye a gre ekro andandandim obiŋ ba Eyahuda, ta la Asamariya, o wo le moa la a nyum oshpa dne a ra a dzu. 2Moare la a bmi ba adlidzi la a ra angyiŋ a ngybi Estifanu. Moa a wu okũ nzenze okyku ŋa.
3Eshawlu a la a kpo moa la a lu Eyesu ma ewu. Okyku eka he, aŋa a la a dzi adadne nga a la a vu moa la a bmi ba adlidzi, moarealom, pa la moashe, nga a shri mo a ygi aku.
Moa a nyum Oshpaodzadzi obiŋ ba Asamariya
4Moa la a bmi ba adlidzi a knye a gre ekro andandandim nga moa a la a nyum oshpa. 5Efilibu a gre osku ba Asamariya nga a nyum oshpa ba Emisiya a da moare. 6Moare a ngli a gno odlo Efilibu a lu. Moa a ngli a gno nga, moa a ka egbregbre akplo baŋ a kpo. 7Egbgabi e zgi e sku moare nzenze nga e la e wu okũ, moare la a shla adga pa la moa la a buŋ adga, moa a shaŋ. 8Moarehwi ba Asamariya a gno oraŋ nzenze.
9Osku ba Asamariya lo, alomakyeŋ a wo ma, eshko baŋ e ri Esima. Alo a dga a dzu baŋ a zhiŋ moare eshri la agum baŋ a la a kpo. A sko eŋa a zga anyuŋ are angyiŋ osku he lo. 10Edgu areyaŋ a mbo osku he lo moa a gno ŋa a gre eshri. Moa a la a lu mi le, Aŋa angyiŋ a wo ekʼpo ba Ahogbrẽ moa a bzi lo ma Ekʼpo Egregre ba Ahogbrẽ. 11Aŋa a sheŋ a zhiŋ moare eshri la agum nzenze bgu, okyku eka he moa a gno ŋa a gre eshri. 12Ambo omba moa a yga Oshpaodzadzi ba Efilibu a nyum eshri Oreŋ ba Ahogbrẽ, ta la eshko Eyesu Ekristi, moa a kpo moarealom pa la moashe abaptisma. 13Esima lo a mbo a bmi ba adlidzi, nga moa a kpo ŋa abaptisma. Aŋa a la a lu Efilibu ma, nga a ka egbregbre anyuŋ ayakplo ba Efilibu a la a kpo.
14Moa la a nyum oshpa Orushalima a gno moarehwi ba Asamariya a yga odlo ba Ahogbrẽ. Okyku eka he nga moa a da Ebitru ta la Eyohana a gre lo. 15Moa a gre lo a khwo nga, moa a fa olu okyku o da moare la a bmi ba adlidzi á hwiŋ Ogbgaodzi. 16Omba he lo moa a hwiŋ Ogbgaodzi a wo mbo, ambo moa a sheŋ a kpo mo abaptisma eshko ba Adigi-odne Eyesu. 17Ebitru ta la Eyohana, moa a shki mo abgo eshri, nga moa la a bmi ba adlidzi a yga Ogbgaodzi.
18Esima a ka moa a hwiŋ Ogbgaodzi omba ba moa la a nyum oshpa a shki mo abgo eshri nga, a shri amgbaŋ a ndba Ebitru ta la Eyohana, 19nga a lu mi le, Agimi e shri edgu ekʼpo he lo e da me, okyku o wo ba ame a mbo e shri abgo e shki eshri arekyeŋ nga á hwiŋ Ogbgaodzi. 20Ambo Ebitru a tno ŋa ma a lu mi le, A ba eshri boŋ ta la amgbaŋ boŋ, okyku eshi aŋo o ka ma aŋo o kpo o gbu boŋ o gbmo ototno ba Ahogbrẽ la amgbaŋ! 21Aŋo o wo la ogʼba ekplokyeŋ ibu otum bi mbo, okyku eshi eso boŋ e wo shasha egi ayi Ahogbrẽ mbo. 22O ghwo obiŋ odlobi boŋ he lo, nga o vẽ Adigi-odne okyku o daŋ a kyu ŋo abgo edgu aga boŋ o tne he lo. 23Ame e ka tki, aŋo o wo are la a kpo efpu angyiŋ, nga aŋo o wo awaghrẽ ba odlobi. 24Esima a vẽ Ebitru ta la Eyohana a lu mi le, Agimi e vẽ Adigi-odne okyku me, okyku o da ayakplo bimi e lu hi akyeŋ a tka me mbo.
25Ambla moa a zgi egŋe mo nga moa a nyum oshpa ba Adigi-odne a khwo, Ebitru ta la Eyohana a bla a gre Orushalima. Omba moa a yi nga, moa a nyum oshpa anwye esku andandandim ba Asamariya.
Efilibu ta la andakʼpo ba Ahabasha
26Anwyeadga ba Ahogbrẽ a nyuŋ Efilibu a lu mi le, O kso o yi egi ero ba ozhẽ la o zgi Orushalima o yi Agaza. Ozhẽ he lo o tsom bgu. 27-28Efilibu nga a kso a gre. Are la a buŋ eble ba Ahabasha he lo a wo ozhẽ a bla a yi odne angyiŋ a mo. Alom he lo a wo anyuŋ andakʼpo obiŋ angyiŋ. A wo atsiamgbaŋ ba Osoroniya ba Ahabasha. Aŋa a gre Orushalima okyku o hlu Ahogbrẽ eshko, nga a zgi lo a bla a ba a yi odne. A dzi amato-enyma baŋ. Omba baŋ a la a yi nga, aŋa a la a tsi akpa ba Eshaya arehwĩ ba Ahogbrẽ a hom otum. 29Ogbgaodzi o nyuŋ Efilibu o lu mi le, O yi osusku ta la amato-enyma lo. 30Efilibu a knye a gre nga, a hwiŋ ŋa a la a tsi akpa ba Eshaya arehwĩ ba Ahogbrẽ a hom otum. A zhĩ ŋa a lu mi le, Aŋo o ka ekplo boŋ la o tsi o bmye? 31Alom lo a tno ŋa ma a lu mi le, Ame e kpo anyu e ka e mbye o wo le arekyeŋ a zhiŋ lo a da me ayga mbo? A da Efilibu a vre a dzu amato-enyma lo ka la ŋa. 32Okro ba Akpa ba Ahogbrẽ baŋ a la a tsi lo o lu mi le,
A wo eka ekylu moa a shri a yi okro moa a bga,
A wo eka anwye ekylu la e wu okũ mbo omba moa a yla lo amasẽ.
A lu akplokyeŋ mbo.
33Moa a dzĩ ŋa, nga moa a kpo ŋa adlidzi mbo.
Arekyeŋ a kpo a gbu baŋ a lu akplokyeŋ eshri moa-embre baŋ mbo,
Okyku eshi odzudzu baŋ obiŋ hi, alo o khwo bgu.
34Alom lo a zhĩ Efilibu a lu mi le, Moa a lu odlo hi eshri ayi angyiŋ? Eshaya a lu odlo hi eshri baŋ angyiŋ le, a lu eshri ayi? 35Efilibu a lu odlo a daŋ a gno. A zga esi okro ba alom he lo a tsi lo, nga a nyum Oshpaodzadzi ba Eyesu a daŋ. 36Moa a dzi a gre fi nga, moa a gbu okrokyeŋ ba ami-hĩ a wo ma, nga alom lo a zhĩ a lu mi le, Amihĩ a wo ahe. Eshi e nyom boŋ o kpo me abaptisma? [ 37Efilibu a tno ŋa ma a lu mi le, Moa á kpo ŋo abaptisma o wo boŋ o bmi ba adlidzi la eso boŋ mvye. Alom he lo a tno ma a lu mi le, Ame e bmi. A sa a lu mi le, Ame e bmi ba Eyesu Ekristi a wo Anwye Ahogbrẽ.] 38Alom he lo a da amato-enyma a tspi, nga moaha lo a gile a gre ami lo, nga Efilibu a kpo ŋa abaptisma. 39Ambla moa a zgi ami a khwo nga, Ogbgaodzi ba Ahogbrẽ o sko Efilibu o sku okro lo. Alom he lo a ka Efilibu nga mbo, ambo aŋa a gre eŋa la ovyevye. 40Efilibu a dzu nga a ka eŋa osku ba Ashdodo. A gre esku nga a la a nyum Oshpaodzadzi ma-me a tsu a gre Esizariya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Eggon New Testament © United Bible Societies, 1974. Bible Society of Nigeria