Otum 9
9
Eshawlu a zhiŋ
1Ma-me o gbu omba he lo, Eshawlu a la a kpo moanwyeotum ba Ahogbrẽ ewu nzenze. A gre okro anyuŋ-anda-kʼpo olu ba Ahogbrẽ 2okyku o daŋ a yga akpekpa la a tsa moa a shri ekʼpo a shri a daŋ, okyku o daŋ a yi anwyeakulu andandandim moaEyahuda osku ba Adamasku, okyku o daŋ a vu moare la a lu Eyesu ma, moarealom pa la moashe nga okyku o shri mo o ba Orushalima.
3Omba baŋ a yi Adamasku, omba baŋ a gbu osusku ta la Adamasku nga, ayimom a gnyu a zgi ahrẽ a ba a tra egi ayi baŋ laŋ. 4Eshawlu a tsi a gbu obiŋ nga, enzi e zgi ongyeŋ e nyuŋ ŋa e lu mi le, Eshawlu, Eshawlu! Okyku eshi aŋo o la o kpo me ewu? 5Eshawlu a zhĩ a lu mi le, Adigi, aŋo o wo ayi angyiŋ? Enzi lo e tno ma e lu mi le, Ame angyiŋ e wo Eyesu boŋ o la o kpo ŋa ewu. 6O kso o yi osku eshyẽ, moa á lu ekplo boŋ ó ba o kpo á da ŋo ma. 7Moare la a dzi ta la Eshawlu moa a gno enzi lo nga moa a tspi tki. Moa a gno enzi, ambo moa a ka are la a lu odlo lo mbo. 8Eshawlu a kso obiŋ nga, a hwile ayi baŋ ambo a ka emakyeŋ mbo. Moa a shri ŋa obobgo a shri a gre osku ba Adamasku eshyẽ. 9Elum etra a ka a gbu mbo. Elum etra he lo, a ri mbo nga a wa mbo.
10Osku Adamasku he lo, anwyeotumakyeŋ a wo ma, eshko baŋ e ri Ahananiya. Aŋa a ka okoka. Ibu okoka he lo, Adigi-odne a bzi ŋa nga a tsa ŋa a lu mi le, Ahananiya! Ahananiya a tno a lu mi le, Adigi-odne, o ka, ame e wo ahe. 11Adigi-odne a nyuŋ ŋa a lu mi le, Aŋo o yi ozhẽ moa a bzi lo ma Ozhẽ la o wo kye, nga o klo odne ba Eyahuda okyku eshi alom ba Atarsu moa a bzi ŋa ma Eshawlu, a ba a wo odne he lo. Aŋa a fa olu. 12Omba baŋ a ka okoka lo, a ka are la eshko baŋ e ri Ahananiya baŋ a ba okyku o shri abgo o shki ŋa eshri, okyku o da ayi baŋ a hwile. 13Ahananiya a tno Adigi-odne ma a lu mi le, Adigi-odne, moare nzenze a lu edgu odlo andandandim eka ba alom he lo a la a kpo moarehwi boŋ ewu osku ba Orushalima. 14O ka, aŋa a yga ekʼpo okro moandakʼpo olu ba Ahogbrẽ a ba okyku o vu moare mvye la a bmi ba adlidzi ka la ŋo. 15Adigi-odne a nyuŋ ŋa a lu mi le, Aŋo o yi, okyku eshi ame e sla ŋa okyku o daŋ a kpo otum okyku me, okyku o daŋ a nyum oshpa me a ygi moa la a wo moaEyahuda mbo, pa la moanyuŋ-areŋ, pa la moarehwi ba Esrayila. 16Nga, ame é tsa ŋa ewu baŋ á ba a kpo okyku me.
17Ahananiya a gre odne lo nga, a shri abgo baŋ a shki eshri Eshawlu nga a lu mi le, Anime Eshawlu, Adigi-odne Eyesu eshrishri eŋa angyiŋ a hom me otum. Aŋa angyiŋ aŋo o ka ozhẽ omba boŋ o ba ahe. Aŋa a hom me otum okyku o da me e hwile ŋo ayi, nga moa a bli ŋo la Ogbgaodzi. 18Ambla fi nga angʼbu emakyeŋ eka angʼbu atsa a zgi ayi ba Eshawlu a ygi obiŋ, nga a ka okro. A kso nga moa a kpo ŋa abaptisma. 19Ambla baŋ a ri algo nga, a hwiŋ oshye.
Eshawlu a nyum oshpa osku ba Adamasku
Eshawlu a dzu pa la moanwyeotum osku ba Adamasku elum ple. 20A gre anwyeakulu andandandim moaEyahuda nga a nyum oshpa eshri Eyesu, ma Eyesu a wo Anwye Ahogbrẽ. 21Moare la a gno oshpa ba Eshawlu a nyum mvye, moa a ka egbregbre nga a zhĩ a lu mi le, Alom he angyiŋ a wo la a la a bga moare la a bmi ba adlidzi ta la eshko Eyesu Orushalima mbo? Aŋa a ba ahe okyku o daŋ a vu mo a yi a kom moandakʼpo olu ba Ahogbrẽ mbo?
22Oshpa ba Eshawlu la a nyum, o bli la ekʼpo Ogbgaodzi, nga otsotsa baŋ la a tsa ba Eyesu angyiŋ a wo Emisiya o wo zhezheŋ, nga moaEyahuda la a wo Adamasku a tno ŋa akplo-kyeŋ a gbu mbo.
23Ambla elum nzenze e bre e gre nga, moaEyahuda a pla emo a shki nga moa a klo o bga Eshawlu. 24Moare a lu a da Eshawlu eka ekplo moaEyahuda a klo o kpo ka la ŋa. MoaEyahuda a la a kʼpu ayizhẽ mvye ba ogli ba osku lo, okyukyku ta la olulum, okyku o da mo a bga Eshawlu. 25Ambo ondakyeŋ okyukyku nga, moakyeŋazba ba Eshawlu a nyuŋ a kpo nga, moa a shri ŋa aksu a sõ ewyle la e wo ogli nga moa a gile ŋa a gre obiŋ.
Eshawlu a gre Orushalima
26Eshawlu a gre Orushalima nga a klo o kaŋ eshri o bga pa la moanwyeotum. Moa a bmi ha adlidzi baŋ a wo anwyoetum mbo. Mo mvye a kpo eyli baŋ. 27Abarnaba a ba a kpo a ghwo a ŋa nga a shri ŋa a gre okro moa la a nyum oshpa, nga a lu a da mo eka ba Eshawlu a ka Adigi-odne ozhẽ, nga ba Adigi-odne a lu odlo ka la ŋa. Nga a lu a da mo eka ba Eshawlu a nyum oshpa ba Eyesu osku ba Adamasku la eso ekyekyeŋ. 28Eshawlu a dzu pa la mo nga a gre ekro andandandim osku ba Orushalima nga a la a nyum oshpa ba Ahogbrẽ la eso ekyekyeŋ. 29Eshawlu a nyum oshpa nga a kla odlo pa la moaEyahuda la a lu olom Egrise. Moa a klo o bga ŋa. 30Omba moanáŋ a gno eka he nga, moa a sko Eshawlu a gre Esizariya nga moa a shri ŋa a gre Atarsu.
31Okyku eka he eshki ba Ekristi ba obiŋ Eyahuda mvye, ta la Egalili, ta la Asamariya, moa a hwiŋ odzudum omba he lo. Moa a nyum oshpa nga moa a ta ma-ma, okyku moa a dzu la eyli Adigi-odne eso mo, nga Ogbgaodzi o kpo o ghwo la mo.
Ebitru a gre Elida ta la Ojopa
32Ebitru a la a dzi a gre ekro andandandim. Ondakyeŋ nga aŋa a gre o yi o ka moarehwi Ahogbrẽ la a wo osku ba Elida. 33Osku he lo a ri a sheŋ alomakyeŋ moa a bzi ŋa ma Eniya. Aŋa a mom egʼba. Aŋa a kpo eyi efote a kso obiŋ a gbu mbo. 34Ebitru a nyuŋ ŋa a lu mi le, Eniya, eshko ba Eyesu Ekristi, o shaŋ. O kso nga o nyuŋ amgbla olom ma boŋ o kpo. Nga Eniya a gba a kso. 35Moarehwi mvye la a wo Elida ta la Esharoŋ, moa a ka ŋa nga moa a zhiŋ a lu Adigi-odne ma.
36Osku ba Ojopa nga, ashekyeŋ a wo ma, eshko baŋ e ri Atabita. Aŋa a bmi ba adlidzi. Eshko lo la alom Egrise e ri Odokas, o dzu, etba. Aŋa a kpo odlodzi ombamba mvye, nga a la a kpo a ghwo la moa la a wo ekŋe. 37Omba he lo aŋa a no nga a kpu. Moa a nglo okom lo nga moa a shri lo a zga aku ongyeŋ. 38O zgi Ojopa o yi Elida o gyuŋ nzenze mbo. Omba moanwyeotum ba Ojopa a gno ba Ebitru a wo Elida nga, moa a hom moare aha otum okro baŋ a lu mi le, O wo boŋ o bmi le, o knye o ba okro bi oshoshoŋ. 39Okyku eka he nga Ebitru a knye a gre a yi a ka mo. A gbu a khwo nga moa a shri ŋa a daŋ a gre aku lo ongyeŋ. Moashe-eshaku pyeŋ a ba a ta Ebitru a kpaŋ nga moa a la a wu okũ, nga moa a shri ariga ta la okotu ba Odokas a kpo omba baŋ a yi a wo ma, a shri a tsa ŋa. 40Ambo Ebitru a da mo mvye a zgi a sku aku lo eshyẽ, a kʼpu obiŋ nga a fa olu. Ambla he a zhiŋ a gre okro okom lo nga a nyuŋ lo a lu mi le, Atabita, o kso! Aŋa a hwile ayi baŋ, omba baŋ a ka Ebitru nga a dzu okũ. 41Ebitru a gre osusku nga a kpo a ghwo a ŋa a daŋ a tspi angyeŋ. A bzi moa la a bmi ba adlidzi, pa la moashe-eshaku, nga a shri Atabita la eso ma a shri a da mo. 42Oshpa he lo o ngla o bli Ojopa nga moare nzenze a bmi ba adlidzi ta la Adigi-odne. 43Ambla he nga, Ebitru a dzu Ojopa okyku elum nzenze ta la alomakyeŋ moa a bzi ŋa ma Esima. Aŋa a la a fu akpa.
Currently Selected:
Otum 9: EGONT74
Highlight
Share
Copy
Want to have your highlights saved across all your devices? Sign up or sign in
Eggon New Testament © United Bible Societies, 1974. Bible Society of Nigeria
Otum 9
9
Eshawlu a zhiŋ
1Ma-me o gbu omba he lo, Eshawlu a la a kpo moanwyeotum ba Ahogbrẽ ewu nzenze. A gre okro anyuŋ-anda-kʼpo olu ba Ahogbrẽ 2okyku o daŋ a yga akpekpa la a tsa moa a shri ekʼpo a shri a daŋ, okyku o daŋ a yi anwyeakulu andandandim moaEyahuda osku ba Adamasku, okyku o daŋ a vu moare la a lu Eyesu ma, moarealom pa la moashe nga okyku o shri mo o ba Orushalima.
3Omba baŋ a yi Adamasku, omba baŋ a gbu osusku ta la Adamasku nga, ayimom a gnyu a zgi ahrẽ a ba a tra egi ayi baŋ laŋ. 4Eshawlu a tsi a gbu obiŋ nga, enzi e zgi ongyeŋ e nyuŋ ŋa e lu mi le, Eshawlu, Eshawlu! Okyku eshi aŋo o la o kpo me ewu? 5Eshawlu a zhĩ a lu mi le, Adigi, aŋo o wo ayi angyiŋ? Enzi lo e tno ma e lu mi le, Ame angyiŋ e wo Eyesu boŋ o la o kpo ŋa ewu. 6O kso o yi osku eshyẽ, moa á lu ekplo boŋ ó ba o kpo á da ŋo ma. 7Moare la a dzi ta la Eshawlu moa a gno enzi lo nga moa a tspi tki. Moa a gno enzi, ambo moa a ka are la a lu odlo lo mbo. 8Eshawlu a kso obiŋ nga, a hwile ayi baŋ ambo a ka emakyeŋ mbo. Moa a shri ŋa obobgo a shri a gre osku ba Adamasku eshyẽ. 9Elum etra a ka a gbu mbo. Elum etra he lo, a ri mbo nga a wa mbo.
10Osku Adamasku he lo, anwyeotumakyeŋ a wo ma, eshko baŋ e ri Ahananiya. Aŋa a ka okoka. Ibu okoka he lo, Adigi-odne a bzi ŋa nga a tsa ŋa a lu mi le, Ahananiya! Ahananiya a tno a lu mi le, Adigi-odne, o ka, ame e wo ahe. 11Adigi-odne a nyuŋ ŋa a lu mi le, Aŋo o yi ozhẽ moa a bzi lo ma Ozhẽ la o wo kye, nga o klo odne ba Eyahuda okyku eshi alom ba Atarsu moa a bzi ŋa ma Eshawlu, a ba a wo odne he lo. Aŋa a fa olu. 12Omba baŋ a ka okoka lo, a ka are la eshko baŋ e ri Ahananiya baŋ a ba okyku o shri abgo o shki ŋa eshri, okyku o da ayi baŋ a hwile. 13Ahananiya a tno Adigi-odne ma a lu mi le, Adigi-odne, moare nzenze a lu edgu odlo andandandim eka ba alom he lo a la a kpo moarehwi boŋ ewu osku ba Orushalima. 14O ka, aŋa a yga ekʼpo okro moandakʼpo olu ba Ahogbrẽ a ba okyku o vu moare mvye la a bmi ba adlidzi ka la ŋo. 15Adigi-odne a nyuŋ ŋa a lu mi le, Aŋo o yi, okyku eshi ame e sla ŋa okyku o daŋ a kpo otum okyku me, okyku o daŋ a nyum oshpa me a ygi moa la a wo moaEyahuda mbo, pa la moanyuŋ-areŋ, pa la moarehwi ba Esrayila. 16Nga, ame é tsa ŋa ewu baŋ á ba a kpo okyku me.
17Ahananiya a gre odne lo nga, a shri abgo baŋ a shki eshri Eshawlu nga a lu mi le, Anime Eshawlu, Adigi-odne Eyesu eshrishri eŋa angyiŋ a hom me otum. Aŋa angyiŋ aŋo o ka ozhẽ omba boŋ o ba ahe. Aŋa a hom me otum okyku o da me e hwile ŋo ayi, nga moa a bli ŋo la Ogbgaodzi. 18Ambla fi nga angʼbu emakyeŋ eka angʼbu atsa a zgi ayi ba Eshawlu a ygi obiŋ, nga a ka okro. A kso nga moa a kpo ŋa abaptisma. 19Ambla baŋ a ri algo nga, a hwiŋ oshye.
Eshawlu a nyum oshpa osku ba Adamasku
Eshawlu a dzu pa la moanwyeotum osku ba Adamasku elum ple. 20A gre anwyeakulu andandandim moaEyahuda nga a nyum oshpa eshri Eyesu, ma Eyesu a wo Anwye Ahogbrẽ. 21Moare la a gno oshpa ba Eshawlu a nyum mvye, moa a ka egbregbre nga a zhĩ a lu mi le, Alom he angyiŋ a wo la a la a bga moare la a bmi ba adlidzi ta la eshko Eyesu Orushalima mbo? Aŋa a ba ahe okyku o daŋ a vu mo a yi a kom moandakʼpo olu ba Ahogbrẽ mbo?
22Oshpa ba Eshawlu la a nyum, o bli la ekʼpo Ogbgaodzi, nga otsotsa baŋ la a tsa ba Eyesu angyiŋ a wo Emisiya o wo zhezheŋ, nga moaEyahuda la a wo Adamasku a tno ŋa akplo-kyeŋ a gbu mbo.
23Ambla elum nzenze e bre e gre nga, moaEyahuda a pla emo a shki nga moa a klo o bga Eshawlu. 24Moare a lu a da Eshawlu eka ekplo moaEyahuda a klo o kpo ka la ŋa. MoaEyahuda a la a kʼpu ayizhẽ mvye ba ogli ba osku lo, okyukyku ta la olulum, okyku o da mo a bga Eshawlu. 25Ambo ondakyeŋ okyukyku nga, moakyeŋazba ba Eshawlu a nyuŋ a kpo nga, moa a shri ŋa aksu a sõ ewyle la e wo ogli nga moa a gile ŋa a gre obiŋ.
Eshawlu a gre Orushalima
26Eshawlu a gre Orushalima nga a klo o kaŋ eshri o bga pa la moanwyeotum. Moa a bmi ha adlidzi baŋ a wo anwyoetum mbo. Mo mvye a kpo eyli baŋ. 27Abarnaba a ba a kpo a ghwo a ŋa nga a shri ŋa a gre okro moa la a nyum oshpa, nga a lu a da mo eka ba Eshawlu a ka Adigi-odne ozhẽ, nga ba Adigi-odne a lu odlo ka la ŋa. Nga a lu a da mo eka ba Eshawlu a nyum oshpa ba Eyesu osku ba Adamasku la eso ekyekyeŋ. 28Eshawlu a dzu pa la mo nga a gre ekro andandandim osku ba Orushalima nga a la a nyum oshpa ba Ahogbrẽ la eso ekyekyeŋ. 29Eshawlu a nyum oshpa nga a kla odlo pa la moaEyahuda la a lu olom Egrise. Moa a klo o bga ŋa. 30Omba moanáŋ a gno eka he nga, moa a sko Eshawlu a gre Esizariya nga moa a shri ŋa a gre Atarsu.
31Okyku eka he eshki ba Ekristi ba obiŋ Eyahuda mvye, ta la Egalili, ta la Asamariya, moa a hwiŋ odzudum omba he lo. Moa a nyum oshpa nga moa a ta ma-ma, okyku moa a dzu la eyli Adigi-odne eso mo, nga Ogbgaodzi o kpo o ghwo la mo.
Ebitru a gre Elida ta la Ojopa
32Ebitru a la a dzi a gre ekro andandandim. Ondakyeŋ nga aŋa a gre o yi o ka moarehwi Ahogbrẽ la a wo osku ba Elida. 33Osku he lo a ri a sheŋ alomakyeŋ moa a bzi ŋa ma Eniya. Aŋa a mom egʼba. Aŋa a kpo eyi efote a kso obiŋ a gbu mbo. 34Ebitru a nyuŋ ŋa a lu mi le, Eniya, eshko ba Eyesu Ekristi, o shaŋ. O kso nga o nyuŋ amgbla olom ma boŋ o kpo. Nga Eniya a gba a kso. 35Moarehwi mvye la a wo Elida ta la Esharoŋ, moa a ka ŋa nga moa a zhiŋ a lu Adigi-odne ma.
36Osku ba Ojopa nga, ashekyeŋ a wo ma, eshko baŋ e ri Atabita. Aŋa a bmi ba adlidzi. Eshko lo la alom Egrise e ri Odokas, o dzu, etba. Aŋa a kpo odlodzi ombamba mvye, nga a la a kpo a ghwo la moa la a wo ekŋe. 37Omba he lo aŋa a no nga a kpu. Moa a nglo okom lo nga moa a shri lo a zga aku ongyeŋ. 38O zgi Ojopa o yi Elida o gyuŋ nzenze mbo. Omba moanwyeotum ba Ojopa a gno ba Ebitru a wo Elida nga, moa a hom moare aha otum okro baŋ a lu mi le, O wo boŋ o bmi le, o knye o ba okro bi oshoshoŋ. 39Okyku eka he nga Ebitru a knye a gre a yi a ka mo. A gbu a khwo nga moa a shri ŋa a daŋ a gre aku lo ongyeŋ. Moashe-eshaku pyeŋ a ba a ta Ebitru a kpaŋ nga moa a la a wu okũ, nga moa a shri ariga ta la okotu ba Odokas a kpo omba baŋ a yi a wo ma, a shri a tsa ŋa. 40Ambo Ebitru a da mo mvye a zgi a sku aku lo eshyẽ, a kʼpu obiŋ nga a fa olu. Ambla he a zhiŋ a gre okro okom lo nga a nyuŋ lo a lu mi le, Atabita, o kso! Aŋa a hwile ayi baŋ, omba baŋ a ka Ebitru nga a dzu okũ. 41Ebitru a gre osusku nga a kpo a ghwo a ŋa a daŋ a tspi angyeŋ. A bzi moa la a bmi ba adlidzi, pa la moashe-eshaku, nga a shri Atabita la eso ma a shri a da mo. 42Oshpa he lo o ngla o bli Ojopa nga moare nzenze a bmi ba adlidzi ta la Adigi-odne. 43Ambla he nga, Ebitru a dzu Ojopa okyku elum nzenze ta la alomakyeŋ moa a bzi ŋa ma Esima. Aŋa a la a fu akpa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Eggon New Testament © United Bible Societies, 1974. Bible Society of Nigeria