Milimo 6
6
Aswilisi saba aya mitume
1Nga manda yalye pano alondeshi yatampa ukuvula, aYudea ya chiGliki yasumbikila aEblania, kuno anachi yao yano afwilwa, yalatilwa um-wankanyo wa manda yoshi. 2Ngi kumi na yaili yaya yita iumba lya alondeshi, yaati: “Chitazifile kuti sweswe tusye iswi li Leesa nu kwangalila apa meza. 3Ichino yachitu, tusolole antu saba muno muli, yano yalumbuka um-vizipe, nayo yazyula uMweeso na mano, ukuti tuyawike apa milimo yi. 4Neswe twankonka ukupepa nu kuombela iswi.”
5Ngi swi liyo lisipa apa maaso yiumba lyonsi, yasolola Stefano, untu wino wazyula usumilo nu Mweso Nswefu, na Filipo na Plokola, na Nikanoli, na Timoni, na Palmena, na Nikolao unndondeshi wa chiYudea uwa ku Antiokia. 6Ayano imika apa mitume, nga pano yapepa, yayawikila amakasa apa mitwe.
7Ngiswi li Leesa lilimba n alondeshi yavulisya um-Yelusalemu, apalinji na yakapela tupu yachindika usumilo uo.
Stefano walemwa
8Nga Stefano wino washula inkumbu na maka, wachita ifipesha-mano ni filangisho ivikulu unjantu. 9Leelo kuloleka yamwi yano yatangi: ing'anda-yi-Leesa ya antu yakuluti aLibetino, na aKilene na a ku Aleksandlia, na ya ku Kilikia nu ku Asia, yafuma ukupazyana na Stefano. 10Nga yatachili yapote amano nu Mweso uno wavwangaa nawe. 11Apalinji yaleta antu anji yano yaatile: “Tumpulike untu wi wavwanga amaswi ya kusula Mose na Leesa.” 12Nga yasongelekanya antu, nakombe na yakaandika, yanjila yannema, yantwala umwitengo. 13Nga yimika yasyuta ya ufi yano yaatile: “Untu wi ataluta ukuvwanga amaswi ya misalula uku pantu paswefu nu ku Ntambi. 14Kuno twampulika aluti Yesu wa ku Nazaleti alonona apantu pa nu kusenula intambi zino Mose watupile.” 15Antu yoshi yano yateshi umwitengo liyo yankundwila maaso, yalola usyu waakwe ungati usyu wi malaika.
Currently Selected:
Milimo 6: FNT1988
Highlight
Share
Copy
Want to have your highlights saved across all your devices? Sign up or sign in
New Testament in Fipa © United Bible Societies, 1988. Bible Society of Tanzania.
Milimo 6
6
Aswilisi saba aya mitume
1Nga manda yalye pano alondeshi yatampa ukuvula, aYudea ya chiGliki yasumbikila aEblania, kuno anachi yao yano afwilwa, yalatilwa um-wankanyo wa manda yoshi. 2Ngi kumi na yaili yaya yita iumba lya alondeshi, yaati: “Chitazifile kuti sweswe tusye iswi li Leesa nu kwangalila apa meza. 3Ichino yachitu, tusolole antu saba muno muli, yano yalumbuka um-vizipe, nayo yazyula uMweeso na mano, ukuti tuyawike apa milimo yi. 4Neswe twankonka ukupepa nu kuombela iswi.”
5Ngi swi liyo lisipa apa maaso yiumba lyonsi, yasolola Stefano, untu wino wazyula usumilo nu Mweso Nswefu, na Filipo na Plokola, na Nikanoli, na Timoni, na Palmena, na Nikolao unndondeshi wa chiYudea uwa ku Antiokia. 6Ayano imika apa mitume, nga pano yapepa, yayawikila amakasa apa mitwe.
7Ngiswi li Leesa lilimba n alondeshi yavulisya um-Yelusalemu, apalinji na yakapela tupu yachindika usumilo uo.
Stefano walemwa
8Nga Stefano wino washula inkumbu na maka, wachita ifipesha-mano ni filangisho ivikulu unjantu. 9Leelo kuloleka yamwi yano yatangi: ing'anda-yi-Leesa ya antu yakuluti aLibetino, na aKilene na a ku Aleksandlia, na ya ku Kilikia nu ku Asia, yafuma ukupazyana na Stefano. 10Nga yatachili yapote amano nu Mweso uno wavwangaa nawe. 11Apalinji yaleta antu anji yano yaatile: “Tumpulike untu wi wavwanga amaswi ya kusula Mose na Leesa.” 12Nga yasongelekanya antu, nakombe na yakaandika, yanjila yannema, yantwala umwitengo. 13Nga yimika yasyuta ya ufi yano yaatile: “Untu wi ataluta ukuvwanga amaswi ya misalula uku pantu paswefu nu ku Ntambi. 14Kuno twampulika aluti Yesu wa ku Nazaleti alonona apantu pa nu kusenula intambi zino Mose watupile.” 15Antu yoshi yano yateshi umwitengo liyo yankundwila maaso, yalola usyu waakwe ungati usyu wi malaika.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Fipa © United Bible Societies, 1988. Bible Society of Tanzania.