Milimo 7
7
Stefano wasunda
1Kapela-nkulu afwanga, ati: “Chene! amaswi ya ifino yali?” 2Nawe ati: “Yachane na yatata yane, pulikisyini. Leesa wa ukulu wauswelwile kuli tata witu Ablaamu, pano wali uku Mesopotamia, pano achili awikale uku Alani. 3Wannena, waati: ‘Tina un-nsi yako na pa luko lwako, uye ukunsi ino nankulanga.’ 4Apano waatina umunsi ya yaKaldeo, awikala uku Alani. Atina kweneko pano isi wafwa, Leesa wamsamisha insi i ino mwemwe mutesi mwenemo li kwene. 5Atampile upyani nanti pamwi apa kulyata amulu yaakwe, annanya fino alumpa ailâse na ana yaakwe aya ku chisila, pano achili awe nu mwana. 6Leesa wavwanga ukuti anakwe yaluwa eni un-nsi ya yantu yanji, nayo yaluyachita azya yao, nu kuyachitila iviipe uku myaka myanda inni. 7Na antu yano yacha yayachita usha, nene nduyaputwila unnandu, ifino Leesa wavwanzile: ‘Ni chisila cha ifintu vi yalufuma, nga yalumbombela mu kwene.’ 8Nga ampa Upangano wa kuchita untu ichibalu; nga Ablaamu avyala Isaka, amchita ichibalu uwanda wa nnane. Isaka avyala Yakobo, Yakobo avyala yatata-kulu itu ikumi na yaili.
9“Yatata-kulu itu yasuwila Yosefu yamkazya kuti aye uku Misili, leelo Leesa wawa ponga nawe. 10Wamkulula um-uchuzi waakwe onsi, ampa inkumbu na mano apa maaso yi Falao, mwene wa Misili; nawe ampa kuti alâse insi ya Misili, ni ng'anda yaakwe yoshi. 11Ngi nsala ipona un-nsi yoshi iya Misili nu ku Kanani, na machulo tupu, nga yatata-kulu itu yatapasile ichakulya cha kuikusya. 12Nga lino Yakobo wapulika fino uku Misili ifyakulya vili kweneko, atuma yatata-kulu itu ilya ntangulo. 13Nga pa lya uwili Yosefu aumanyisya uku yachakwe; anina i Yosefu yamanyika kuli Falao. 14Yosefu atuma antu ukuyuwita Yakobo isi nanina yaakwe yoshi kwene, antu amakumi saba na yasano. 15Nga Yakobo apita ukuya uku Misili, wene afwila kweneko, na yatata-kulu itu. 16Yasendwa ku Syikemu yasyikwa umwilindi lili lino Ablahamu wakazile uku yana yi Emoli uku Syikemu, uku mpangila wa mpia.
17“Nga pano amakati ya ulanyo uno Leesa wapile Ablaamu yapalamila, antu yaya yawa ainji, nu kufulisha uku Misili. 18Apalinji umwene unji wakatuka un-nsi ya Misili, wino atamanyile Yosefu. 19Wene wachita uchenjesu uipe apa antu itu nu kuchitila yatata itu ifiipe, ayanena uku maka, yasumbe utwana twao utunya, kuti tutakula. 20Amanda yao kwene Mose afyalwa, nawe wali unsipe pali Leesa. Alelwa imyeshi itatu un-ng'anda yisi. 21Nga lino yansumba, umwana wi Falao antola, annela wa mwanakwe unkola. 22Mose walangililwe amano yoshi aya Misili, awa na maka uku maswi ni milimo.
23“Imyaka yaakwe pano yafika amakumi yani, um-mweso waakwe akunda ukuyulola achakwe, aIslaeli. 24Alola wenga wino ataonelwa; amtula, wannandwila kuli wino wammonile, aumisya ndi mMisili wiyo. 25Watangi achakwe yammanya fino Leesa wayapa ufyusi ukwikasa lyaakwe; leelo yatamanyile. 26Uwanda wa uwili aya kuno yali pano yalulemanila, asita ukuyapulikanya, ati: “Yatata, mwe yali yonga; uku chani mululemanila?” 27Leelo wino wapatike uwachakwe, amtenkela ukutali, ati: “Uwini wino wakuwika wikolo na katasha witu? 28Chene! ulusita ungumole ndi fino iyulu wumoshile um-Misili wiwi?” 29Ukwiswi liyo Mose wituka, waya wikala icha weni un-nsi ya Midiani. Wafyala ana yaili kweneko.
30“Nga pano yapita imyaka amakumi yani, malaika aloleka kunali undusanga lwa mwamba wa Sinai, un-chenje cha moto, chino chakanga un-katûtu. 31Mose pano waulola, azunguka uku malele yao; nga pano wapalamila kuti alole, iswi lya Mwene lwamwizila. 32Lyaati: ‘Nene ndi Leesa wi yaso yako, Leesa wi Ablaamu nu wi Isaka nu wi Yakobo.’ Mose atetema, chimpota nu kulolekesya. 33uMwene wannena, waati: ‘Zula infwato uku mulu yako, kuno apantu pa pano uwimilile, insi iswepe. 34Pano ntilola amachulo ya yantu yane yano yali uku Misili, ntipulika kupemela kwao, nene nika kuti njatule. Ichino nguna, nankutuma uku Misili.’
35“Mose wino yakanile, yaati: ‘Uwini wino wakuwika wikolo na katasya witu?’ Uwino watumilwe na Leesa ukuwa unkulu na Katula, uku nzila i malaika wino walolike kunali un-katûtu. 36Wiyo uwino wayafumisha, achita vipezya-mano ni vilangisho un-nsi ya Misili na kuli yemba wi Syamu, nu ndusanga imyaka amakumi yani. 37Mose wiyo wino wanenile aIslaeli, ati: ‘Leesa alumwimikila kalausha apa achino, ndi fino nene.’ 38Wene uwino wali api kanisa undusanga, ponga na malaika wiwi wino wavwanzile nawe uku mwamba wa Sinai, na kaili ponga na yatata itu; uwino wapokelile amaswi ya upuma, kuti atupe sweswe.
39“Untu wiyo yatata yatakasime ukumchindika, yamkankila ukutali, ni myeso yao yasuwila uku Misili. 40Yanena Aloni, yaati: ‘Utuchitile yalesa, yakuti yantukolelela, kuno Mose wiyo wino watufumizye ukunsi ya Misili, tutamanyile ngi wazanwa na chani.’ 41Apa manda yao kwene yachita indama, yaleta inzui uku chilui chiyo, yachimbila unnimo wa makasa yao. 42Leelo Leesa wafwitoka, wayata kuti yaombele iumba lya mwiyulu, ndi fino chaandikwe un-chitabu cha malau:
‘Chene! mwanfimile ni vipelo nu wila
imyaka amakumi yani undusanga,
mwe ng'anda ya Islaeli?
43Nemwe mwasensile ihema li Moloki,
nu lutanda lwi leza Lefa,
vilui fino mwachisile
kuti muvifukamile.
Nene ndumusamya ukutali
ukuluta Babeli.’
44“Ihema-lya-usyuta lyali ponga na yatata itu undusanga, ndi fino wene wakomelizye, wino wafwansile na Mose ukuti achite likolane na lino wawine. 45Lino yatata itu uku kupokezyanya yalifisya ponga na Yoswa un-nsi ya akulukuwa, yano Leesa wawingile apa maaso iyatata itu, fika na pa manda yi Daudi. 46Wino wakundikwa apa maaso yi Leesa, nawe walomvile kuti ampe Leesa wi Yakobo amikalo. 47Leelo Salomoni wamkulile ing'anda. 48Leelo Wa-Mwiyulu atakwikala un-ng'anda zino zyakuzilwe uku makasa. Ndi fino kalauzya avwanzile:
49‘Iyulu ichisumbi chane icha ukulu;
ninsi apa kuwika mulu yane.
Ing'anda uli yino mulunkulila?’ Ifino afwansile uMwene,
50‘Nanti api pano ndupuza?
Asi ikasa lyane lino lyachisile vyonsi vi?’
51“Mwemwe yatalamanu musi yachite ichibalu ummyenzo nanti um-makutwi; manda yoshi mukupingula uMweeso Nswefu. Ndi fino yaso ino yachisile, nemwe kwene iviyo kwene. 52Apa malau uwini wino yaso yatazunyile? Yumozile na yano yalawizye ukwiza kwakwe uwa-Chumi, wino mwemwe kaili mwamfima nu kumumola. 53Mwemwe yano mwapokelile iNtambi uku kutumiliziwa na malaika, leelo mutailema.”
Yumola Stefano
54Walangi pano yapulika amaswi yao, yayatota ummyenzo, yannumila inchechete uku mino. 55Leelo wene azyula Mweso Nswefu, asimpa amaso yaakwe umwiyulu, alola ukulu wi Leesa, na Yesu angi awimilile ukwikasa lya kwilunji li Leesa. 56Ati: “Lolini, nalola iyulu lyayulika nu Mwana-ntu awimilile ukwikasa lilunji ili Leesa.” 57Yumi chongo uku maswi makulu, yayala amakutwi yao, yanvulumkila icha ponga. 58Yamfumisha ukushi ya si, yantama na mafinga. Na yasyuta yawika imyenda yao apa mulu ya unnumendo wenga, wino yatangi Saulo. 59Nga yamtama Stefano na mafinga; nawe apepa, ati: “Mwene Yesu, pokelela umweso wane.” 60Nga afukama, alila ukwiswi kulu, ati: “Mwene, utayawikila unnandu u.” Pano wavwanga vi, annala ukunfwa. Na Saulo wazumilizye ukufwa kwakwe.
Currently Selected:
Milimo 7: FNT1988
Highlight
Share
Copy
Want to have your highlights saved across all your devices? Sign up or sign in
New Testament in Fipa © United Bible Societies, 1988. Bible Society of Tanzania.
Milimo 7
7
Stefano wasunda
1Kapela-nkulu afwanga, ati: “Chene! amaswi ya ifino yali?” 2Nawe ati: “Yachane na yatata yane, pulikisyini. Leesa wa ukulu wauswelwile kuli tata witu Ablaamu, pano wali uku Mesopotamia, pano achili awikale uku Alani. 3Wannena, waati: ‘Tina un-nsi yako na pa luko lwako, uye ukunsi ino nankulanga.’ 4Apano waatina umunsi ya yaKaldeo, awikala uku Alani. Atina kweneko pano isi wafwa, Leesa wamsamisha insi i ino mwemwe mutesi mwenemo li kwene. 5Atampile upyani nanti pamwi apa kulyata amulu yaakwe, annanya fino alumpa ailâse na ana yaakwe aya ku chisila, pano achili awe nu mwana. 6Leesa wavwanga ukuti anakwe yaluwa eni un-nsi ya yantu yanji, nayo yaluyachita azya yao, nu kuyachitila iviipe uku myaka myanda inni. 7Na antu yano yacha yayachita usha, nene nduyaputwila unnandu, ifino Leesa wavwanzile: ‘Ni chisila cha ifintu vi yalufuma, nga yalumbombela mu kwene.’ 8Nga ampa Upangano wa kuchita untu ichibalu; nga Ablaamu avyala Isaka, amchita ichibalu uwanda wa nnane. Isaka avyala Yakobo, Yakobo avyala yatata-kulu itu ikumi na yaili.
9“Yatata-kulu itu yasuwila Yosefu yamkazya kuti aye uku Misili, leelo Leesa wawa ponga nawe. 10Wamkulula um-uchuzi waakwe onsi, ampa inkumbu na mano apa maaso yi Falao, mwene wa Misili; nawe ampa kuti alâse insi ya Misili, ni ng'anda yaakwe yoshi. 11Ngi nsala ipona un-nsi yoshi iya Misili nu ku Kanani, na machulo tupu, nga yatata-kulu itu yatapasile ichakulya cha kuikusya. 12Nga lino Yakobo wapulika fino uku Misili ifyakulya vili kweneko, atuma yatata-kulu itu ilya ntangulo. 13Nga pa lya uwili Yosefu aumanyisya uku yachakwe; anina i Yosefu yamanyika kuli Falao. 14Yosefu atuma antu ukuyuwita Yakobo isi nanina yaakwe yoshi kwene, antu amakumi saba na yasano. 15Nga Yakobo apita ukuya uku Misili, wene afwila kweneko, na yatata-kulu itu. 16Yasendwa ku Syikemu yasyikwa umwilindi lili lino Ablahamu wakazile uku yana yi Emoli uku Syikemu, uku mpangila wa mpia.
17“Nga pano amakati ya ulanyo uno Leesa wapile Ablaamu yapalamila, antu yaya yawa ainji, nu kufulisha uku Misili. 18Apalinji umwene unji wakatuka un-nsi ya Misili, wino atamanyile Yosefu. 19Wene wachita uchenjesu uipe apa antu itu nu kuchitila yatata itu ifiipe, ayanena uku maka, yasumbe utwana twao utunya, kuti tutakula. 20Amanda yao kwene Mose afyalwa, nawe wali unsipe pali Leesa. Alelwa imyeshi itatu un-ng'anda yisi. 21Nga lino yansumba, umwana wi Falao antola, annela wa mwanakwe unkola. 22Mose walangililwe amano yoshi aya Misili, awa na maka uku maswi ni milimo.
23“Imyaka yaakwe pano yafika amakumi yani, um-mweso waakwe akunda ukuyulola achakwe, aIslaeli. 24Alola wenga wino ataonelwa; amtula, wannandwila kuli wino wammonile, aumisya ndi mMisili wiyo. 25Watangi achakwe yammanya fino Leesa wayapa ufyusi ukwikasa lyaakwe; leelo yatamanyile. 26Uwanda wa uwili aya kuno yali pano yalulemanila, asita ukuyapulikanya, ati: “Yatata, mwe yali yonga; uku chani mululemanila?” 27Leelo wino wapatike uwachakwe, amtenkela ukutali, ati: “Uwini wino wakuwika wikolo na katasha witu? 28Chene! ulusita ungumole ndi fino iyulu wumoshile um-Misili wiwi?” 29Ukwiswi liyo Mose wituka, waya wikala icha weni un-nsi ya Midiani. Wafyala ana yaili kweneko.
30“Nga pano yapita imyaka amakumi yani, malaika aloleka kunali undusanga lwa mwamba wa Sinai, un-chenje cha moto, chino chakanga un-katûtu. 31Mose pano waulola, azunguka uku malele yao; nga pano wapalamila kuti alole, iswi lya Mwene lwamwizila. 32Lyaati: ‘Nene ndi Leesa wi yaso yako, Leesa wi Ablaamu nu wi Isaka nu wi Yakobo.’ Mose atetema, chimpota nu kulolekesya. 33uMwene wannena, waati: ‘Zula infwato uku mulu yako, kuno apantu pa pano uwimilile, insi iswepe. 34Pano ntilola amachulo ya yantu yane yano yali uku Misili, ntipulika kupemela kwao, nene nika kuti njatule. Ichino nguna, nankutuma uku Misili.’
35“Mose wino yakanile, yaati: ‘Uwini wino wakuwika wikolo na katasya witu?’ Uwino watumilwe na Leesa ukuwa unkulu na Katula, uku nzila i malaika wino walolike kunali un-katûtu. 36Wiyo uwino wayafumisha, achita vipezya-mano ni vilangisho un-nsi ya Misili na kuli yemba wi Syamu, nu ndusanga imyaka amakumi yani. 37Mose wiyo wino wanenile aIslaeli, ati: ‘Leesa alumwimikila kalausha apa achino, ndi fino nene.’ 38Wene uwino wali api kanisa undusanga, ponga na malaika wiwi wino wavwanzile nawe uku mwamba wa Sinai, na kaili ponga na yatata itu; uwino wapokelile amaswi ya upuma, kuti atupe sweswe.
39“Untu wiyo yatata yatakasime ukumchindika, yamkankila ukutali, ni myeso yao yasuwila uku Misili. 40Yanena Aloni, yaati: ‘Utuchitile yalesa, yakuti yantukolelela, kuno Mose wiyo wino watufumizye ukunsi ya Misili, tutamanyile ngi wazanwa na chani.’ 41Apa manda yao kwene yachita indama, yaleta inzui uku chilui chiyo, yachimbila unnimo wa makasa yao. 42Leelo Leesa wafwitoka, wayata kuti yaombele iumba lya mwiyulu, ndi fino chaandikwe un-chitabu cha malau:
‘Chene! mwanfimile ni vipelo nu wila
imyaka amakumi yani undusanga,
mwe ng'anda ya Islaeli?
43Nemwe mwasensile ihema li Moloki,
nu lutanda lwi leza Lefa,
vilui fino mwachisile
kuti muvifukamile.
Nene ndumusamya ukutali
ukuluta Babeli.’
44“Ihema-lya-usyuta lyali ponga na yatata itu undusanga, ndi fino wene wakomelizye, wino wafwansile na Mose ukuti achite likolane na lino wawine. 45Lino yatata itu uku kupokezyanya yalifisya ponga na Yoswa un-nsi ya akulukuwa, yano Leesa wawingile apa maaso iyatata itu, fika na pa manda yi Daudi. 46Wino wakundikwa apa maaso yi Leesa, nawe walomvile kuti ampe Leesa wi Yakobo amikalo. 47Leelo Salomoni wamkulile ing'anda. 48Leelo Wa-Mwiyulu atakwikala un-ng'anda zino zyakuzilwe uku makasa. Ndi fino kalauzya avwanzile:
49‘Iyulu ichisumbi chane icha ukulu;
ninsi apa kuwika mulu yane.
Ing'anda uli yino mulunkulila?’ Ifino afwansile uMwene,
50‘Nanti api pano ndupuza?
Asi ikasa lyane lino lyachisile vyonsi vi?’
51“Mwemwe yatalamanu musi yachite ichibalu ummyenzo nanti um-makutwi; manda yoshi mukupingula uMweeso Nswefu. Ndi fino yaso ino yachisile, nemwe kwene iviyo kwene. 52Apa malau uwini wino yaso yatazunyile? Yumozile na yano yalawizye ukwiza kwakwe uwa-Chumi, wino mwemwe kaili mwamfima nu kumumola. 53Mwemwe yano mwapokelile iNtambi uku kutumiliziwa na malaika, leelo mutailema.”
Yumola Stefano
54Walangi pano yapulika amaswi yao, yayatota ummyenzo, yannumila inchechete uku mino. 55Leelo wene azyula Mweso Nswefu, asimpa amaso yaakwe umwiyulu, alola ukulu wi Leesa, na Yesu angi awimilile ukwikasa lya kwilunji li Leesa. 56Ati: “Lolini, nalola iyulu lyayulika nu Mwana-ntu awimilile ukwikasa lilunji ili Leesa.” 57Yumi chongo uku maswi makulu, yayala amakutwi yao, yanvulumkila icha ponga. 58Yamfumisha ukushi ya si, yantama na mafinga. Na yasyuta yawika imyenda yao apa mulu ya unnumendo wenga, wino yatangi Saulo. 59Nga yamtama Stefano na mafinga; nawe apepa, ati: “Mwene Yesu, pokelela umweso wane.” 60Nga afukama, alila ukwiswi kulu, ati: “Mwene, utayawikila unnandu u.” Pano wavwanga vi, annala ukunfwa. Na Saulo wazumilizye ukufwa kwakwe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Fipa © United Bible Societies, 1988. Bible Society of Tanzania.