Ageini 15

Isikan ka Rubanga kede Aburam

1Di mago otiek, Rubanga oko yamo kede Aburam i gianyuta be, “Kur ibed kede lworo, Aburam, ango en ebuku ni kame galao in; giamia ni bino bedo dwong twatwal.”

2Do Aburam oko waco be, “Okwe Rwot Rubanga, nyo inonono kame in iyaro mina? Pien ango ayaro to abongo atin, doko musika me oda en Elieser me Damasiko.” 3Di Aburam oko waco be, “Neningo, in likame imia atin moro, pi mano, epasoit kame konywalo i oda en kame bino bedo musika na.”

4Do Rwot oko bobo waco ne be, “Icuo no likame bino bedo musika nin; likame tie dano moro ace kwanyo wodi kame in kikomi inywalo en kame bino bedo musika ni.” 5#Joroma 4.18; Iburanian 11.12Rwot oko tero Aburam ooko di eko waco ne be, “Nen malo di iko maro wel me acer, ka itwero maro wel gi.” Di do eko waco ne Aburam be, “Ikwae ni bino bedo tot rom kano.”

6 # Joroma 4.3; Jogalatia 3.6; Yakobo 2.23 Aburam oko keto gen mere i kom Rwot; di Rwot oko tero manono bala poore mere.

7Di do Rwot oko waco ne be, “Ango en Rwot kame okeli ki Ur i piny me Babilon, pi mini lobo noni dok meri.”

8Do Aburam oko penye be, “Okwe Rwot Rubanga, ango abino ngeno benyo be ebino doko mera?”

9Rwot oko waco ne be, “Kel na atakit me mwakini adek, diel adako me mwakini adek, emerekek me mwakini adek, amam kede eluke kame pwodi titidi.” 10Aburam oko kelo ne Rwot gi nogi dedede di eko ngongolo gi; ebaro le acelacel i diere, di eko peto adulion gi piny tuni tuni di kiporere, do likame eko babaro winy ki diere. 11Acut oko bino popoto i kom gi oto nogo do Aburam oko riamo gi tenge.

12 # Yobu 4.13, 14 Otieno di do ceng tie donyo, nino atek oko mako Aburam, di colpiny acucucuc kame kelo lworo oko ume. 13#Yai 1.1-14; Tice 7.6Di Rwot oko waco ne Aburam be, “Miero in ingei ateteni be ikwae ni bino bedo jokumbor i lobo kalikame mergi, doko kibino bedo ipasoi kuno, di oko bino tidilo gi pi mwakini tol ongwon. 14#Yai 12.40-41; Tice 7.7Do ango abino ngolo kop i kom ateker nono kame bino mino gin kibedo ipasoi, di i cen mere gin kiko bino yai kede lim atot. 15Do in giri ibino bedo di iko ti kiber, ibino to kede mulem di oko yiki. 16Gin kibino dwogo kane i kare me lwak me ongwon; pien dub me jo Amor pwodi likame oyitiriro.”

17Di do ceng oudo otieko donyo, piny oko doko col, gulu kame yiro duny kiye kede mac aliel oko beo ki diere me adulion me leini nogo. 18#Tice 7.5Cenge nono en kame Rwot oko sikano iye kede Aburam di ewaco be, “Ango amio but ikwae nin lobo noni, yai kiye ecilet me Misiri kiton tuno iye ecilet adwong me Eupurate, 19ribo kiton lobo me jo Ken, jo Kenisi, jo Kadumon 20kede jo Kiti, jo Perisi, jo Repaim, 21kede me jo Amor, jo Kanan, jo Girigas kede jo Yebu.”

Currently Selected:

Ageini 15: BILKDC13

Highlight

Copy