Luka 3

Kop kame Yokana Ngaibatis Opwonyo

(Matayo 3.1-12; Marako 1.1-8; Yokana 1.19-28)

1I mwaka me tomon kiwie kany me apugan ka Kaisari Tiberio, di Pontio Pilato en kame oudo pugo Yudea, di Erode en kame oudo pugo Galilaya, omin mere Pilipo en kame oudo pugo adul me Iturea kede Turakoniti; Lusania en kame oudo pugo Abilene. 2I kare nono Anas gin kede Kayapa en kame oudo obedo jotel josaseredoti. Kop ka Rubanga oko bino but Yokana wot ka Sakaria i tim. 3En eko ririmo adulion dedede kame oudo iyapiyapi kede ecilet me Yorodan, di ewaco ne jo be kiswilaro di oko bino batiso gi pi udo isasir ki dub gi. 4#Isaya 40.3-5 Bala kame kowandiko kede i itabu ka enabi Isaya be,

“Dwan ngatamoro tie ilelem i tim be:

‘Iikunu ne Rwot yongayo,

rieunu ne yote.

5Wek tor aditot dedede,

kede pai mori kede imukuran dedede dwok piny.

Wek riei yote kogomugomun,

kede iik yote kame gwai dok pwot;

6di jo dedede ko bino neno alako ka Rubanga.’ ”

7 # Matayo 12.34; 23.33 Di do en eko waco ne ikodeta me jo kame oudo obino bute pi udo batisimu be, “Wun idwe me twole! Ngai kokwenyaro wu pi ringo tenge ki lilo ka Rubanga kame tie bino? 8#Yokana 8.33Timunu gikame bino nyuto iswilar wu, do kur icakunu yamo kenu kenu be, ‘Aburaam en kwaru wa’; awaco ne wu be, Rubanga twero kwanyo kide gi di eko loko gi kidoko ikwae ka Aburaam. 9#Matayo 7.19Akadi ber nan da, kotieko keto le cuto i dud yen; yat acelacel kalikame nyako anyakini abeco, kobino tonge piny di oko uce i mac.”

10Ikodeta me jo oko penye be, “Do nan wan do otim nyo?”

11En eko dwoko ne gi be, “Ngat kame tie kede ikotin are, poore emi ngat kame li kede da; doko ngat kame tie kede cam da poore tim kamanono.” 12#Luka 7.29Jorar esolo da oko bino pi udo batisimu, di kiko penye be, “Apwony, wan do opoore timo nyo?”

13En eko dwoko ne gi be, “Kur irarunu gikame kalamo kame kowaco ne wu.”

14Isirikalen da oko penye be, “Do wan kono?” En eko waco ne gi be, “Kur ititimunu jo arabo mino pido me abe i kom gi, pi wun udo sente kibut gi tetek. Miunu musala wu rom wu.”

15Bala kite kame jo oudo obedo kuro kede gen, di ngat acelacel penyere i cunye kene i kom Yokana, ka amoto di en kame ebedo Kirisito, 16omio Yokana oko dwoko ne gin dedede be, “Ango abatiso wu kede pii, do tie ngat kame tie bino, kame tie kede twer loa, kame ango da likame apoore pi gonyo ausi me amuka mere; en ebino batiso wu kede Tipo Kacil kede mac. 17Oderu mere tie i cinge cuto, en eyaro pieto kede i diakal mere me canyo, di eko bino coko engano mere eonyo i dero, do cucung ebino wango i mac kalikame to.”

18Di do Yokana oko tuco ne jo Kop Aber, di esupo cuny gi kede kope apat atot pi loko iponeso gi. 19#Matayo 14.3-4; Marako 6.17-18Do Erode ngapug, kame bin Yokana obunano pi nyomo Erodia dako ka omin mere, kede pi tim apat areco dedede kame oudo etimo, 20oko bobo medo timo gikarac ace me keto Yokana i mabus.

Kobatiso Yesu

(Matayo 3.13-17; Marako 1.9-11)

21Di do Yokana oudo otieko batiso jo dedede, oko batiso Yesu da. Kakame oudo Yesu tie kede ilega, malo oko yabere, 22#Ageini 22.2; Sabuli 2.7; Isaya 42.1; Matayo 3.17; Marako 1.11; Luka 9.35di Tipo Kacil oko bino piny i kome bala awele. Dwan oko wok ki malo di waco be, “In en Woda kame amaro, cunya yom i komi.”

Joakwari ka Yesu

(Matayo 1.1-17)

23I kare kame Yesu ocako kede tic mere, oudo mwakini me dongo mere romo bala ot adek. En oudo ebedo wot ka Yosepu (bala kite kame oudo kotero kede), kame oudo obedo wot ka Keli, 24wot ka Matat, wot ka Lebi, wot ka Meliki, wot ka Yanai, wot ka Yosepu, 25wot ka Matatia, wot ka Amosi, wot ka Nakum, wot ka Esili, wot ka Nagai, 26wot ka Mat, wot ka Matatia, wot ka Semein, wot ka Yosek, wot ka Yoda, 27wot ka Yoanan, wot ka Resa, wot ka Serubabel, wot ka Selatiel, wot ka Neri, 28wot ka Meliki, wot ka Adi, wot ka Kosam, wot ka Elamadam, wot ka Er, 29wot ka Yosua, wot ka Eliesa, wot ka Yorim, wot ka Matat, wot ka Lebi, 30wot ka Esimioni, wot ka Yuda, wot ka Yosepu, wot ka Yonam, wot ka Eliakim, 31wot ka Melea, wot ka Mena, wot ka Matata, wot ka Nasan, wot ka Daudi, 32wot ka Yese, wot ka Obed, wot ka Boasi, wot ka Salamoni, wot ka Nakason, 33wot ka Aminadab, wot ka Admin, wot ka Arani, wot ka Keseroni, wot ka Peresi, wot ka Yuda, 34wot ka Yakobo, wot ka Isaka, wot ka Aburaam, wot ka Tera, wot ka Nakor, 35wot ka Serugu, wot ka Reu, wot ka Peleg, wot ka Eber, wot ka Sela, 36wot ka Kainan, wot ka Arupakasad, wot ka Sem, wot ka Nua, wot ka Lamek, 37wot ka Metusela, wot ka Enoka, wot ka Yared, wot ka Makalalel, wot ka Kainan, 38wot ka Enosi, wot ka Set, wot ka Adamu, wot ka Rubanga.

Currently Selected:

Luka 3: BILKDC13

Highlight

Copy