KULOVOKA 3

Kalunga mwamusanyika Mose

1Jino Mose apwile nakufunga utanga waisewenu Yetelo wavimuna vavandende, ou kapilixitu wakuMicane, kaha atwalile utanga kunyima yapambo, ahetele kupili yaKalunga, kuHoleve.

2 # v. 4-11, 16; Kupu. 22.11, 15. Kangelo kaYehova alisolwele kuli ikiye mumulangi wakakahya mukaci #Luxi. 33.16; Mako 12.kaciputa. Atalile, kaha kumana, ciputa capwile nakuwana nakakahya, Oloze ciputa kacanongeleko.

3Mose alyambile ngwenyi, Nanguhandukilako jino, ngutale cuma cakukomwesa cino ngunamono, ngutacikize ika cinahonena ciputa kunonga.

4Yehova hakumumona mwahandukilako atale, Kalunga amusanyikile nalizu lyakufuma mukaci kaciputa, amwambile ngwenyi, Ove Mose, Ove Mose. Etavile ngwenyi, Yami uno mwane.

5Kalunga amwambile ngwenyi, Kanda upandama kwakamwihi kunoko, #Yoxu. 5.15.zula mendelo ove kumahinji ove, mwomwoho unemana hamavu ajila.

6Amwambile nawa ngwenyi, #Mateu 22.31, 32; Mako 12.26; Luka 20.37.Ami yami Kalunga kaiso, nguKalunga kaApalahama, nguKalunga kaIsaka, nguKalunga kaYakova. Kaha Mose alifwikile kumeso enyi, mwomwo evwile woma wakutala Kalunga, xikaho.

7Yehova amwambile ngwenyi, Camwenemwene ngunamono malwa avatu jami vali kuEjipitu, ngunevu miteto yavo hali vaka-kuvayanjisa, mwomwo ngunatacikiza luyando lwavo.

8Ngunatumu kwilu mangana ngukavapululule mumavoko avaEjipitu, ngukavalovole mulifuci lize, ngukavatwale kulifuci lyamwaza lyalinene, kulifuci lyakumbwambumuka mavele nawuci, kulifuci lyavaKanane navaHete navaAmole navaPeliji navaHivi navaYevuse.

9Kaha jino, tala, miteto yavana vaIsalele yinahete kuli Ami. Kaha nawa ngunamono makavaze vali nakuvamwenesa kuli vaEjipitu.

10Xikaho jino twaya, nangukutuma kuli Fwalo, mangana ukalovole vatu jami vana vaIsalele muEjipitu.

11Mose ambile kuli Kalunga ngwenyi, Ami yamiyaze numba nguye kuli Fwalo, ngukalovole vana vaIsalele muEjipitu?

12Kalunga amwambile ngwenyi, Camwenemwene nangupwanga nayove hamwe, kaheci nacikapwa cinjikizo kuli ove cakukulweza Ami ngunakutumu, ngwami, Omu naukalinga hiunavalovola lyehi vatu muEjipitu, namukazacila Kalunga hapili yino.

13Mose ambile kuli Kalunga ngwenyi, Tala, omu nangukaheta kuli vana vaIsalele, omu nangukavambulila ngwami, Kalunga kavakaka jenu nangutumu kuli enu, omu navakangwihula ngwavo, Lijina lyenyi Ikiyeya? kaha nangukavambulila ngwami ika?

14Kalunga ambile kuli Mose ngwenyi, #Yowa. 8.58; Kuso. 1.8; 4.8.NGwapwa Mungwapwa. Kaha amwambile ngwenyi, Mukiko naukambulula kuli vana vaIsalele ngwove, Ngwapwa nangutumu kuli enu.

15Kalunga ambile nawa kuli Mose ngwenyi, Ukambulula kuli vana vaIsalele ngwove, Yehova Kalunga kavakaka jenu, Kalunga kaApalahama, Kalunga kaIsaka, Kalunga kaYakova, nangutumu kuli enu. Eli likiko lijina lyami haya myaka yosena, eli likiko #Samu 30.4; 97.12; 102.12; 135.13. lyakungwanukilangaho kuli vatu vosena vakaya namyaka.

16Yako, ukakungulule vakulwane javaIsalele, ukavambulile ngwove, Yehova Kalunga kavakaka jenu, Kalunga kaApalahama, Kalunga kaIsaka, Kalunga kaYakova, nalisolola kuli ami ngwenyi, Ngunamyalakana cakumyalakana, ngunamonomu vali nakumilinga muEjipitu.

17Kaha ngunambe ngwami, Nangukamilovola mumalwa amuEjipitu, nakumitwala kulifuci lyavaKanane navaHete navaAmole navaPeliji navaHivi navaYevuse, kulifuci lyakumbwambumuka mavele nawuci.

18Navakevwilila mulizu lyove, kaha ukaya kuli mwangana waEjipitu, nayove navakulwane javaIsalele; mukamwambulile ngwenu, Yehova, Kalunga kavaHepeleu, natuwane. Kaha jino, aci tusuwule mwane, tuye mupambo kutambuka makumbi atatu, mangana tukamuvatwile Yehova Kalunga ketu vimuna.

19Kaha ngunatacikiza ngwami, mwangana waEjipitu kexi kukamisuwula cipwe nalivoko lyangoloko.

20KahAmi nangukolola livoko lyami, nakuveta Ejipitu navyuma vyami vyakukomwesa vyosena, vize nangukazata muli vakivo, kaha hakukuminyina numba himwakamisuwula.

21Nangukawanyisa vatu ava likoji kumeso avaEjipitu, kaha nacikasoloka, omu namukalovoka, kamwexi kukalovoka mavokovokoko.

22Oloze pwevo hipwevo akalombe vyuma vyapalata navyuma vyaulu namahina kuli ou nalihate nenyi nakuli ou natwame muzuvo yenyi, mukavavwikevyo vana venu vamalunga navava vamapwevo, kaha namukavatambula vaEjipitu vyavo.

Currently Selected:

KULOVOKA 3: LUE70

Highlight

Copy