KUPUTUKA 29
29
Yakova mwamuzacila Lavane hali Lakele naLeya
1Yakova ayile mujila yenyi, ahetele kulifuci lyavaka-musamuko.
2Atalile, amwene lixima kucana, kaha tala, kwapwile mautanga amikoko atatu vanautamako, mwomwo kulixima lize kukiko vavahanyinyinenga mikoko meya. Lilolwa lize lyapwile kukanwa kalixima lyapwile lyalinene.
3Vakungulwilenga mautangosena kuze, hikuxindumuna lilolwa kukanwa kalixima, nakuhana mikoko meya, numba vahilwise ceka lilolwa kukanwa kalixima kukahela kalyo.
4Yakova avehwile tufunga ngwenyi, Enu vandumbwami, munafumu kulihi?
5Vamwambile ngwavo, TuvakuHalane. Avehwile ngwenyi, Munatacikiza Lavane mwanaNahole walunga, tahi? Vamwambile ngwavo, Tunamutacikiza.
6Avehwile ngwenyi, Ikiye ali kanawa, tahi? Vamwambile ngwavo, Ali kanawa, kaha tala, mwanenyi wapwevo Lakele ou mweza namikoko.
7Avambile ngwenyi, Talenu likumbi lyalihwila, kanda lihete hakukungulula vimuna. Vahanenu mikoko meya, numba muyenga mukavalise.
8Vamwambile ngwavo, Katwexi kuhasako, kuvanga vanakungulula mautangosena nakuxindumuna lilolwa kukanwa kalixima, numba tuvahane mikoko meya.
9Ximbu apwile nakuhanjika navo, Lakele ejile namikoko jaise, mwomwo avafungilenga.
10Kaha casolokele, omu amwene Yakova Lakele mwanaLavane ndumbwanaye, namikoko jaLavane ndumbwanaye, Yakova apandamineko nakuxindumuna lilolwa kukanwa kalixima nakuhana mikoko jaLavane ndumbwanaye meya.
11Yakova amusweswenyele Lakele nakulila nalizu lyakukanguka.
12Yakova amulwezele Lakele ngwenyi, Yami mwihya waiso, yami mwanaLaveka. Kaha ikiye alahile nakulweza ise.
13Kaha casolokele, omu evwile Lavane mazu akuvuluka Yakova mwanandumbwenyi, alahile nakumusesa, amukwacile mukapanga nakumusweswenya, nakumutwala kuzuvo yenyi. Yakova amulwezele Lavane vyuma vyosenevi.
14Lavane amwambile ngwenyi, Camwenemwene ove ucifuhwa cami, unyama yami. Kaha atwamine nenyi kakweji wosena.
15Jino Lavane amwihwile Yakova ngwenyi, Ove unapu ukausoko wami, xikaho unguzacilenga tuhu cawana numba? Ngulweze, fweto yove yikapwe yika?
16Lavane apwile navana venyi vamapwevo vavali. Ou wamukulwane lijina lyenyi apwile ikiye Leya, ou wakanyike lijina lyenyi apwile ikiye Lakele.
17Meso aLeya apwile akufuvalala, oloze Lakele apwile wamwaza kumeso nakumujimba.
18Kaha Yakova azangile Lakele. Amwambile ngwenyi, Nangukuzacilanga myaka yitanu nayivali ukanguhane mwanove wakanyike Lakele.
19Lavane amwambile ngwenyi, Cinawahe ngukamuhangise kuli ove, kuhambakana kumuhangisa kuli lunga weka. Twamanga nayami.
20Ngoco Yakova azacililenga Lakele myaka yitanu nayivali. Kaha ayimwene nge makumbi amandende kaha, mwomwo hazangi yenyi amuzangile.
21Yakova ambile kuli Lavane ngwenyi, Nguhane pwevo lyami, mwomwo makumbi ami anatemo lyehi, mangana ngwingile muli ikiye.
22Lavane akungulwile malunga vosena vakuze, atelekele kulya caciwanyino.
23Kaha casolokele, hacingoloxi akondwele mwanenyi Leya nakumutwalilayo, kaha engilile muli ikiye.
24Lavane amuhanyine mwanenyi Leya ndungo yenyi wapwevo Zelepa kupwa ndungo yenyi.
25Kaha casolokele, hakuca, kumana, ikiye Leya. Amwihwile Lavane ngwenyi, Eyi unangulingi ika? Kangwamuzacilile Lakeleko numba? Unangutangixila ika?
26Lavane amwambile ngwenyi, Kuno katwexi kulinga ngocoko, kulivanga kuhangisou wakanyike Ximbu kanda vahangise ou watwatwa.
27Kumisa semana yayou, kaha natukuhana mukwavo nawa hamilimo naunguzacilanga myaka yikwavo yitanu nayivali.
28Yakova alingile ngoco, akumixile semana yenyi, kaha amuhanyine mwanenyi Lakele kupwa pwevo lyenyi.
29Lavane amuhanyine mwanenyi Lakele ndungo yenyi wapwevo Mbiliha kupwa ndungo yenyi.
30Engilile namuli Lakele nawa, kaha amuzangile Lakele kuhambakana Leya. Kaha amuzacililenga myaka yeka yitanu nayivali.
Vana vaYakova navasemuka
31Jino Yehova amwene omu vamuhungile Leya, kaha amuhanyine lusemo, oloze Lakele apwile mumba.
32Leya emicile lijimo, asemene mwana walunga, kaha amulukile lijina lyenyi ngwenyi, #29.32:Nge ngwenyi, Tala, mwana walunga.Luvene. Mwomwo ambile ngwenyi, Camwenemwene Yehova namono luyando lwami, xikaho lunga lyami mwanguzanga jino.
33Ceka nawa emicile lijimo, asemene mwana walunga. Kahambile ngwenyi, Mwomwo Yehova nevu omu vananguhungu, xikaho nanguhane nauno mwana walunga nawa. Kaha amulukile lijina lyenyi ngwenyi, #29.33:Nge ngwenyi, Kwivwa.Ximeyone.
34Ceka nawa emicile lijimo, asemene mwana walunga. Ambile ngwenyi, Jino lunga lyami mwalipanjika nayami, mwomwo ngunaseme nenyi vana vamalunga vatatu. Xikaho vamulukile lijina lyenyi ngwavo, #29.34:Nge ngwenyi, Wapandama.Levi.
35Ceka nawa emicile lijimo, asemene mwana walunga. Kahambile ngwenyi, Jino ngunamwalisa Yehova. Xikaho amulukile lijina lyenyi ngwenyi, #29.35 Nge ngwenyi, Kwalisa.Yuta. Kaha akumixile kusema.
Currently Selected:
KUPUTUKA 29: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
KUPUTUKA 29
29
Yakova mwamuzacila Lavane hali Lakele naLeya
1Yakova ayile mujila yenyi, ahetele kulifuci lyavaka-musamuko.
2Atalile, amwene lixima kucana, kaha tala, kwapwile mautanga amikoko atatu vanautamako, mwomwo kulixima lize kukiko vavahanyinyinenga mikoko meya. Lilolwa lize lyapwile kukanwa kalixima lyapwile lyalinene.
3Vakungulwilenga mautangosena kuze, hikuxindumuna lilolwa kukanwa kalixima, nakuhana mikoko meya, numba vahilwise ceka lilolwa kukanwa kalixima kukahela kalyo.
4Yakova avehwile tufunga ngwenyi, Enu vandumbwami, munafumu kulihi?
5Vamwambile ngwavo, TuvakuHalane. Avehwile ngwenyi, Munatacikiza Lavane mwanaNahole walunga, tahi? Vamwambile ngwavo, Tunamutacikiza.
6Avehwile ngwenyi, Ikiye ali kanawa, tahi? Vamwambile ngwavo, Ali kanawa, kaha tala, mwanenyi wapwevo Lakele ou mweza namikoko.
7Avambile ngwenyi, Talenu likumbi lyalihwila, kanda lihete hakukungulula vimuna. Vahanenu mikoko meya, numba muyenga mukavalise.
8Vamwambile ngwavo, Katwexi kuhasako, kuvanga vanakungulula mautangosena nakuxindumuna lilolwa kukanwa kalixima, numba tuvahane mikoko meya.
9Ximbu apwile nakuhanjika navo, Lakele ejile namikoko jaise, mwomwo avafungilenga.
10Kaha casolokele, omu amwene Yakova Lakele mwanaLavane ndumbwanaye, namikoko jaLavane ndumbwanaye, Yakova apandamineko nakuxindumuna lilolwa kukanwa kalixima nakuhana mikoko jaLavane ndumbwanaye meya.
11Yakova amusweswenyele Lakele nakulila nalizu lyakukanguka.
12Yakova amulwezele Lakele ngwenyi, Yami mwihya waiso, yami mwanaLaveka. Kaha ikiye alahile nakulweza ise.
13Kaha casolokele, omu evwile Lavane mazu akuvuluka Yakova mwanandumbwenyi, alahile nakumusesa, amukwacile mukapanga nakumusweswenya, nakumutwala kuzuvo yenyi. Yakova amulwezele Lavane vyuma vyosenevi.
14Lavane amwambile ngwenyi, Camwenemwene ove ucifuhwa cami, unyama yami. Kaha atwamine nenyi kakweji wosena.
15Jino Lavane amwihwile Yakova ngwenyi, Ove unapu ukausoko wami, xikaho unguzacilenga tuhu cawana numba? Ngulweze, fweto yove yikapwe yika?
16Lavane apwile navana venyi vamapwevo vavali. Ou wamukulwane lijina lyenyi apwile ikiye Leya, ou wakanyike lijina lyenyi apwile ikiye Lakele.
17Meso aLeya apwile akufuvalala, oloze Lakele apwile wamwaza kumeso nakumujimba.
18Kaha Yakova azangile Lakele. Amwambile ngwenyi, Nangukuzacilanga myaka yitanu nayivali ukanguhane mwanove wakanyike Lakele.
19Lavane amwambile ngwenyi, Cinawahe ngukamuhangise kuli ove, kuhambakana kumuhangisa kuli lunga weka. Twamanga nayami.
20Ngoco Yakova azacililenga Lakele myaka yitanu nayivali. Kaha ayimwene nge makumbi amandende kaha, mwomwo hazangi yenyi amuzangile.
21Yakova ambile kuli Lavane ngwenyi, Nguhane pwevo lyami, mwomwo makumbi ami anatemo lyehi, mangana ngwingile muli ikiye.
22Lavane akungulwile malunga vosena vakuze, atelekele kulya caciwanyino.
23Kaha casolokele, hacingoloxi akondwele mwanenyi Leya nakumutwalilayo, kaha engilile muli ikiye.
24Lavane amuhanyine mwanenyi Leya ndungo yenyi wapwevo Zelepa kupwa ndungo yenyi.
25Kaha casolokele, hakuca, kumana, ikiye Leya. Amwihwile Lavane ngwenyi, Eyi unangulingi ika? Kangwamuzacilile Lakeleko numba? Unangutangixila ika?
26Lavane amwambile ngwenyi, Kuno katwexi kulinga ngocoko, kulivanga kuhangisou wakanyike Ximbu kanda vahangise ou watwatwa.
27Kumisa semana yayou, kaha natukuhana mukwavo nawa hamilimo naunguzacilanga myaka yikwavo yitanu nayivali.
28Yakova alingile ngoco, akumixile semana yenyi, kaha amuhanyine mwanenyi Lakele kupwa pwevo lyenyi.
29Lavane amuhanyine mwanenyi Lakele ndungo yenyi wapwevo Mbiliha kupwa ndungo yenyi.
30Engilile namuli Lakele nawa, kaha amuzangile Lakele kuhambakana Leya. Kaha amuzacililenga myaka yeka yitanu nayivali.
Vana vaYakova navasemuka
31Jino Yehova amwene omu vamuhungile Leya, kaha amuhanyine lusemo, oloze Lakele apwile mumba.
32Leya emicile lijimo, asemene mwana walunga, kaha amulukile lijina lyenyi ngwenyi, #29.32:Nge ngwenyi, Tala, mwana walunga.Luvene. Mwomwo ambile ngwenyi, Camwenemwene Yehova namono luyando lwami, xikaho lunga lyami mwanguzanga jino.
33Ceka nawa emicile lijimo, asemene mwana walunga. Kahambile ngwenyi, Mwomwo Yehova nevu omu vananguhungu, xikaho nanguhane nauno mwana walunga nawa. Kaha amulukile lijina lyenyi ngwenyi, #29.33:Nge ngwenyi, Kwivwa.Ximeyone.
34Ceka nawa emicile lijimo, asemene mwana walunga. Ambile ngwenyi, Jino lunga lyami mwalipanjika nayami, mwomwo ngunaseme nenyi vana vamalunga vatatu. Xikaho vamulukile lijina lyenyi ngwavo, #29.34:Nge ngwenyi, Wapandama.Levi.
35Ceka nawa emicile lijimo, asemene mwana walunga. Kahambile ngwenyi, Jino ngunamwalisa Yehova. Xikaho amulukile lijina lyenyi ngwenyi, #29.35 Nge ngwenyi, Kwalisa.Yuta. Kaha akumixile kusema.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.