KUPUTUKA 30
30
1Omu alimwene Lakele ngwenyi, Kangwasemene vana naYakovako, Lakele evwile luxiwuxiwu kuli yayenyi, ambile kuli Yakova ngwenyi, Nguhane vana, mokomoko nangufwa.
2Kaha Yakova amutenukilile Lakele, amwambile ngwenyi, Ami ngunapu mukahela kaKalunga numba, Ou nakuminyi kusema vana?
3Lakele amwambile ngwenyi, Talou ndungo yami wapwevo Mbiliha. Ingila muli ikiye, mangana akasemene hamambuli ami, ngoco nayami nawa ngukawane vana hali ikiye.
4Amuhanyine ndungo yenyi Mbiliha kupwa pwevo lyenyi, kaha Yakova engilile muli ikiye.
5Mbiliha emicile lijimo, asemene mwana walunga naYakova.
6Lakele ambile ngwenyi, Kalunga nanguyulu, nevwilila mulizu lyami, nanguhane mwana walunga. Xikaho amulukile lijina lyenyi ngwenyi, #30.6 Nge ngwenyi, Kuyula.Ndane.
7Ndungo yaLakele Mbiliha emicile ceka lijimo, asemene mwana walunga wamucivali naYakova.
8Lakele ambile ngwenyi, Kulipika ngunalipiki cikuma nayayami, kaha ngunamuhase. Kaha amulukile lijina lyenyi ngwenyi, #30.8:Nge ngwenyi, Kulipika.Nafwatale.
9Omu alimwene Leya ngwenyi, Ngunakumisa kusema, anehele ndungo yenyi wapwevo Zelepa, amuhanyine kuli Yakova kupwa pwevo lyenyi.
10Ndungo yaLeya Zelepa asemene mwana walunga naYakova.
11Leya ambile ngwenyi, Okutokwa! Kaha amulukile lijina lyenyi ngwenyi, #30.11:Nge ngwenyi, Kutokwa.Ngate.
12Zelepa ndungo yaLeya asemene mwana walunga wamucivali naYakova.
13Leya ambile ngwenyi, Ngunawahilila! Mwomwo vana vamapwevo navakanguvuluka ngwavo, Nawahilila! Kaha amulukile lijina lyenyi ngwenyi, #30.13:Nge ngwenyi, Kuwahilila.Axele.
14Luvene ayile mucipapa hamakumbi akwaha tiliku, kaha awanyineko #30.14:Mihako yakulifuci lize.mandeleke, awatwalile kuli naye Leya. Lakele ambile kuli Leya ngwenyi, Aci nguhaneko mandeleke amwanove.
15Amwambile ngwenyi, Omu unangutambula lunga lyami cinapu cuma cacindende numba? Kaha jino nausaka kutambula mandeleke amwanami nawa? Lakele amwambile ngwenyi, Xikaho ufuku uno Yakova mwasavala nayove hamandeleke amwanove.
16Hacingoloxi Yakova afumine mucipapa, kaha Leya ayile nakumukikilila, amwambile ngwenyi, Catela kuli ove kwingila muli ami, mwomwo Camwenemwene ngunakuhanyina lyehi fweto yamandeleke amwanami. Ngoco asavalile nenyi ufuku uze.
17Kalunga amwivwililile Leya, kahemicile lijimo, asemene mwana walunga wamucitanu naYakova.
18Leya ambile ngwenyi, Kalunga nanguhane fweto yami, mwomwo ngwahanyine ndungo yami wapwevo kuli lunga lyami. Kaha amulukile lijina lyenyi ngwenyi, #30.18:Nge ngwenyi, Fweto.Isakale.
19Leya emicile ceka lijimo, asemene mwana walunga wamucitanu naumwe naYakova.
20Leya ambile ngwenyi, Kalunga nanguhane wana waunene. Jino lunga lyami mwatwama nayami mwomwo ngunaseme nenyi vana vamalunga vatanu naumwe. Kaha amulukile lijina lyenyi ngwenyi, #30.20:Nge ngwenyi, Kutwama.Zevulune.
21Munyima yavo asemene nawa mwana wapwevo, amulukile lijina lyenyi ngwenyi, Njina.
22Kalunga anukile Lakele, Kalunga amwivwililile nakumuhana lusemo.
23Emicile lijimo, asemene mwana walunga. Ambile ngwenyi, Kalunga nangufumisa kusauka cami.
24Kaha amulukile lijina lyenyi ngwenyi, #30.24:Nge ngwenyi, Mwakahakilako.Yosefwe, ambile ngwenyi, Yehova mwakanguhakilako mwana walunga mukwavo.
Omu navalyonga vaLavane naYakova
25Kaha casolokele, omu alingile Lakele hanaseme lyehi Yosefwe, Yakova ambile kuli Lavane ngwenyi, Ngusuwule, mangana nguyenga kumahyami, kulifuci lyami.
26Nguhane mapwevo jami navana vami, ava ngunakuzacililanga, nguyenga, mwomwo unatacikiza milimo yami ngunakuzacilanga.
27Lavane amwambile ngwenyi, Kaci nge ngunawane likoji kumeso ove, twamanga tuhu, mwomwo ngunamono ngwami, Yehova nanguwahisa hali ove.
28Amwambile ngwenyi, Tongola fweto yove, kaha nangukuhanayo.
29Yakova amwambile ngwenyi, Unatacikizomu ngunakuzacila, nomu vanatwame vimuna jove kuli ami.
30Mwomwo ximbu ngwapwile kanda ngwizenga, ove wapwile navimuna vavandende kaha, oloze jino vanazevumuka, vanapu vavavulu. Yehova nakuwahisa kwexokwo ngunalumukila. Kaha jino mwaka uka nangukavatalilava vakuzuvo yami nawa vyuma?
31Amwambile ngwenyi, Ngukakuhane ika? Yakova ambile ngwenyi, Kanda ukanguhana cumako. Kaci nge naungulingila cumeci, kaha nangulisanga ceka vimuna jove nakuvafunga.
32Lelo nanguhita muutanga wove wosena, nakuhandununava vali namavalanga-mavalanga mumikoko, navava vali namapelenge, navosenava velava, navapembe vosenava vali namapelenge navava vali namavalanga-mavalanga, vakivo navapwa fweto yami.
33Ngoco kwoloka cami nacikangu-hakwila kumwaka, omu naukeza hafweto yami yili kumeso ove. Vapembe vosena vakuzeneka mavalanga-mavalanga namapelenge, namikoko vosena vakuzeneka kwilava, vaze, nge navakavamona kuli ami, navakavamona ngwavo, vakwiva.
34Lavane amwambile ngwenyi, Tala, ngwami, kaci nacipwa nganomu unahanjika.
35Halikumbi lize Lavane ahandunwine vizamba javapembe vapwile namapenga navava vapwile namapelenge, navihwevo javapembe vapwile namavalanga-mavalanga navava vapwile namapelenge, navosena vaze vapwile namangonamwe atoma, namikoko vosena velava, kaha avahanyine mumavoko avana venyi vamalunga.
36Ahandukile kuli Yakova, tando yakutambuka camakumbi atatu. Kaha Yakova afungilenga vimuna jaLavane vakwavo.
37Yakova atetele tuvitondo #30.37 Mitondo yakulifuci lize.twamipopela #30.37 Mitondo yakulifuci lize.namimonde #30.37 Mitondo yakulifuci lize.namipelene tututa, atendwileho mahanya atoma, alingixile kutoma catuze tuvitondo kusoloka.
38Kaha tuvitondo tuze atendwile atujikile kwakulitalasana navimuna muze mwakuhicila meya muvizau vyameya kuze vejilenga vimuna nakunwa, kaha vemicilenga majimo omu vejile nakunwa.
39Vimuna vemicilenga majimo kulutwe lwatuze tuvitondo, kaha vasemene vana vakweci mapenga navava vamavalanga-mavalanga navava vamapelenge.
40Yakova ahandunwine vana, atalixile vimuna kuli vakweci mapenga, nakuli vosena vaze vamuutanga waLavane velava. Ahakile mautangenyi nahawo, kavahakile navimuna jaLavane hamweko.
41Kaha casolokele, cosena vemicile vimuna vaka-ngolo majimo, Yakova atumbikile tuze tuvitondo kumeso avimuna kuze kwakuhicila meya, mangana vemite majimo mukaci katuvitondo.
42Oloze omu vahonene vimuna ngolo, kahakile tuze tuvitondoko. Ngoco vaze vakuhona ngolo vapwile vaLavane, oloze vaze vangolo vapwile vaYakova.
43Ngoco uze lunga luheto lwenyi lwambwambumukile cikumakuma, apwile namautanga amanene, navandungo vamapwevo navava vamalunga, navangamela, navimbulu.
Currently Selected:
KUPUTUKA 30: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
KUPUTUKA 30
30
1Omu alimwene Lakele ngwenyi, Kangwasemene vana naYakovako, Lakele evwile luxiwuxiwu kuli yayenyi, ambile kuli Yakova ngwenyi, Nguhane vana, mokomoko nangufwa.
2Kaha Yakova amutenukilile Lakele, amwambile ngwenyi, Ami ngunapu mukahela kaKalunga numba, Ou nakuminyi kusema vana?
3Lakele amwambile ngwenyi, Talou ndungo yami wapwevo Mbiliha. Ingila muli ikiye, mangana akasemene hamambuli ami, ngoco nayami nawa ngukawane vana hali ikiye.
4Amuhanyine ndungo yenyi Mbiliha kupwa pwevo lyenyi, kaha Yakova engilile muli ikiye.
5Mbiliha emicile lijimo, asemene mwana walunga naYakova.
6Lakele ambile ngwenyi, Kalunga nanguyulu, nevwilila mulizu lyami, nanguhane mwana walunga. Xikaho amulukile lijina lyenyi ngwenyi, #30.6 Nge ngwenyi, Kuyula.Ndane.
7Ndungo yaLakele Mbiliha emicile ceka lijimo, asemene mwana walunga wamucivali naYakova.
8Lakele ambile ngwenyi, Kulipika ngunalipiki cikuma nayayami, kaha ngunamuhase. Kaha amulukile lijina lyenyi ngwenyi, #30.8:Nge ngwenyi, Kulipika.Nafwatale.
9Omu alimwene Leya ngwenyi, Ngunakumisa kusema, anehele ndungo yenyi wapwevo Zelepa, amuhanyine kuli Yakova kupwa pwevo lyenyi.
10Ndungo yaLeya Zelepa asemene mwana walunga naYakova.
11Leya ambile ngwenyi, Okutokwa! Kaha amulukile lijina lyenyi ngwenyi, #30.11:Nge ngwenyi, Kutokwa.Ngate.
12Zelepa ndungo yaLeya asemene mwana walunga wamucivali naYakova.
13Leya ambile ngwenyi, Ngunawahilila! Mwomwo vana vamapwevo navakanguvuluka ngwavo, Nawahilila! Kaha amulukile lijina lyenyi ngwenyi, #30.13:Nge ngwenyi, Kuwahilila.Axele.
14Luvene ayile mucipapa hamakumbi akwaha tiliku, kaha awanyineko #30.14:Mihako yakulifuci lize.mandeleke, awatwalile kuli naye Leya. Lakele ambile kuli Leya ngwenyi, Aci nguhaneko mandeleke amwanove.
15Amwambile ngwenyi, Omu unangutambula lunga lyami cinapu cuma cacindende numba? Kaha jino nausaka kutambula mandeleke amwanami nawa? Lakele amwambile ngwenyi, Xikaho ufuku uno Yakova mwasavala nayove hamandeleke amwanove.
16Hacingoloxi Yakova afumine mucipapa, kaha Leya ayile nakumukikilila, amwambile ngwenyi, Catela kuli ove kwingila muli ami, mwomwo Camwenemwene ngunakuhanyina lyehi fweto yamandeleke amwanami. Ngoco asavalile nenyi ufuku uze.
17Kalunga amwivwililile Leya, kahemicile lijimo, asemene mwana walunga wamucitanu naYakova.
18Leya ambile ngwenyi, Kalunga nanguhane fweto yami, mwomwo ngwahanyine ndungo yami wapwevo kuli lunga lyami. Kaha amulukile lijina lyenyi ngwenyi, #30.18:Nge ngwenyi, Fweto.Isakale.
19Leya emicile ceka lijimo, asemene mwana walunga wamucitanu naumwe naYakova.
20Leya ambile ngwenyi, Kalunga nanguhane wana waunene. Jino lunga lyami mwatwama nayami mwomwo ngunaseme nenyi vana vamalunga vatanu naumwe. Kaha amulukile lijina lyenyi ngwenyi, #30.20:Nge ngwenyi, Kutwama.Zevulune.
21Munyima yavo asemene nawa mwana wapwevo, amulukile lijina lyenyi ngwenyi, Njina.
22Kalunga anukile Lakele, Kalunga amwivwililile nakumuhana lusemo.
23Emicile lijimo, asemene mwana walunga. Ambile ngwenyi, Kalunga nangufumisa kusauka cami.
24Kaha amulukile lijina lyenyi ngwenyi, #30.24:Nge ngwenyi, Mwakahakilako.Yosefwe, ambile ngwenyi, Yehova mwakanguhakilako mwana walunga mukwavo.
Omu navalyonga vaLavane naYakova
25Kaha casolokele, omu alingile Lakele hanaseme lyehi Yosefwe, Yakova ambile kuli Lavane ngwenyi, Ngusuwule, mangana nguyenga kumahyami, kulifuci lyami.
26Nguhane mapwevo jami navana vami, ava ngunakuzacililanga, nguyenga, mwomwo unatacikiza milimo yami ngunakuzacilanga.
27Lavane amwambile ngwenyi, Kaci nge ngunawane likoji kumeso ove, twamanga tuhu, mwomwo ngunamono ngwami, Yehova nanguwahisa hali ove.
28Amwambile ngwenyi, Tongola fweto yove, kaha nangukuhanayo.
29Yakova amwambile ngwenyi, Unatacikizomu ngunakuzacila, nomu vanatwame vimuna jove kuli ami.
30Mwomwo ximbu ngwapwile kanda ngwizenga, ove wapwile navimuna vavandende kaha, oloze jino vanazevumuka, vanapu vavavulu. Yehova nakuwahisa kwexokwo ngunalumukila. Kaha jino mwaka uka nangukavatalilava vakuzuvo yami nawa vyuma?
31Amwambile ngwenyi, Ngukakuhane ika? Yakova ambile ngwenyi, Kanda ukanguhana cumako. Kaci nge naungulingila cumeci, kaha nangulisanga ceka vimuna jove nakuvafunga.
32Lelo nanguhita muutanga wove wosena, nakuhandununava vali namavalanga-mavalanga mumikoko, navava vali namapelenge, navosenava velava, navapembe vosenava vali namapelenge navava vali namavalanga-mavalanga, vakivo navapwa fweto yami.
33Ngoco kwoloka cami nacikangu-hakwila kumwaka, omu naukeza hafweto yami yili kumeso ove. Vapembe vosena vakuzeneka mavalanga-mavalanga namapelenge, namikoko vosena vakuzeneka kwilava, vaze, nge navakavamona kuli ami, navakavamona ngwavo, vakwiva.
34Lavane amwambile ngwenyi, Tala, ngwami, kaci nacipwa nganomu unahanjika.
35Halikumbi lize Lavane ahandunwine vizamba javapembe vapwile namapenga navava vapwile namapelenge, navihwevo javapembe vapwile namavalanga-mavalanga navava vapwile namapelenge, navosena vaze vapwile namangonamwe atoma, namikoko vosena velava, kaha avahanyine mumavoko avana venyi vamalunga.
36Ahandukile kuli Yakova, tando yakutambuka camakumbi atatu. Kaha Yakova afungilenga vimuna jaLavane vakwavo.
37Yakova atetele tuvitondo #30.37 Mitondo yakulifuci lize.twamipopela #30.37 Mitondo yakulifuci lize.namimonde #30.37 Mitondo yakulifuci lize.namipelene tututa, atendwileho mahanya atoma, alingixile kutoma catuze tuvitondo kusoloka.
38Kaha tuvitondo tuze atendwile atujikile kwakulitalasana navimuna muze mwakuhicila meya muvizau vyameya kuze vejilenga vimuna nakunwa, kaha vemicilenga majimo omu vejile nakunwa.
39Vimuna vemicilenga majimo kulutwe lwatuze tuvitondo, kaha vasemene vana vakweci mapenga navava vamavalanga-mavalanga navava vamapelenge.
40Yakova ahandunwine vana, atalixile vimuna kuli vakweci mapenga, nakuli vosena vaze vamuutanga waLavane velava. Ahakile mautangenyi nahawo, kavahakile navimuna jaLavane hamweko.
41Kaha casolokele, cosena vemicile vimuna vaka-ngolo majimo, Yakova atumbikile tuze tuvitondo kumeso avimuna kuze kwakuhicila meya, mangana vemite majimo mukaci katuvitondo.
42Oloze omu vahonene vimuna ngolo, kahakile tuze tuvitondoko. Ngoco vaze vakuhona ngolo vapwile vaLavane, oloze vaze vangolo vapwile vaYakova.
43Ngoco uze lunga luheto lwenyi lwambwambumukile cikumakuma, apwile namautanga amanene, navandungo vamapwevo navava vamalunga, navangamela, navimbulu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.