KUPUTUKA 33
33
Yakova naEsau navaliwana ceka
1Yakova andwile meso enyi, atalile, amwene Esau mweza, namalunga makulukaji awana. Ahandunwine vana, ava kuli Leya, ou kuli Lakele, ava kuli vandungo vamapwevo vavali.
2Vandungo vamapwevo navana vavo avatwamikile kulutwe, naLeya navana venyi munyima yavo, naLakele naYosefwe hakukuminyina.
3Ivene ahicile kulutwe lwavo, alifukwile katanu nakavali nameso enyi hamavu, palanga nomu ahetele kwakamwihi nayayenyi.
4Esau alahile nakumusesa, amukwacile mukapanga, amukundaminyine haxingo yenyi nakumusweswenya, kaha valilile.
5Andwile meso enyi nakumona mapwevo navana. Amwihwile ngwenyi, Ava uli navo veya? Amwambile ngwenyi, Ava vakivo vana nahane Kalunga nalikoji lyenyi kuli ami ngamba yove.
6Kaha vandungo vamapwevo vapandamineko, navakivo navana vavo nakulifukula.
7NaLeya nawa navana venyi vapandamineko nakulifukula. Hakukuminyina Yosefwe apandamineko naLakele nakulifukula.
8Esau amwihwile ngwenyi, Lizavu lyosenolyo ngwahumangananga lyaka? Amwambile ngwenyi, Mangana nguwane likoji kumeso ayove mwata wami.
9Esau amwambile ngwenyi, Ove songo yami, nguli naluheto twatuvulu. Ovyo uli navyo vilamenga tuhu.
10Yakova amwambile ngwenyi, Ciku mwane, kaci nge ngunawane jino likoji kumeso ove, aci tambule wana wove kulivoko lyami mwane. Mwomwo ngunamono meso ove, nge kumona meso aKalunga, kahove unangwivwila kuwaha.
11Aci tambule mwane wana wove ngunakunehela, mwomwo Kalunga nangutetela, kaha nguli navyuma vyavivulu. Amuxinjilile, kaha autambwile.
12Esau amwambile ngwenyi, Tukatukenu tuyenu, kahami nangukutwaminyinako.
13Yakova amwambile ngwenyi, Ove mwata wami, unatacikiza vana vanapu vavavwovu, mautanga avimuna vavandende nawawa avangombe nguli nawo vali navana vavo. Kaci nge navavatambukisa cikuma likumbi limwe, kaha vimuna vavandende vosena navafwa.
14Ove mwata wami, acitave mwane kuya kulutwe lwayami ngamba yove, kahami nangutambuka cikoki-cikoki nge omu navatambuka vimuna nguli navo, nge omu navatambuka vana vami, palanga nomu nangukaheta kuli ove mwata wami kuSeile.
15Esau amwambile ngwenyi, Ngukuseleko vatu vamwe nguli navo. Amwambile ngwenyi, Mwomwo ika? Nguwane likoji kumeso ayove mwata wami.
16Ngoco Esau ahilukile likumbi lize, ayile mujila yenyi kuSeile.
17Oloze Yakova atambukile nakuya kuSukote, alitungilile zuvo kuze, navisakila vyavimuna jenyi. Xikaho valukile kuze ngwavo, #33.17:Nge ngwavo, Kuvisakila.kuSukote.
18Jino omu afumine kuPatane-alame, Yakova ahetele nakeke kwimbo lyaXekeme lili mulifuci lyaKanane. Atungile cilombo cenyi kwakamwihi nalimbo lize.
19Kaha mavu aze kwalemene mbalaka yenyi awalanjile nalikulukaji lyajimbongo kuli vana vaHamole, ise yaXekeme.
20Atungile lijiko lyakulumbila kuze, alilukile ngwenyi, #33.20:Nge ngwenyi, Kalunga, Kalunga vaIsalele.Ele-elohe-Isalele.
Currently Selected:
KUPUTUKA 33: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
KUPUTUKA 33
33
Yakova naEsau navaliwana ceka
1Yakova andwile meso enyi, atalile, amwene Esau mweza, namalunga makulukaji awana. Ahandunwine vana, ava kuli Leya, ou kuli Lakele, ava kuli vandungo vamapwevo vavali.
2Vandungo vamapwevo navana vavo avatwamikile kulutwe, naLeya navana venyi munyima yavo, naLakele naYosefwe hakukuminyina.
3Ivene ahicile kulutwe lwavo, alifukwile katanu nakavali nameso enyi hamavu, palanga nomu ahetele kwakamwihi nayayenyi.
4Esau alahile nakumusesa, amukwacile mukapanga, amukundaminyine haxingo yenyi nakumusweswenya, kaha valilile.
5Andwile meso enyi nakumona mapwevo navana. Amwihwile ngwenyi, Ava uli navo veya? Amwambile ngwenyi, Ava vakivo vana nahane Kalunga nalikoji lyenyi kuli ami ngamba yove.
6Kaha vandungo vamapwevo vapandamineko, navakivo navana vavo nakulifukula.
7NaLeya nawa navana venyi vapandamineko nakulifukula. Hakukuminyina Yosefwe apandamineko naLakele nakulifukula.
8Esau amwihwile ngwenyi, Lizavu lyosenolyo ngwahumangananga lyaka? Amwambile ngwenyi, Mangana nguwane likoji kumeso ayove mwata wami.
9Esau amwambile ngwenyi, Ove songo yami, nguli naluheto twatuvulu. Ovyo uli navyo vilamenga tuhu.
10Yakova amwambile ngwenyi, Ciku mwane, kaci nge ngunawane jino likoji kumeso ove, aci tambule wana wove kulivoko lyami mwane. Mwomwo ngunamono meso ove, nge kumona meso aKalunga, kahove unangwivwila kuwaha.
11Aci tambule mwane wana wove ngunakunehela, mwomwo Kalunga nangutetela, kaha nguli navyuma vyavivulu. Amuxinjilile, kaha autambwile.
12Esau amwambile ngwenyi, Tukatukenu tuyenu, kahami nangukutwaminyinako.
13Yakova amwambile ngwenyi, Ove mwata wami, unatacikiza vana vanapu vavavwovu, mautanga avimuna vavandende nawawa avangombe nguli nawo vali navana vavo. Kaci nge navavatambukisa cikuma likumbi limwe, kaha vimuna vavandende vosena navafwa.
14Ove mwata wami, acitave mwane kuya kulutwe lwayami ngamba yove, kahami nangutambuka cikoki-cikoki nge omu navatambuka vimuna nguli navo, nge omu navatambuka vana vami, palanga nomu nangukaheta kuli ove mwata wami kuSeile.
15Esau amwambile ngwenyi, Ngukuseleko vatu vamwe nguli navo. Amwambile ngwenyi, Mwomwo ika? Nguwane likoji kumeso ayove mwata wami.
16Ngoco Esau ahilukile likumbi lize, ayile mujila yenyi kuSeile.
17Oloze Yakova atambukile nakuya kuSukote, alitungilile zuvo kuze, navisakila vyavimuna jenyi. Xikaho valukile kuze ngwavo, #33.17:Nge ngwavo, Kuvisakila.kuSukote.
18Jino omu afumine kuPatane-alame, Yakova ahetele nakeke kwimbo lyaXekeme lili mulifuci lyaKanane. Atungile cilombo cenyi kwakamwihi nalimbo lize.
19Kaha mavu aze kwalemene mbalaka yenyi awalanjile nalikulukaji lyajimbongo kuli vana vaHamole, ise yaXekeme.
20Atungile lijiko lyakulumbila kuze, alilukile ngwenyi, #33.20:Nge ngwenyi, Kalunga, Kalunga vaIsalele.Ele-elohe-Isalele.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.